ARYNews.tv | Urdu – Har Lamha Bakhabar

Tag: ابوظہبی

  • بھارتی وزیراعظم نریندر مودی نے ابوظہبی میں پہلے مندر کا سنگ بنیاد رکھ دیا

    بھارتی وزیراعظم نریندر مودی نے ابوظہبی میں پہلے مندر کا سنگ بنیاد رکھ دیا

    ابوظہبی : بھارتی وزیراعظم نریندر مودی نے ابوظہبی میں پہلے مندر کا سنگ بنیاد رکھ دیا، مندر دو ہزار بیس میں مکمل ہوگا۔

    تفصیلات کے مطابق بھارتی وزیراعظم نریندر مودی نے اتوار کو متحدہ عرب امارات پہنچے اور یو اے ای کے دارالحکومت ابوظہبی میں پہلے مندر کا سنگ بنیاد رکھ دیا، ابوظہبی کا یہ پہلا مندر 2020 میں مکمل ہوگا۔

    مندر کا افتتاح کرتے ہوئے مودی کا کہنا تھا کہ اس سے خلیج کی مسلم اقوام کے ساتھ رواداری کو فروغ دینے میں مدد ملے گی، بھارت مایوسی کے دور سے نکل چکا ہے اور اس سے اب یقین ہو گیا ہے کہ چیزیں تبدیل ہوجائیں گی۔

    مندر کے لیے زمین ابو ظہبی کے ولی عہد محمد بن زید النیہان نے عطیہ کی ہے۔

    بھارتی وزیراعظم نے بھی ٹوئٹر پر ایک ویڈیو شیئر کرتے ہوئے ابوظہبی کے ولی عہد محمد بن زید النیہان کا مندر کے لیے زمین عطیہ کرنے پر شکریہ ادا کیا۔

    خیال رہے کہ یہ مشر ق وسطیٰ میں بھی پہلا ہندو مندر ہوگا۔

    اس سے قبل بھارتی وزیر اعظم نریندر مودی اور متحدہ عرب امارات کے شہزادے شیخ محمد بن زید النیہان کے ساتھ ملاقات میں پچہتر بلین ڈالر کی سرمایہ کاری پر معاہدے کیے۔

    خلیج میں نو ملین بھارتی ہر سال پینتیس بلین ڈالر زرمبادلہ کی شکل میں بھیجتے ہیں۔

    بھارتی وزیر اعظم نریندر مودی اور ابو ظہبی کے شہزادےکی جانب سے مزید سرمایہ کاری بڑھانے پر اتفاق ہوا، ملاقات میں نریندر مودی کو شہزادے کی جانب سے مندر کے تحفے بھی پیش کئے گئے۔

    خیال رہے کہ 2015 میں نریندر مودی کے دورے پر امارتی حکومت نے ابوظہبی کی تاریخ میں بننے والے پہلے ہندو مندر بنانے کی منظوری دی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • ابوظہبی، دوسرے ماحول دوست ہائیڈروجن فیول اسٹیشن کا قیام

    ابوظہبی، دوسرے ماحول دوست ہائیڈروجن فیول اسٹیشن کا قیام

    ابوظہبی : متحدہ عرب امارات میں پہلے اسٹیشن کی شاندار کامیابی کے بعد دوسرے ہائیڈروجن اسٹیشن کا افتتاح کردیا گیا ہے جس کا مقصد توانائی کے لیے دستیاب دوسرے ذارئع کو بھی استعمال میں لانا ہے۔

    بین الااقوامی خبر کے مطابق متحدہ عرب امارات میں دوسرے ہائیڈروجن اسٹیشن کے افتتاح کے موقع اعلیٰ حکام بھی موجود تھے جنہوں نے توانائی کی اس قسم کو استعمال میں لانے پر خوشی کا اظہار کیا، ہائیڈروجن کو سبز فیول یعنی ماحول دوست فیول کا نام دیا گیا ہے۔

    ہائیڈروجن اسٹیشن متحدہ عرب امارات کی قومی آئل کمپنی (Adnoc )اور فضائی مادہ جن میں ہائیڈروجن فیول بھی شامل ہے کی سپلائی کرنے والی کمپنی کی مشترکہ کاوش ہے جس کا مقصد شہریوں کو ماحول دوست فیول فراہم کرنا ہے جس کے لیے توانائی کے دیگر ذرائع پر بھی کام کیا جا رہا ہے۔

    اس موقع پر خطاب کرتے ہوئے کمپنی ڈائریکٹر سعود عباسی کا کہنا تھا کہ متحدہ عرب امارات کے گنجان آباد اور مصروف مقامات پر ہائیڈروجن اسٹیشن کے قیام کی خواہش ہے جس پر عمل کرتے ہوئے دبئی میں پہلے اور ابوظہبی میں دوسرے ہائیڈروجن اسٹیشن کا قیام کا کام مکمل ہوچکا ہے۔

    ہائیڈروجن فیول پٹرول کی نسبت ماحول دوست آئل ہے جس کے استعمال سے آلودگی کے خاتمے میں مدد ملے گی تاہم اس فیول کے لیے خاص قسم کی گاڑیاں تیار کی جاتی ہے جو بجلی کی مدد سے چلتی ہیں۔

    متحدہ عرب امارات کی قومی آئل کمپنی اور گاڑیاں بنانے والی معروف کمپنی میگا پروجیکٹ کے تحت ماحول دوست ٹریفک کے لیے کوشاں ہے جس کے تحت نئی گاڑیاں فروخت کے لیے لائی جائیں گی اور اسے عام آدمی تک رسائی دی جائے گی۔

    ماہرین کا خیال ہے کہ پٹرول سے چلنے والی گاڑیاں کاربن کی بڑی مقدار فضاء میں منتقل کرتی ہیں جس کی وجہ سے جہاں اوزون تہہ کو خطرہ ہے وہیں رہائشیوں کو سانس لینے میں دقت اور پھپھڑوں کی مختلف بیماریوں کا سامنا کرنا پڑتا ہے۔

    متحدہ عرب امارات کی حکومت اپنے شہریوں کو پر سکون اور صحت مند ماحول فراہم کرنے کا عزم کیے ہوئے ہے جس کے لیے ہائیڈروجن سے چلنے والی گاڑیاں دستیاب ہوں گی جس کے بعد پٹرول پر انحصار کم سے کم ہوتا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جشنِ سالِ نو، دبئی میں تیاریاں عروج پر، عام تعطیل، پارکنگ فیس معاف

    جشنِ سالِ نو، دبئی میں تیاریاں عروج پر، عام تعطیل، پارکنگ فیس معاف

    دبئی : نئے سال کی آمد کی خوشی میں ابو ظہبی میں 31 دسمبر 2017 اور یکم جنوری 2017 کو پارکنگ فیس معاف کردی گئی ہے۔

    اس بات کا اعلان ابوظہبی انتظامیہ نے پریس ریلیز میں کیا جس میں بتایا گیا ہے کہ 31 دسمبر 2017 کی شام سے 2 جنوری صبح 8 بجے تک پارکنگ فیس ختم کردی گئی ہے۔

    دوسری جانب وفاقی حکومت کی جانب سے نئے سال کی آمد کا جشن منانے کے لیے سرکاری ملازمین کے لیے 31 دسمبر 2017 اور یکم جنوری 2018 کو جب کہ پرائیوٹ اداروں کے لیے صرف یکم جنوری کو عام تعطیل کا اعلان کیا گیا ہے۔

    یاد رہے متحدہ عرب امارات نے نیا سال کی آمد کا جشن سرکاری طور پر منانے کا اعلان کر رکھا ہے جس کے باعث مختلف مقامات پر رنگارنگ تقریبات کے انعقاد کا فیصلہ کیا گیا ہے۔

    ذرائع کے مطابق سال نو کی آمد پر شہریوں اور سیاحوں کو دی جانے والی سہولیات اور عام تعطیلات کا اعلان ملک میں سیاحت کی فروخ کے تناظر میں کیا گیا ہے۔

    متحدہ عرب امارات نئے سال کے جشن کے حوالے سے دنیا بھر میں شہرت رکھتا ہے یہی وجہ ہے کہ دبئی، ابوظہبی اور شارجہ میں نئے سال کی آمد پر سیاحوں کا سمندر امڈ آتا ہے جہاں تمام ہوٹلز کی پیشگی بکنگ کر لی جاتی ہے اور بلند عمارتوں پر آتش بازی کا خوبصورت مظاہرہ کیا جاتا ہے.

    موسیقی، روشنی اور آتش بازی سے سجے ان شہروں کو مشرق وسطیٰ کا پیرس کہا جائے توغلط نہیں ہوگا جہاں دنیا بھر سے ہر رنگ و نسل اور ہر زبان بولنے والا شخص موجود ہوتا ہے اور ایسا لگتا ہے کہ یہ دنیا سمٹ کر ایک گاؤں میں آگئی ہے.

  • ابوظہبی ایئرپورٹ پہنچنے پر سیاحتی ویزہ محض آدھے گھنٹے میں حاصل کریں

    ابوظہبی ایئرپورٹ پہنچنے پر سیاحتی ویزہ محض آدھے گھنٹے میں حاصل کریں

    ابو ظہبی : متحدہ عرب امارات کی حکومت نے ابوظہبی پہنچنے والے تمام ملکوں کے شہریوں کو سیاحتی ویزا دینے کا اعلان کردیا ہے اور یہ سہولت ٹرانزٹ ویزہ رکھنے والے مسافروں کے لیے بھی ہو گی.

    تفصیلات کے مطابق متحدہ عرب امارات کی حکومت کی جانب سے سیاحتی ویزہ کے اجراء کے اعلان کے بعد امیگریشن حکام نے ابوظبی ایئرپورٹ کے ٹرمینل تھری (ٹرانزٹ ایریا) پر نیا کاﺅنٹر قائم کر دیا ہے جہاں محض 15 سے 30 منٹ میں سیاحتی ویزہ جاری کردیا جائے گا.

    اس بات کا فیصلہ محکمہ سیاحت و کلچر، ابوظہبی ایئرپورٹ، اتحاد ایئرلائن اور خارجہ و داخلہ حکام کے مابین ہونے والے مشترکہ اجلاس میں ابوظہبی میں سیر و تفریح کے مواقعوں کے انتخاب اور یہاں سیاحت کے فروغ کے منصوبے 2017 کے تحت کیا گیا.

    ذرائع کے مطابق سیاحتی ویزہ ابوظہبی آنے والے افراد کو 4 دن کے لئے فراہم کیا جائے گا اور ان چار دنوں میں مسافر ابوظہبی کی سیر کرسکیں گے اس سہولت سے نئے مسافر اور ٹرانزٹ ویزہ پر سفر کرنے والے مسافر بھی فائدہ اُٹھا سکتے ہیں.

    خیال رہے کہ ابوظبی ایئرپورٹ کے ٹرمینل تھری (ٹرانزٹ ایریا) پر قائم کاﺅنٹر پہلے ہی مختلف قسم کے ویزے جاری کررہا ہے جس میں اب 4 روز کے سیاحتی ویزے کے اجراء کا اضافہ ہوگیا ہے.

    علاوہ وزیں ٹرانزٹ ویزے پر سفر کرنے والے مسافروں کے لیے ابو ظہبی پہنچنے پر ان کے ویزے ایک مختصر طریقہ کار کے تحت محض ایک گھنٹے میں سیاحتی ویزے میں تبدیل کردیئے جائیں گے تاہم اس ویزے کی معیاد محض چار دن ہو گی.

    متحدہ عرب امارات کی حکومت کا یہ اقدام ابوظہبی میں سیاحت کو فروغ دینے کے لیے کیا گیا ہے جب کہ یو اے ای کے الیوم وطنی کے موقع پر دنیا بھر سے سیاحوں کی کثیر تعداد رنگا رنگ تقریبات دیکھنے یہاں پہنچیں گے.

  • ثقافتی ورثے پرمشتمل دنیا کے پرکشش ترین لوورز میوزیم کا افتتاح

    ثقافتی ورثے پرمشتمل دنیا کے پرکشش ترین لوورز میوزیم کا افتتاح

    ابوظہبی: ثقافتی ورثے پرمشتمل دنیا کا پرکشش ترین لوورز میوزیم عوام کے لئے آج کھول دیا گیا۔

    تفصیلات کے مطابق ابوظہبی میں ثقافتی ورثے پرمشتمل دنیا کے پرکشش ترین لوورز میوزیم کاافتتاح ہوگیا، افتتاحی تقریب میں شاندارآتش بازی سےآسمان پر رنگ بکھرگئے جبکہ فنکاروں نے حیرت انگیز کرتب دکھا کر سب کو دنگ کردیا۔

    ابوظہبی کا لوورز میوزیم عوام کے لئے آج کھول دیا گیا۔

    خیال رہے کہ فرانس میں پیرس کے میوزیم کی طرز پر بنے اس میوزیم کو بننے میں ایک دہائی سے بھی زیادہ کا عرصہ لگا ہے۔

    متحدہ عرب امارات کے شہریوں کے علاوہ دنیا کی بڑی تعدادعرصے سے لوور ابوظہبی کے مکمل ہونے کا انتظار کر رہی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تیسرا ون ڈے: پاکستان نے سری لنکا کوشکست دے کرسیریز جیت لی

    تیسرا ون ڈے: پاکستان نے سری لنکا کوشکست دے کرسیریز جیت لی

    ابو ظہبی: پاکستان اور سری لنکا کے درمیان جاری ون ڈے سیریز کے تیسرے میچ میں پاکستان نے سری لنکن ٹیم کوسات وکٹوں سے شکست دے کر 5 میچوں کی ون ڈے سیریز اپنے نام کرلی۔

    تفصیلات کے مطابق پاکستان اور سری لنکا کے درمیان ابوظہبی میں کھیلے جارہے تیسرے ون ڈے میچ میں سری لنکا  نے ٹاس جیت کر پہلے بیٹنگ کرتے ہوئے پاکستان ٹیم کو209رنز کا ہدف دیا تھا جسے پاکستان نے تین وکٹوں کے نقصان پر باآسانی پورا کرلیا۔

    قومی ٹیم کے اوپنر امام الحق نے ڈیبیو میچ میں شاندارسنچری بنائی، بہترین کاکردگی پر امام الحق کو مین آف دی میچ قراردیا گیا۔

    انضمام الحق کے بھتیجے امام الحق نے شاندار بیٹنگ کا مظاہرہ کرتے ہوئے125گیندوں پر5چوکوں اور 2 چھکوں کی مدد سے سینچری اسکور کی، اس کے علاوہ فخر زمان نے 29 ، محمد حفیظ نے 34 اور بابر اعظم نے 30رنز بنائے۔

    اس فتح کے بعد پاکستان کو5میچوں کی سیریزمیں3صفرکی فیصلہ کن برتری حاصل ہوگئی ہے۔

    اپنےچچا انضمام الحق کی طرح بنناچاہتا ہوں، امام الحق

    میچ کے بعد گفتگو کرتے ہوئے امام الحق نے کہا کہ میرا کوئی رول ماڈل نہیں، انضمام الحق کی طرح بنناچاہتا ہوں، انضمام الحق میری بہت مدد کرتےہیں،جب بھی مشکل آتی ہے چچاسے مدد لیتاہوں، کافی عرصےسے موقع ملنے کاانتظار کررہا تھا، موقع دینے پرکوچ مکی آرتھراور کپتان سرفراز احمد بھائی کا شکریہ ادا کرتا ہوں۔

    حسن علی کی پرفارمنس روز بروز بہترہو رہی ہے، سرفراز احمد

    اس موقع پر قومی ٹیم کے کپتان سرفراز احمد نے کہا کہ سیریز جیتنے پر اللہ کا شکر ادا کرتے ہیں، حسن علی کی پرفارمنس روز بروز بہترہو رہی ہے، اس کے علاوہ دیگر نوجوان کھلاڑی بھی شاندار کارکردگی کامظاہرہ کررہے ہیں۔

    قبل ازیں ٹاس جیت کر پہلے بیٹنگ کرتے ہوئے سری لنکا کی پوری ٹیم 48.2اوورز میں 208 رنز بنا کر آؤٹ ہوگئی تھی، سری لنکا کی جانب سے اپل تھرنگا نے سب سے زیادہ61رنز بنائے تھسارا پریرا38جبکہ لہیرو تھریمانے28رنز بنانے میں کامیاب ہوئے۔

    پاکستان کی جانب سے حسن علی نے پانچ، شاداب خان نے دو ، جنید خان اور محمد حفیظ نے ایک ایک وکٹ حاصل کی۔

    حسن علی کی پچاس وکٹیں مکمل

     قومی ٹیم کے بالر حسن علی نے پانچ سری لنکن کھلاڑیوں کو پویلین روانہ کیا اور اس کے ساتھ ہی حسن علی کی ون ڈے میں 50 وکٹیں مکمل ہوگئیں۔

    میچ سے قبل قومی ٹیم میں دو تبدیلیا ں کی گئی تھیں‘ احمد شہزاد کی جگہ امام الحق اور عماد وسیم کی جگہ فہیم اشرف ٹیم میں شامل کیا گیا۔

    ٹی ٹوئنٹی سیریزکیلئے قومی ٹیم کے کھلاڑیوں کے ناموں کا اعلان*

     یاد رہے کہ سری لنکن ٹیم اس سال محض چار ون ڈے میچز جیت سکی ہے اور پاکستان کے ساتھ ہونے والے آج کھیلے جانے والے ون ڈے میچز کو ملا کر لگاتار دس میچز ہار چکی ہے۔

    سری لنکا کے ساتھ سیریز کے باقی میچز میں سے دو شارجہ (20 اور 23 اکتوبر) میں کھیلے جائیں گے۔

    سری لنکن ٹیم پاکستان کے ساتھ تین ٹی ٹوئنٹی میچز بھی کھیلے گی جس میں سے دو میچز ابوظہبی ( 26 اور 27 اکتوبر ) میں کھیلے جائیں گے جبکہ ٹی ٹوئنٹی سیریز کا فائنل 29 اکتوبر کو لاہور میں منعقد ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ابوظہبی ٹیسٹ : پاکستان کے 422 اور سری لنکا کے4 وکٹ پر69 رنز

    ابوظہبی ٹیسٹ : پاکستان کے 422 اور سری لنکا کے4 وکٹ پر69 رنز

    ابوظہبی : پاکستان اور سری لنکا کے درمیان ابو ظہبی ٹیسٹ سنسنی خیز مرحلے میں داخل ہوگیا، دوسری اننگز میں سری لنکا نے چار وکٹوں پر 69 رنز بنالئے، قومی ٹیم پہلی اننگز میں 419 کے جواب میں 422 رنز بنا کر آؤٹ ہوگئی۔

    تفصیلات کے مطابق ابوظہبی ٹیسٹ کے چوتھے روز پاکستان کی ٹیم سری لنکا کیخلاف422رنز بنا کر پویلین لوٹ گئی، انجری کے باوجود اوپنر اظہر علی سب سے زیادہ 85رنز بناکر نمایاں رہے۔

    قومی ٹیم کے340 کے اسکور پر اس کی 8وکٹیں گر چکی تھیں تاہم حارث سہیل کی 76رنز اور حسن علی کے29 رنز کی اننگز کی بدولت پاکستان سری لنکا پر تین رنز کی برتری حاصل کرنے میں کامیاب ہوا۔

    ابوظہبی کے شیخ زاید اسٹیڈیم میں کھیلے جانے والے ٹیسٹ میچ میں کپتان سرفراز احمد نے رنز بنانے میں تیزی دکھائی لیکن وہ بھی 316 کے مجموعی اسکور پر لکمل کی گیند پر بولڈ ہوگئے۔

    سرفراز احمد نے ایک چھکے اور ایک چوکے کی مدد سے 21 گیندوں پر 18رنز بنائے۔ پاکستان کے اوپنر عمدہ شراکت کے بعد اوپر تلے آؤٹ ہوتے گئے۔

    شان مسعود 59 رنز بنا کر ہیراتھ کی گیند پر بولڈ ہوئے جبکہ سمیع اسلم 51 کے انفرادی اسکور پر پریرا کی گیند پر ایل بی ڈبلیو ہو گئے۔ امپائر نے انہیں آؤٹ نہیں دیا تھا مگر سری لنکا نے ریویو لیا جس سے پتہ چلا کہ نیچے رہنے والی یہ گیند وکٹوں سے ٹکرا رہی تھی۔

    اس سے قبل ابو ظہبی کے شیخ زید اسٹیڈیم میں کھیلے جانے والے پہلے ٹیسٹ میچ کےچوتھے دن 266 رنز سے اپنی ناکمل اننگز کا آغاز کیا تواظہرعلی اور حارث سہیل کریز پر موجود تھے۔

    پاکستان کی جانب سے دونوں بلے بازوں نے محتاط انداز میں بیٹنگ کرتے ہوئے ٹیم کا اسکور 294 تک پہنچایا تو اظہرعلی 85 رنز بنا کر پویلین لوٹ گئے۔

    اظہر علی کے بعد کپتان سرفراز احمد کریز پرآئے اور 316 کے مجموعی اسکور پر لکمل کی گیند پر 18 رنز بناکر آؤٹ ہوگئے انہوں نے ایک چھکے اورایک چوکھے کی مدد سے 18 رنز اسکور کیے۔

    کپتان سرفراز احمد کے بعد محمد عامر بھی صرف 4 رنز بنا کر آؤٹ ہوئے جبکہ یاسر شاہ 8 رنز بنا سکے اس وقت حارث سہیل اورمحمد عباس کریز پر موجود ہیں۔

    سری لنکا کی جانب سے ہیراتھ نے 3 لکمل نے 2 جبکہ نوان پرادیپ اور پریرا نے ایک ایک وکٹ حاصل کی۔

    تیسرے روز کا کھیل، پاکستان کے چار وکٹوں پر 266 رنز

    واضح رہے کہ گزشتہ روز پاکستان اور سری لنکا کے درمیان کھیلے جانے والے پہلے ٹیسٹ میچ کے تیسرے روز کے اختتام پر پاکستان نے چار وکٹوں کے نقصان پر 266 رنز بنائے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ابوظہبی، جدید آلات حرب کی عالمی دفاعی نمائش جاری

    ابوظہبی، جدید آلات حرب کی عالمی دفاعی نمائش جاری

    ابو ظہبی : عالمی دفاعی نمائش آئیڈیکس دوہزارسترہ کامیابی کے ساتھ ابوظہبی میں جاری ہے جس میں جدید جنگی جہاز سمیت جدید سامان حرب رکھے گئے ہیں۔

    تفصیلات کے مطابق ابوظہبی میں بارہویں عالمی دفاعی نمائش آئیڈیکس 2017 کامیابی کے ساتھ جاری ہے جس میں دفاعی پیداوارکے وزیرانا تنویرحسین کی قیادت میں پاکستانی وفد نمائش میں شرکت کررہا ہے۔

    post-2

    عالمی نمائش میں پاکستان کے علاوہ مصر، روس، یوکرائن اور جنوبی افریقہ سمیت دیگر ممالک کے وفد بھی شرکت کررہے ہیں اورآلاتِ حرب میں دلچسپی کا اظہارکررہے ہیں۔
    post-1

    نمائش کے لیے جدید جنگی جہاز، بکتر بند گاڑیوں اور ہیلی کاپٹروں سمیت دیگر جدید اسلحہ اور آلات حرب رکھے گئے ہیں جب کہ جنگی جہازوں، بکتر گاڑیوں اور ہیلی کاپٹرز نے اپنی صلاحیتوں کا بھی مظاہرہ کیا۔
    post-3

    واضح رہے کہ وفاقی وزیرپیداوار رانا تنویر نمائش میں چین ، ترکی، امریکا اور برطانوی پولینز کے بھی دورے کریں گے اور دوطرفہ تعلقات پر اظہار خیال کریں گے۔

    post-4

    وفاقی وزیرپیداوار کا کہنا تھا کہ دفاعی نمائش آئیڈیکس دوہزارسترہ دنیا بھرمیں پاکستانی دفاعی مصنوعات کو متعارف کرانے کا بہترین موقع ہے جس سے پاکستان کی دفاعی صنعت کو خاطرخواہ فائدہ حاصل ہوگا۔

    post-5

    یاد رہے وفاقی وزیرپیداوار رانا تنویر حسین متحدہ عرب امارات کے وزیردفاع کی دعوت پرنمائش میں شرکت کررہے ہیں۔

  • ابوظہبی : پاکستان اورویسٹ انڈیزآج تیسرے ٹی ٹوئنٹی میں مد مقابل

    ابوظہبی : پاکستان اورویسٹ انڈیزآج تیسرے ٹی ٹوئنٹی میں مد مقابل

    ابوظہبی : ورلڈ چیمپیئنز ویسٹ انڈیز کو کلین سوئپ کرنے کیلئے تیسرا اور آخری ٹی ٹوئنٹی میچ آج ابوظہبی میں کھیلا جائے گا۔ پاکستان کو سیریز میں 0-2 کی برتری حاصل ہے۔

    تفصیلات کے مطابق ٹی ٹوئنٹی سیریز پاکستان کے نام ہوگئی اب ویسٹ انڈیز کا وائٹ واش سے بچنے کا امتحان ہوگا۔ دبئی میں ورلڈ چیمپئنز کی دال نہ گل سکی۔ اب مہمان ٹیم ابو ظہبی میں قسمت آزمائے گی۔

    پہلے ٹی ٹوئنٹی میں پاکستان نے ہدف کا کامیابی سے تعاقب کیا۔ دوسرے ٹی ٹوئنٹی میں ویسٹ انڈیز ٹاس جیت کر بھی میچ ہار گیا اور شاہین سیریز لے اڑے۔

    ٹی ٹوئنٹی سیریز میں کلین سوئپ کرنے کے بعد ساتویں نمبر پر موجود پاکستان کے ریٹنگ پوائنٹس میں بہتری آئے گی۔ پاکستان نے پہلے ٹی ٹوئنٹی میچ میں ویسٹ انڈیز کو 9 وکٹوں اور دوسرے میچ میں 16 رنز سے شکست دی تھی۔

    دبئی میں دونوں ٹی ٹوئنٹی میچز میں میدان کھچا کھچ بھرے رہے۔ دوسرے میچ میں عمر اکمل کا جشن کا انداز بھی کافی مشہور رہا۔۔ ورلڈ چیمپئنز کے پاس اب ہارنے کے لئے کچھ بھی نہیں ہوگا۔

    تیسرے میچ میں قومی ٹیم میں کسی تبدیلی کا امکان نہیں جب کہ مہمان ٹیم کے کپتان کارلوس بریتھ ویٹ اپنی ٹیم کی کارکردگی سے خوش نہیں اورامکان ظاہر کیا جارہا ہے کہ تیسرے میچ کے لئے ٹیم میں ایک سے 2 تبدیلیاں کی جاسکتی ہیں۔ ادھر سرفراز کی قیادت میں ٹیم تو سرفراز ہوگئی اب شاہینوں نے وائٹ واش پر نظریں جمالیں ہیں۔

     

  • سیاسی جماعت کےعسکری ونگ کا کمانڈر سعید بھرم گرفتار

    سیاسی جماعت کےعسکری ونگ کا کمانڈر سعید بھرم گرفتار

    کراچی: سیاسی جماعت کے عسکری ونگ کے کمانڈرسعید بھرم کو ابوظہبی سے گرفتار کرلیا گیا

    ذرائع کے مطابق قانون نافذ کرنے والے ادارے نے انٹرپول کی مدد سے دو روز قبل ابوظہبی میں کارروائی کے دوران سعید بھرم کو گرفتار کیا۔

    ذرائع کا کہنا ہے کہ سعید بھرم کراچی میں چائنہ کٹنگ کا اہم ملزم ہے جس پر بم دھماکوں، ٹارگٹ کلنگ ، اغوا برائے تاوان، قتل ، اقدام قتل سمیت سنگین جرائم میں ملوث ہونے کا الزام ہے ، ملزم کراچی آپریشن شروع ہونے کے بعد ملک سے فرار ہوگیا تھا

    ساؤتھ افریقہ اور دبئی میں روپوش تھا اور وہیں سے اپنا نیٹ ورک چلارہا تھا ،سعید بھرم کو جلد کراچی منتقل کردیا جائے گا۔