Tag: اثاثوں کے مالک

اسلام آباد : سابق وزیراعظم عمران خان 14 کروڑ 21 لاکھ روپے سے زائد اثاثوں کے مالک نکلے ، ان کے سال 2020 کی نسبت 2021 کے اثاثوں میں 6 کروڑ سے زائد کا اضافہ ہوا۔

تفصیلات کے مطابق الیکشن کمیشن نے گوشواروں کی تفصیلات جاری کردیں، جس میں بتایا گیا ہے کہ سابق وزیراعظم عمران خان 14 کروڑ 21 لاکھ روپے سے زائد اثاثوں کے مالک ہے۔

دستاویز میں کہا گیا کہ عمران خان کے سال 2020 کی نسبت 2021 کے اثاثوں میں 6 کروڑ سے زائد کا اضافہ ہوا ہے، ان کے سال 2020 میں اثاثوں کی کل مالیت 8 کروڑ سے زائد تھی، عمران خان کے سال 2020 میں اثاثوں کی کل مالیت 8 کروڑ سے زائد تھی۔

الیکشن کمیشن کا کہنا تھا کہ عمران خان پر سال 2020 میں 7 کروڑ سے زائد کا قرض تھا اور سال 2020 میں قرض کی رقم شامل کر کے اثاثوں کی مالیت 15 کروڑ روپے سے زائد تھی، تاہم سال 2021 کے اثاثوں کے مطابق عمران خان کے ذمہ کچھ واجب الادا نہیں۔

عمران خان نے گوشواروں میں زمان پارک، میانوالی اور بھکر میں وراثتی زمین ظاہر کیں جبکہ بنی گالا گھر کو گفٹ ظاہر کیا ہے۔

سابق وزیراعظم کے پاس گرینڈ حیات اسلام آباد ٹاور میں ایک فلیٹ 1 کروڑ 19 لاکھ کا ہے جبکہ ان کا اندرون یا بیرون ملک کوئی کاروبار نہیں اور نہ ان کے پاس اپنی کوئی ذاتی گاڑی ہے۔

عمران خان کا بینک بیلنس 6 کروڑ 3 لاکھ سے زائد ہے جبکہ دو ڈالرز اکاونٹس میں 3 لاکھ 29 ہزار ڈالرز ہیں۔

عمران خان کے ذمہ سال 2020 میں 7 کروڑ روپے واجب الادا ہیں لیکن سال 2021 میں کوئی قرض نہیں ہے، عمران خان نے گزشتہ سال کا 7 کروڑ روپے قرض ادا کر دیا تھا۔

اس کے علاوہ عمران خان نے اثاثوں میں 2 لاکھ روپے مالیت کی 4 بکریاں بھی ظاہر کی ہیں، ان کے پاس 5 لاکھ مالیت کا فرنیچر ہے-

دوسری جانب عمران خان نے اپنی اہلیہ بشری بی بی کے اثاثوں کی تفصیلات بھی جمع کرائی، بشری بی بی کے پاس 431 کینال کی پاکپتن میں دو مختلف زمینیں ہیں جبکہ وہ بنی گالا اسلام آباد میں 3 کینال کے گھر کی مالک ہیں۔

اسلام آباد : وزیراعظم شہباز شریف 24 کروڑ 50 لاکھ سے زائد اثاثوں کے مالک نکلے ، ان کے اثاثوں میں 2020 کی نسبت 2021 میں3 لاکھ روپے کمی آئی۔

تفصیلات کے مطابق الیکشن کمیشن نے ارکان پارلیمنٹ کے سال 2021 کے اثاثوں کی تفصیلات جاری کر دیں، جس میں بتایا گیا کہ وزیراعظم شہباز شریف 24 کروڑ 50 لاکھ سے زائد اثاثوں کے مالک ہیں اور 14 کروڑ سے زائد کے مقروض ہیں۔

دستاویز میں کہا گیا کہ شہباز شریف نے سلمان شہباز سے 6 کروڑ سے زائد کا قرض لےرکھا ہے جبکہ ان کے پاس 2گاڑیاں، بینک بیلنس 2 کروڑ سے زائد ہے۔

الیکشن کمیشن نے کہا کہ شہباز شریف بیرون ملک 13 کروڑ 74 لاکھ روپے کے اثاثوں کے بھی مالک ہیں ، شہباز شریف کے اثاثوں میں 2020 کی نسبت 2021 میں3 لاکھ روپے کمی آئی۔

وزیراعظم نے اپنی بیویوں نصرت شہباز ،تہمینہ درانی کے اثاثے بھی ڈکلئیر کردیئے ہیں، جس کے مطابق نصرت شہباز 23 کروڑ روپے کے اثاثوں کی مالک ہیں، تہمینہ درانی کے اثاثوں کی ملکیت 57 لاکھ 60 ہزار ہے۔

بلاول بھٹو

دستاویز میں بتایا گیا کہ بلاول بھٹو نے بیرون ملک اپنے کاروبار بھی ظاہر کیے اور ان کا بینک بیلنس 12 کروڑ سے زائد کا ہے۔

آصف زرداری

الیکشن کمیشن کے مطابق آصف علی زرداری 71 کروڑ 42 لاکھ سے زائد اثاثوں کے مالک نکلے، دستاویز کے مطابق آصف زرداری کا بیرون ملک کوئی کاروبار نہیں ہے۔

مراد سعید

اس کے علاوہ مراد سعید کا کوئی اپنا گھر نہیں، ان کے پاس ایک گاڑی اور 15 تولےسونا ہے اور ان کے اکاؤنٹس میں 29 لاکھ 63 ہزار سےزائد رقم موجود ہے۔

عمر ایوب

رہنما پی ٹی آئی عمر ایوب ایک ارب 19 کروڑ سے زائد کے اثاثوں کے مالک ہیں ،ان کے ذمہ 11 لاکھ 55 ہزار روپے واجب الادا ہیں جبکہ عمر ایوب نےبیرون ملک بزنس کی تفصیلات بھی جمع کرائیں۔

اسد قیصر

سابق اسپیکر قومی اسمبلی اسد قیصر ساڑھے 8 کروڑ سےزائد اثاثوں کےمالک اور ایک کروڑ 17 لاکھ سےزائدکےمقروض ہیں، ان کی 6 کروڑ 72 لاکھ سے زائد کی جائیداد ہیں۔

اسد قیصر نے 58 لاکھ روپے کا کاروبارظاہر کیا ہے، وہ ایک گاڑی اور96 لاکھ سے زائد رقم بینک بیلنس کے مالک بھی ہیں۔

پرویز خٹک

دستاویز کے مطابق پرویز خٹک 16 کروڑ 71 لاکھ کے زائد کے اثاثوں کے مالک نکلے ، ان کا بینک بیلنس 3 کروڑ روپے جبکہ وہ 2 کروڑ 56 لاکھ روپے کے مقروض ہیں۔