پولیس نے گجرات میں خاتون سے اجتماعی زیادتی میں ملوث پانچ ملزمان کو گرفتار کر کے شناخت پریڈ کیلئے جیل بھیج دیا۔
تفصیلات کے مطابق گجرات میں خاتون سے اجتماعی زیادتی میں ملوث پانچ ملزمان کو گرفتار کرلیا، جس کے بعد ملزمان کو جیل بھیج دیا گیا۔
متاثرہ خاتون نے الزام عائد کیا تھا کہ بھرے بازار سے دو مسلح افراد نے اغوا کیا اور ڈیرے پر مزید تین ساتھی بلا کر اجتماعی زیادتی کانشانہ بنایا۔
پولیس نے خاتون کا میڈیکل کروالیا، متاثرہ خاتون نے وزیراعلی پنجاب مریم نواز سے انصاف دلانےکی اپیل کی ہے۔
بھارت میں تلنگانہ کے ارکونڈہ پیٹ میں مندر کے قریب 27 سالہ خاتون سے اجتماعی زیادتی کی تحقیقات کے دوران، پولیس نے 7 ملزمان کی گرفتاری کے بعد چونکا دینے والے انکشافات کئے ہیں۔
بھارتی میڈیا رپورٹس کے مطابق پولیس کے ایس پی نے انکشاف کیا کہ ساتوں ملزمان نے نہ صرف خاتون کو جنسی زیادتی کا نشانہ بنایا بلکہ اس دوران ویڈیو بھی بناتے رہے، ساتھ ہی دھمکیاں بھی دیں کہ اگر کسی کو بتایا تو ویڈیو کو سوشل میڈیا پر اپ لوڈ کردیا جائے گا، ملزمان نے فرار ہونے سے قبل خاتون کے پاس موجود تمام اشیاء بھی لوٹ لیں۔
رپورٹس کے مطابق اجتماعی زیادتی کا یہ افسوسناک واقعہ 29 مارچ کی رات کو پیش آیا تھا، جب متاثرہ خاتون نے پیر (31 مارچ) کو پولیس کو اس حوالے سے شکایت درج کرائی۔
متاثرہ خاتون اپنے رشتہ داروں کے ساتھ سری انجنی سوامی مندر گئی۔ 11 بجے کے قریب، جب وہ اور اس کا رشتہ دار مندر کے عقبی احاطے میں گئے تو وہاں چھپے ہوئے مردوں کے ایک گروپ نے ان پر حملہ کرنے کا منصوبہ بنایا۔
اس دوران ملزمان نے مبینہ طور پر خاتون کے ساتھ جنسی زیادتی کی اور ساتھ ہی تشدد کا نشانہ بھی بنایا،پولیس نے انکشاف کیا کہ جب خاتون نے پانی مانگا تو ملزمان نے خاتون نے کے چہرے پر پیشاب کیا۔
ڈی ایس پی وینکٹیشورلو کی قیادت میں ایک پولیس ٹیم نے متاثرہ کی شکایت کے بعدتحقیقات شروع کی اور سی سی ٹی وی فوٹیج سے ملزمان کی شناخت کی گئی اور موبائل ٹریکنگ ٹیکنالوجی کا استعمال کرکے ملزمان کو گرفتار کرلیا گیا۔
پولیس نے بتایا کہ گرفتار کئے گئے ملزمان کی شناخت ماروپاکولا انجانیولو گوڑ (25)، ہریش گوڑ (23)، مٹا انجنیولو گوڑ (24)، منی کانتھا گوڑ (21)، مٹا مہیش گوڑ (28)، کارتک (20) اور محمد صادق بابا (28) کے ناموں سے ہوئی ہے۔
پولیس کے مطابق ملزمان کو گرفتار کرکے ریمانڈ پر تحویل میں لے لیا گیا ہے۔ اس کیس کو فاسٹ ٹریک عدالت میں منتقل کرنے کا منصوبہ بنا رہے ہیں، تاکہ متاثرہ خاتون کو جلد انصاف مل سکے۔
فیصل آباد: ڈکیتی کے دوران شوہر کے سامنے خاتون سے اجتماعی زیادتی میں ملوث ایک ملزم علی شیر کو گرفتار کر لیا گیا۔
تفصیلات کے مطابق فیصل آباد میں ڈکیتی کے دوران زرعی یونیورسٹی کی ملازمہ سے مبینہ زیادتی کے واقعے پر تھانہ ساندل بارپولیس نے نامزد ملزم علی شیر کو گرفتار کرلیا۔
پولیس نے کہا کہ گرفتار ملزم علی شیر نے تفتیش کے دوران اعتراف جرم کرلیا تاہم ملزم کی نشاندہی پر دیگر ملزمان کی گرفتاری کے لئے چھاپے مارے جارہے ہیں۔
گذشتہ روز فیصل آباد میں ملزمان نے شوہر کے ساتھ گھر جاتی خاتون سے مبینہ اجتماعی زیادتی کی تھی جبکہ موبائل فون اور نقدی چھین کر فرار ہوگئے تھے۔
بعد ازاں پولیس نے مقدمہ درج کر کے چھے مشتبہ افراد کو حراست میں کیا جبکہ متاثرہ جوڑے نے ڈکیتی اورزیادتی کےایک ملزم کی نشاندہی کی اور بتایا دو ڈاکوؤں کے فون کرنے پر آنے والا ملزم علی شیر تھا، علی شیر بھی اجتماعی زیادتی میں شامل تھا۔
حکام کا بتانا تھا کہ چنن کے گاؤں کا رہائشی عدنان مسیح اپنی بیوی کے ہمراہ موٹر سائیکل پر زرعی یونیورسٹی جھنگ روڈ کیمپس سے گھر واپس جا رہا تھا کہ چنن کے موٹروے پل کے قریب موٹر سائیکل سوار دو ڈاکوؤں نے انہیں اسلحے کے زور پر روک لیا۔
ملزمان نے عدنان کو ازار بند سے باندھ کر کھیت میں پھینک دیا اور بعد ازاں اپنے تیسرے ساتھی کو فون کر کے بلالیا اور تینوں ملزمان نے خاتون کو زیادتی کا نشانہ بنایا ۔
بھارتی ریاست کرناٹکا میں اسرائیلی خاتون سیاح کے ساتھ اجتماعی زیادتی کا واقعہ پیش آیا ہے۔
بھارتی میڈیا کا اس حوالے سے کہنا ہے کہ اسرائیلی خاتون سیاح سے اجتماعی زیادتی کا واقعہ جمعرات کے روز پیش آیا تھا، جہاں 2 خواتین کو اجتماعی زیادتی کا نشانہ بنایا گیا جن میں 27 سالہ اسرائیلی خاتون سیاح اور ان کی ایک ساتھی شامل ہے۔
رپورٹس کے مطابق واقعہ اس وقت پیش آیا جب دونوں خواتین بنگلورو سے 350 کلو میٹر دور کوپال کینال کے علاقے میں موجود تھیں اور ان کے ہمراہ 3 دیگر مسافر بھی موجود تھے۔
پولیس کا کہنا ہے کہ ملزمان نے خاتون کو زیادتی کا نشانہ بنانے سے قبل 3 مسافروں کو کینال میں دھکا دیا جن میں ایک امریکی شہری اور 2 بھارتی شہری شامل تھے، کینال میں گرنے کے بعد ایک بھارتی شہری ڈوب کر ہلاک ہوا جب کہ دیگر 2 زندہ بچنے میں کامیاب ہوگئے۔
پولیس کے مطابق ملزمان نے مجموعی طور پر 5 افراد پر حملہ کیا جن میں 2 خواتین اور 3 مرد شامل ہیں جن میں سے ایک اسرائیلی اور ایک امریکی شہری ہے۔
زیادتی کا نشانہ بنائی جانے والی اسرائیلی خاتون کو اسپتال میں طبی امداد فراہم کی جارہی ہے۔
خاتون کا کہنا ہے کہ پہلے انہیں تشدد کا نشانہ بنایا گیا جس کے بعد ملزمان نے مبینہ اجتماعی زیادتی کی۔ پولیس نے واقعے کا مقدمہ درج کرکے مزید ملزمان کی تلاش شروع کردی ہے۔
بھارت کے کرناٹک میں پولیس نے بیلگاوی کے قریب جنگل میں دو نابالغ لڑکیوں سے اجتماعی زیادتی کرنے کے الزام میں تین افراد کو گرفتار کرلیا۔
بھارتی میڈیا رپورٹس کے مطابق افسوسناک واقعہ 3 جنوری کو پیش آیا تھا، متاثرین سے ایک لڑکی نے 10دن بعد معاملے کا مقدمہ درج کرایا۔
رپورٹس کے مطابق ملزمان کی شناخت 18 سالہ ابھیشیک، 19 سالہ عادل شاہ اور 22 سالہ کوتوب کے طور پر کی گئی ہے جو ابتدائی طور پر فرار تھے۔ جنہیں شکایت درج ہونے پر حراست میں لے لیا گیا۔
واقعے کی تفصیلات بتاتے ہوئے پولیس کا کہنا تھا کہ 17 سالہ متاثرہ طالبہ کی انسٹاگرام پر ایک ملزم ابھیشیک کے ساتھ بات چیت ہوتی تھی، دونوں میں دوستی تھی۔
3 جنوری کو ملزم نے متاثرہ طالبہ کو اپنی گاڑی میں چلنے کے لئے کہا جس پر لڑکی نے حامی بھرلی اور وہ اپنی دوست کو بھی ساتھ لے گئی، دوسرا ملزم شبیر بعد میں ان کے ساتھ شامل ہو گیا جبکہ تیسرے ملزم نے کار کو جنگل کے علاقے میں لے جا کر دونوں لڑکیوں کے ساتھ مبینہ طور پر اجتماعی زیادتی کی۔
پولیس نے بتایا کہ ملزمان نے ویڈیو بھی ریکارڈ کی اور اس کا استعمال متاثرین کو بلیک میل کرنے کے لیے کیا تا کہ وہ گوا کے سفر کے لیے ان کے ساتھ شامل ہوں۔ لڑکیوں کے انکار کرنے پر انہوں نے ویڈیو کو وائرل کرنے کی دھمکی دی۔
واضح رہے کہ بھارت میں خواتین کے ساتھ جنسی زیادتی کے واقعات میں بے پناہ اضافہ ہوگیا ہے، جبکہ بھارتی حکومت اور انتظامیہ اس طرح کے معاملات میں خاموش تماشائی کا کردار ادا کرتی نظر آتی ہے۔
بھارت خواتین کے لئے انتہائی غیر محفوظ ملک بن گیا، ریاست تلنگانہ کے ضلع میدک میں ذہنی معذور خاتون سے اجتماعی زیادتی کا افسوسناک واقعہ رونما ہوا۔
بھارتی میڈیا رپورٹس کے مطابق ذہنی طور پر متاثرہ خاتون کو جنسی زیادتی کا نشانہ بنا دیا گیا، پولیس کی جانب سے واقعے کی تحقیقات شروع کردی گئی ہیں جبکہ ملزمان کو گرفتار کرلیا گیا ہے۔
پولیس نے اس حوالے سے بتایا کہ بھارت کی ریاست تلنگانہ کے ضلع میدک میں رواں ماہ کی 8 تاریخ کی صبح 30 سالہ خاتون جو ذہنی طوپر متاثر ہے رامنتا پور موضع کے قریب نیشنل ہائی وے 44 کے کنارے کھڑی تھی۔
اس دوران ملزمان ایک وین میں مرغیوں کا لوڈ لے کر جارہے تھے، خاتون کی تنہائی کا فائدہ اُٹھاتے ہوئے ملزمان خاتون کو سنسان علاقے میں لے گئے اور زیادتی کا نشانہ بنایا۔
پولیس کا کہنا ہے کہ تینوں ملزمان کو گرفتار کرلیا گیا ہے اور متاثرہ کو میدک بھروسہ سینٹر بھجوادیا گیا ہے۔
اس سے قبل کے پتوکی کے نواحی گاؤں کھریپڑ شریف میں 2 اوباش لڑکے قوت سماعت وگویائی سے محروم 14 سالہ بچی سے باری باری مبینہ زیادتی کر کے ویڈیو بناتے رہے۔
پولیس کا کہنا ہے کہ ملزمان نے بچی سے زیادتی کی ویڈیو بھی بنائی، متاثرہ بچی کے چچا کی مدعیت میں مقدمہ درج کیا گیا ہے، ایف آئی آر میں نامزد 2 میں سے ایک ملزم کو گرفتار کرلیا گیا ہے۔
اہل علاقہ کا کہنا ہے کہ ڈی پی او قصور اس واقعہ کا نوٹس لیں اور ظالم درندوں کے خلاف سخت ترین کارروائی کر کے انہیں نشان عبرت بنائیں۔
ساہیوال : پسند کی شادی کرنیوالی لڑکی کو شوہر کے دوستوں نے اجتماعی زیادتی کا نشانہ بنا ڈالا اور فرار ہوگئے۔
تفصیلات کے مطابق ساہیوال میں چک 6 چودہ ایل میں پسند کی شادی کرنیوالی لڑکی سے شوہر کے دوستوں کی اجتماعی زیادتی کا واقعہ سامنے آیا۔
پولیس نے شوہراقبال کی مدعیت میں مقدمہ درج کرکے 2ملزمان کوگرفتارکرلیا۔
ایف آئی آر میں کہا گیا کہ اقبال نے 7 دسمبر کو سے والدین کی مرضی کے بغیر لو میرج کی تھی، لو میرج کے بعد شوہر اقبال بیوی کو رشتہ دار ندیم کے گھر لے آیا تھا۔
مدعی مقدمے کا کہنا تھا کہ اقبال اگلے روز بیوی کو لے جانے کیلئے آیا تو دوستوں نے اسے کمرے میں بند کردیا اور ملزمان لڑکی سےاجتماعی زیادتی کے بعد موقع سے فرارہوگئے۔
یاد رہے چند روز قبل شیخوپورہ ضلع شرقپورشریف میں ایک افسوسناک واقعہ پیش آیا تھا جہاں ڈاکوؤں نے ناکہ لگا کر لوٹ مار کرنے کے بعد خاتون کو مبینہ اجتماعی زیادتی کا نشانہ بنایا تھا۔
15کے قریب ڈاکوؤں نے شیخوپورہ روڈ پر واردات میں 20 شہریوں کو نقدی، موبائل فونز سے محروم کردیا تھا، متاثرہ افراد نے بتایا تھا کہ ہمارے ساتھ لٹنے والی خاتون سے 3 ڈاکوؤں نے زیادتی کی، زیادتی کا شکار خاتون روتی ہوئی گھر چلی گئی۔
صادق آباد: پولیس نے اسسٹنٹ ڈائریکٹر زراعت جمیل الرحمان کو زیادتی کیس میں گرفتار کرلیا۔
تفصیلات کے مطابق پولیس کا کہنا ہے کہ اسسٹنٹ ڈائریکٹر زراعت جمیل الرحمان نے متاثرہ خاتون کو نوکری کا جھانسہ دیکر اجتماعی زیادتی کا نشانہ بنایا۔
صادق آباد پولیس کا کہنا ہے کہ ملزم نے اسپتال ملازم کے ساتھ ملکر خاتون سے اجتماعی زیادتی کی، اس واقعے کے بعد خاتون کو میڈیکل چیک اپ کیلئے شیخ زید اسپتال منتقل کردیا گیا۔
اس واقعےکے بعد مقدمہ تھانہ بی ڈویژن میں درج کروایا گیا جس کے بعد پولیس نے اسسٹنٹ ڈائریکٹر زراعت جمیل الرحمان کو زیادتی کیس میں گرفتار کرلیا۔
صل آباد: ڈاکوؤں نے دو گھروں میں دوران ڈکیتی خاتون کو اجتماعی زیادتی کا نشانہ بنا ڈالا اور سات تولہ سونا دس لاکھ روپے بھی لوٹ کر فرار ہوگئے۔
تفصیلات کے مطابق فیصل آباد کے علاقے علی ٹاؤن میں میں ڈاکوؤں نے دو گھروں میں دوران ڈکیتی خاتون سے اجتماعی زیادتی کی۔
نشاط آباد میں دو گھروں میں ڈکیتی اور لڑکی سےمبینہ اجتماعی زیادتی کا مقدمہ شہری کی مدعیت میں درج کرلیا گیا۔
مقدمے میں کہا گیا ہے پانچ ڈاکو شہری کے گھر سے موٹر سائیکل چھین کرفرار ہوئے، ڈاکوؤں نے اسلحے کے زور پر شہری کے ہمسائے کا دروازہ کھلوایا۔
مقدمے میں کہنا تھا کہ دوران ڈکیتی تین ڈاکوؤں نے گھر میں موجود اکیس سالہ لڑکی سے زیادتی کی اور متاثرہ لڑکی کے گھر سےسات تولہ سونا دس لاکھ روپے بھی لوٹ کر فرار ہوگئے۔
آئی جی پنجاب ڈاکٹرعثمان انور نے واقعہ کا نوٹس لیتے ہوئے آر پی او فیصل آباد سے رپورٹ طلب کر لی اور ملزمان کی گرفتاری کیلئے تمام وسائل بروئے کارلانے کی ہدایت کی۔
اُتر پردیش : بھارتی ریاست اُتر پردیش کے شہر متھرا میں تین افراد نے 13 سالہ دلت بچی کو اجتماعی زیادتی کا نشانہ بنا کر فلائی اوور کے نیچے پھینک کرفرار ہوگئے۔
تفصیلات کے مطابق بی جےپی کی حکومت میں بھارت میں لاقانونیت کاراج، خواتین مکمل طورپرغیرمحفوظ ہیں ، بھارت میں خواتین کےبڑھتےہوئےریپ کےواقعات سےخطے میں تشویش کی لہر دوڑ گئی ہے۔
بھارت میں جنسی زیادتی کےبڑھتےہوئےواقعات سےخواتین کاگھروں سے نکلنا محال ہوچکا ہے، تیرہ سالہ دلت بچی کے ساتھ اجتماعی زیادتی کا واقعہ سامنے آیا ہے۔
اُترپردیش کےشہرمتھرامیں13سالہ دلت لڑکی کیساتھ چلتی کار میں 3 افراد نے اجتماعی زیادتی کی ، 3 نوجوانوں نے بچی کو نشہ آور پانی پلایا اور وین میں ڈال دیا، جس کے بعد ویران علاقے کی طرف لےگئے، نوجوانوں نےبچی کواجتماعی زیادتی کانشانہ بنایا اور اُسے فلائی اوور کے نیچے پھینک کر فرار ہوگئے۔
خاندان نے زیادتی کا نشانہ بننے والی بچی کو ایک نجی اسپتال میں داخل کروایا، جہاں ڈاکٹروں نےتصدیق کی کہ اس کےساتھ زیادتی ہوئی ہے تاہم پولیس نے واقعہ کا مقدمہ درج کرلیا ہے اور تینوں ملزمان کی تلاش جاری ہے۔
اس سےقبل کلکتہ کےآر،جی،کاراسپتال میں زیرِتربیت ڈاکٹرکوریپ اورقتل کیاگیا تھا، بھارت دنیاکاوہ واحدملک بن چکاہےجہاں عورت ہوناایک جُرم سےزیادہ کچھ نہیں ہے ، آخر کب تک مودی سرکار بھارت کے حقیقی مسائل سے روگردانی کرتی رہے گی؟