ARYNews.tv | Urdu – Har Lamha Bakhabar

Tag: اجلاس طلب

  • صدر مملکت کا چیف الیکشن کمشنر کو خط ، الیکشن کمیشن نے اہم اجلاس طلب کرلیا

    صدر مملکت کا چیف الیکشن کمشنر کو خط ، الیکشن کمیشن نے اہم اجلاس طلب کرلیا

    اسلام آباد : الیکشن کمیشن نے صدر مملکت عارف علوی کی جانب سے چیف الیکشن کمشنر کو لکھے گئے خط پر اہم اجلاس طلب کرلیا۔

    تفصیلات کے مطابق صدر مملکت عارف علوی کی جانب سےچیف الیکشن کمشنرکو لکھے گئے خط کے معاملے پر الیکشن کمیشن نے آج اہم اجلاس طلب کرلیا۔

    چیف الیکشن کمشنرسکندر سلطان راجہ اجلاس کی صدارت کریں گے، ذرائع نے بتایا کہ اجلاس میں ممبران و سیکرٹری الیکشن کمیشن شریک ہوں گے۔

    ذرائع کا کہنا تھا کہ اجلاس میں صدر مملکت کےدعوت نامے سمیت الیکشن کی تاریخ سے متعلق آئینی معاملات کا بھی جائزہ لیا جائے گا۔

    گذشتہ روز صدر مملکت عارف علوی نے عام انتخابات کی تاریخ طے کرنے کیلیے چیف الیکشن کمیشنر سکندر سلطان راجہ کو خط لکھا تھا ، جس میں ملاقات کی دعوت دی گئی تھی۔

    صدر مملکت کی جانب سے لکھے گئے خط میں چیف الیکشن کمیشنر کو آج یا کل ملاقات کی دعوت گئی تاکہ اس میں عام انتخابات کی تاریخ کے حوالے سے کوئی فیصلہ کیا جا سکے.

    عارف علوی نے خط میں لکھا تھا کہ 9 اگست کو سابق وزیر اعظم شہباز شریف کے مشورے پر قومی اسمبلی تحلیل کی، صدر آرٹیکل 48 فائیو کے تحت اسمبلی تحلیل کے بعد 90 دن میں الیکشن کی تاریخ مقرر کرنے کا پابند ہے۔

  • بلدیاتی انتخابات: ایم کیو ایم نے رابطہ کمیٹی کا اجلاس طلب کرلیا

    کراچی اور حیدرآباد میں کل ہونے والے بلدیاتی انتخابات اور موجودہ سیاسی صورتحال کے پیش نظر کے حوالے سے متحدہ قومی موومنٹ (ایم کیو ایم) پاکستان نے اجلاس طلب کر لیا۔

    ذرائع کے مطابق رابطہ کمیٹی اجلاس کی صدارت ڈاکٹر خالد مقبول صدیقی کریں گے، اجلاس میں سیاسی صورتحال، بلدیاتی انتخابات کے حوالے سے سندھ حکومت کے لکھے گئے خط سمیت دیگر امور پر غور ہوگا۔

    ذرائع نے بتایا کہ اجلاس میں گذشتہ روز خالد مقبول سے کیے گئے وزیراعظم، آصف زرداری اور مولانا فضل الرحمان کے رابطوں اور یقین دہانی پر مشاورت ہوگی۔

    ذرائع کا کہنا ہے کہ اجلاس میں خالد مقبول رات گئے گورنر ہائوس میں گورنر سندھ سے ہونے والی ملاقات پر بھی رابطہ کمیٹی کو اعتماد میں لیں گے۔

    آج شام ایم کیو ایم قیادت شہر کے دورے پر نکلے گی،  وسیم اختر، ڈاکٹر فاروق ستار  مصطفی کمال، انیس قائم خانی اور عبدالوسیم شہر کے مختلف علاقوں کا دورہ کریں گے اور عوام سے ملاقات کریں گے۔

  • وزیراعظم عمران خان نے مظفرآباد میں جلسے کی تیاریوں کیلئے اجلاس طلب کرلیا

    وزیراعظم عمران خان نے مظفرآباد میں جلسے کی تیاریوں کیلئے اجلاس طلب کرلیا

    اسلام آباد : وزیراعظم عمران خان نے مظفرآباد میں جلسے کی تیاریوں کے لئے اجلاس طلب کرلیا ہے ، جس میں ریلیوں کی روانگی، قافلوں کی جلسے میں شمولیت کا حتمی پلان تیار کیا جائے گا۔

    تفصیلات کے مطابق آزاد کشمیر کے دارلحکومت مظفرآباد میں تاریخ کا سب سے بڑا جلسہ کرنے کا مشن ، وزیراعظم عمران خان نے جلسے کی تیاریوں کے لئے اجلاس طلب کرلیا، اجلاس آج پارلیمنٹ ہاؤس میں ہوگا۔

    اجلاس میں جلسےکی تیاریوں کےلئےاقدامات کاجائزہ لیاجائے گا اور ریلیوں کی روانگی، قافلوں کی جلسے میں شمولیت کا حتمی پلان تیار کیا جائے گا۔

    یاد رہے وزیراعظم عمران خان نے سماجی رابطے کی ویب سائٹ ٹویٹر پر 13 ستمبر کو آزاد کشمیر کے دارالحکومت مظفرآباد میں بڑا جلسہ کرنے کا اعلان کیا تھا اور کہا تھا کہ دنیا کو بتاؤں گا کہ وادی کشمیر پر بھارتی فوج کا قبضہ ہے، کشمیروں کو یقین دلاؤں گا کہ پاکستان ان کے ساتھ کھڑا ہے۔

    مزید پڑھیں : وزیراعظم عمران خان کا 13 ستمبر کو مظفرآباد میں بڑا جلسہ کرنے کا اعلان

    بعد ازاں وزیراعظم کی پارٹی رہنماؤں سے مشاورت کے بعد مظفر آباد جلسہ کے شیڈول کو حتمی شکل دیدی گئی تھی ، جس کے مطابق مظفر آبادمیں جلسہ13 ستمبر کونماز جمعہ کےبعدشروع ہوگا ، وزیر اعظم عمران خان نماز جمعہ سے قبل مظفر آبادروانہ ہوں گے اور جمعہ کو دوپہر 3 بجے کے بعد مظفرآباد جلسے سے خطاب کریں گے۔

    مظفرآباد جلسے سے آزاد کشمیر کے رہنما بھی خطاب کریں گے جبکہ مانسہرہ سمیت مختلف شہروں سے قافلے مظفر آباد پہنچیں گے۔

  • وزیراعظم عمران خان کی زیرصدارت قومی سلامتی کمیٹی کا اجلاس آج ہوگا

    وزیراعظم عمران خان کی زیرصدارت قومی سلامتی کمیٹی کا اجلاس آج ہوگا

    اسلام آباد : وزیراعظم عمران خان نے آج قومی سلامتی کمیٹی کا اجلاس طلب کرلیا، جس میں علاقائی سلامتی اور ملک کی مجموعی سیکیورٹی صورتحال کا بھی جائزہ لیا جائے گا۔

    تفصیلات کے مطابق وزیراعظم عمران خان نے قومی سلامتی کمیٹی کا اجلاس آج بروز جمعرات طلب کر لیا ہے، اجلاس کی صدارت وزیر اعظم عمران خان کریں گے۔

    اس حوالے سے ذرائع کا کہنا ہے کہ اجلاس میں خزانہ، دفاع اور خارجہ کے وزراء سمیت وزیر مملکت برائے داخلہ شرکت کریں گے، اس کے علاوہ حساس اداروں کے سربراہان و دیگر سیکیورٹی حکام بھی شریک ہوں گے۔

    ذرائع کے مطابق قومی سلامتی کمیٹی کے اجلاس میں علاقائی سلامتی، بھارتی جارحیت اور قومی داخلی سلامتی کے حوالے سے امور زیر غور آئیں گے اور دیگر معاملات پر بھی بریفنگ دی جائے گی۔

    اس موقع پر بھارت کے پلوامہ ڈرامہ اور اس سے پیدا ہونے والی صورت حال پر بھی غور ہوگا، اجلاس میں ملک کی مجموعی سیکیورٹی صورتحال اور افغان امن عمل اور پاکستان کی کوششوں کا جائرہ لیا جائے گا ، اس کے علاوہ اجلاس میں کلبھوشن یادیو کیس سے متعلق بھی غور کیا جائے گا۔

  • گیس بحران اور اووربلنگ، وزیراعظم عمران خان نے اجلاس طلب کرلیا

    گیس بحران اور اووربلنگ، وزیراعظم عمران خان نے اجلاس طلب کرلیا

    اسلام آباد : وزیراعظم عمران خان نے گیس بحران اور اووربلنگ پر آج اجلاس طلب کرلیا، اجلاس میں وزیراعظم کو گیس کی موجودہ صورتحال سے بھی آگاہ کیا جائے گا اور اوور بلنگ پر قائم کمیٹی اپنی رپورٹ پیش کرے گی۔

    تفصیلات کے مطابق گیس بحران اور اووربلنگ پر وزیراعظم عمران خان نے آج اہم اجلاس طلب کرلیا، ذرائع کا کہنا ہے کہ اجلاس میں وزیراعظم کو اوور بلنگ کی وجوہات سے بھی آگاہ کیا جائے گا اور اوور بلنگ پر قائم کمیٹی اپنی رپورٹ وزیراعظم کو پیش کرے گی۔

    اجلاس میں وزیراعظم کو گیس طلب اور رسد میں فرق اور گیس کی موجودہ صورتحال سے بھی آگاہ کیا جائے گا۔

      ایل این جی کے 2 جہاز پورٹ قاسم پہنچ گئے

    دوسری جانب ایل این جی کے 2 جہاز پورٹ قاسم پہنچ گئے ہیں ، ایل این جی اووائی ای نامی جہازایل این جی ٹرمینل پرلگ گیا جبکہ دوسراجہاز الکرانا بھی چندگھنٹے بعد ٹرمینل پر لگ جائے گا۔

    چند روز قبل وزیراعظم عمران خان نے گھریلو صارفین کے گیس بلوں میں اضافے کا نوٹس لیتے ہوئے وزیر پیٹرولیم کو فوری طور پر انکوائری ہدایت کی تھی اور کہا تھا کہ عوام پرگیس کی قیمتوں کا اضافی بوجھ ڈالنا غیر مناسب ہے۔

    خیال رہے تحریک انصاف کے رہنما اوررکن قومی اسمبلی نجیب ہارون نے یقین دہانی کرائی تھی کہ حکومت گیس بحران پر قابو پانے کے لیے اقدامات کررہی ہے، سندھ میں گیس کی قلت کا مسئلہ ایک ہفتے کے اندر حل ہوجائے گا۔

    مزید پڑھیں: تحریک انصاف کا سندھ میں گیس بحران ایک ہفتے میں حل کرنے کا دعویٰ

    یاد رہے سندھ اور بالخصوص کراچی میں گیس کی قلت کے باعث سی این جی اسٹیشنز بند ہیں جبکہ گھروں میں بھی سپلائی فراہم نہیں کی جارہی ہے، گیس کی قلت کے باعث مکین ایل پی جی سلینڈر اور لکڑیوں پر کھانے پکانے پر مجبور ہیں۔

    پنجاب میں گیس بحران ایک مرتبہ پھر بڑھ گیا ہے، سوئی ناردرن گیس کمپنی نے پاور پلانٹس، فرٹیلائزر اور اندسٹری سیکٹر کو گیس کی سپلائی دوسرے روز بھی بند رکھی۔ ترجمان سوئی گیس کا کہنا ہے کہ پورٹ پر آر ایل این جی کا جہاز لنگرانداز نہ ہونے کے باعث گیس کی قلت بڑھی ہے، پاور پلانٹس کو گیس کی فراہمی بند ہونے سے بجلی کی پیداوار میں کمی آ گئی ہے۔

  • وزیراعظم عمران خان نے وفاقی کابینہ کا اہم اجلاس جمعہ کو طلب کرلیا

    وزیراعظم عمران خان نے وفاقی کابینہ کا اہم اجلاس جمعہ کو طلب کرلیا

    اسلام آباد : وزیراعظم عمران خان نے وفاقی کابینہ کا اجلاس جمعہ11بجے طلب کرلیا، اجلاس میں وزیر اعظم کابینہ اراکین کو دورہ یو اے ای اور ملائشیا سے متعلق اعتماد میں لیں گے۔

    تفصیلات کے مطابق وفاقی کابینہ کا اجلاس جمعہ کے روز وزیراعظم عمران خان کی زیر صدارت ہوگا، اجلاس میں وزیراعظم متحدہ عرب امارات اور ملائشیاء کے دوروں کے حوالے سے کابینہ اراکین کو اعتماد میں لیں گے۔

    ذرائع کا کہنا ہے کہ اجلاس میں حکومت کے سو روزہ منصوبہ بندی کے اہداف کا جائزہ لیا جائے گا، اس موقع پر وفاقی وزراء100روزہ منصوبہ بندی پر رپورٹس وزیراعظم کو پیش کریں گے۔

    وزیرخزانہ اسد عمرآئی ایم ایف وفد سے مذاکرات اور متحدہ عرب امارات اور ملائشیا کے ساتھ ہونے والے معاہدوں پر کابینہ کو بریفنگ دیں گے، کابینہ ارکان کو آئی ایم ایف سے ہونے والے مذاکرات پر بھی اعتماد میں لیا جائے گا۔

    علاوہ ازیں وفاقی کابینہ کے اجلاس کے لیے چھ نکاتی ایجنڈا جاری کردیا گیا ہے، اجلاس میں نیشنل بینک کے صدر کی تقرری کی منظوری دی جائے گی، چیئرمین ایکسپورٹ پراسیسنگ زون اتھارٹی کی تعیناتی پربھی غور ہوگا۔

    اس کے علاوہ عبدالجبار شاہین کو چیئرمین کی اضافی ذمہ داریاں دینے کا بھی امکان ہے، ایجنڈے میں موبائل فونز کی غیرقانونی درآمد کی روک تھام کیلئے پالیسی کا جائزہ شامل ہے، اجلاس میں فیصل آباد، گوجرانوالہ کے بینکنگ کورٹس کے ججز کی منظوری بھی ایجنڈے میں شامل ہے۔

    مزید پڑھیں : پاکستان اور ملائیشیا کے درمیان ویزوں کے جزوی خاتمے کا معاہدہ

    یاد رہے کہ وزیراعظم عمران خان ملائشیاء کا دورہ مکمل کرکے آج رات وطن واپس پہنچ جائیں گے۔ ذرائع کے مطابق اجلاس میں وفاقی کابینہ مختلف ممالک کے ساتھ معاہدوں اور مفاہمت کی یادداشتوں کی منظوری دے گی، اس کے علاوہ مختلف اداروں میں تقرریوں پر بھی غور کیا جائے گا۔

  • دبئی میں پاکستانیوں کی جائیدادیں : ایف ائی اے نے جمعہ کو جائزہ اجلاس طلب کرلیا

    دبئی میں پاکستانیوں کی جائیدادیں : ایف ائی اے نے جمعہ کو جائزہ اجلاس طلب کرلیا

    کراچی : ایف آئی اے نے دبئی میں پاکستانیوں کی جائیدادوں سے متعلق معلومات اور تحقیقات کیلئے افسران کا اہم اجلاس طلب کرلیا ہے۔

    تفصیلات کے مطابق فیڈرل انوسٹی گیشن ایجنسی (ایف ائی اے) نے دبئی میں پاکستانیوں کی جائیداد سے متعلق تحقیقات کی پیش رفت کا جا ئزہ اجلاس 12 اکتوبر کو طلب کرلیا۔

    اجلاس صبح11بجے ایف آئی اے ہیڈ کوارٹر اسلام اباد میں منعقد ہوگا، ایف ائی اے نے تمام زونل ڈائریکٹر کو خط ارسال کردیئے، خط میں زونل ڈائریکٹرز کو انکوائری افسران کے ہمراہ پیش ہونے کی ہدایت کی گئی ہے۔

    سپریم کورٹ کے احکامات کے مطابق انکوائری افسران دیکھیں گے یہ جائیدادیں قانونی طور پر لی گئی ہیں یا نہیں؟ ذرائع کے مطابق اجلاس میں تمام جائیدادوں میں اب تک ہونے والی پیش رفت کا جائزہ لیا جائے گا۔

    مزید پڑھیں : غیرملکی خفیہ اکاؤنٹس کیس ، ایف آئی اے کا بیرون ملک پاکستانیوں کی 2700 جائیدادوں کا سراغ لگانے کا انکشاف

    اس کے علاوہ خاص طور پر ان افراد کو فوکس کیا جائے گا جنہوں نے ایفی ڈیویٹ جمع نہیں کرائے یا جائیدادوں کی ملکیت سے انکار کیا ہے، واضح رہے کہ دبئی میں 300 سے زائد پاکستانیوں کا انکشاف سامنے آیا ہے۔

  • ٹی 10 اور ٹی 20 لیگز میں متنازع فنڈنگ، آئی سی سی نے جائزہ لینے کے لیے اہم اجلاس طلب کرلیا

    ٹی 10 اور ٹی 20 لیگز میں متنازع فنڈنگ، آئی سی سی نے جائزہ لینے کے لیے اہم اجلاس طلب کرلیا

    شارجہ : ٹی ٹین سمیت دیگر لیگز کے معاملات کا جائزہ لینے کیلئے انٹرنیشنل کرکٹ کونسل نے آئندہ ہفتے اہم اجلاس طلب کرلیا ہے، لیگز کی فنڈنگ سے متعلق غور کیا جائے گا۔

    تفصیلات کے مطابق شارجہ میں ہونے والی ٹی ٹین لیگ کی متنازع فنڈنگ کا معاملہ سامنے آنے کے بعد انٹرنیشنل کرکٹ کونسل نے لیگز سے متعلق آئندہ ہفتے اہم اجلاس طلب کرلیا۔

    [bs-quote quote=”آئی سی سی نے ٹی 20 اور ٹی 10 لیگز کے قواعد و ضوابط اور نگرانی سخت کرنے پر غور کا فیصلہ کر لیا” style=”style-7″ align=”left” color=”#dd3333″][/bs-quote]

    انٹرنیشنل کرکٹ کونسل (آئی سی سی) نے ٹی 20 اور ٹی 10 لیگز کے قواعد و ضوابط اور نگرانی سخت کرنے پر غور کا فیصلہ کر لیا، اگلے ہفتے ہونے والی میٹنگ میں اس بات پر غور کیا جائے گا کہ مذکورہ لیگز پر کس طرح پابندیاں سخت کی جائیں۔

    آئی سی سی کے جنرل منیجر جیف ایلرڈائس نے کہا ہے کہ 20 اکتوبر کو سنگاپور میں ہونے والے بورڈ کے اجلاس میں اس صورتِ حال کا جائزہ لیا جائے گا کہ ٹی ٹین اور ٹی ٹوئنٹی لیگز میں فنڈنگ کہاں سے ہو رہی ہے؟ اس کے آرگنائزرز کون لوگ ہیں؟

    ان کا کہنا تھا کہ اجلاس میں لیگز کی فنڈنگ سے متعلق غور کیا جائے گا اور اس کے مالی معاملات دیکھے جائیں گے،کسی لیگ کے بارے میں اطمینان نہ ہوا تو اسے اجازت نہیں ملے گی۔

    یہ بھی پڑھیں:  متنازع ٹی ٹین لیگ کو ایک اور دھچکا، سہیل خان نے لیگ سے علیحدگی اختیار کرلی

    یاد رہے کہ شارجہ میں ہونے والی ٹی ٹین لیگ کے اسپانسرز کے تنازع پر پاکستان کرکٹ بورڈ کے چئیرمین احسان مانی پہلے ہی تحفظات کا اظہار کرچکے ہیں۔

    ٹی ٹین لیگ کے اسپانسرز پر بھارت میں انگلیاں اٹھیں تو بھارتی کرکٹ ٹیم کے سابق کپتان اظہر الدین اور بھارتی اداکار سہیل خان نے متنازع ٹی ٹین لیگ سے علیحدگی اختیار کرلی۔

  • وزیراعظم عمران خان کا خیبرپختونخوا کابینہ کی تشکیل کیلئے آج اجلاس طلب

    وزیراعظم عمران خان کا خیبرپختونخوا کابینہ کی تشکیل کیلئے آج اجلاس طلب

    اسلام آباد : وزیراعظم عمران خان نے خیبرپختونخوا کابینہ کی تشکیل کے لیے آج  اجلاس بلا لیا، جس میں کابینہ کی حتمی منظوری دی جائے گی جبکہ و زیراعلیٰ محمود خان اور نامزد گورنر شاہ فرمان کو بھی اسلام آباد طلب کرلیا گیا ہے۔

    تفصیلات کے مطابق حکومت سازی کی تشکیل آخری مراحل میں داخل ہوگئی ہے، وزیراعظم عمران خان نے کے پی کابینہ کی تشکیل کے لیے اجلاس آج طلب کرلیا ہے۔

    اجلاس میں کابینہ کی حتمی منظوری دی جائے گی جبکہ خیبرپختونخوا کے وزیراعلیٰ محمود خان اور نامزد گورنر شاہ فرمان بھی شریک ہوں گے۔

    ذرائع کا کہنا ہے کہ کابینہ کیلئے تئیس ممبران کا انٹرویو ہوگا،ابتدائی کابینہ دس وزرا اور پانچ مشیروں پر مشتمل ہوگی، تیمور جھگڑا، عاطف خان، شہرام ترکئی کو اہم ذمے داری ملے گی۔

    مزید پڑھیں : خیبر پختونخوا: محمود خان نے وزیرِ اعلیٰ ہاؤس میں نہ رہنے کا اعلان

    یاد رہے گذشتہ روز ترجمان کے پی حکومت کا کہنا ہے کہ وزیرِ اعلیٰ محمود خان نے فیصلہ کیا ہے کہ ان کی نقل و حرکت کے دوران سڑکیں بند نہیں ہوں گی، وہ وزیرِ اعلیٰ ہاؤس میں بھی نہیں رہیں گے۔

    خیال رہے خیال رہے کہ وزیراعظم عمران خان کی 16 رکنی وفاقی کابینہ نے حلف اٹھا لیا جبکہ کابینہ ڈویژن کی جانب سے 5 مشیروں کا بھی نوٹیفکیشن جاری کردیا گیا۔

    ایوان صدر میں صدر ممنون حسین نے 16 رکنی کابینہ سے حلف لیا، اس موقع پروزیراعظم عمران خان موجود تھے۔

    وفاقی کابینہ میں شاہ محمود قریشی، اسد عمر، پرویز خٹک، فروغ نسیم، خالد مقبول صدیقی، شریں مزاری، شیخ رشید، فواد چوہدری، زبیدہ جلال، غلام سرور خان، فہمیدہ مرزا، طارق بشیرچیمہ، عامر کیانی، شفقت محمود، خسرو بختیار اور مولانا نورالحق قادری شامل ہیں۔

    وزیراعظم عمران خان کی کابینہ میں 5 مشیر بھی شامل ہیں جن میں بابراعوان پارلیمانی امور، ملک امین اسلم ماحولیاتی تبدیلی اور ڈاکٹرعشرت حسین ادارہ جاتی اصلاحات، عبدالرزاق داؤد صنعت وتجارت جبکہ محمد شہزاد ارباب کواسٹیبلشمنٹ ڈویژن کا مشیرلگایا گیا ہے۔

    واضح رہے کہ ملک میں ہونے والے حالیہ عام انتخابات میں تحریک انصاف نے وفاق اور تین صوبوں میں واضح اکثریت حاصل کی۔

  • خیبرپختونخوا میں کابینہ کی تشکیل، وزیراعظم عمران خان نے اہم اجلاس طلب کرلیا

    خیبرپختونخوا میں کابینہ کی تشکیل، وزیراعظم عمران خان نے اہم اجلاس طلب کرلیا

    پشاور : وزیراعظم عمران خان نے خیبر پختونخوا میں کابینہ کی تشکیل کیلئے اجلاس طلب کرلیا، اجلاس میں کابینہ ممبران کے ناموں کی حتمی منظوری دی جائے گی۔

    تفصیلات کے مطابق خیبر پخنونخوا میں وزیر اعلیٰ کی حلف برداری کے بعد کابینہ تشکیل دینے کی تیاریاں کی جاررہی ہیں، اس حوالے سے پی ٹی آئی ذرائع نے بتایا ہے کہ کے پی کابینہ کی تشکیل سے متعلق مشاورت کیلئے وزیراعظم عمران خان نے صوبائی سطح پرکل اجلاس طلب کرلیا ہے۔

    مزید پڑھیں: خیبرپختونخوا اسمبلی میں نومنتخب اراکین نے حلف اٹھالیا

    کابینہ کیلئے 23ممبران اسمبلی کو انٹرویو کے لئے اجلاس میں بلایا گیا ہے، اجلاس میں کابینہ ممبران کے ناموں کی حتمی منظوری دی جائے گی۔

    مزید پڑھیں: کرپشن کے الزامات بے بنیاد ہیں، کے پی کے نامزد وزیر اعلیٰ کی وضاحت

    ذرائع پی ٹی آئی کے مطابق اجلاس میں وزیراعلیٰ محمود خان، متوقع گورنرشاہ فرمان ودیگرشرکت کرینگے، ابتدائی کے پی کابینہ10وزراء اور5مشیروں پر مشتمل ہوگی، طلب کئے گئے ممبران میں تیمور جھگڑا، عاطف خان ، شہرام ترکئی، ضیااللہ بنگش، سلطان خان، فضل حکیم، ڈاکٹر امجد ودیگر شامل ہیں۔