کراچی : بحیرہ عرب سے اٹھنے والے طوفان بائپر جوائے کے اثرات نمودار ہونے لگے، بلوچستان کے ساحلی علاقے اوماڑہ اور سجاول میں پانی آبادی میں داخل ہوگیا۔
تفصیلات کے مطابق بحیرہ عرب میں سمندری طوفان بیپرجوئےکی شدت برقرار ہے اور کراچی سے چارسوسترکلومیٹر دور ہے۔
سمندری طوفان بپر جوائے کے اثرات ظاہر ہونے لگے، بلوچستان کے ساحلی علاقے اوماڑہ میں سمندربپھرگیا اور پانی سڑک پارکرکے آبادی میں داخل ہوگیا۔
سجاول میں جھکڑے چلنے لگے اور جاتی کے کلکا چہانی کے مکینوں کے گھروں میں پانی داخل ہوگیا تاہم رات گئے دو سو سے زائد لوگوں کو ریلیف کیمپوں میں منتقل کر دیا گیا۔
ٹھٹہ اوربدین میں بھی سمندر میں بلند لہریں ہے ، جس کے باعث ماہی گیروں کو گہرے سمندرسےواپس بلالیا گیا ہے۔
محکمہ موسمیات کا کہنا ہے کہ طوفان کے مرکز اور اس کے اردگردکی ہوائیں ایک سوسترکلو میٹر فی گھنٹہ کی رفتار سےچل رہی ہیں اور لہروں کی بلندی تیس فٹ ہے۔
محکمہ موسمیات کے مطابق چودہ جون کی صبح تک طوفان مزید شمال شمال مشرق کی جانب رخ کرسکتا ہے اور پندرہ جون کی سہ پہرکو کیٹی بندراور بھارت کےشہرگجرات کے ساحل سےگزرے گا، جس کے باعث ہوائیں سو سے ایک سوبیس فی گھنٹہ کی رفتارسے چلیں گی۔
کراچی میں آندھی کے ساتھ ساٹھ سے ستر کلومیٹر فی گھنٹہ کی رفتار سے ہوائیں چل سکتی ہیں جبکہ بدھ اورجمعرات کو کراچی اور حیدرآباد میں تیز بارش کا امکان ہے۔