Tag: ابرار الحق

پاکستانی گلوکار ابرارالحق نے انکشاف کیا ہے کہ ان سے بھارتی گلوکار ہنی سنگھ نے رابطہ کیا تو انھوں نے عورت سمجھ کر فون بند کردیا۔

اس حوالے سے ایک پوڈ کاسٹ میں گفتگو کے دوران ابرارالحق نے دلچسپ واقعہ سناتے ہوئے کہا کہ ہنی سنگھ کی جانب سے جب پہلی بار رابطہ کیا گیا تو انھیں غلطی سے عورت سمجھ بیٹھا تھا، ان کے منیجر نے انھیں بتایا تھا کہ ہنی نام کی ایک ’عورت‘ ان کے ساتھ گانا بنانا چاہتی ہے۔

ابرارالحق کا مزید کہنا تھا کہ نے عورت کا نام سننے کے بعد میں نے ساتھ کام کرنے سے منع کردیا تھا، تاہم ریپر ہنی سنگھ نے دوبارہ منیجر سے رابطہ کیا تو پھر بات آگے بڑھی۔

اس موقع پر’بلو دے گھر‘ سے مقبولیت حاصل کرنے والے گلوکار نے بتایا کہ جس ہنی کو انھوں نے عورت سمجھنے کی غلطی کی تھی وہ مقبول بھارتی گلوکار ہنی سنگھ تھے۔

ابرارالحق کو جب پتا چلا کہ کال کرنے والا ہنی سنگھ ہی ہے تو ان کی غلط فہمی دور ہوئی، پھر ابرار نے ہنی سے بات کی اس کے بعد دونوں نے مل کر ایک ٹریک بھی بنایا تھا، تاہم انھوں نے ٹریک کے بارے میں کچھ خاص نہیں بتایا۔

معروف گلوکار ابرارلحق نے اپنے نامناسب روہے پر معافی مانگ لی ہے جبکہ اپنے دل کی خلش کے حوالے سے بھی کھل کر اظہار خیال کیا ہے۔

ایک پروگرام میں بطور مہمان شرکت کرنے والے پاکستان کے نامور گلوکار نے اپنے والدین کے حوالے سے ادھوری رہ جانے والی خواہش پر کھل کر بات کی اور ساتھ ہی چند لوگوں کے ساتھ اپنے نامناسب رویے کی بھی معافی مانگی۔

اپنے خیالات کا اظہار کرتے ہوئے پاکستان کے نامور گلوکار کا کہنا تھا کہ کاش میں والدین کی تھوڑی اور خدمت کرلیتا۔ میری خواہش تھی کہ میں والدین کے ساتھ اپنی کامیابیاں بانٹ سکتا جو میں نہیں کر سکا۔

پروگرام میں ان سے پوچھا گیا کہ کوئی کسک رہ گئی ہو یا ایسا پچھتاوا جس پر آپ شرمندہ ہوں، اس کے جواب میں ابرار نے بتایا کہ جب میں نے نئی نئی گاڑی خریدی تھی تو میری گاڑی کو پیچھے سے دوسری گاڑی والے نے ٹکر مار دی تھی۔

انھوں نے بتایا کہ اس وقت مجھے بہت غصہ آیا میں نے اس سے کہا کہ اندھے ہو کیا لیکن جب اس نے میری طرف دیکھا تو اندازہ ہوا کہ واقعی اسے ٹھیک سے نظر نہیں آتا تھا پھر وہ محنت کرکے پیسے کما رہا تھا، تو میں اس شخص سے معافی مانگنا چاہتا ہوں۔

گلوکار کا کہنا تھا کہ میں ایک اور شخص سے معافی مانگنا چاہتا ہو، جب والد حیات تھے تو بیشتر افراد ان کے پاس مدد مانگنے کے لیے آیا کرتے تھے، ایک بار ایک آدمی کو اپنی چھت بنوانے کے لیے کافی پیسے چاہیے تھے۔

میں نے اسے آدھی رقم دی کہ شاید وہ جھوٹ بول رہا ہے اور سوچا کہ جو حقیقی حقدار ہوگا اسے دوں گا بعدازاں مجھے احساس ہوا اگر اللہ تعالیٰ نے بھی ایسا کرنا شروع کردیا تو میری باری تو آٗئے گی ہی۔