اسلام آباد : ابوظبی کے ولی عہد شیخ خالد بن محمد بن زاید النہیان پاکستان پہنچ گئے، دورے میں متعدد معاہدوں اور مفاہمت کی یاد داشتوں پر دستخط کیے جائیں گے۔
تفصیلات کے مطابق ابوظبی کے ولی عہد شیخ خالد بن محمد بن زایدالنہیان ایک روزہ سرکاری دورے پر پاکستان پہنچ گئے۔
وزرا،اعلیٰ حکام اور کاروباری شخصیات پر مشتمل وفد بھی ان کے ہمراہ ہیں، صدر آصف زرداری اور وزیراعظم شہباز شریف نے
ابوظبی کے ولی عہد کا دورہ اقتصادی شراکت داری کو مضبوط بنانے کےعزم کا مظہر ہے، دورے میں متعدد معاہدوں اور مفاہمت کی یادداشتوں پردستخط کیے جائیں گے۔
ذرائع کا کہنا تھا کہ شہزادہ شیخ خالد بن محمد بن زید النہیان کو نشان پاکستان سے نوازا جائے گا اور نشان پاکستان سے نوازنے کیلئےخصوصی تقریب کا انعقاد بھی کیا جائے گا۔
شیخ خالد ابو ظہبی کی سپریم کونسل برائے مالیاتی واقتصادی امور کے رکن اور انویسٹمنٹ اتھارٹی کے بورڈ آف ڈائریکٹرز کے بھی رکن ہیں جبکہ ابو ظہبی نیشنل آئل کمپنی کے بورڈ ممبر بھی ہیں۔
ابوظبی ولی عہد سربراہ نیشنل سیکیورٹی اور ڈپٹی نیشنل سیکیورٹی ایڈوائزر بھی ذمہ داریاں نبھا چکے ہیں، مارچ 2023 میں انہیں ابوظہبی کا ولی عہد اور ابو ظبی ایگزیکٹو کونسل کا چیئرمین مقرر کیا گیا۔
پاکستان میں کاروبار،تجارت ،سرمایہ کاری کے تناظر میں ابوظبی ولی عہد کا دورہ اہمیت کا حامل ہے۔
