ARYNews.tv | Urdu – Har Lamha Bakhabar

Tag: اجتماعی زیادتی

  • فیصل آباد: اجتماعی زیادتی کا جھوٹا مقدمہ درج کروانے پر خاتون گرفتار

    فیصل آباد: اجتماعی زیادتی کا جھوٹا مقدمہ درج کروانے پر خاتون گرفتار

    فیصل آباد(8 اگست 2025): پولیس نے اجتماعی زیادتی کا جھوٹا مقدمہ درج کروانے پر خاتون کو گرفتار کرلیا۔

    تفصیلات کے مطابق فیصل آباد میں اجتماعی زیادتی کیس کے ملزمان سے پانچ لاکھ روپے لے کر عدالت میں منحرف ہونے والی خاتون اقصیٰ کو گرفتار کر لیا گیا۔ ملزمہ کے دو ساتھی فرار ہوگئے جبکہ تینوں ملزمان کے خلاف تھانہ پیپلز کالونی میں اینٹی ریپ ایکٹ سمیت چار دفعات کے تحت مقدمہ درج کرلیا گیا۔

      پولیس کا کہنا ہے کہ اقصیٰ نامی خاتون نے خود کو چک نمبر چار کشمیر پل کی رہائشی ظاہر کر کے ایک ماہ قبل جڑانوالہ کے رہائشی عدنان اور دانش سمیت تین افراد کے خلاف اجتماعی زیادتی کا مقدمہ درج کروایا تھا۔

    پولیس کا کہنا ہے کہ اقصیٰ ملزمان سے پانچ لاکھ روپے وصول کر کے عدالت میں منحرف ہو گئی تھی اور اپنا ڈی این اے ٹیسٹ کروانے سے بھی انکار کر دیا تھا۔

    ڈاکوؤں کی باپ اور بیٹے کو کمرے میں بند کرکے خاتون سے اجتماعی زیادتی

    اقصیٰ نے پولیس کو اپنا جعلی شناختی کارڈ نمبر اور معلومات فراہم کیں، بعدازاں اقصیٰ اور اس کے دو ساتھی نوید اور ساجد عدالت کے باہر ملزم دانش کے رشتے دار سے باقی رقم وصول کر رہے تھے۔

    اسی دوران تفتیشی افسر انسپکٹر ثنا نے اقصیٰ کو گرفتار کر لیا جبکہ نوید اور ساجد پولیس سے مزاحمت کرتے ہوئے فرار ہو گئے، تینوں ملزمان کے خلاف تھانہ پیپلزکالونی میں اینٹی ریپ ایکٹ سمیت چار دفعات کے تحت مقدمہ درج کر لیا گیا ہے۔

  • کراچی : دورانِ ڈکیتی خاتون سے اجتماعی زیادتی کرنے والے 3 ملزمان گرفتار ، اعتراف جرم کرلیا

    کراچی : دورانِ ڈکیتی خاتون سے اجتماعی زیادتی کرنے والے 3 ملزمان گرفتار ، اعتراف جرم کرلیا

    کراچی (29 جولائی 2025) : دورانِ ڈکیتی خاتون سے اجتماعی زیادتی کرنے والے 3 ملزمان گرفتار کرلیا گیا ، تینوں ملزمان نے اپنے جرم کا اعتراف کر لیا ہے۔

    تفصیلات کے مطابق کراچی کے علاقے ابراہیم حیدری میں پولیس نے خفیہ اطلاع پر کارروائی کرتے ہوئے خاتون سے مبینہ اجتماعی زیادتی اور ڈکیتی میں ملوث تین خطرناک ملزمان کو گرفتار کر لیا۔

    پولیس نے بتایا کہ گرفتار ملزمان نے خاتون کے گھر میں گھس کر نہ صرف زیورات، نقدی اور قیمتی سامان لوٹا بلکہ متاثرہ خاتون کو مبینہ طور پر اجتماعی زیادتی کا نشانہ بھی بنایا۔

    حکام کا کہنا تھا کہ گرفتار ملزمان کی شناخت عادل، شیراز اور یاسر کے ناموں سے ہوئی ہے، ملزمان کے قبضے سے غیرقانونی اسلحہ بھی برآمد ہوا ہے

    مزید پڑھیں : کراچی: میمن گوٹھ میں مبینہ اجتماعی زیادتی سے لڑکی حاملہ ہوگئی

    پولیس کے مطابق ابتدائی تفتیش میں تینوں ملزمان نے اپنے جرم کا اعتراف کر لیا ہے جبکہ یہ بھی انکشاف ہوا ہے کہ اس واردات میں ان کے دو مزید ساتھی بھی شامل تھے، جن کی گرفتاری کے لیے چھاپے مارے جا رہے ہیں۔

    پولیس نے مزید بتایا کہ گرفتار ملزمان مختلف وارداتوں میں ملوث رہے ہیں اور ان کا کریمنل ریکارڈ بھی حاصل کیا جا رہا ہے۔

    متاثرہ خاتون کا میڈیکل چیک اپ کرایا جا رہا ہے جبکہ کیس کو انسداد دہشتگردی کی دفعات کے تحت درج کر کے مزید تفتیش جاری ہے۔

  • نوشہرو فیروز : خاتون مبینہ اجتماعی زیادتی کے بعد قتل

    نوشہرو فیروز : خاتون مبینہ اجتماعی زیادتی کے بعد قتل

    سندھ کے شہر نوشہرو فیروز میں خاتون کی لاش ملنے کے معاملے میں پیش رفت سامنے آئی ہے، خاتون کو جنسی زیادتی کے بعد قتل کیا گیا ہے۔

    اس حوالے سے پولیس حکام کا کہنا ہے کہ نوشہرو فیروز میں محبت ڈیرو کے قریب ایک خاتون کو قتل کردیا گیا، لاش پوسٹ مارٹم کے لئے کنڈیارو اسپتال منتقل کردی گئی۔

    مقتولہ کے ورثاء کا کہنا ہے کہ 2 ہفتے قبل قریبی رشتہ داروں نے خاتون سے اجتماعی زیادتی کی تھی، اس سلسلے میں مقامی وڈیرے کے پاس جرگہ منعقد ہونا تھا۔

    ورثا کے مطابق متاثرہ خاتون کو جرگہ ہونے تک مقامی وڈیرے کے پاس بطور امانت رکھا گیا تھا، اجتماعی زیادتی کرنے والے ملزمان نے وڈیرے کے گھر کے قریب سے خاتون کو اغوا کیا۔

    ورثا نے الزام عائد کیا ہے کہ ملزمان خاتون کو اغوا کرکے اپنے گھر لےگئے اور قتل کردیا، ملزمان قتل کے بعد اس کی لاش گھر کے قریب پھینک کر فرار ہوگئے۔

    پولیس حکام کے مطابق پوسٹ مارٹم رپورٹ ملنے کے بعد ہی اصل حقائق سامنے آئیں گے، ابتدائی تفتیش مکمل کرکے ملزمان کے خلاف مقدمہ درج کیا جائے گا۔ ڈی ایس پی کنڈیارو مقتولہ کے رشتہ داروں کے بیانات قلمبند کررہے ہیں۔

  • ڈاکوؤں کی باپ اور بیٹے کو کمرے میں بند کرکے خاتون سے اجتماعی زیادتی

    ڈاکوؤں کی باپ اور بیٹے کو کمرے میں بند کرکے خاتون سے اجتماعی زیادتی

    پاکپتن : ڈاکوؤں نے دوران ڈکیتی باپ اور بیٹے کو کمرے میں بند کرکے خاتون کو اجتماعی زیادتی کانشانہ بنا ڈالا۔

    تفصیلات کے مطابق پاکپتن میں تھانہ کلیانہ کے علاقے میں چارمسلح ملزمان نے محنت کش اقبال کے گھر میں گھس کرلوٹ مارکی اور خاتون کو اجتماعی زیادتی کانشانہ بنایا.

    دوران ڈکیتی ڈاکوؤں نے باپ اور بیٹے کو کمرے میں بند کرکے خاتون کا گینگ ریپ کیا اور واردات میں انورٹر، موبائل فونزاورنقدی بھی لوٹی اور فرار ہوگئے۔

    ڈسٹرکٹ پولیس آفیسر جاوید چدھ نے بتایا کہ پولیس نے مقدمہ درج کرکے مرکزی مُلزم اظہر کو گرفتار کرلیا ہے اور دیگر ملزمان کی گرفتاری کے لیے کوششیں جاری ہے۔

    ایس پی صدر چوہدری انعام الحق کی سربراہی میں پولیس ٹیم تشکیل دے دی گئی ہے۔

    حکام نے بتایا کہ گرفتار مرکزی ملزم کا کل ڈی این اے ٹیسٹ کرایا جائے گا تاہم پولیس نے 6 مشتبہ افراد کو حراست میں لیکرتفتیش شروع کردی ہے۔

  • شوہر کے سامنے بیوی کو اجتماعی زیادتی کا نشانہ بنانے والا ملزم پولیس مقابلے میں ہلاک

    شوہر کے سامنے بیوی کو اجتماعی زیادتی کا نشانہ بنانے والا ملزم پولیس مقابلے میں ہلاک

    حافظ آباد: پنجاب کے شہر حافظ آباد میں خاتون کو شوہر کے سامنے اجتماعی زیادتی کا نشانہ بنانے والا ملزم مبینہ پولیس مقابلے میں مارا گیا۔

    4 جون کو حافظ آباد میں یہ واقعہ اس وقت پیش آیا جب میاں بیوی رشتہ داروں سے ملنے کے بعد موٹرسائیکل پر گھر لوٹ رہے تھے کہ مسلح افراد نے ایک ویران مقام پر روک لیا۔

    خاتون کو مسلح افراد نے قبرستان کے قریب اس کے شوہر کے سامنے اغوا کر کے زیادتی کا نشانہ بنایا، ملزمان نے حملے کی ویڈیو بھی بنائی اور بعد میں ویڈیو انٹرنیٹ پر اپ لوڈ کر دی۔

    پولیس نے 8 ملزمان کے خلاف اغوا، عصمت دری، جنسی زیادتی اور ڈکیتی کے الزامات کے تحت مقدمہ درج کیا تھا جس کے بعد متعدد افراد کو گرفتار کیا گیا۔

    تاہم اب کاؤنٹر ٹیررازم ڈیپارٹمنٹ (سی ٹی ڈی) کے مطابق ایک ملزم خاور انصاری کو دیگر ملزمان کی گرفتاری کے لیے لے جایا جا رہا تھا کہ راستے میں گھات لگائے ملزم کے ساتھیوں نے فائرنگ کی۔

    فائرنگ کے تبادلے کے دوران خاور انصاری مبینہ طور پر اپنے ہی ساتھیوں کی گولیوں سے مارا گیا، حملہ آور اندھیرے کی آڑ میں فرار ہونے میں کامیاب ہو گئے۔

    واضح رہے کہ مسلح افراد کی خاتون سے شوہر کے سامنے اجتماعی زیادتی اور ویڈیو وائرل کرنے کی خبر گزشتہ دنوں سامنے آئی تھی لیکن یہ واقعہ ایک ماہ قبل پیش آیا تھا۔

    مزید پڑھیں : نجی ہاؤسنگ سوسائٹی میں خاتون سے اجتماعی زیادتی، 4 ملزمان گرفتار

    اس سے قبل راولپنڈی میں سات سالہ بھانجی کے ساتھ زیادتی اور قتل کا الزام میں گرفتار ماموں ایک مبینہ پولیس مقابلے میں مارا گیا تھا۔

    نابالغ لڑکی موندرا تھانے کی حدود میں گھر کے باہر کھیلتے ہوئے لاپتہ ہوگئی تھی، گمشدگی کی اطلاع کے بعد پولیس کو لاپتہ بچی کی لاش زیر تعمیر عمارت سے برآمد ملی تھی۔

    بچی کی لاش کو اسپتال منتقل کیا گیا جہاں پوسٹ مارٹم رپورٹ میں اس کے ساتھ زیادتی کی تصدیق ہوئی، تفتیش کے دوران لڑکی کے ماموں سنیل کو گرفتار کیا گیا، جس نے دوران تفتیش قتل کا اعتراف کیا تھا۔

    https://urdu.arynews.tv/shikarpur-horrific-incident-to-13-year-old-girl/

  • خاتون سے اجتماعی زیادتی، بہنوئی شامل

    خاتون سے اجتماعی زیادتی، بہنوئی شامل

    لاہور: مانگا منڈی میں ایک خاتون کے ساتھ اجتماعی زیادتی کا دل دہلا دینے والا واقعہ پیش آیا ہے، جس کی تحقیقات میں پولیس نے انکشاف کیا ہے کہ اس میں خاتون کا بہنوئی بھی شامل تھا۔

    تفصیلات کے مطابق لاہور کے علاقے مانگا منڈی میں ایک خاتون کے ساتھ اجتماعی زیادتی کی گئی تھی، جس پر خاتون نے ملزمان کے خلاف تھانہ مانگا منڈی میں مقدمہ نمبر 1520/25 درج کر دیا تھا۔

    پولیس حکام کے مطابق ملزمان کو 12 گھنٹے میں ٹریس کر کے شامکی بھٹیاں سے گرفتار کر لیا گیا ہے، ایس پی صدر ڈاکٹر غیور احمد نے بتایا کہ خاتون سے اجتماعی زیادتی کے 2 ملزمان گرفتار کیے گئے ہیں، جن میں بابر اور سلطان نامی افراد شامل ہیں، جب کہ ملزم بابر متاثرہ خاتون کا بہنوئی ہے۔

    ایس پی غیور احمد کا کہنا تھا کہ متاثرہ خاتون کو مکمل قانونی اور طبی مدد فراہم کی جا رہی ہے، جب کہ گرفتار ملزمان سے تفتیش بھی جاری ہے۔

    13 سالہ لڑکی کے ساتھ اجتماعی زیادتی کا ہولناک واقعہ، ملزمان میں پولیس افسر کا بیٹا بھی شامل

    یاد رہے کہ 24 مئی کو سندھ کے شہر شکارپور میں بھی ایک 13 سالہ لڑکی کے ساتھ اجتماعی جنسی زیادتی کا ہولناک واقعہ پیش آیا تھا، جس کے ملزماں میں سے ایک پولیس افسر کا بیٹا بھی شامل تھا۔

    ایس ایس پی شاہ زیب چاچڑ نے بتایا کہ زیادتی کرنے والوں کی شناخت تنویر جعفری اور جواد ہکڑو کے طور پر ہوئی ہے، تنویر جعفری پولیس اے ایس آئی کا بیٹا ہے۔ متاثرہ لڑکی کا کہنا تھا کہ وہ چیک اپ کے لیے نجی کلینک گئی تھی، جہاں اسے پانی میں نشہ آور چیز ملا کر اجتماعی جنسی زیادتی کی گئی، اور زیادتی کے بعد وڈیو بنا کر بلیک میل کیا گیا اور دو ماہ تک جنسی تشدد جاری رکھا گیا۔

  • نجی ہاؤسنگ سوسائٹی میں خاتون سے اجتماعی زیادتی، 4 ملزمان گرفتار

    نجی ہاؤسنگ سوسائٹی میں خاتون سے اجتماعی زیادتی، 4 ملزمان گرفتار

    سیالکوٹ : نجی ہاؤسنگ سوسائٹی میں خاتون سے اجتماعی زیادتی کا نشانہ بنادیا گیا، پولیس نے ملوث 4 ملزمان کو گرفتار کرلیا۔

    تفصیلات کے مطابق سیالکوٹ میں تھانہ موترہ کےعلاقے میں نجی ہاؤسنگ سوسائٹی میں خاتون خاتون سے اجتماعی زیادتی کا واقعہ پیش آیا۔

    تھانہ موترہ پولیس نے خاتون سے اجتماعی زیادتی کرنیوالے چاروں نامزدملزمان کو گرفتار کرکے متاثرہ خاتون کی مدعیت میں مقدمہ درج کر لیا۔

    پولیس نے بتایا کہ متاثرہ ہ خاتون کی علی سلہری نامی لڑکے سے دوستی تھی، ملزم علی نے خاتون کو نجی سوسائٹی بلایا اور دیگر 3 ساتھیوں کیساتھ خاتون سے اجتماعی زیادتی کی۔

    ایف آئی آر کے متن میں کہنا تھا کہ ملزم علی ،شاہزیب،روحیل اور علی حیدر نے زیادتی کی جبکہ ملزمان دوران زیادتی ویڈیوز بھی بناتے رہے۔

    مزید پڑھیں : فیصل آباد: 17 سالہ گھریلو ملازمہ مبینہ اجتماعی زیادتی کے باعث حاملہ

    یاد رہے پنجاب کے شہر فیصل آباد کے علاقے چک سات میں 4 افراد نے گھریلو ملازمہ کو مبینہ طور پر اجتماعی جنسی زیادتی کا نشانہ بنایا تھا۔

    پولیس حکام نے بتایا تھا کہ 19 سالہ لڑکی دو سال سے مون کے گھر ملازمت کر رہی تھی، مون اور ساتھی حمیرا کے گھر لے جا کر گھریلو ملازمہ سے مبینہ جنسی زیادتی کرتے رہے، لڑکی کے حاملہ ہونے پر زیادتی کا پتا چلا۔

  • بھارت: لڑکی سے 6 دن تک اجتماعی زیادتی کا ہولناک واقعہ

    بھارت: لڑکی سے 6 دن تک اجتماعی زیادتی کا ہولناک واقعہ

    بھارت میں جنسی درندے آزاد جبکہ مودی حکومت خاموش تماشائی کا کردار ادا کرنے میں مصروف ہے، ریاست اتر پردیش کے شہر وارانسی میں 19 سالہ لڑکی سے 6 دن تک 23 افراد کی اجتماعی زیادتی کا ہولناک واقعہ رونما ہوا ہے۔

    بھارتی میڈیا رپورٹس کے مطابق پولیس کا اس حوالے سے کہنا ہے کہ 12 نامزد ملزمان میں سے 6 کو گرفتار کرلیا گیا ہے جبکہ باقی افراد کی گرفتاری کیلیے ٹیمیں اپنا کام کررہی ہیں۔

    29 مارچ کو لال پور کی رہائشی 19 سالہ لڑکی ایک دوست سے ملنے گئی تھی جس کے بعد سے وہ لاپتہ ہوگئی تھی۔ گھر والوں نے 4 اپریل کو پولیس میں گمشدگی کی شکایت درج کرائی۔ اسی دن لڑکی کو پنڈے پور چوراہے پر بدترین حالت میں چھوڑ دیا گیا تھا۔

    رپورٹس کے مطابق متاثرہ لڑکی کسی طرح قریبی دوست کے گھر پہنچی جہاں سے اسے گھر منتقل کیا گیا، متاثر لڑکی کے گھر والوں نے تھانے میں رپورٹ درج کرائی۔

    لڑکی نے پولیس کو بتایا کہ اس کے ساتھ حقہ بار، ہوٹل، لاج اور گیسٹ ہاؤس میں 6 دن تک 23 مختلف لوگوں نے نشہ دے کر اجتماعی زیادتی کی۔

    یوپی حکومت کے ترجمان کے مطابق وزیراعظم نے واقعے کے مجرموں کے خلاف سخت ترین کارروائی اور مستقبل میں ایسے واقعات کی روک تھام کے لیے مناسب اقدامات کرنے کی ہدایت کی۔

    اس سے قبل بھی بھارت کے کانپور میں افسوسناک واقعہ رونما ہوا تھا، جہاں طالبہ کو اجتماعی زیادتی کا نشانہ بنا دیا گیا تھا۔

    بھارتی میڈیا رپورٹس کے مطابق کانپور کے گھاٹم پور تھانہ حلقے میں چار اوباش نوجوانوں نے نوعمر طالبہ کو اجتماعی زیادتی کا نشانہ بنایا، ملزمان نے متاثرہ طالبہ کو زردستی اپنی گاڑی میں بٹھایا اور سنسان جگہ پر لے گئے، رات بھر اسے جنسی زیادتی کا نشانہ بنایا۔

    سانگلہ ہل میں لڑکی سے اجتماعی زیادتی

    ملزمان متاثرہ لڑکی کو تشویشناک حالت میں سڑک کے کنارے چھوڑ کر فرار ہوگئے، مقامی لوگوں نے گھر والوں اور پولیس کو اس کی اطلاع دی۔ پولیس اور اہل خانہ نے لڑکی کو تشویشناک حالت میں اسپتال منتقل کیا، پولیس کا کہنا ہے کہ 4 ملزمان کے خلاف مقدمہ درج کرکے تحقیقات کا آغاز کردیا گیا ہے۔

  • 19 سالہ طالبہ اجتماعی زیادتی کا نشانہ بن گئی

    19 سالہ طالبہ اجتماعی زیادتی کا نشانہ بن گئی

    کانپور: بھارت میں جنسی زیادتی کے واقعات میں تشویشناک حدتک اضافہ ہوگیا، خاص طور پر خواتین انتہائی غیر محفوظ ہوگئیں،تازہ افسوسناک واقعہ کانپور میں پیش آیا، جہاں طالبہ کو اجتماعی زیادتی کا نشانہ بنا دیا گیا۔

    بھارتی میڈیا رپورٹس کے مطابق کانپور کے گھاٹم پور تھانہ حلقے میں چار اوباش نوجوانوں نے نوعمر طالبہ کو اجتماعی زیادتی کا نشانہ بنایا، ملزمان نے متاثرہ طالبہ کو زبردستی اپنی گاڑی میں بٹھایا اور سنسان جگہ پر لے گئے، رات بھر اسے جنسی زیادتی کا نشانہ بنایا۔

    ملزمان متاثرہ لڑکی کو تشویشناک حالت میں سڑک کے کنارے چھوڑ کر فرار ہوگئے، مقامی لوگوں نے گھر والوں اور پولیس کو اس کی اطلاع دی۔ پولیس اور اہل خانہ نے لڑکی کو تشویشناک حالت میں اسپتال منتقل کیا، پولیس کا کہنا ہے کہ 4 ملزمان کے خلاف مقدمہ درج کرکے تحقیقات کا آغاز کردیا گیا ہے۔

    رپورٹس کے مطابق متاثرہ طالبہ کے والد کا کہنا ہے کہ اس کی 16 سالہ بیٹی پیر کی شام تقریباً چار بجے کچھ سامان لینے کے لیے گھر سے گئی تھی، راستے میں اس کی ملاقات کانپور دیہات کے گجنیر تھانہ حلقے کے پوروا گاؤں کے رہنے والے ستّیم سے ہوئی۔ ستیم اپنے تین دوستوں کے ساتھ کار میں تھا۔

    ملزم ستیم نے لڑکی کو کسی بہانے بلا کر زبردستی اپنی گاڑی میں کھینچ لیا، اس کے بعد چاروں نے لڑکی کو ایک ویران جگہ پر لے جا کر اس کے ساتھ گینگ ریپ کیا۔ لڑکی نے احتجاج کیا تو ملزمان نے اسے تشدد کا نشانہ بھی بنایا۔

    اسرائیلی فوج کی غزہ میں بربریت، مزید 60 سے زائد فلسطینی شہید

    پولیس کا کہنا ہے کہ لڑکی کے والد کی شکایت پر ایک نامزد شخص سمیت چار لوگوں کے خلاف مقدمہ درج کیا گیا ہے۔ ملزمان کی گرفتاری کے لیے مسلسل چھاپے مارے جا رہے ہیں۔

  • سانگلہ ہل میں لڑکی سے اجتماعی زیادتی

    سانگلہ ہل میں لڑکی سے اجتماعی زیادتی

    سانگلہ ہل میں ملزمان نے لڑکی کو اجتماعی زیادتی کا نشانہ بنادیا، پولیس کا کہنا ہے کہ لڑکی کو تشویشناک حالت میں اسپتال منتقل کردیا گیا ہے۔

    اے آر وائی نیوز کے مطابق سانگلہ ہل پولیس نے بتایا کہ متاثرہ لڑکی کے والد کی مدعیت میں مقدمہ درج کرکے ایک ملزم کو گرفتار کرلیا گیا ہے۔

    ایف آئی کے متن کے مطابق ملزمان لڑکی کو جھانسہ دے کر اپنے ساتھ لے گئے تھے، مقدمے میں نامزد دیگر 2 ملزمان کی تلاش جاری ہے۔

    اس سے قبل فیصل آباد میں ڈکیتی کے دوران زرعی یونیورسٹی کی ملازمہ سے مبینہ زیادتی کے واقعے پر تھانہ ساندل بارپولیس نے نامزد ملزم علی شیر کو گرفتار کرلیا۔

    پولیس نے کہا کہ گرفتار ملزم علی شیر نے تفتیش کے دوران اعتراف جرم کرلیا تاہم ملزم کی نشاندہی پر دیگر ملزمان کی گرفتاری کے لئے چھاپے مارے جارہے ہیں۔

    ملزمان نے شوہر کے ساتھ گھر جاتی خاتون سے مبینہ اجتماعی زیادتی کی تھی جبکہ موبائل فون اور نقدی چھین کر فرار ہوگئے تھے۔

    بعد ازاں پولیس نے مقدمہ درج کر کے 6 مشتبہ افراد کو حراست میں لیا جبکہ متاثرہ جوڑے نے ڈکیتی اورزیادتی کے ایک ملزم کی نشاندہی کی اور بتایا دو ڈاکوؤں کے فون کرنے پر آنے والا ملزم علی شیر تھا، علی شیر بھی اجتماعی زیادتی میں شامل تھا۔

    حکام کا بتانا تھا کہ چنن کے گاؤں کا رہائشی عدنان مسیح اپنی بیوی کے ہمراہ موٹر سائیکل پر زرعی یونیورسٹی جھنگ روڈ کیمپس سے گھر واپس جا رہا تھا کہ چنن کے موٹروے پل کے قریب موٹر سائیکل سوار دو ڈاکوؤں نے انہیں اسلحے کے زور پر روک لیا۔

    27 سالہ خاتون سے اجتماعی زیادتی، پولیس کے حیرت انگیز انکشافات

    ملزمان نے عدنان کو باندھ کر کھیت میں پھینک دیا اور بعد ازاں اپنے تیسرے ساتھی کو فون کر کے بلالیا اور تینوں ملزمان نے خاتون کو زیادتی کا نشانہ بنایا۔