پشاور: صوبہ خیبرپختونخواہ میں آج عیدالفطر منائی جا رہی ہے اور ملک کے دیگر صوبوں میں شوال کا چاند آج دیکھا جائے گا۔
تفصیلات کے خیبرپختونخواہ کے دارالحکومت پشاور سمیت دوسرے شہروں میں نماز عید کے اجتماعات منعقد ہوئے جس میں ملکی سلامتی کے لیے دعائیں مانگی گئیں۔
گورنر ہاؤس میں بھی نماز عید کا اہتمام کیا گیا جہاں گورنر شاہ فرمان اور لوگوں کی بڑی تعداد نے شرکت کی۔
دوسری جانب ملک بھر میں بوہری برداری بھی آج عید منا رہی ہے اور اس سلسلے میں کراچی میں نماز عید کا سب سے بڑا اجتماع طاہری مسجد صدر میں ہوا جبکہ پان منڈی، سولجربازار، بلوچ کالونی اور نارتھ ناظم آباد میں بھی نماز عید کے اجتماعات منعقد کیے گئے۔
مفتی شہاب کو رویت ہلال کمیٹی کا چیئر مین بنایا جائے، شوکت یوسف زئی
اس سے قبل گزشتہ روز وزیر اطلاعات شوکت یو سف زئی کا کہنا تھا کہ مفتی شہاب الدین کے اکثر فیصلے درست ہوتے ہیں، عیدیں اور رمضان تقسیم ہونے پرافسوس ہوتا ہے۔
مرکزی رویت ہلال کمیٹی کا اجلاس آج کراچی میں ہوگا
واضح رہے کہ شوال کا چاند دیکھنے کے لیے مرکزی رویت ہلال کمیٹی کا اجلاس آج محکمہ موسمیات کراچی کے دفتر میں ہوگا، اجلاس کی صدارت چیئرمین رویت ہلال کمیٹی مفتی منیب الرحمان کریں گے جبکہ زونل کمیٹیوں کے اجلاس اپنے اپنے مقررہ مقامات پر منعقد ہوں گے۔
