Tag: اجلاس

لاہور: وزیراعظم عمران خان کی زیرصدارت پنجاب کابینہ کا اجلاس آج ہوگا جس میں وہ وزراء کی کارکردگی کا جائزہ لیں گے۔

تفصیلات کے مطابق لاہور میں آج وزیراعظم عمران صوبائی کابینہ کے اجلاس کی صدارت کریں گے، انہیں صوبائی وزراء کی کارکردگی رپورٹ پیش کی جائے گی۔

وزیراعظم گورنر پنجاب چوہدری محمد سرور سے اہم معاملات پر بریفنگ بھی لیں گے۔ ذرائع کا مزید کہنا ہے کہ وزیراعظم آج پنجاب انرولمنٹ پالیسی کا افتتاح کریں گے۔

صوبائی کابینہ کے اجلاس میں اسکولوں میں بچوں کے داخلے کے ٹارگٹ کا بھی اعلان کیا جائے گا، وزیراعظم کونیشنل ایکشن پلان پرعمل درآمد سے متعلق رپورٹ پر بریفنگ دی جائے گی۔

یاد رہے کہ گزشتہ روز تھر کے علاقے چھاچھرو میں صحت کارڈ کے اجرا کی تقریب سے خطاب کرتے ہوئے وزیراعظم کا کہنا تھا کہ الیکشن کے بعد پاکستان میں پہلا جلسہ تھروالوں کے ساتھ ہے۔

ہماری فوج بالکل تیار ہے، بھارت سےکہتا ہوں کچھ بھی کیا توجوابی کارروائی ہوگی‘ وزیراعظم

عمران خان کا کہنا تھا کہ تھر اس لیے آیا کہ پورے ملک میں یہ سب سے زیادہ پسماندہ علاقہ ہے جو سب سے پیچھے رہ چکا ہے، لوگ غربت کی لکیر سے نیچے ہیں، یہاں پچھلے تین چار میں 1300 بچے خوراک نہ ملنے سے مرچکے ہیں، اقتدار میں آنے کا سب سے بڑا مقصد لوگوں کو غربت سے نکالنے کی کوشش کرنا ہے۔

وزیراعظم کا کہنا تھا کہ تھر میں پینے کے پانی کی قلت دور کرنے کے لیے 100 آر او پلانٹ لگانے اور علاقے کو سولر کے ذریعے بجلی فراہم کرنے کا بھی اعلان کیا تھا۔

اسلام آباد : وزیراعظم عمران خان کی زیرصدارت وفاقی کابینہ کے اجلاس میں 18 نکاتی ایجنڈے پر غور کیا گیا۔

تفصیلات کے مطابق وزیراعظم عمران خان کی زیرصدارت اجلاس میں وفاقی کابینہ نے 18 نکاتی ایجنڈے پرغور کیا۔ کابینہ نے ایجنڈے میں شامل متعدد نکات کی منظوری دے دی۔

وزیراعظم نے کابینہ ارکان کوپاک بھارت کشیدہ صورت حال پربریفنگ دی اور کشیدگی میں خاتمے کے لیے سفارتی کوششوں پربھی اعتماد میں لیا۔

وفاقی کابینہ کے ارکان نے صورت حال معمول پرلانے کے لیے وزیراعظم عمران خان کےاقدامات کی تعریف کی۔

وزیراعظم کی زیرصدارت اجلاس میں وفاقی کابینہ نے عالمی سطح پررابطوں اوربہترین سفارت کاری پروزیرخارجہ شاہ محمود قریشی کی بھی تعریف کی۔

وزیراعظم عمران خان نے کابینہ سے خطاب کرتے ہوئے کہا کہ صورت حال میں مزید بہتری لانے کے لیے کوششیں جاری ہیں۔

اجلاس میں حکومتی اصلاحاتی ایجنڈے میں پیشرفت پربریفنگ دی گئی، ایئربلیوریگولرپبلک ٹرانسپورٹ لائسنس کے تجدید کی منظوری ایجنڈے میں شامل ہے۔

ای سی سی اجلاس کے 26 فروری کے فیصلے کی توثیق اور پی او ایف بی کے ممبر پروڈکشن کوآرڈینیشن کی تعینات ایجنڈے میں شامل ہے۔

ہیوی انڈسٹریزٹیکسلابورڈ میں ایم پی سی تعینات کرنے کا معاملہ جبکہ پی اوایف بورڈ میں ممبر منسٹیریل کوآرڈینشن تعینات کرنے کا معاملہ بھی ایجنڈے میں شامل کیا گیا ہے۔

پبلک سیکٹر انٹرپرائزز میں چیف ایگزیکٹو کے انتخاب کا طریقہ کار بھی اجلاس کے ایجنڈے میں شامل ہے۔

یاد رہے کہ یکم مارچ کو وزیراعظم عمران خان نے پنجاب کابینہ کے اجلاس کی صدارت کے دوران حکام کو ہدایت جاری کی تھی کہ زرعی رقبے پر کسی ہاؤسنگ اسکیم کی منظوری نہ دی جائے۔

وزیر اعظم عمران خان نے اجلاس میں رقبے کے زیادہ استعمال کو روکنے کے لیے بھی نئی حکمت عملی کی منظوری دی تھی۔