ARYNews.tv | Urdu – Har Lamha Bakhabar

Tag: ابرار الحق

  • ابرار الحق کی بطورچیئرمین ہلال احمر تعیناتی کے حکم کی معطلی برقرار

    ابرار الحق کی بطورچیئرمین ہلال احمر تعیناتی کے حکم کی معطلی برقرار

    اسلام آباد : اسلام آباد ہائی کورٹ نے ابرار الحق کی بطورچیئرمین ہلال احمر تعیناتی کےحکم کی معطلی برقرار رکھا اور وفاق کو جواب داخل کرانے کے لیے مہلت دے دی۔

    تفصیلات کے مطابق اسلام آباد ہائی کورٹ میں چیف جسٹس اطہر من اللہ نے ابرارالحق کی بطور چیئرمین ہلال احمر تعیناتی کے خلاف کیس کی سماعت کی، سماعت اسلام آباد ہائیکورٹ کے چیف جسٹس اطہر من اللہ نے کی۔

    عدالت کہا آئندہ سماعت تک ابرار الحق کی تعیناتی کا نوٹیفکیشن معطل رہے گا جبکہ وفاق نے جواب داخل کرانے کے لیےمہلت طلب کرلی ، ایڈیشنل اٹارنی جنرل نے کہا جواب تیار ہےآج ہائیکورٹ میں جمع کرائیں گے۔

    اسلام آباد ہائی کورٹ نےوفاق کی استدعا منظور کرلی، چیف جسٹس اطہرمن اللہ نے کہا پہلے وفاق کاجواب آ جائے پھر سماعت کریں گے اور سماعت 12 دسمبر تک ملتوی کر دی۔

    مزید پڑھیں : ہلال احمر کے چیئرمین کی تعیناتی کے خلاف رٹ قابل سماعت نہیں، وکیل ابرار الحق

    گذشتہ سماعت میں ابرارالحق کے وکیل کا کہنا تھا کہ ہلال احمر ایک فلاحی ادارہ ہے، ہلال احمر کے چیئرمین کی تعیناتی کے خلاف رٹ قابل سماعت نہیں ہے، جس پر چیف جسٹس اطہر من اللہ نے ریمارکس دیے تھے کہ قانون موجود ہے اس کی کوئی خلاف ورزی نہیں کرسکتا۔

    یاد رہے کہ 18 نومبر کو اسلام آباد ہائی کورٹ نے سماجی کارکن اور پاکستان تحریک انصاف کے رہنما ابرارالحق کی بطور چیئرمین ہلال احمر کی تعیناتی کا حکم معطل کر دیا تھا۔

  • ہلال احمر کے چیئرمین کی تعیناتی کے خلاف رٹ قابل سماعت نہیں، وکیل ابرار الحق

    ہلال احمر کے چیئرمین کی تعیناتی کے خلاف رٹ قابل سماعت نہیں، وکیل ابرار الحق

    اسلام آباد: ابرارالحق کے وکیل کا کہنا ہے کہ ہلال احمر ایک فلاحی ادارہ ہے، ہلال احمر کے چیئرمین کی تعیناتی کے خلاف رٹ قابل سماعت نہیں ہے۔

    تفصیلات کے مطابق اسلام آباد ہائی کورٹ میں چیف جسٹس اطہر من اللہ نے ابرارالحق کی بطور چیئرمین ہلال احمر تعیناتی کے خلاف ہائی کورٹ میں کیس کی سماعت کی۔ ابرار الحق اپنے وکیل کے ساتھ عدالت میں پیش ہوئے۔

    ابرارالحق کے وکیل کا کہنا ہے کہ ہلال احمر ایک فلاحی ادارہ ہے، ہلال احمر کے چیئرمین کی تعیناتی کے خلاف رٹ قابل سماعت نہیں ہے۔

    چیف جسٹس اطہر من اللہ نے ریمارکس دیے کہ قانون موجود ہے اس کی کوئی خلاف ورزی نہیں کرسکتا، ہائی کورٹ نے ریمارکس دیے کہ آئندہ سماعت تک ابرار الحق کی تعیناتی کا نوٹیفکیشن معطل رہے گا۔

    اسلام آباد ہائی کورٹ نے وفاق کو جواب دینے کے لیے جمعرات تک مہلت دیتے ہوئے کیس کی سماعت ملتوی کردی۔

    یاد رہے کہ 18 نومبر کو اسلام آباد ہائی کورٹ نے سماجی کارکن اور پاکستان تحریک انصاف کے رہنما ابرارالحق کی بطور چیئرمین ہلال احمر کی تعیناتی کا حکم معطل کر دیا تھا۔

    عدالت نے سماعت کے دوران اٹارنی جنرل انور منصور سے استفسار کیا تھا کہ قانون بتائیں کہ کیا یہ تعیناتی خاص مدت کی تقرری ہوتی ہے۔

  • انجمن ہلال احمر کے چیئرمین کی تعیناتی کا نوٹی فکیشن معطل

    انجمن ہلال احمر کے چیئرمین کی تعیناتی کا نوٹی فکیشن معطل

    اسلام آباد: انجمن ہلال احمر کے چیئرمین کی تعیناتی کا نوٹی فکیشن معطل کر دیا گیا ہے۔

    تفصیلات کے مطابق اسلام آباد ہائی کورٹ نے ریڈ کریسنٹ کے چیئرمین کی تعیناتی کے خلاف درخواست پر سماعت پر کرتے ہوئے مشہور گلوکار ابرار الحق کی تعیناتی کا نوٹی فکیشن معطل کر دیا ہے۔

    اسلام آباد ہائی کورٹ نے تعیناتی پر وفاق سے آیندہ سماعت پر جواب بھی طلب کر لیا ہے، صدر مملکت نے آرڈیننس کے ذریعے ابرار الحق کو انجمن ہلال احمرکا چیئرمین تعینات کیا تھا۔

    ابرار الحق کی تعیناتی کو پاکستان ریڈ کریسنٹ سوسائٹی کے سابق چیئرمین سعید الہٰی نے عدالت میں چیلنج کیا ہے۔

    یاد رہے کہ تین دن قبل 15 نومبر کو تحریک انصاف کے رہنما اور پاکستانی گلوکار ابرار الحق کو ہلال احمر کا چیئرمین مقرر کیا گیا تھا،صدر مملکت ڈاکٹر عارف علوی کی منظوری کے بعد ابرار الحق کی تقرری کا باقاعدہ نوٹی فکیشن جاری کیا گیا۔

    یہ بھی پڑھیں:  ابرار الحق ہلال احمر کے چیئرمین مقرر

    خیال رہے کہ محکمہ ہلال احمر کی صدارت ڈاکٹر عارف علوی کے پاس ہے، انھوں نے حکومت کی جانب سے موصول ہونے والی سفارش پر اپنے اختیارات کا استعمال کرتے ہوئے اُسے منظور کیا تھا۔

    نمایندہ اے آر وائی نیوز عبدالقادر کے مطابق ایک سال سے زائد عرصے کے بعد ابرار الحق کو حکومتی عہدہ دیا گیا تھا، انھیں تین سال کے لیے ریڈ کریسنٹ کا چیئرمین مقرر کیا گیا تھا لیکن آج ان کی چیئرمین شپ کا نوٹی فکیشن معطل کر دیا گیا۔

    ابرار الحق گلوکاری اور سیاست کے ساتھ سماجی کام بھی کرتے ہیں، اُن کا فلاحی ادارہ غریب اور مستحق افراد کو علاج سمیت دیگر ضروریات زندگی کی سہولیات فراہم کرتا ہے۔

  • الیکٹبلز خلائی مخلوق نہیں ہوتے، ابرار الحق

    الیکٹبلز خلائی مخلوق نہیں ہوتے، ابرار الحق

    لاہور: پاکستان تحریک انصاف کے رہنما اور معروف گلوکار ابرار الحق نے کہا ہے کہ الیکٹبلز خلائی مخلوق نہیں ہوتے، یہ ایسے لوگ ہیں جو الیکشن جیت سکیں۔

    ان خیالات کا اظہار انھوں نے اے آر وائی نیوز پر وسیم بادامی کے پروگرام الیونتھ آور میں گفتگو کرتے ہوئے کیا، ان کا کہنا تھا کہ جو لوگ انتخابات جیت سکیں انھیں الیکٹبلز کہا جاتا ہے۔

    ابرار الحق نے کہا کہ پی ٹی آئی نے نظریاتی اور صاف ستھرے لوگوں کو الیکشن میں آزمایا، عوام کو بھی کسی نہ کسی حد تک خود کو بدلنا ہوگا۔

    گلو کار ابرار الحق کا کہنا تھا کہ جو تبدیلی نچلی سطح سے آتی ہے وہ بڑی واضح ہوتی ہے، پی ٹی آئی ایسی تبدیلی کے لیے جدوجہد کر رہی ہے۔

    تحریک انصاف کے رہنما نے پروگرام میں کہا کہ خیبر پختونخوا کو پی ٹی آئی نے بدل کر رکھ دیا ہے، تحریک انصاف نے وہاں بہت کام کیا ہے۔

    ابرار الحق نے تعلیم کے شعبے میں پی ٹی آئی کی کار کردگی پر کہا کہ خیبر پختونخوا میں بچے نجی اسکولوں سے نکل کر سرکاری اسکولوں میں داخل ہوئے۔

    پی ٹی آئی رہنما نے پروگرام میں کہا کہ دنیا کہتی ہے کہ پورے پاکستان میں سب سے زیادہ بہتر گورننس خیبر پختونخوا میں ہے۔

    اے آر وائی پروگرام میں ان کا کہنا تھا کہ اگر موجودہ خراب حالات حکومتی خامیوں کی وجہ سے ہیں تو اپوزیشن کو تنقید کرنی چاہیے۔

    کراچی: انصاف ہاوس میں پی ٹی آئی کے مشتعل کارکنان کی توڑ پھوڑ

    معروف گلو کار ابرار الحق نے کہا کہ ن لیگی حکومت نے اربوں روپے کے قرضے لیے جس کی وجہ سے آج پورا ملک مقروض ہوگیا ہے۔

    واضح رہے کہ تحریک انصاف پر یہ تنقید کی جا رہی ہے کہ وہ اپنے نظریاتی کارکنوں کی بجائے ان افراد کو ٹکٹ دے رہی ہے جن کا تعلق دیگر جماعتوں سے رہا ہے جن کے بارے میں سمجھا جاتا ہے کہ وہ الیکشن جیت سکتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • خواجہ آصف کے بعد اب احسن اقبال کی باری

    خواجہ آصف کے بعد اب احسن اقبال کی باری

    لاہور : پاکستان تحریک انصاف کے رہنما ابرار الحق نے اگلے ہفتے احسن اقبال کیخلاف بھی اقامہ رکھنے پرعدالت جانے کا اعلان کیا ہے اور کہا کہ دو اقاموں پر فیصلے کے بعداب احسن اقبال کی باری ہے۔

    تفصیلات کے مطابق پی ٹی آئی رہنما ابرارالحق نے اے آر وائی نیوز کے خصوصی پروگرام میں گفتگو کرتے ہوئے کہا کہ احسن اقبال کےاقامے کیخلاف رواں ہفتے عدالت جارہےہیں، کیس کی تیاری کرلی گئی ہے،خواجہ آصف کیس کاانتظارتھا۔

    ابرارالحق کا کہنا تھا کہ وکلاسے مشاورت مکمل کرلی ہے جلد کیس فائل کریں گے، احسن اقبال کوخودمستعفی ہوجاناچاہیے، دواقاموں پر فیصلے کے بعد اب احسن اقبال کی باری ہے۔

    رہنما پی ٹی آئی نے کہا کہ احسن اقبال نے کاغذات نامزدگی میں اقامےکاذکرنہیں کیا، احسن اقبال نےسعودی عرب کااقامہ لیااورنوکری کی،وہ پاکستان کے وزیر داخلہ ہیں اوراقامہ رکھا۔

    ان کا مزید کہنا تھا کہ احسن اقبال کا کیس بھی نواز شریف اورخواجہ آصف جیسا ہے، احسن اقبال نے مدینہ کا اقامہ لیا۔

    مزید پڑھیں : عدالت نے خواجہ آصف کو نااہل قرار دے دیا

    یاد رہے کہ وفاقی دارالحکومت اسلام آباد کی ہائی کورٹ نے وزیر خارجہ خواجہ آصف کو نااہل قرار دے دیا، نااہلی کا فیصلہ آنے کے بعد اب وہ وزیر خارجہ نہیں رہے اور آئندہ انتخابات میں بھی حصہ نہیں لے سکتے۔

    خواجہ آصف کی نا اہلی کے لیے درخواست تحریک انصاف کے رہنما عثمان ڈار نے دائر کی تھی۔

    درخواست میں مؤقف اختیار کیا گیا تھا کہ وزیر خارجہ دبئی میں ایک پرائیویٹ کمپنی کے ملازم ہیں جہاں سے وہ ماہانہ تنخواہ بھی حاصل کرتے ہیں۔ غیر ملکی کمپنی میں ملازمت کرنے والا شخص وزیر خارجہ کے اہم منصب پر کیسے فائز رہ سکتا ہے۔

    مزید پڑھیں : احسن اقبال کا اقامہ بھی منظرعام پر آگیا

    واضح  رہے کہ خواجہ آصف کے بعد احسن اقبال کا اقامہ بھی منظر عام پر آیا تھا، جس میں وہ سعودی عرب کی کمپنی کے ملازم نکلے تھے۔

    اقامے کے مطابق احسن اقبال مدینہ منورہ کی کمپنی میں ملازم ہیں ، جس میں ان کا پیشہ مارکیٹنگ اسپیشلسٹ لکھا گیا ہے، یہ اقامہ 21جنوری 2013میں جاری ہوا، جس کی مدت دسمبر 2014میں ختم ہوئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • یوم اقبال: معروف شخصیات کا اقبال کا پسندیدہ شعر

    یوم اقبال: معروف شخصیات کا اقبال کا پسندیدہ شعر

    آج شاعر مشرق علامہ اقبال کا 140 واں یوم ولادت منایا جارہا ہے۔ اس موقع پر چند معروف شخصیات نے اپنا پسندیدہ اقبال کا شعر سنایا۔

    آئیں آپ بھی وہ شعر سنیں۔

    فیصل قریشی

    معروف اداکار اور اے آر وائی ڈیجیٹل مارنگ شو سلام زندگی کے میزبان فیصل قریشی نے اپنے مخصوص انداز میں شاعر مشرق کا شعر پڑھ کر سنایا

    ماریہ میمن

    معروف صحافی اور اے آر وائی نیوز کی اینکر پرسن ماریہ میمن کے مطابق انہیں اقبال کا یہ شعر بہت پسند ہے۔

    زندگانی ہے صدف، قطرہ نیساں ہے خودی

    وہ صدف کیا کہ جو قطرے کو گہر کر نہ سکے

    ہو اگر خود نگر و خود گر و خود گیر خودی

    یہ بھی ممکن ہے کہ تو موت سے بھی مر نہ سکے

    ابرار الحق

    معروف گلوکار ابرار الحق نے اقبال کا اپنا پسندیدہ شعر یہ پڑھا۔

    کی محمد سے وفا تو نے تو ہم تیرے ہیں

    یہ جہاں چیز ہے کیا لوح و قلم تیرے ہیں

    اعجاز اسلم

    معروف اداکار اعجاز اسلم کا پسندیدہ شعر یہ ہے۔

    خودی کو کر بلند اتنا کہ ہر تقدیر سے پہلے

    خدا بندے سے خود پوچھے بتا تیری رضا کیا ہے

    سلمان احمد

    معروف اداکار سلمان احمد نے اقبال کا وہی شعر پڑھا جو انہوں نے گایا بھی ہے۔

    زمانے کے انداز بدلے گئے

    نیا راگ ہے، ساز بدلے گئے

    آپ کو اقبال کا کون سا شعر پسند ہے؟ ہمیں کمنٹس میں ضرور بتائیں۔

  • روہنگیا مسلمانوں کی امداد،ابرارالحق کا بی ایم ڈبلیو نیلام کرنے کا اعلان

    روہنگیا مسلمانوں کی امداد،ابرارالحق کا بی ایم ڈبلیو نیلام کرنے کا اعلان

    کراچی: معروف گلوکار ابرارالحق نے روہنگیا مسلمانوں کی امداد کے لیے اپنی بی ایم ڈبلیو گاڑی نیلام کرنے کا اعلان کردیا۔

    اس بات کا اعلان انہوں نے اے آر وائی زندگی کے مارننگ شو سلام زندگی میں میزبان فیصل قریشی سے گفتگو کر تے ہوئے کیا۔

    ابرار الحق جو ایک ویلفیئر ٹرسٹ کے روح رواں بھی ہیں ان کا کہنا تھا کہ اپنی گاڑی کی نیلامی سے حاصل ہونے والی رقم سے روہنگیا مسلمانوں کے دکھ اور تکلیف کا ازالہ کرنے کی کوشش کریں گے۔

    ابرار الحق کا کہنا تھا کہ انہوں نے بی ایم ڈبلیو ماڈل 2005 کو 60 لاکھ روپوں میں خریدا تھا جو انہیں بے حد عزیز بھی ہے لیکن اپنے مظلوم مسلمانوں پر ہونے والے مظالم کو دیکھ دل خون کے آنسو روتا ہے اس لیے مظلوم اور بے آسرا روہنگیا مسلمانوں کی مدد کے لیے اپنی محبوب ترین گاڑی کی نیلامی کا فیصلہ کیا ہے ان کی دکھ اور تکلیف کا ازالہ کرنے کی کوشش کریں گے۔

    انہوں نے کہا کہ 60 لاکھ روپے میں خریدی گئی گاڑی کا آغاز 20 لاکھ کی ابتدائی بولی سے کیا جائے گا جو بڑھتے بڑھتے گاڑی کی اصل قیمت سے بھی بڑھ جائے گی جس کے لیے لوگ اور ان کے مداح سے زیادہ سے زیادہ بڑھ کر حصہ لیں گے۔

    اپنے مداحوں سے پُرامید ابرارالحق کا کہنا ہے کہ گاڑی کی اصل قیمت سے زیادہ رقم نیلامی کے ذریعے حاصل ہو جائے گی اور گاڑی کے خریدار کو وہ اپنے ہمراہ بنگلہ دیش لے کر جائیں گے جہاں کیمپوں میں مقیم روہنگیا مسلمانوں کی وہ اپنے ہاتھوں سے اعانت کرسکیں گے۔

    #salamzindagi #aryzindagi #zindagiseymilo #madeinPakistan #abarulhaq #saleemjaved #kashif @aadiadeal @mfaizansk

    A post shared by Faysal Qureshi (@faysalquraishi) on

    اے آر وائی زندگی کے مارننگ پروگرام سلام زندگی کے میزبان فیصل قریشی کے سوال پر ابرار الحق کا کہنا تھا کہ پہلے مرحلے میں ہمارا ارادہ بنگلہ دیش کے پناہ گزین کیمپ میں جانے کا ہے جہاں روہنگیا مسلمان اپنا سب کچھ لُٹا کر کسمپرسی کی حالت میں بے یار و مدد گار موجود ہیں۔

    #abrarulhaq and #saleemjaved while enjoying #salamzindagi with @faysalquraishi on #aryzindagi

    A post shared by ARY Zindagi (@aryzindagi) on

    انہوں نے کہا کہ اگر دوبارہ بنگلہ دیش جانے کی ضرورت محسوس ہوئی تو میں اور میری ٹیم دوبارہ بنگلہ دیش جائے گی تاہم ابھی برما جانے کی منصوبہ بندی نہیں کی ہے اگر ضرورت پڑی تو وہاں بھی جائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • برما میں‌ مظالم پر احتجاج، سفیر کو ملک بدر، او آئی سی سے کردار ادا کرنے کا مطالبہ

    برما میں‌ مظالم پر احتجاج، سفیر کو ملک بدر، او آئی سی سے کردار ادا کرنے کا مطالبہ

    کراچی: برما میں مسلمانوں کے قتل عام اور انہیں بے گھر کیے جانے کی پوری دنیا اور ملک بھر میں مذمت کی گئی، شہروں میں جگہ جگہ ریلیاں نکالی گئیں، برما کے سفیر کو ملک بدر کرنے اور مسلم حکمرانوں او آئی سی سے نوٹس لینے کا مطالبہ کیا گیا۔

    بنگلہ دیش کی حکومت مہاجرین کو قبول کرے، مفتی منیب

    مرکزی رویت ہلال کمیٹی کے چیئرمین مفتی منیب الرحمن نے اے آر وائی نیوز سے بات کرتے ہوئے کہا کہ عالمی برادری کو روہنگیا مسلمانوں کے لیے آواز بلند کرنی چاہیے، بنگلہ دیش کی حکومت کو مہاجرین کو قبول کرنا چاہیے تھا۔

    او آئی سی سے امید لگانا بے کار ہے، مفتی منیب

    انہوں نے کہا کہ مسلم عوام اپنی اپنی حکومتوں کو اس جانب متوجہ کریں،معاملے پر او آئی سی سے امید لگانا عبث ہے۔

    گوجرانوالہ جماعت اسلامی کی ریلی، برما کے سفیر کو نکالا جائے، شرکا

    برما میں مسلمانوں پر مظالم کے خلاف جماعت اسلامی نے گوجرانوالہ میں ریلی نکالی جس میں کارکنوں کی بڑی تعداد نے شرکت کی۔

    ریلی کے شرکا کے امریکا،بھارت،اسرائیل اور برما کے خلاف نعرے لگائے، شرکا نے برما کے سفیر کو پاکستان سے فوری واپس بھیجنے کا مطالبہ کردیا اور کہا کہ اسلامی برادران ممالک برما حکومت کو دہشت گرد قرار دیں۔

    حیدر آباد پریس کلب پر احتجاج

    برما میں مسلمانوں پر ظلم کے خلاف حیدر آباد پریس کلب پر احتجاج کیا گیا مسلمانوں کے قتل پر عالمی برادری سے نوٹس لینے کا مطالبہ کیا گیا، مظاہرین نے برما میں پرتشدد واقعات کے خلاف نعرے بازی کی۔

    ابرار الحق کا ریلی نکالنے کا اعلان

    پاکستانی گلوکار ابرار الحق نے مظالم کے خلاف کل احتجاج کا اعلان کردیا اور کہا ہے کہ ہر فورم پر مسلمانوں کے حق میں احتجاج کریں گے۔

  • ابرار الحق بوہیمیا کی زندگی تبدیل کرنے میں مددگار

    ابرار الحق بوہیمیا کی زندگی تبدیل کرنے میں مددگار

    معروف پاکستانی نژاد گلوکار بوہیمیا کا کہنا ہے کہ پاکستانی گلوکار ابرار الحق نے انہیں الکوحل اور سگریٹ نوشی چھوڑنے کی ترغیب دی۔

    اپنے سماجی رابطوں کی ویب سائٹ ٹوئٹر پر بوہیمیا نے اپنی اور ابرار الحق کی ایک تصویر پوسٹ کرتے ہوئے کہا، ’جب سے میں اس شخص سے ملا ہوں، میں نے الکوحل اور سگریٹ نوشی ترک کردی ہے‘۔

    بوہیمیا نے ابرار الحق کا شکریہ ادا کرتے ہوئے اپنے پرستاروں کو بھی اپنی روش اختیار کرنے کا کہا۔

    اس سے ایک ماہ قبل بھی انہوں نے ٹوئٹر پر اپنی ایک پوسٹ میں لکھا تھا کہ گزشتہ ایک ماہ سے وہ الکوحل اور سگریٹ کا استعمال بالکل چھوڑ چکے ہیں، تاہم اس وقت انہوں نے یہ نہیں بتایا کہ اس کی ترغیب انہیں کس نے دی۔

    یاد رہے کہ بوہیمیا ابرارالحق کے نئے گانے ’ایتھے رکھ‘ میں اپنی آواز کا جادو جگانے جا رہے ہیں اور گانے کی عکس بندی کے لیے دونوں گلوکار آج کل دبئی میں موجود ہیں۔

    بوہمیا اس سے قبل سجاد علی کے ساتھ ان کے گانے تماشہ میں بھی اپنی گلوکاری کا مظاہرہ کر چکے ہیں۔

  • سماجی رہنماؤں کی جانب سے عبدالستار ایدھی کی خدمات پر خراج تحسین

    سماجی رہنماؤں کی جانب سے عبدالستار ایدھی کی خدمات پر خراج تحسین

    کراچی: مختلف سماجی تنظیمیوں کے رہنماؤں نے اے آر وائی سے خصوصی گفتگو کرتے ہوئے عبدالستار ایدھی کو سلام عقیدت پیش کیا۔

    چھیپا ویلفیئر کے سربراہ اور معروف سماجی رہنما رمضان چھیپا نے کہا ہے کہ ایدھی صاحب انسانیت کی خدمت کرنے میں ایک درس گاہ کا درجہ رکھتے تھے، اُن کے انتقال سے خلا کو پُر نہیں کیا جاسکتا۔

    سماجی کاموں میں حصہ لینے والے ایدھی صاحب کے دیرینہ ساتھی اور سابق وزیر پیٹرولیم حاجی حنیف طیب نے گفتگو کرتے ہوئے کہا کہ ’’ایدھی صاحب رضا کاروں کو دوست اور بھائی کی طرح سمجھتے تھے انہوں نے کبھی کسی کی خدمت میں کوئی کسر نہیں چھوڑی۔

    سہارا ویلفئیر کے سربراہ اور پاکستانی گلوکار ابرار الحق نے اے آر وائی سے خصوصی گفتگو کرتے ہوئے ’’عبدالستار ایدھی کو انسانیت کی خدمات پر خراج تحسین پیش کیا اور کہا کہ ایدھی صاحب کے انتقال سے یتیم بچے پھر سے یتیم ہوگئے‘‘۔

    تعلیم کے فروغ کے لیے کام کرنے والے گلوکار اور سہارا ٹرسٹ کے سربراہ شہزاد روائے نے کہا کہ ’’ایدھی صاحب کے بعد ہمیں انسانیت کی خدمت کے وژن کو زندہ رکھنے کے لیے فیصل ایدھی کے ہاتھوں کو مضبوط کرنا چاہیے، انسانیت کی خدمت کرنے والے عبدالستار ایدھی لوگوں کے دلوں میں ہمیشہ زندہ رہیں گے‘‘۔