ARYNews.tv | Urdu – Har Lamha Bakhabar

Tag: اجتماعی زیادتی

  • نوکری کا جھانسہ دے کر خاتون سے بیٹی کے سامنے اجتماعی زیادتی، مقدمہ درج

    نوکری کا جھانسہ دے کر خاتون سے بیٹی کے سامنے اجتماعی زیادتی، مقدمہ درج

    لاہور: گڑھی شاہو میں ایک شخص نے نوکری کا جھانسہ دے کر خاتون کو اجتماعی زیادتی کا نشانہ بناڈالا ، پولیس نے روایتی کاروائی کرتے مقدمہ درج کر لیا لیکن ملزمان تاحال فرار ہیں۔

    تفصیلات کے مطابق لاہور میں بیٹی کے سامنے ماں سے اجتماعی زیادتی کا ایک اور واقعہ سامنے آیا، جہاں گڑھی شاہو میں نوکری کا جھانسہ دے کر خاتون کو بلا کر زیادتی کا نشانہ بنایا گیا، پولیس نے روایتی کاروائی کرتے مقدمہ درج کر لیا تاہم ملزمان تاحال فرار ہیں۔

    پولیس کا کہنا ہے کہ ملزمان نے اسلحہ کے زورپر2سال کی بچی کے سامنے ماں کیساتھ زیادتی کی، مقدمے کے متن میں کہا گیا ہے مغلپورہ کی رہائشی خاتون کو سیف نامی ملزم نے نوکری دلانے کےبہانےبلایا اور رکشہ ڈرائیور سیف سمیت 3ملزمان نے خاتون سےزیادتی کی۔

    گذشتہ روز لاہور کے علاقے گلبرگ میں ایک شخص نے نوکری کے بہانے انٹرویو کیلئے بلا کر خاتون کو زیادتی کا نشانہ بنایا ، جس کے بعد تھانہ غالب مارکیٹ میں خاتون کی مدعیت میں مقدمہ درج کیا گیا تھا ۔

    درج ایف آئی آر کے مطابق متاثرہ خاتون کا کہنا تھا کہ مقدمے میں کہا گیا کہ نوکری کیلئےسیلون گئی جہاں احمد نامی نے نوکری کی یقین دہا نی کرائی، ملزم نے گلبرگ کے ایک ہوٹل میں انٹرویو کے بہانے بلایا، جہاں اس نے اسلحہ کے زور پر زیادتی کا نشانہ بنایا اور کسی کو بتانے کی صورت میں مارنے کی دھمکی دی۔

  • بھارت: دوست سے ملنے گئی خاتون کے ساتھ 25 افراد کی زیادتی

    بھارت: دوست سے ملنے گئی خاتون کے ساتھ 25 افراد کی زیادتی

    نئی دہلی: بھارت میں ایک اور خاتون اغوا اور اجتماعی زیادتی کا نشانہ بن گئیں، ہولناک واقعے میں 25 افراد نے خاتون کو زیادتی کا نشانہ بنایا۔

    بھارتی میڈیا کے مطابق واقعہ گزشتہ ماہ پیش آیا تھا تاہم خاتون اور ان کے اہلخانہ نے اب پولیس سے رابطہ کیا ہے۔

    خاتون کے مطابق ان کی ساگر نامی ایک شخص سے فیس بک پر دوستی تھی، جس نے ایک دن انہیں ملنے کے لیے بلایا، خاتون وہاں پہنچیں تو ساگر کے دوست بھی وہاں موجود تھے۔

    خاتون کا کہنا ہے کہ ساگر اور اس کے دوست انہیں زبردستی قریبی جنگل میں لے گئے جہاں انہیں اجتماعی زیادتی کا نشانہ بنایا گیا، بعد ازاں انہیں بے ہوشی کی حالت میں ایک گودام کے قریب پھینک دیا گیا۔

    پولیس کے مطابق خاتون کا تعلق ریاست اتر کھنڈ سے ہے اور وہ نوکری کے لیے نئی دہلی میں مقیم تھیں۔

    پولیس نے مرکزی ملزم ساگر کو گرفتار کرلیا ہے جبکہ دیگر ملزمان کی تلاش بھی جاری ہے، خاتون کو میڈیکل ایگزیمنیشن کے لیے اسپتال منتقل کردیا گیا ہے۔

  • ملازمت کا جھانسہ دے کر 17 سالہ لڑکی سے اجتماعی زیادتی

    ملازمت کا جھانسہ دے کر 17 سالہ لڑکی سے اجتماعی زیادتی

    میاں چنوں: پنجاب میں 17سالہ لڑکی کو ملازمت کا جھانسہ دیکر تین افراد نے اجتماعی زیادتی کا نشانہ بنا ڈالا، متاثرہ لڑکی نے وزیراعلیٰ پنجاب سے انصاف کی اپیل کردی ہے۔

    تفصیلات کے مطابق جنوبی پنجاب میں زیادتی کا ایک اور واقعہ پیش آیا ، جہاں میاں چنوں میں محلہ رحمانیہ کی رہائشی 17سالہ لڑکی کو ملازمت کا جھانسہ دیکر زیادتی کا نشانہ بنایا گیا۔

    متاثرہ لڑکی نے بتایا کہ ملزم وقارملازمت کاجھانسہ دےکرمحلہ اسلام آباد میں خالی گھرپرلےگیا، گھرپرملزم کے2ساتھی پہلےسےموجود تھےجنہوں نےاجتماعی زیادتی کی۔

    متاثرہ لڑکی نے وزیراعلیٰ پنجاب عثمان بزدار سے اپیل کی کہ مجھے انصاف فراہم کیاجائے تاہم بعد ازاں مجسٹریٹ درجہ اول کےحکم پرپولیس نےلڑکی کومیڈیکل کیلئےاسپتال منتقل کردیا۔

    پولیس عہدیدار نے بتایا کہ معاملے کی تحقیقات کا آغاز کردیا گیا ہے اور ملزم کو جلد سے جلد گرفتار کرنے کی کوشش جاری ہے۔

    اس سے قبل پنجاب میں اجتماعی زیادتی کا ایک اور واقعہ پیش آیا تھا جہاں ملتان کے علاقے قادر پور ران میں تین بچوں کی ماں کو جنسی زیادتی کا نشانہ بنایا گیا تھا۔

  • 6 ماہ تک لڑکی کے ساتھ اجتماعی زیادتی کیس نے بھارت کو ہلا کر رکھ دیا

    6 ماہ تک لڑکی کے ساتھ اجتماعی زیادتی کیس نے بھارت کو ہلا کر رکھ دیا

    ہریانہ: بھارتی ریاست ہریانہ کے ایک ضلع بھیوانی میں ایک 16 سالہ لڑکی کے ساتھ 7 افراد کی 6 ماہ تک اجتماعی زیادتی کیس نے ملک بھر کے لوگوں کے دل دہلا دیے ہیں۔

    یہ کیس تب سامنے آیا جب لڑکی کے بارے میں گھر والوں کو معلوم ہوا کہ وہ ماں بننے والی ہے، تب لڑکی کے والد نے 10 مارچ کو پولیس اسٹیشن میں ایف آئی آر درج کرائی۔

    بھیوانی کے علاقے باوانی خیرہ کے ایس ایچ او روندر کمار نے بتایا کہ ملزمان میں 2 کی عمر 50 سال جب کہ دیگر کی 30 سے 35 سال ہے، ملزمان میں باپ بیٹا بھی شامل ہیں۔

    زیادتی کرنے والے ملزمان نے لڑکی کو خاموش رہنے کی دھمکی دی تھی، اور کہا تھا کہ اگر اس نے کسی کو بتایا تو وہ اسے زندہ جلا دیں گے، معلوم ہوا کہ مذکورہ لڑکی علاقے کی دکان سے سودا سلف خریدتی تھی جہاں یہ واقعہ پیش آیا۔

    پولیس کا کہنا ہے کہ شروع میں لڑکی کو چند افراد نے زیادتی کا نشانہ بنایا، بعد میں چند مزید افراد بھی شامل ہو کر اسے چھ ماہ تک زیادتی کا نشانہ بناتے رہے۔

    تھانے میں جو شکایت درج کرائی گئی ہے، اس کے مطابق تمام ملزمان کو لڑکی جانتی تھی، جن میں پرچون کی دکان کا مالک ستیا نارائن اور اس کا بیٹا رویندر بھی شامل تھا۔

    ایک ہفتہ گزرنے کے باوجود پولیس نے ابھی تک ملزمان کو گرفتار نہیں کیا ہے، تاہم پولیس نے 3 دفعات کے تحت ایف آئی آر درج کی ہے، جن میں گینگ ریپ، مجرمانہ دھمکی اور بچوں کو جنسی حملوں سے بچاؤ کی دفعات شامل ہیں۔

  • بی جے پی کا رکن 20 سالہ خاتون کے ساتھ اجتماعی زیادتی میں ملوث

    بی جے پی کا رکن 20 سالہ خاتون کے ساتھ اجتماعی زیادتی میں ملوث

    نئی دہلی: بھارت کی حکمران جماعت بھارتیہ جنتا پارٹی کا ایک رکن 20 سالہ خاتون کے اغوا اور اجتماعی زیادتی کے ہولناک جرم میں ملوث پایا گیا جس کے بعد اسے پارٹی سے بے دخل کردیا گیا، پولیس بھی واقعے کی تفتیش کر رہی ہے۔

    بھارتی میڈیا کے مطابق ریاست مدھیہ پردیش میں بھارتیہ جنتا پارٹی کے ایک مقامی کارکن کی جانب سے 20 سالہ دوشیزہ کو اجتماعی زیادتی کا نشانہ بنانے کا واقعہ سامنے آیا تھا جس کے بعد مذکورہ کارکن کو پارٹی سے بے دخل کردیا گیا۔

    پارٹی کے ضلعی صدر کمل پرتاپ سنگھ نے ایک پریس ریلیز جاری کرتے ہوئے کہا ہے کہ اجتماعی عصمت دری کے معاملے میں وجے ترپاٹھی کا نام آنے کے بعد پارٹی سے ان کی بنیادی رکنیت ختم کردی گئی ہے۔

    پولیس کا کہنا ہے کہ متاثرہ خاتون نے وجے ترپاٹھی سمیت مقامی طور پر نمایاں 3 مزید افراد کے نام لیے تھے جس کے بعد پولیس نے تفتیش شروع کردی تھی۔

    خاتون نے بتایا کہ مذکورہ 4 افراد نے اسے گھر کے سامنے سے اغوا کیا، بعد ازاں وہ اسے ایک فارم ہاؤس پر لے گئے اور منشیات دینے کے بعد زیادتی کا نشانہ بنایا۔

    بعد ازاں وہ اسے بے ہوش حالت میں اس کے گھر کے سامنے چھوڑ گئے۔

    دوسری جانب پارٹی کے ضلعی صدر کمل پرتاپ کا کہنا ہے کہ اس طرح کے گھناؤنے جرم میں ملوث افراد اور ایسے کارکنوں کے لیے بی جے پی میں کوئی جگہ نہیں ہے۔

    انہوں نے کہا کہ بی جے پی اس طرح کے سلوک اور جرم کی شدید مذمت کرتی ہے، پارٹی نے تادیبی کارروائی کرتے ہوئے ان کی بنیادی رکنیت ختم کردی ہے۔

  • شیخوپورہ: اجتماعی زیادتی کے 2 مفرور ملزمان پولیس مقابلے میں ہلاک

    شیخوپورہ: اجتماعی زیادتی کے 2 مفرور ملزمان پولیس مقابلے میں ہلاک

    شیخوپورہ: پنجاب میں ڈکیتی کے دوران لڑکی سے زیادتی کرنے والے 2 ملزمان مبینہ پولیس مقابلے میں ہلاک ہو گئے۔

    تفصیلات کے مطابق شیخوپورہ میں اجتماعی زیادتی کیس کے دو مفرور ملزم مبینہ مقابلے میں پولیس کے ہاتھوں مارے گئے، پولیس کا کہنا ہے کہ گزشتہ رات ملزمان کےساتھیوں نے پولیس پر حملہ کر کے انھیں چھڑا لیا تھا۔

    پولیس کا کہنا ہے کہ فاروق آباد میں اعوان بھٹیاں ناکے پر پولیس نے رکنے کا اشارہ کیا تو ملزمان نے پولیس پر فائرنگ کی، جوابی فائرنگ میں دونوں ملزمان مارے گئے۔

    یاد رہے کہ گزشتہ روز پنجاب کے شہر شیخوپورہ میں اجتماعی زیادتی کیس کے ملزمان پولیس حراست سے فرار ہوگئے تھے، ملزمان کو کومل مسیح ریپ کیس میں گرفتار کیا گیا تھا۔

    شیخوپورہ میں زیادتی کیس کے ملزمان پولیس حراست سے فرار

    ملزمان کے فرار ہونے کے بعد ڈی پی او شیخوپورہ غلام مبشر کے حکم پر سب انسپکٹر سمیت 5 اہل کاروں کو معطل کر کے ان کے خلاف مقدمہ درج کر لیا گیا تھا، پولیس کے مطابق 28 دسمبر کو ملزموں نے آسیہ کومل نامی لڑکی کو اجتماعی زیادتی کا نشانہ بنایا تھا جس کا مقدمہ متعلقہ تھانے میں درج کیا گیا تھا۔

    پولیس نے 15 روز قبل ڈی این اے میچ ہونے پر 3 ملزمان کو گرفتار کیا تھا، تینوں ملزم سگے بھائی اور سنگین وارداتوں میں ملوث تھے۔ گزشتہ روز پولیس برآمدگی کے سلسلے میں پرویز اور جنید دو بھائیوں کو جائے وقوعہ سے واپس لا رہی تھی کہ ایشر کے قریب ملزمان کے ساتھیوں نے پولیس پارٹی پر حملہ کر دیا اور فائرنگ کرتے ہوئے دونوں ملزمان کو چھڑا کر فرار ہوگئے۔

  • جی سی یونیورسٹی کی طالبہ سے 4 افراد کی اسلحہ کی نوک پر اجتماعی زیادتی

    جی سی یونیورسٹی کی طالبہ سے 4 افراد کی اسلحہ کی نوک پر اجتماعی زیادتی

    چنیوٹ : جی سی یونیوسٹی فیصل آباد کی طالبہ کو کلاس فیلو نے 3 دوستوں کے ساتھ مل کر اسلحہ کی نوک پر اجتماعی زیادتی کا نشانہ بنا ڈالا ، پولیس نے مقدمہ درج کرکے ایک ملزم کو گرفتار کرلیا ہے۔

    تفصیلات کے مطابق خواتین سے زیادتی کے واقعات تھم نہ سکے، جی سی یونیوسٹی فیصل آباد کی طالبہ کے ساتھ چار افراد نے اسلحہ کی نوک پر اجتماعی زیادتی کی۔

    کے ساتھ چنیوٹ کے چار افراد کی اسلحہ کی نوک پر اجتماعی زیادتی،ملزمان ویڈیو بھی بناتے رہے۔۔۔ پولیس نے مقدمہ درج کرکے ایک ملزم کو گرفتار کرلیا۔

    پولیس کا کہنا ہے کہ ننکانہ کی رہائشی اور فیصل آباد جی سی یونیورسٹی کی طالبہ کو اس کا ٹیوشن فیلو شاہد علی تقریب میں شرکت کے بہانے چنیوٹ اپنے گاؤں لایا ، جہاں اس کے دوست ریاض، عمران اور تصور موجود تھے، ملزمان نے نہ صرف لڑکی کوزیادتی کا نشانہ بنایا بلکہ اس کی ویڈیو بھی بناتے رہے۔

    پولیس نے لڑکی کے والد کی مدعیت میں مقدمہ درج کرکے ملزم شاہد علی کو گرفتار کرلیا جبکہ دیگر ملزمان کی گرفتاری کے لیے چھاپے مارے جارہے ہیں۔

    آئی جی پنجاب نے چنیوٹ میں یونیورسٹی طالبہ سے مبینہ زیادتی کا نوٹس لیتے ہوئے لاہور آرپی اوفیصل آباد سے واقعےکی رپورٹ طلب کرلی۔

    آئی جی پنجاب کاملزمان کوجلد گرفتار کر کے سخت قانونی کارروائی کاحکم دیتے ہوئے کہا متاثرہ لڑکی کوانصاف کی فراہمی ترجیحی بنیاد پر یقینی بنائی جائے۔

    وزیر اعلیٰ پنجاب سردارعثمان بزدار نے طالبہ سے مبینہ زیادتی کے واقعے کا نوٹس لیتے ہوئے آر پی او فیصل آباد سے رپورٹ طلب کرلی ہے اور کہا واقعےمیں ملوث دیگر ملزمان کو جلد قانون کی گرفت میں لایا جائے اور متاثرہ لڑکی کو انصاف فراہم کیا جائے۔

  • پنجاب میں ایک اور بچی جنسی درندوں کا نشانہ بن گئی

    پنجاب میں ایک اور بچی جنسی درندوں کا نشانہ بن گئی

    ملتان: گراس منڈی میں 10سالہ بچی کو 2 ملزمان نے زیادتی کا نشانہ بنا ڈالا، پولیس نے ملزمان کو گرفتار کرکے مقدمہ درج کرلیا ہے اور تفتیش جاری ہے۔

    تفصیلات کے مطابق پنجاب میں ایک اور بچی جنسی درندوں کا نشانہ بن گئی ، ملتان میں دس سالہ بچی معصوم بچی کو دو افراد نے اجتماعی زیادتی کا نشانہ بنا ڈالا۔

    پولیس کا کہنا ہے کہ تھانہ جلیل آباد کی حدود میں گلی میں کھیلتی ہوئی کومل کو دو ملزمان انس اور مزمل نے زیادتی کا نشانہ بنایا، جس کا مقدمہ درج کرلیا گیا ہے۔

    ایف آئی آر کے مطابق .بچی کو ملزمان نے گلی سے کھیلتے ہوئے اغوا کیا، جس کے بعد ملزمان بچی کو اپنی دوکان پر لے گئے اور زیادتی کا نشانہ بنایا، بچی کے بتانے پر اہل علاقہ نےملزمان کو پکڑ کر تشدد کے بعد پولیس کے حوالے کردیا۔

    پولیس کے مطابق 10 سالہ کومل کا میڈیکل بھی کروایا جاچکا ہے تاہم ملزمان بھی گرفتار ہیں جن سے تفتیش جاری ہے۔

  • دوران ڈکیتی اجتماعی زیادتی میں ملوث ڈاکو پولیس مقابلے میں ہلاک

    دوران ڈکیتی اجتماعی زیادتی میں ملوث ڈاکو پولیس مقابلے میں ہلاک

    اوکاڑہ: دوران ڈکیتی اجتماعی زیادتی میں ملوث ڈاکو پولیس مقابلے میں ہلاک ہوگیا ،ڈکیتی کی واردات میں شامل 7 میں سے 4 ڈاکووں نے نورین فاطمہ نامی خاتون کو اجتماعی زیادتی کا نشانہ بنایا تھا۔

    تفصیلات کے مطابق اوکاڑہ کے نواحی گاوں صالحووال میں دوران ڈکیتی خاتون سے اجتماعی زیادتی کرنیوالا ڈاکو مبینہ پولیس مقابلے میں ہلاک ہو گیا، پولیس کا کہنا ہے کہ ہلاک ڈاکو کی شناخت اکرم عرف اکری اووڈ کے نام سے ہو گئی ہے۔

    پولیس کے مطابق ہلاک ڈاکو کی لاش کو پوسٹمارٹم کیلئے ڈسٹرکٹ ہیڈ کوارٹر ہسپتال اوکاڑہ منتقل کردیا گیا۔

    ڈی پی او اوکاڑہ کا کہنا ہے کہ ڈکیتی کی واردات میں شامل 7 میں سے 4 ڈاکووں نے نورین فاطمہ نامی خاتون کو اجتماعی زیادتی کا نشانہ بنایا تھا، جس کے بعد واقعہ کا مقدمہ متاثرہ خاتون کے شوہر خالد کی مدعیت میں درج ہوا تھا۔

    دوران ڈکیتی خاتون سے اجتماعی زیادتی کے واقعہ پر وزیر اعلی پنجاب عثمان بزدار اور آئی جی پنجاب نے نوٹس بھی رکھا ہے، واقعہ میں ملوث 6 ڈاکووں کی گرفتاری  ابھی مطلوب ہے، جن کی گرفتاری کیلئےچھاپےمارےجارہےہیں۔

  • اوکاڑہ:ڈکیتی کے دوران اجتماعی زیادتی کا ایک اور ہولناک واقعہ، مقدمہ درج

    اوکاڑہ:ڈکیتی کے دوران اجتماعی زیادتی کا ایک اور ہولناک واقعہ، مقدمہ درج

    اوکاڑہ : دیپالپور میں شادی شدہ خاتون کو چار مسلح ڈاکووں نے گھر میں گھس کراجتماعی زیادتی کا نشانہ بناڈالا اور گھر سے طلائی زیوات نقدی قیمتی سامان لوٹ کر فرار ہوگئے۔

    تفصیلات کے مطابق ضلع اوکاڑہ کی تحصیل دیپالپور میں ڈکیتی کے دوران اجتماعی زیادتی کا ایک اور ہولناک واقعہ پیش آیا ،جہاں تھانہ صدر دیپالپورکی حدود میں ڈاکووں نے محنت کش کے گھر میں گھس کر طلائی زیوات نقدی اورقیمتی سامان لوٹا اور گھر کی ایک شادی شدہ خاتون کو اسلحہ کی نوک پر زبردستی اجتماعی زیادتی کا نشانہ بنا کر فرارہوگئے۔

    ڈاکووں نے اس کے خاوند اور دیگر گھر والوں کو ایک کمرے میں بند کردیا، خاتون کو تشویشناک حالت میں اسپتال منتقل کردیا گیا ہے جبکہ متاثرہ خاتون کے شوہر کی مدعیت میں 7ملزمان کیخلاف مقدمہ درج کرلیا گیا۔

    واقع کی اطلاع ملتے ہی ڈی پی اوکاڑہ عمرسعید ملک متاثرہ فیملی کے گھر پہنچے، جہاں انہوں متاثرین کو انصاف کی فراہمی کی یقین دہانی کرواتے ہوئے ملزمان کی گرفتاری کیلئے ایس پی انویسٹی گیشن کی سربراہی میں ٹیم تشکیل دے دی ہے۔

    عمر سعید ملک کا کہنا ہے کہ دیپالپور فارنزک ٹیموں نے ضروری شواہد اکٹھے کر لیے ہیں ، جلد ملزمان کو گرفتار کر لیا جائے گا۔

    پولیس نے واقعہ کا مقدمہ درج کرکے تحقیقات کا آغاز کردیا، پولیس کا کہنا ہے کہ ڈاکو گھر سے زیورات، نقدی اور قیمتی سامان بھی لے گئے ہیں۔