Tag: اجلاس

اسلام آباد: وزیراعظم عمران خان نے حکومتی ترجمانوں کا اجلاس آج طلب کرلیا جس میں وزیراعلیٰ پنجاب بھی شریک ہوں گے۔

تفصیلات کے مطابق وزیراعظم عمران خان نے حکومتی ترجمانوں کا اجلاس طلب کرلیا، حکومتی ترجمان آج شام بنی گالہ میں سرجوڑ کربیٹھیں گے۔

وزیراعظم عمران خان کی زیرصدارت اجلاس میں بجٹ کے خدوخال پرمشاورت ہوگی اور معاشی ٹیم بجٹ کی تیاریوں سے متعلق حکومتی ترجمانوں کو آگاہ کرے گی۔

اجلاس میں اپوزیشن کی ممکنہ ہنگامہ آرائی سے نمٹنے کی حکمت عملی بھی طے کی جائے گی۔

وزیراعظم نے پنجاب بجٹ کے حوالے سے اہم اجلاس 10 جون کو طلب کرلیا

دوسری جانب وزیراعظم عمران خان نے پنجاب کے بجٹ کے حوالے سے اہم اجلاس کل طلب کرلیا، پنجاب حکومت نے آئندہ مالی سال کے بجٹ میں 30 سے 35 ارب روپے کے نئے ٹیکسز لگانے کی تجاویز تیار کرلیں۔

پنجاب کو تین حصوں جنوبی ، شمالی اور وسطی پنجاب کی تقسیم کے تحت فنڈز دیے جائیں گے، محکمہ خزانہ پنجاب ذرائع کے مطابق آئندہ بجٹ میں زرعی آمدنی کی شرح بڑھانے کی تجویز زیر غور ہے، صوبے میں فیول کے استعمال پر ایک فیصد نیا کاربن ٹیکس لگانے پرغور کیا جا رہا ہے۔

اسلام آباد: مشیر خزانہ عبد الحفیظ شیخ زیر صدارت اقتصادی رابطہ کمیٹی کا اجلاس کل ہوگا، جس میں 23 نکاتی ایجنڈے پر غور کیا جائے گا۔

تفصیلات کے مطابق اقتصادی رابطہ کمیٹی کا اجلاس آج طلب کرلیا، اجلاس کی صدارت وزیراعظم کے مشیر خزانہ عبد الحفیظ شیخ کریں گے، ای سی سی اجلاس کا ایجنڈا 23 نکات پر مشتمل ہے۔

اجلاس میں سپریم کورٹ اسلام آباد کی عمارت کے لیے اضافی فنڈز پرغورکیا جائے گا، ججوں کی رہائش گاہوں، ریسٹ ہاؤسز کی دیکھ بھال کے اضافی فنڈز پر غور ہوگا۔

کراچی میں گرین لائن بس آپریشنل کرنے کے لیے سیڈ منی کی فراہمی اور وزارت اطلاعات کے واجبات کی ادائیگی کے لیے ضمنی گرانٹ ایجنڈے میں شامل ہے۔

اجلاس میں بحری جہازوں کی درآمد پرسیلزٹیکس، کسٹمز ڈیوٹی ختم کرنے کی سمری پیش ہوگی،
میری ٹائم فلیگ پروٹیکشن سے متعلق فیصلوں پرعمل درآمد کا معاملہ بھی ایجنڈے کا حصہ ہے۔

اقتصادی رابطہ کمیٹی کے اجلاس میں فاٹا، ٹی ڈی پیزکے لیے 20 ہزارمیٹرک ٹن گندم فراہمی کی سمری اور برآمدات بڑھانے کی اسکیموں کے لیے ضمنی گرانٹ کی منظوری دی جائے گی۔

اجلاس میں دیگرمختلف وزارتوں، ڈویژنز کے لیے ضمنی گرانٹس کی سمریاں پیش کیے جانے کے ساتھ اسٹاک مارکیٹ سپورٹ فنڈ کی بھی منظوری دیے جانے کا امکان ہے۔

اسلام آباد: وزیرخارجہ شاہ محمود قریشی او آئی سی وزرائے خارجہ کونسل کے اجلاس میں شرکت کے لیے سعودی عرب روانہ ہوگئے۔

تفصیلات کے مطابق وزیرخارجہ شاہ محمود قریشی نے سعودی عرب روانگی سے قبل میڈیا سے بات چیت کرتے ہوئے کہا کہ اوآئی سی سربراہ اجلاس کے ایجنڈے کوحتمی شکل دی جائے گی۔

شاہ محمود قریشی نے کہا کہ اجلاس میں مشرق وسطیٰ کی صورت حال پرتبادلہ خیال کیا جائے گا، ایران کی صورت حال اورخطے میں کشیدگی پربات چیت ہوگی۔

وزیرخارجہ شاہ محمود قریشی نے کہا کہ اجلاس کی سائیڈ لائنزپرکچھ وزرائے خارجہ سے ملاقاتیں بھی طے ہیں۔

انہوں نے کہا کہ سعودی عرب میں کشمیررابطہ گروپ کا اجلاس بھی متوقع ہے، کشمیر رابطہ گروپ کے ارکان اپنا نقطہ نظر پیش کریں گے۔

شاہ محمود قریشی نے کہا کہ او آئی سی کے سیکریٹری جنرل سے بھی ملاقات ہوگی، سمٹ لیول میٹنگ کے لیے وزیراعظم بھی تشریف لے جائیں گے۔

یاد رہے کہ رواں سال مارچ کے دوسرے ہفتے میں پاکستان نے اسلامی تعاون کی تنظیم میں پارلیمانی یونین کی جنرل باڈی میں ڈپٹی چیئرمین کی نشست حاصل کی تھی۔