Tag: ابتدائی رپورٹ

پشاور : باجوڑ دھماکے کی ابتدائی رپورٹ میں واقعے میں ملوث سات مبینہ دہشت گردوں کی نشاندہی ہوگئی۔

تفصیلات کے مطابق محکمہ انسداد دہشت گردی (سی ٹی ڈی) نے باجوڑ دھماکےکی ابتدائی رپورٹ تیار کرلی۔

جس میں بتایا گیا ہے کہ دھماکے کی جگہ سے موٹر سائیکل کے پرزے، بارودی مواد اور خون کے نمونے ملے، جائے وقوعہ سے آئی ای ڈی کے ٹکڑے بھی ملے۔

رپورٹ میں کہا گیا کہ واقعے میں ملوث سات مبینہ دہشت گردوں کی نشاندہی ہوگئی ہے۔

اس سے قبل دھماکے کا مقدمہ تھانہ سی ٹی ڈی میں درج کیا گیا ، جس میں دہشتگری دفعات شامل کی گئیں تھیں۔

مقدمے کے متن میں کہا گیا کہ اے سی ٹیم کے ہمراہ تجاوزات کے خلاف آپریشن کررہے تھے کہ اطلاع موصول ہوئی کہ کہ اے سی اور دیگر پر حملہ ہوا ، حملے میں اسسٹنٹ کمشنرسمیت 4 افراد شہید ہوئے، دھماکا سٹرک کنارے کھڑی موٹرسائیکل میں نصب بارودی مواد سے ہوا۔

گذشتہ روز باجوڑ میں بم دھماکے میں اسسٹنٹ کمشنرنواگئی سمیت 5افراد شہید اور دس زخمی ہوگئے تھے۔

مزید پڑھیں : باجوڑ بم دھماکہ میں شہدا کی تعداد 5 ہوگئی، 10 زخمی

ڈی پی او وقاص رفیق نے بتایا تھا پھاٹک میلہ کےقریب اسسٹنٹ کمشنرکی گاڑی کونشانہ بنایاگیا، شہیدہونیوالوں میں تحصیلدار وکیل خان، دو پولیس اہلکار اور ایک راہگیر شامل ہے جبکہ حملے میں شدید زخمی چار افراد پشاور منتقل کیے گئے ہیں۔

ڈی پی او نے یہ بھی بتایا تھا کہ حملہ خودکش تھا یا بارودی سرنگ پھٹنے سے دھماکا ہوا، اس کی تحقیقات کررہے ہیں۔

دھماکے میں شہیداسسٹنٹ کمشنر فیصل اسماعیل کا تعلق سوات سے ہے۔

پشاور: صوبہ خیبر پختونخوا کوہاٹ ڈویژن کے ضلع ہنگو کی تحصیل دوبہ میں تھانے کی مسجد میں ہونے والے دھماکے کی ابتدائی رپورٹ تیار کرلی گئی۔

اے آر وائی نیوز کے مطابق آج صوبہ خیبر پختونخوا میں ہنگو میں مسجد میں اس وقت دھماکا ہوا جب نماز جمعہ کے لیے خطبہ دیا جا رہا تھا۔ دھماکے کے نتیجے میں 4 نمازی شہید جب کہ 12 زخمی ہوئے۔

ابتدائی رپورٹ میں بتایا گیا ہے کہ پولیس الرٹ ہونے کی وجہ سے نقصان کم ہوا، 2خودکش حملہ آور مسجد میں داخل ہونے کیلئے پہنچے تھے، فائرنگ کے تبادلے کے وقت نمازی بروقت مسجد سے نکلنے میں کامیاب رہے۔

پولیس کے بروقت اقدام سے ایک خودکش حملہ آور کو مسجد کے باہر ہلاک کردیا گیا، نمازیوں کے عین وقت پر مسجد سے نکلنے کی وجہ سے جانی نقصان کم ہوا۔

رپورٹ کے مطابق فائرنگ کے دوران دوسرا خودکش حملہ آور مسجد میں داخل ہوا، حملہ آور کہاں سے آئے، اس حوالے سے مزید تحقیقات ہر پہلو سے جاری ہے۔

فیصل آباد : جڑانوالہ میں توہین مذہب کے مبینہ واقعے کے بعد 19 گرجا گھر اور 86 گھروں کو جلایا گیا، سب سے زیادہ نقصان عیسیٰ نگری اور چمڑہ منڈی میں ہوا۔

تفصیلات کے مطابق پنجاب کے ضلع فیصل آباد کے شہر جڑانوالہ واقعے کے دوران املاک کے نقصان کی ابتدائی رپورٹ تیار کرلی گئی۔

تحصیلدار جڑانوالہ نے ڈویژنل کمشنر کو ابتدائی رپورٹ پیش کر دی ہے، جس میں بتایا ہے کہ 16اگست کو مظاہرین نے 19 چرچ اور 86 گھروں کو جلایا، سب سے زیادہ نقصان عیسیٰ نگری اور محلہ چمڑہ منڈی میں ہوا۔

محلہ کیمپ ، آبادی ٹیلیفون ایکسچینج ، فاروق پارک بھی متاثرہ علاقوں میں شامل ہیں جبکہ مہاراں والا ، شہروآنہ ،کموآنہ اورچک 240میں بھی توڑپھوڑکی گئی۔

گذشتہ روز جڑانوالہ واقعے میں مالی نقصان کا تخمینہ لگانے کے لئے کمیٹی تشکیل دی گئی تھی، اے ڈی سی ریونیو کی سربراہی میں8 رکنی کمیٹی کا نوٹی فکیشن جاری کیا گیا تھا۔

ریونیو ، ایکسائز اور میونسپل کارپوریشن کے افسران کمیٹی کے رکن مقررکئے گئے اور کمیٹی کو 3روز میں تخمینے کی رپورٹ پیش کرنے کی ہدایت کی گئی تھی، کمیٹی گھروں اور دوسری املاک کے نقصان کا جائزہ لے گی۔