Tag: ابوظبی

ابوظبی: بھارتی شہری کا فراڈ، پاکستانی کروڑ پتی شخص کباڑ کا کام کرنے پر مجبور

ابوظبی: متحدہ عرب امارات میں مقیم پاکستانی کروڑ پتی شخص نے بھارتی شہری کے فراڈ کے سبب کباڑ کا کام شروع کردیا۔

عرب میڈیا کے مطابق 2008 پاکستانی شہری اصغر حسین کی زندگی تب بدل گئی جب ایک بھارتی جعل ساز نے ان سے ایک لیگل کمپنی کے کاغذات پر دھوکے سے دستخط کروالیے اور وہاں سے فرار ہوگیا جبکہ اصغر حسین نے پانچ لاکھ درہم جرمانہ ادا کرنے کے بعد کباڑ کا کام شروع کردیا۔

عدالت نے فرار ہونے والے شخص کو 5 پیشیوں میں مسلسل غیر حاضری کی وجہ سے پانچ سال قید اور جلاوطنی کی سزا سنادی۔

اصغر حسین ان کی اہلیہ فرح گل اور چار بچوں کو اس عرصے میں بہت سی دشواریوں کا سامنا رہا، 2013 تک اصغر حسین بینک کے قرض ادا کرنے سے قاصر تھے اور 2014 میں ان کے بچوں کو اسکول کی فیس ادا کرنے کے باعث نکال دیا گیا تھا جو اب تک تعلیم حاصل کرنے سے قاصر ہیں۔

اصغر حسین جو پُرآسائش گھر میں رہتے تھے اب ایک چھوٹے سے کمرے میں رہنے پر مجبور ہیں۔

پاکستانی شہری کی اہلیہ فرح گل نے کہا کہ میرے بچے تقریباً پانچ سال سے اسکول نہیں گئے، وہ اسکول جانے کے لیے بہت بے تاب ہیں جب وہ دوسرے بچوں کو اسکول جاتا دیکھتے ہیں تو سوال کرتے ہیں کہ ہم کب اسکول جائیں گے۔

میڈیا رپورٹس کے مطابق اصغر حسین ابھی عارضی طور پر کباڑ کا کام کرتے ہیں ان کے ساتھ ان کا بڑا بیٹا بھی لیبر کا کام کرتا ہے جو بمشکل ماہانہ 500 درہم کما پاتے ہیں۔

واضح رہے کہ یو اے ای میں مختلف سماجی تنظیموں کی جانب سے مستحق افراد کی مدد کی جاتی ہے تاہم اصغر حسین اہل خانہ کے ہمراہ کافی عرصے سے غیرقانونی طور پر رہائش پذیر تھے جس کے سبب سماجی تنظیموں نے ان کی مدد کرنے سے انکار کردیا۔

مئی 20, 2019
ابوظبی، شوہر ہنس کر بات نہیں کرتا، خلع دی جائے، خاتون عدالت پہنچ گئی

ابوظبی: متحدہ عرب امارات کی عدالت میں خاتون نے درخواست دائر کی ہے کہ اسے خلع دی جائے کیونکہ اس کا شوہر ہنس کر بات نہیں کرتا، غصہ کرتا ہے اور نہ ہی تعریف کرتا ہے۔

غیرملکی خبررساں ادارے کے مطابق ابوظبی کی عدالت میں پیش ہونے والے مقدمے کی سماعت کے دوران قاضی نے خاتون سے خلع کی وجہ دریافت کی تو اس نے کہا کہ میری شادی کو 10 برس گزر چکے ہیں اس عرصے میں مجھے یاد نہیں کہ میرے شوہر نے کبھی مجھ سے ہنس کر بات کی ہو۔

خاتون کا کہنا تھا کہ مجھے یاد نہیں کہ دس سالہ ازدواجی زندگی میں کوئی لمحہ ایسا آیا ہو جب میرے شوہر نے مجھ پر ہاتھ اٹھانا تو دور کی بات غصے سے کچھ کہا بھی ہو۔

خاتون کا کہنا تھا کہ دوسروں سے ہنس ہنس کر باتیں کرتا دیکھتی ہوں یا ٹیلی فون پر لمبی گفتگو کرتے ہوئے سنتی ہوں تو میری سمجھ میں نہیں آتا کہ یہ میرا ہی شوہر ہے جو ہمیشہ خاموش رہتا ہے۔

مزید پڑھیں: عجمان، ’پب جی‘ گیم کھیلنے سے منع کرنے پر خاتون نے شوہر سے طلاق مانگ لی

قاضی نے شوہر سے جواب طلب کیا جس پر اس کا کہنا تھا کہ بطور گھر کے سربراہ مجھ پر جو ذمہ داری عائد ہوتی ہے وہ میں بخوبی ادا کرتا ہوں، میری ذات سے کبھی اس پر کوئی زیادتی نہیں ہوئی۔

شوہر کا کہنا تھا کہ گھر میں کسی قسم کی قید و قدغن عائد نہیں کی ہوئی اس کے باوجود میری سمجھ میں نہیں آتا کہ میرے مزاج کو بنیاد بنا کر وہ خلع کا مطالبہ کیوں کررہی ہے۔

بعدازاں عدالت نے کیس کو صلح کمیٹی کے حوالے کیا، جوڑے کو بلایا گیا اور ان کے مابین صلح کی کوشش کی گئی جو کامیاب رہی۔

مئی 16, 2019
ابوظبی: فون کا پاس ورڈ نہ دینے پر شوہر نے بیوی کو قتل کردیا

ابوظبی: متحدہ عرب امارات میں شوہر نے بیوی کو فون کا پاس ورڈ نہ دینے پر موت کے گھاٹ اتار دیا۔

عرب میڈیا کے مطابق ابوظبی کے شہری نے بیوی کو موبائل فون کا پاس ورڈ نہ دینے پر قتل کردیا، پولیس حکام کے مطابق ملزم نے اپنی اہلیہ کے منہ اور جسم پر تیزاب پھینکا جس کے باعث اس کی ہلاکت ہوئی۔

رپورٹ کے مطابق مقتولہ کی شادی 17 برس قبل ہوئی جس کے بعد ان کے یہاں چھ بچوں کی پیدائش ہوئی جن کی عمریں 3 سے 16 سال کے درمیان ہیں۔

خاتون کے سب سے بڑے صاحب زادے کا کہنا ہے کہ حادثے کے دن والد جب گھر میں داخل ہوئے تھے ان کے ہاتھ میں ایک کالے رنگ کا بیگ تھا وہ والدہ سے موبائل فون کا پاس ورڈ مانگ رہے تھے۔

مزید پڑھیں: ابوظبی: خاتون کو شوہر کو سرپرائز دینا مہنگا پڑ گیا

مقتولہ کے بیٹے کے مطابق جب والدہ نے پاس ورڈ دینے سے انکار کیا تو والد نے بیگ سے تیزاب کی بوتل نکال کر والدہ کے چہرے اور جسم پر تیزاب پھینک دیا۔

خاتون کے بچوں کی جانب سے والدہ کو بچانے کی ہرممکن کوشش کی گئی لیکن وہ ناکام رہے بعدازاں خاتون کو اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئی۔

ابوظبی کی عدالت نے جرم ثابت ہونے پر سفاک ملزم کو سزائے موت سنادی، ملزم کی جانب سے معافی کی درخواست دائر کی گئی جسے مسترد کردیا گیا۔

مئی 15, 2019
متحدہ عرب امارات، اسکول وین اور مسافر بسوں پر پابندی عائد

ابوظبی: متحدہ عرب امارات میں اسکول وین اور مسافر بسوں پر پابندی عائد کردی گئی۔

عرب میڈیا کے مطابق متحدہ عرب امارات میں اسکول وین اور مسافر بسوں پر پابندی عائد کردی گئی، جس کا اطلاق 2021 اور 2023 میں ہوگا۔

فیڈرل ٹریفک کونسل کے مطابق اسکول وین پر پابندی کا اطلاق ستمبر 2021 سے ہوگا جبکہ مسافر بسوں پر پابندی جنوری 2023 سے ہوگی۔

میجر جنرل محمد سیف الزفین کی زیر صدارت میٹنگ میں مذکورہ تجویز ٹریفک پولیس کی جانب سے پیش کی گئی جس پر میٹنگ میں بیٹھے تمام ارکان نے اتفاق کیا اور وزارت ٹرانسپورٹ کے حکام نے فیصلے کی توثیق کی۔

کونسل میٹنگ میں ٹریفک خلاف ورزیوں، حادثات پر بھی گفتگو کی گئی جس میں بتایا گیا کہ گزشتہ سال متحدہ عرب امارات میں‌ ٹریفک خلاف ورزیوں میں 32 فی صد کمی آئی ہے۔

مزید پڑھیں: متحدہ عرب امارات میں منی بسوں پر پابندی عائد کرنے کا فیصلہ

یاد رہے کہ فیڈرل ٹریفک کونسل کی جانب سے منی بسوں کو بند کرنے کی درخواست گزشتہ سال مارچ میں دی گئی تھی۔

درخواست میں کہا گیا تھا کہ منی بسوں کو اس صورت میں چلانے کی اجازت دی جائے جب وہ سامان کی ترسیل کے لیے استعمال ہوں۔

دبئی پولیس کے ترجمان کا کہنا تھا کہ وین میں سفر کرنے والے مسافروں کی زندگیوں کو شدید خطرات لاحق تھے جن کی حفاظت کے پیش نظر یہ اقدام اٹھایا گیا ہے۔

دبئی پولیس ٹریفک ڈیپارٹمنٹ کے ڈائریکٹر کے مطابق دبئی میں ہونے والے 24 خطرناک حادثات میں منی بسیں شامل ہیں، ان حادثات میں 7 افراد جان کی بازی ہار گئے تھے۔

مئی 10, 2019
ابوظبی میں فون پر انعام کی لالچ دینے اور رقم بٹورنے والا ایشیائی گروہ

ابوظبی : اماراتی پولیس نے خفیہ اطلاعات پر کارروائی کرتے ہوئے شہریوں کو نقد انعام کے جھوٹے پیغامات بھیج کر لوٹنے والے 22 رکنی ایشیائی گروہ کو گرفتار کرلیا۔

تفصیلات کے مطابق متحدہ عرب امارات کے دارالحکومت ابوظبی میں پولیس نے خفیہ اطلاعات پر کارروائی کرتے ہوئے 22 افراد پر مشتمل ایشیائی گروہ کو گرفتار کیا ہے جو عوام کو فون کال کے ذریعے انعامات کے جھوٹے پیغامات بھیجتے تھے۔

ابوظبی پولیس نے ہفتے کے روز بیان جاری کیا تھا جس میں پولیس حکام کا کہنا تھا کہ مذکورہ گروہ نے دارالحکومت کے بڑے اداروں کے نام سے جھوٹے نقد انعام کے جھوٹے فون کالز کرکے متعدد افراد کو لوٹ چکے ہیں۔

ابوظبی پولیس کے کرائم انوسٹیگیشن ڈپارٹمنٹ کے ڈائریکٹر بریگیڈیئر عمران احمد المذروری کا کہنا تھا کہ ’مذکورہ گینگ مختلف اپارٹمنٹس سے اپنی سرگرمیاں انجام دے رہا تھا۔

عمران احمد المذروری کا کہنا تھا کہ ایک گینگ صارفین کو فون کالز کرتا تھا جبکہ دیگر گروہ پیسوں کی منتقلی کے معاملات دیکھتے تھے۔

View this post on Instagram

. ضبطت #شرطة_أبوظبي بالتعاون مع #شرطة_دبي عصابتين للاحتيال الهاتفي، تضم 22 نصاباً من الجنسية الآسيوية، بينهم شخص تولّى إدارة العصابتين سوياً. وأكد العميد محمد سهيل الراشدي، مدير قطاع #الأمن_الجنائي ، اهتمام شرطة أبوظبي بمكافحة الجريمة، والحد من العوامل والمؤشرات التي تؤدي إلى ظهورها، بتعزيز كفاءة عناصر الأمن لمواجهتها بالتنسيق مع الجهات المعنية. وأثنى العميد عمران أحمد المزروعي، مدير مديرية التحريات والتحقيقات الجنائية بقطاع الأمن الجنائي، على التنسيق والتعاون المشترك بين شرطتيّ أبوظبي ودبي في مواجهة ومكافحة الممارسات الإجرامية. وأوضح أن العصابتين، كانتا تقسّمان الأدوار الوظيفية على أفرادهما في شقتين سكنيتين، الأولى امتهنت عمليات الاحتيال الهاتفي على أفراد المجتمع، و تولت الثانية إدارة العمليات المالية والاستيلاء على مدّخرات الضحايا مشيراً إلى أن الحفاظ على أمن #الوطن ومقدراته، يستوجب الاستمرار في تطوير الأداء #الأمني، وتعزيز جهود الرقابة المبذولة بما ينعكس ايجابيا على مسيرة الأمن والاستقرار . وكانت شرطة أبوظبي أطلقت حملة "خلّك حذر” والتي دعت من خلالها الجمهور إلى عدم الكشف عن أي معلومات أو بيانات شخصية أو مصرفية لأي متصل، كي لا يتم استغلالها أو الاحتيال عليهم، وأهمية الحيطة والحذر من العصابات الاحتيالية، مؤكدة ضرورة الإبلاغ عن مثل تلك الحالات بالتوجه إلى أقرب مركز شرطة، وفي حالة الاستفسار الاتصال على خدمة أمان الهاتفية ‪8002626‬. @dubaipolicehq #في_أبوظبي ‏#InAbuDhabi #أبوظبي_أمن_وسلامة ‏#Abudhabi_safe_and_secure #الإمارات #أبوظبي #شرطة_أبوظبي #أخبار_شرطة_أبوظبي #الإعلام_الأمني ‏#UAE #AbuDhabi #ADPolice #ADPolice_news ‏#security_media

A post shared by Abu Dhabi Police شرطة أبوظبي (@adpolicehq) on May 4, 2019 at 12:59am PDT

اماراتی خبر رساں ادارے کا کہنا تھا کہ ابوظبی پولیس نے اپنے انسٹاگرام اکاؤنٹ پر جھوٹے فون کالز پر دھوکا دہی سے بچنے کےلیے ’خلیق ہھتر، ہوشیار رہو‘ کے نام سے آگاہی مہم بھی شروع کررکھی ہے۔

مئی 5, 2019
ابوظبی میں باز کے علاج کےلئے دنیا کا سب سے بڑا اسپتال قائم

ابو ظبی : عرب شیوخ کے محبوب اور مہنگے ترین شکاری پرندوں (باز) کے علاج کے لیے ابو ظبی میں دنیا کا سب سے بڑا ہسپتال قائم کردیا گیا۔

تفصیلات کے مطابق متحدہ عرب امارات دنیا کا ایسا ملک ہے جہاں جانوروں کے لیے بھی خصوصی اسپتال قائم کیے گئے ہیں، دارالحکومت ابوظبی میں عرب شیوخ نے اپنے محبوب ترین پرندے باز کی دیکھ بھال و بہتر نگداشت کےلیے دنیا کا سب سے بڑا اسپتال قائم کیا ہے۔

غیر ملکی میڈیا کا کہنا تھا کہ گذشتہ 25 سال سے ان شکاری پرندوں بازوں کا علاج کرنے والے جرمن معالج اور ہسپتال کے ڈائریکٹر مارگیٹ ملر نے بتایا کہ شکاری پرندے (باز) ان کے بچے ہیں اور وہ ان کے لیے کچھ بہترین چاہتے ہیں۔

انہوں نے کہا کہ بعض اوقات ان شکاری پرندوں کو رات میں حادثہ پیش آجاتا ہے تو ان کے عرب مالکان کئی گھنٹوں تک ان کے پاس بیٹھ کر گزار دیتے ہیں یہاں تک کہ صبح ہوجاتی ہے۔

خیال رہے کہ یہ شکاری پرندے عربوں کے لیے پالتوں جانوروں سے زیادہ اور انہیں پالنے کا مشغلہ ایک کھیل سے بھی زیادہ ہے۔

واضح رہے کہ مشرق وسطیٰ کے ممالک، جن میں متحدہ عرب امارات اور سعودی عرب قابل ذکر ہیں، میں بازوں کا پالنا ان کے صحرائی ورثے کا حصہ ہے، جس پر کئی ہزار سالوں سے عمل ہورہا ہے۔

اسپتال کے ڈائریکٹر کا کہنا تھا کہ بدّو (صحرا میں رہنے والے عربوں کو اس نام سے پکارا جاتا ہے) ان شکاری پرندوں سے گوشت کے حصول کے لیے شکار کرواتے ہیں اور یہ ان بدّووں کے خاندانوں کی بقا کے لیے انتہائی اہم تصور کیا جاتا ہے۔

انہوں نے مزید بتایا کہ یہ پرندے خاندان کے بچوں کی طرح تصور کیے جاتے ہیں اور ایسا آج بھی ہوتا ہے۔

تحقیق کے مطابق یہ پرندے، اپنی تیز ترین پرواز 300 کلومیٹر فی گھنٹہ سے زائد کی وجہ سے اکثر کسی مقام سے ٹکرانے یا زمین پر اترنے کے باعث حادثات کا شکار ہوکر زخمی ہوجاتے ہیں جبکہ ان کی بیماری کی ایک اور وجہ متاثرہ گوشت کا استعمال بھی ہے۔

دبئی : چارکروڑ درہم کی لاگت سے دنیا کا پہلا اونٹوں کا اسپتال قائم

یاد رہے کہ اس سے قبل اماراتی حکام کی جانب سے متحدہ عرب امارات کی ریاست دبئی میں چار کروڑ درہم کی لاگت سے اونٹوں کا اسپتال قائم کیا گیا تھا، جو پوری دنیا میں اپنی نوعیت کا پہلا اسپتال ہے۔

غیر ملکی میڈیا کا کہنا ہے کہ مذکورہ اسپتال میں 20 اونٹوں کا بیک وقت علاج کیا جاسکتا ہے جبکہ انتظامیہ کی کوشش ہے کہ استپال میں 35 اونٹوں کا بیک وقت علاج کیا جاسکے جس کےلیے انتظامات کیے جارہے ہیں۔

مئی 2, 2019
’عراق پر حملہ امریکا کی سب سے بڑی غلطی تھی‘

ابوظبی: سابق امریکی سفیر جان کیری نے کہا ہے کہ عراق پر حملہ امریکا کی سب سے بڑی غلطی تھی۔

غیرملکی خبررساں ادارے کے مطابق ابوظبی میں عالمی کتب میلے سے خطاب کرتے ہوئےسابق امریکی سفیر جان کیری نے کہا کہ غیرریاستی عناصر کی جانب سے تشدد کی روک تھام دنیا کے لیے ایک چیلنج بن گیا ہے۔

[bs-quote quote=”جنگ کی منظوری میں میری رضامندی بھی شامل تھی جس پر بے حد افسوس ہے” style=”style-8″ align=”left” author_name=”جان کیری”][/bs-quote]

انہوں نے کہا کہ موجودہ صدی میں ریاستی عناصر کی جانب سے تشدد میں کمی واقع ہوئی ہے جبکہ غیرریاستی عناصر میں تشدد کی نئی لہر دیکھی گئی جس کو کم کرنا ہوگا۔

جان کیری نے کہا کہ امریکا کا عراق کے خلاف جنگ کا آغاز کرنا بہت غلط اقدام تھا، بش کے دور حکومت میں پارلیمنٹ میں جنگ کی منظوری میں میری رضامندی بھی شامل تھی جس پر بے حد افسوس ہے۔

انہوں نے کہا کہ میں جب اس کے متعلق سوچتا ہوں تو کہ کاش میں ماضی میں جاکر اپنی رائے کو تبدیل کرسکتا۔

سابق امریکی سفیر نے کہا کہ میری 28 سالہ سیاست میں سب سے بڑی غلطی عراق پر حملے کے لیے رضامندی ظاہر کرنا تھا جس پر مجھے ہمیشہ افسوس رہے گا۔

اپریل 26, 2019
ابوظبی: بھارتی ریسٹورنٹ صفائی کی ناقص صورتحال کی وجہ سے بند کردیا گیا

ابوظبی: متحدہ عرب امارات کی ریاست ابوظبی میں ایک بھارتی ریسٹورنٹ کو غیر معیاری خوراک کی فروخت اور صفائی کی ناقص صورت حال کی وجہ سے بند کردیا گیا۔

خلیج ٹائمز کی رپورٹ کے مطابق فوڈ کنٹرول اتھارٹی نے ابوظبی میں ایک بھارتی ریسٹورنٹ کو غیر معیاری خوراک کی فروخت اور صفائی کی ناقص صورت حال کی وجہ سے بند کردیا گیا ہے۔

رپورٹ کے مطابق بھارتی ریسٹورنٹ حفظان صحت کے ضابطوں کی خلاف ورزی کا مرتکب پایا گیا جس کے باعث شہریوں کی صحت کو نقصان پہنچنے کا خدشہ تھا۔

مزید پڑھیں: متحدہ عرب امارات میں امریکا سے انڈوں کی درآمد پر پابندی عائد

ترجمان ابوظبی فوڈ کنٹرول اتھارٹی رشید القاسمی نے کہا کہ ریسٹورنٹ کے مالک کو اس سے پہلے متعدد بار وارننگ جاری کی گئی تھی تاہم حفظان صحت کے اصولوں کی خلاف ورزی کی وجہ سے اس بار ریسٹورنٹ کو بند کردیا گیا ہے۔

ترجمان کے مطابق بھارتی ریسٹورنٹ کو فوڈ اتھارٹی کی جانب سے غذائی معیار اور صفائی کی صورت حال کو بہتر بنانے کے لیے گزشتہ سال دو مرتبہ جبکہ پچھلے دو ماہ سے مستقل وارننگ دی جارہی تھیں تاہم ریسٹورنٹ مالک پر کوئی اثر نہیں ہوا۔

رشید القاسمی نے ابوظبی کی عوام سے اپیل کی ہے کہ اگر وہ کسی ریسٹورنٹ میں غذا یا صفائی کا معیار تسلی بخش نہ پائیں تو فوراً رپورٹ درج کریں، مذکورہ ریسٹورنٹس کے خلاف کارروائی کی جائے گی۔

اپریل 18, 2019
ابوظبی: پہلی بیوی کو واٹس ایپ پر نازیبا تصاویر بھیجنا شوہر کو مہنگا پڑ گیا

ابوظبی: متحدہ عرب امارات میں پہلی بیوی کو واٹس ایپ پر نازیبا تصاویر بھیجنا شوہر کو مہنگا پڑ گیا، عدالت نے ڈھائی لاکھ درہم جرمانے کی سزا سنادی۔

عرب میڈیا کے مطابق ابوظبی کی عدالت نے پہلی بیوی کو واٹس ایپ پر نازیبا تصاویر بھیجنے کے جرم میں شوہر کو ڈھائی لاکھ درہم جرمانے کی سزا سنادی، ملزم نے جج سے جرمانہ ختم کرنے کی درخواست کردی۔

شوہر نے کورٹ میں اپیل کی ہے کہ وہ اپنی کم آمدنی کی وجہ سے ڈھائی لاکھ درہم کا جرمانہ ادا نہیں کرسکتا لہٰذا اسے ختم کیا جائے۔

ملزم کا کہنا ہے کہ میں نے دوسری شادی کی تھی جس کے سبب پہلی بیوی نے انتقام لینے کے لیے یہ سازش کی ہے۔

عدالت میں شوہر نے موقف اختیار کیا کہ جب میں سو رہا تھا تو اہلیہ نے خود ہی میرے موبائل فون سے تصاویر واٹس ایپ کی، میں ان تصاویر کے بارے میں کچھ نہیں جانتا۔

ابوظبی کی عدالت نے کیس کی سماعت 24 اپریل تک ملتوی کردی۔

مزید پڑھیں: دبئی: منگیتر کو ’ایڈیٹ‘ کہنے پر نوجوان کو 2 ماہ قید کی سزا

واضح رہے کہ اماراتی قوانین میں سوشل میڈیا پر کوئی بھی ایسا مواد جو جارحیت پر مبنی ہو جس سے کسی کی توہین ہو اسے شیئر کرنا سائبر کرائم ایکٹ کی خلاف ورزی کے زمرے میں آتا ہے۔

سائبر کرائم ایکٹ کے تحت ملزم کو جیل اور ڈھائی لاکھ درہم جرمانے کی سزا دی جاسکتی ہے۔

خیال رہے کہ دبئی میں اس طرح کی سزا کا یہ پہلا واقعہ نہیں ہے گزشتہ سال جنوری میں بھی برطانوی شہری کو جیل کی ہوا کھانی پڑی تھی جب اس نے کار ڈیلر کو غصے میں آکر مغلظات بکیں تھیں۔

اپریل 8, 2019
ابوظبی کے جزیرے میں آگ بھڑک اُٹھی

دبئی: متحدہ عرب امارات کے شہر ابوظبی کے لُولُو جزیرے میں آگ بھڑک اُٹھی۔

عرب میڈیا کے مطابق ابوظبی کے لُولُو جزیرے میں آگ بھڑک اُٹھی، خوش قسمتی سے کوئی جانی نقصان نہیں ہوا، آگ صبح 11 بجے کے درمیان لگی جس پر قابو پالیا گیا ہے۔

ابوظبی حکام کی جانب سے تصدیق کی گئی ہے کہ آتشزدگی کے نتیجے میں کوئی جانی نقصان نہیں ہوا ہے تاہم آگ لگنے کی وجوہات معلوم نہیں ہوسکی ہیں۔

ابوظبی کے رہائشی شہری کا کہنا تھا کہ ’میں نے اپنے آفس کی عمارت سے دیکھا کہ آگ کے شعلے آسمان تک بلند ہورہے ہیں، آگ کافی بڑی لگ رہی تھی۔‘

عینی شاہد یوسف ملک کے مطابق آگ کے شعلے بہت زیازہ بلند ہورہے تھے جس کو دیکھ کر یہ اندازہ ہورہا تھا کہ آگ کی نوعیت معمولی نہیں ہے۔

ابوظبی کے شہریوں کی جانب سے آتشزدگی کی تصاویر اور ویڈیوز سوشل میڈیا ویب سائٹ پر بھی شیئر کی گئی ہیں۔

سول ڈیفنس کی جانب سے جزیرے کو بند کردیا گیا تھا جبکہ دوپہر کے وقت ہیلی کاپٹر کی مدد سے آگ پر قابو پالیا گیا تھا۔

مزید پڑھیں: متحدہ عرب امارات، گھر میں ہولناک آتشزدگی، 8 افراد جاں بحق

واضح رہے کہ گزشتہ سال اکتوبر میں ابوظبی کے علاقے بنی یاس میں گھر میں ہولناک آتشزدگی کے نتیجے میں ایک ہی خاندان کے 8 افراد جاں بحق ہوگئے تھے۔

یاد رہے کہ گزشتہ سال جنوری میں متحدہ عرب امارات کے ایک گھر میں آگ لگنے کے بعد دھواں پھیل جانے اور دم گھٹنے سے 7 بہن بھائی جاں بحق ہوگئے تھے، یہ افسوسناک واقعہ مشرقی ریاست فجیرہ میں پیش آیا تھا، جاں بحق ہونے والوں میں تین بچے اور چار بچیاں شامل تھیں۔

مارچ 29, 2019