Tag: ابھیشیک بچن

بالی وڈ کے شہنشاہ امیتابھ بچن کے بیٹے ابھیشیک بچن نے کہا ہے کہ بعض اوقات کبڈی کھلاڑیوں کو مجھ سے زیادہ معاوضہ ملتا ہے۔

کبڈی بھارت کا قومی کھیل ہے،  کرکٹ کو بھارت میں سب سے زیادہ کو پسند کیا جاتا ہے تاہم  پرو کبڈی لیگ انڈین پریمیئر لیگ کے بعد ملک میں دوسرے سب سے زیادہ دیکھے جانے والا ایونٹ ہے اور گزشتہ کئی سال سے کبڈی لیگ نے کھیل میں انقلاب برپا کیا ہے۔

بھارت کے پرو کبڈی لیگ کی فرنچائز جے پور پنک پینتھر کے مالک بالی وڈ کے اداکار ابھیشیک بچن نے ایک انٹرویو میں کبڈی سے اپنی محبت اور فرنچائزاونر بننے کی دلچسپ کہانی سنائی ہے۔

ابھیشیک نے انکشاف کیا کہ مسٹر مہندرا( بھارت کے بڑے بزنس میں) نے پرو کبڈی لیگ شروع کرنے کا خیال پیش کیا، میں نے اپنی ٹیم اس وقت صرف یہ سمجھنے کے لیے بنائی کہ ایسی لیگ کتنی قابل عمل ہوگی، اور اس تحقیق کے دوران مجھے جو کچھ معلوم ہوا، اس نے میرے ہوش اڑا دیے۔

اداکار نے بتایا کہ جب مجھے اس لیگ کا حصہ بننے کے لیے کہا گیا تو میرا پہلا ردعمل یہی تھا’’کبڈی‘‘، اس وقت مجھے اس کے بارے میں کچھ نہیں پتا تھا، میں نے ان سے وقت لیا اور اس پر تحقیق شروع کردی۔

ابھیشیک نے کہا کہ میں نے بچپن میں کبڈی کھیلی تھی، لیکن میں نے تحقیق کے دوران یہ دیکھا کہ جدید دور میں کبڈی کس طرح کھیلی جاتی ہے جس کے لیے میں اپنے گھر کے قریب کبڈی میچ دیکھنے گیا۔

’’یہ ایک مقامی کبڈی ٹورنامنٹ تھا لیکن اسے 10 ہزار لوگ دیکھ رہے تھے، اس ماحول اور کبڈی کے جذبے نے میرے ہوش اڑا دیے، اس وقت میں نے یہ سوچا کہ ہم اس کھیل کو قومی سطح پر کیوں نہیں لا رہے‘‘۔

اداکار نے بتایا کہ’ کبڈی کا عروج صرف ناظرین کی تعداد سے نہیں بلکہ کھلاڑیوں کی تنخواہوں میں اضافے سے بھی ہوا ہے، ابھیشیک نے اعتراف کیا کہ کچھ کھلاڑی مجھ سے زیادہ کماتے ہیں‘۔

ممبئی: بالی ووڈ اداکار ابھیشیک بچن ہمیشہ ٹرولنگ کے زد میں رہتے ہیں، زیادہ تر اس وقت جب ان کا موازنہ ان کے والد اور تجربہ کار اداکار امیتابھ بچن سے کیا جاتا ہے۔

بھارتی اداکار ابھیشیک بچن کو سوال پوچھنے پر سوشل میڈیا ٹرولز نے انہیں ’بےروزگار‘ کہہ دیا جس کے جواب میں اداکار نے ٹرولز کو آڑے ہاتھوں لے لیا۔

ہوا کچھ یوں کہ ابھیشیک بچن ایک صحافی کو ٹوئٹر پر جواب دیتے ہوئے یہ کہا کہ ’کیا لوگ ابھی بھی اخبارات پڑھتے ہیں؟‘ جس کے جواب میں ایک صارف نے ری ٹوئٹ کیا کہ ’ذہین لوگ پڑھتے ہیں، آپ جیسے بےروزگار نہیں پڑھتے۔‘

اس پر ابھیشیک بھی چپ نہ رہ سکے، انہوں نے بھی موقع پر چوکا مارتے ہوئے اس شخص کا پہلے شکریہ ادا کیا پھر اسے ہی ٹرول کردیا۔

اداکار نے تحریر کیا کہ ’ویسے ذہانت اور روزگار کا آپس میں تعلق نہیں ہے، آپ کی ہی مثال لے لیتے ہیں۔ مجھے یقین ہے کہ آپ برسرِ روزگار ہیں، مجھے یہ بھی یقین ہے کہ (ٹوئٹ کے مطابق) آپ ذہین نہیں ہیں۔

ابھیشیک کے اس جواب کو ٹوئٹر پر ان کے مداحوں نے خوب سراہا اور تبصرے کرتے ہوئے ایک نے لکھا کہ آپ نے اسکرین پر بہترین اور عمدہ پرفارمنسز دی ہیں، آپ ایسے لوگوں کو نظرانداز کریں۔

کمسن بیٹی پر تنقید کرنے والوں کو ابھیشیک بچن کا کرارا جواب

ایک اور صارف نے ابھیشیک کے لیے یہ بھی لکھا کہ آپ انہیں سنجیدہ نہ لیں، ایسے لوگ دوسروں پر تنقید کر کے اپنی خوشیاں تلاش کرتے ہیں۔

@juniorbachchan don't take them seriously they find their happiness in criticising others but I wanna tell you as a fan you are an amazing actor and human being and you are moving on a right path so keep it up. Always maintain your JOSH HIGH. ❤️👌InAdvanced happy diwali🙏🎉

— Rishi Bhardwaj (@rishCbhardwaj) October 22, 2022

دوسری جانب اپنی صاحبزادی نویا نویلی نندا کے پوڈکاسٹ ’واٹ دی ہیل نویا‘میں شویتا بچن نے والدہ جیا بچن کے ہمراہ شرکت کی۔

شویتا بچن نے دوران گفتگو ابھیشیک بچن کے 20 سالہ فلمی کیریئر پر بھی بات چیت کی اور کہا کہ لوگ بھائی کا موازنہ والد سے کرتے ہیں، ابھیشیک بچن کی ٹرولنگ کرنے والے مجھے امیتابھ بچن پر تنقید کرنے والوں سے زیادہ پریشان کرتے ہیں۔

شویتا بچن نے مزید کہا کہ ابھیشیک بچن کا امیتابھ بچن سے موازنہ کرنا مناسب نہیں ہے، جب بھی دونوں پر تنقید کی جاتی ہے تو میں بھائی کے تحفظ کے لیے پریشان ہوجاتی ہوں۔

ابھیشیک بچن صحافی پر برہم ہوگئے

گفتگو کے دوران جیا بچن نے ابھیشیک بچن کے حسن مزاح کی تعریف کی، جس سے شویتا بچن نے بھی اتفاق کیا۔

ہوسٹ نویا نے گفتگو کا حصہ بنتے ہوئے کہا کہ میں بھی نانا امیتابھ بچن کے بجائے ماموں ابھیشیک بچن کے لیے محسوس کرتی ہوں، مسلسل اُن کا بے جوڑ موازنہ کیا جاتا ہے۔

نویا نے کہا کہ نانا سے ماموں کا موازنہ کسی صورت بنتا ہی نہیں ہے، آپ کسی کا کسی بہت ہی بڑے سے کیسے تقابل کرسکتے ہیں؟ پوچھتی ہوں کیا ان دونوں کا کوئی میچ ہے؟ زندگی بھر ایسا نہیں ہوسکتا۔