Tag: ابوظہبی

ابوظہبی پاکستان اور سری لنکا کے درمیان ٹیسٹ سیریز کے پہلے روز پاکستانی شاہینوں نے سری لنکا کے کھلاڑیوں کی پہلے دن ہی لنکا ڈھا دی، صرف204 رنز پر تمام کھلاڑیوں کو پویلین کی راہ دکھائی ، پاکستانی بالر جنید خان نے اپنی جادوئی بولنگ سے پانچ کھلاڑیوں کو آوٹ کیا ۔

جبکہ بلاول بھٹی نے بھی 3 کھلاڑیوں کو گراؤنڈ سے باہر جانے پر مجبور کیا ، دنیا کے بہترین اسپنر سعید اجمل نے 2 کھلاڑیوں کو آوٹ کیا، سری لنکا کی بیٹنگ پاکستانی شاہینوں کے سامنے ریت کی دیوار ثابت ہوئی۔ سری لنکا کی ٹیم اپنی پہلی اننگز میں صرف 65 اوورز کا سامنا کر سکی ۔    

ٹی ٹوئنٹی اور ون ڈے سیریز میں دلچسپ مقابلوں کے بعد پاکستان اور سری لنکا کی ٹیمیں طویل دورانیئے کی کرکٹ میں ٹکرائیں گی۔ ٹی ٹوئنٹی سیریز ڈرا رہی جبکہ ون ڈے میں پاکستان نے میدان مارا۔ یو اے ای کی وکٹوں پر اسپنرز کا کرداراہم ہوگا۔ پاکستانی ٹیم آف اسپنر سعید اجمل پر انحصار کرے گا۔.

ادھرسری لنکن ٹیم بیٹنگ میں پاکستان کے لئے مشکلات کھڑی کرسکتے ہیں۔ سری لنکا کے پاس مہیلا جے وردھنے اور سنگاکارا جیسے دنیا کے بہترین بیٹسمین موجود ہیں جو اسپنرز کو بھرپور مہارت سے کھیلنے کی صلاحیت رکھتے ہیں۔

قومی ٹیم جولائی دوہزار بارہ کے بعد سری لنکا کے خلاف ٹیسٹ میچ میں مدمقابل آرہی ہے۔ پاکستان کو گزشتہ سال دورہ سری لنکا میں تین میچز کی ٹیسٹ سیریز میں ایک صفر سے ناکامی کا سامنا کرنا پڑا تھا۔ دونوں ممالک کے درمیان مجموعی طور پر تینتالیس ٹیسٹ کھیلے گئے ہیں، پاکستان سولہ اور سری لنکا دس میں سرخرو رہا

عالمی نمبر دو سربیا کے نواک یوکووچ نے ابوظہبی میں ہونے والی ورلڈ ٹینس چیمپیئن شپ جیت لی ہے۔ ابوظہبی میں کھیلی گئی ورلڈ ٹینس چیمپیئن شپ کے فائنل میں عالمی نمبر دو سربیائی ٹینس اسٹار نوواک یوکووچ اور اسپین کے ڈیوڈ فیرر کا ٹکراؤ ہوا۔

ایک گھنٹہ دس منٹ تک کھیلے گئے میچ میں نوواک یوکووچ نے اسٹریٹ سیٹس سے کامیابی حاصل کی۔ پہلے سیٹ میں یوکووچ سخت مقابلے کے بعد سات پانچ سے کامیابی ملی۔

دوسرے سیٹ میں ڈیوڈ فیرر نے چار صفر کی سبقت حاصل کرلی تھی لیکن یوکووچ نے کھیل میں کم بیک کرتے ہوئے مقابلہ چھ دو سے جیتا اور ٹائٹل اپنے نام کرلیا۔

سری لنکا کیخلاف ٹیسٹ سیریز میں حصہ لینے کے لئے قومی ٹیسٹ اسکواڈ کے چار کھلاڑی متحدہ عرب امارات کے لئے روانہ ہو گئے۔ سری لنکا کے خلاف ٹیسٹ اسکواڈ میں شامل خرم منظور، اظہر علی، راحت علی اور محمد طلحہ لاہور سے ابوظہبی کے لئے روانہ ہوئے۔

روانگی کے موقع پراظہرعلی کا کہنا تھا کہ ٹیم کا مورال بلند ہے، ون ڈے کی طرح ٹیسٹ سیرز میں بھی فتح کا تاج پہن کر آئیں گے۔ایک سوال کے جواب میں اظہرعلی کا کہنا تھا کہ جنوبی افریقہ کو ان ہی کی سر زمین میں شکست دی ہے، یہ اچھی کارکردگی کا ہی نتیجہ ہے۔

سینئر کھلاڑی یونس خان اور اسد شفیق کراچی سے روانہ ہونگے جبکہ ٹیسٹ اسکواڈ میں شامل دیگرکھلاڑی سری لنکا کیخلاف جاری ون ڈے سیریز کھیلنے کے لئے پہلے سے ہی متحدہ عرب امارات میں موجود ہیں۔

سری لنکا کیخلاف پہلا ٹیسٹ میچ اکتیس دسمبر سے ابوظہبی میں شروع ہو گا جبکہ دوسرا ٹیسٹ میچ آٹھ جنوری سے دبئی اور تیسرا ٹیسٹ سولہ جنوری سے شارجہ میں ہو گا۔

اسٹارآل راؤنڈرشاہد آفریدی بیٹی کی طبیعت خراب ہونے کے باعث دبئی سے وطن واپس پہنچ رہے ہیں۔ آفریدی سری لنکا کے خلاف پانچویں ون ڈے میں ٹیم کا حصہ نہیں ہوں گے۔ پاکستان اور سری لنکا کے درمیان سیریز کا پانچواں ون ڈے کل ابوظہبی میں کھیلا جائے گا۔

اسٹار کھلاڑی شاہد آفریدی بیٹی کی طبیعت کی ناسازی کے باعث دبئی سے وطن واپس پہنچ رہے ہیں۔ وہ سری لنکا کے خلاف آخری ون ڈے میں ایکشن میں دکھائی نہیں دے سکیں گے۔ پاکستان سیریز میں پہلے تین ایک کی فیصلہ کن برتری حاصل کرچکا ہے۔

پاکستان شاہین ایک مرتبہ پھر آج لنکا ڈھانے کے لئے میدان میں اتریں گے، لیکن اس بار ان کا مقابلہ شارجہ میں نہیں بلکہ ابوظہبی میں ہوگا۔

پاکستان نے شارجہ میں لنکا ڈھائی اور سیریز میں دو ایک کی برتری پائی، اب ابوظہبی میں پنجہ آزمائی ہوگی، پاکستانی ٹیم سیریز کو ابوظہبی کے شیخ زید اسٹیڈیم میں ہی فیصلہ کن بنانے کے لئے پرعزم ہیں۔ عمر گل کی واپسی سے پاکستان کی بولنگ لائن مضبوط ہوئی ہے۔

ادھر کافی عرصے سے نہ چلنے والی بیٹنگ لائن بھی کلک کرچکی ہے، محمد حفیظ کے بلے نے رنز اگلنا شروع کردیئے ہیں، چوتھے میچ کے لئے قومی ٹیم میں کسی بھی تبدیلی کا امکان نہیں ہے۔

دوسری جانب سری لنکن کپتان اینجلو میتھیوز کا کہنا ہے کہ سیریز میں کم بیک کے لئے کھلاڑیوں کو غیر معمولی کارکردگی دکھانا ہوگی، پاکستان اور سری لنکا دو سال بعد ابوظہبی میں آمنے سامنے ہوں گے، اس سے قبل دونوں ٹیمیں نومبر دوہزار گیارہ میں مدمقابل آئیں تھیں، جس میں پاکستان تین وکٹوں سے کامیاب رہا۔