Tag: ابوظبی

ابوظبی : بیش قیمت گاڑیوں کے شوقین شیخ حمد بن حمدان نے ٹرک اور جیپ کے ملاپ سے دنیا کی سب سے لمبی ’ایس یو وی‘ بنالی۔

تفصیلات کے مطابق ابوظبی کے حکمران خاندان سے تعلق رکھنے والے شیخ حمد بن حمدان قیمتی اور بیش قیمت گاڑیوں کے دلدہ ہیں اور ان کے ذاتی گیراج میں انتہائی بیش قیمت اور مہنگی گاڑیاں موجود ہیں۔

شیخ حمد بن حمدان نے فوجی ٹرک اور جیپ کو ملا کر ایسی گاڑی تیار کی ہے جسے ’اسپورٹس یوٹیلیٹی وھیکل‘ یا ایس یو وی کہا جاتا ہے، یہ گاڑیاں عموماً جیپ اور کار کے ملاپ سے تیار کی جاتیں ہیں اور امریکا اور یورپ میں کافی مقبولیت کی حامل ہیں۔

اماراتی خبر رساں ادارے کا کہنا ہے کہ ’ظہبیان‘ نامی ایس یو وی میں چھ سو ہارس پاور کا چھ سلینڈر والا انجن نصب کیا گیا ہے، گاڑی 35 فٹ لمبی اور 10 فٹ اونچی ہے جس کا وزن 24 ٹن ہے، مذکورہ گاڑی کو دنیا کی سب سے بڑی ایس یو وی قرار دیا جارہا ہے۔

شیخ حمد بن حمدان اماراتی ریاستوں میں عجیب و غریب گاڑیاں رکھنے اور کی وجہ سے کافی شہرت رکھتے ہیں اور انہیں عجیب و غریب گاڑیاں رکھنے کے باعث یہ رینبو کہا جاتا ہے۔

اماراتی خبر رساں ادارے کا کہنا ہے کہ شیخ حمد نے عجیب و غریب ایس یو وی کو شارجہ میوزیم میں منعقدہ ایک شو میں بھی پیش کیا تھا لیکن گاڑی کی قیمت نہیں بتائی گئی تھی تاہم یہ شیخ حمد کی ملکیت میں موجود سب سے مہنگی گاڑی ہے۔

ابوظبی: ابوظبی کے ولی عہد شیخ محمد بن زید النہیان نے یونیورسٹی کی طالبہ کی خواہش پوری کردی۔

عرب میڈیا کے مطابق ابوظبی کے ولی عہد شیخ محمد بن زید النہیان متحدہ عرب امارات یونیورسٹی کے دورے پر گئے جہاں طالبہ نے ولی عہد سے کہا وہ ان کی دادی سے فون پر بات کرلیں، شیخ محمد نے فون پر بات کرکے طالبہ کی خواہش پوری کردی۔

سماجی رابطے کی ویب سائٹ انسٹا گرام پر ویڈیو وائرل ہورہی ہے جس میں دیکھا جاسکتا ہے کہ یونیورسٹی کی طالبہ شیخ محمد سے کہہ رہی ہیں کہ وہ ان کی دادی سے فون پر بات کرلیں۔

ابوظبی کے ولی عہد نے طالبہ کی خواہش کا احترام کرتے ہوئے ان کی دادی سے اسی وقت فون پر بات کی۔

شیخ محمد زید النہیان نے خاتون سے پوچھا کہ آپ کیسی ہیں آپ کی پوتی یہ چاہتی تھیں کہ میں آپ سے بات کروں۔

سوشل میڈیا پر شیخ محمد زید النہیان کے اس اقدام کو کافی سراہا جارہا ہے اور صارفین نے دعا کی کہ اللہ تعالیٰ متحدہ عرب امارات کی قیادت کو سلامت رکھے۔

View this post on Instagram

أحدى الطالبات تقول ل #محمد_بن_زايد اثناء زيارته ل #جامعة_الإمارات : جدتها ودها تسلم عليك فيرد عليها #بوخالد ويقول : اتصلي عليها وبسلم عليها ❤️ @mohamedbinzayed

A post shared by 🇸🇦 شبكة ياسي الامارات 🇦🇪 (@yasiuae) on Feb 7, 2019 at 9:57am PST

ابوظبی: متحدہ عرب امارات میں نوجوان کو سوشل میڈیا پر مزاحیہ ویڈیو شیئر کرنے پر 5 سال قید اور لاکھوں درہم جرمانے کی سزا سنادی گئی۔

عرب میڈیا کی رپورٹ مطابق ابوظبی کے اسکول کی مزاحیہ ویڈیو سماجی رابطے کی ویب سائٹ انسٹا گرام پر شیئر کرنے پر نوجوان کو 5 سال قید اور 5 لاکھ درہم جرمانے کی سزا سنادی گئی، نوجوان کا انسٹا گرام اکاؤنٹ بھی بند کردیا گیا۔

ابوظبی کے اسکول میں زیر تعلیم طالب علم نے انسٹاگرام پر اس طرح کی مزاحیہ ویڈیو شیئر کی جس میں طالب علموں کی جانب سے اساتذہ پر حملہ کرنے کا تاثر دیا گیا۔

طالب علم نے اپنے اوپر عائد الزام کو مسترد کرتے ہوئے کہا ہے کہ میرا مقصد کسی کی تضحیک کرنا ہر گز نہیں تھا، نہ ہی میں نے اسکول کے نظام کے خلاف کوئی اقدام کیا۔

مزید پڑھیں: دبئی: معروف اداکارہ کو ویڈیو شیئر کرنا مہنگا پڑ گیا، بھاری جرمانہ عائد

سزا پانے والے طالب علم کا مزید کہنا تھا کہ ویڈیو شیئر کا مقصد اس طرح کے اقدام کے خلاف شعور بیدار کرنا تھا، ویڈیو کو صرف میرے دوستوں نے ہی دیکھا تھا۔

واضح رہے کہ متحدہ عرب امارات میں بغیر اجازت کسی کی ویڈیو یا تصویر بنانا بھی جرم قرار دیا جاچکا ہے، جس کی سزا پانچ لاکھ درہم جرمانہ اور ایک سے پانچ سال تک قید ہے۔

سائبر کرائم کے 2012ء کے فیڈرل ڈکری لا نمبر 5 کے مطابق جو بھی شخص کسی اور کی پرائیویسی میں دخل اندازی کرے گا اسے ایک لاکھ پچاس ہزار سے پانچ لاکھ درہم تک کے جرمانے کا سامنا کرنا پڑسکتا ہے جبکہ اس کے ساتھ ایک سے پانچ سال قید کی سزا بھی دی جاسکتی ہے۔

ابو ظہبی :اماراتی ریاست کے عالمی ہوائی اڈے پر لاٹری کا ٹکٹ خریدنے والے بھارتی شہری نے 1 کروڑ 50 لاکھ اماراتی درہم (56 کروڑ 70 لاکھ سے زائد پاکستانی روپے) انعام میں جیت لیے۔

تفصیلات کے مطابق ملازمت کی غرض سے متحدہ عرب امارات کے دارالحکومت ابوظبی میں مقیم بھارتی شہری نے ڈیوٹی فری لکی ڈرا بگ ٹکٹ سے خریدی گئی لاٹری سے ہی 1 کروڑ 50 لاکھ اماراتی درہم کی انعامی رقم جیت کر آدھی رقم اپنے دوست کو دے کر نئی مثال قائم کردی۔

اماراتی خبر رساں ادارے کا کہنا ہے کہ بھارتی شہری شرات پروشطم جمعرات کے روز ٹکٹ نمبر 083733 سے انعام میں لاکھوں اماراتی درہم رقم جیت پر کروڑ پتی بنے تاہم انہیں اس بات پر یقین نہیں آرہا تھا اور بگ ٹکٹ انتظامیہ کے نمائندے کی کال پر یہ کہہ کر ’یہ مذاق ہے‘ فون بند کردیا۔

شرات پروشطم کا کہنا تھا کہ ’میں ابوظبی بگ ٹکٹ ڈیوٹی فری لاٹری کمپنی کا شکر گزار ہوں، مجھے یقین نہیں آرہا تھا لیکن بگ ٹکٹ کے جنرل مینیجر نے فون پر کہا کہ آپ ہماری ویب سائٹ چیک کریں جہاں آپ کا نام بمبر ٹکٹ جیتنے والے کے طور پر واضح ہے‘۔

[bs-quote quote=”بھارتی شہری نے ڈیڑھ کروڑ درہم جیت کر75 لاکھ درہم دوست کو تحفہ دے دئیے۔” style=”style-2″ align=”left”][/bs-quote]

اماراتی خبر رساں ادارے کا کہنا ہے کہ 34 شرات نے جیتی گئی رقم کا آدھا حصّہ گذشتہ دس برس سے ساتھ زندگی گزارنے والے دوست 36 پرشانت کو دے دیا۔

اماراتی میڈیا کا کہنا ہے کہ دونوں کا تعلق بھارتی ریاست کیرالہ سے ہے اور شرات اور پرشانت دبئی میں بھی ایک ہی کمپنی میں ملازمت کرتے ہیں اور ایک ہی کمرے میں رہائش پذیر ہیں۔

مقامی خبر رساں ادارے کا کہنا تھا کہ ابوظبی بگ ٹکٹ لاٹری سے دوسرا انعام ’1 لاکھ درہم‘ بھی ایک بھارتی شہری جیناچندرن وزہور نامی شخص نے ٹکٹ نمبر 107150 سے جیتا ہے۔

اماراتی میڈیا کے مطابو پاکستانی شہری شاہد فرید نے ٹکٹ نمبر 002528 سے بی ایم ڈبلیو سیریز 4 جیت پر اپنے نام کی ہے۔

اماراتی خبر رساں ادارے کاکہنا تھا کہ بگ ٹکٹ لاٹری جیتنے والے دس خوش نصیبوں میں سے ایک پاکستانی اور ایک فیجی شہری ہے جبکہ باقی آٹھ افراد کا تعلق بھارت سے ہے۔