اسلام آباد : سینٹ میں بلوچستان کے اراکین نے دہشت گردوں کے خلاف موثر کاروائی کا مطالبہ کیا ہے۔
سینیٹ کے اجلاس کی صدارت میاں رضا ربانی نے کی۔تربت میں مزدوروں کے قتل کے واقعہ پرعاجز دھامرا،شہباز درانی،ایم حمزہ اور دیگر نے کہا کہ قتل وغارت میں بلوچ ملوث نہیں، یہ دہشت گرد ہیں ان کوناراض بلوچ نہ کہا جائے۔
خیبر پختواہ اور بلوچستان کے ایک لاکھ افراد کے شناختی کارڈ بلاک کرنے پر نادرا کو تنقید کا نشانہ بنایا گیا۔
اے این پی کی ستارہ ایاز کے علاوہ عثمان کاکڑ،کلثوم پروین اور دیگر ارکان نے کہا کہ نادر امتیازی سلوک ترک کرے اور شک کی بنیاد پر شناختی کارڈ کی تصدیق کیلئے موبائل ٹیمیں بھجوائی جائیں۔
چیئرمین نے اس معاملے پر تحریک لانے اور اور اس پر بحث کرنے کی ہدایت کی۔
اس قبل اجلاس میں عام انتخابات انکوائری کمیشن آرڈیننس 2015 حفاظتی تدابیر ترمیمی آرڈیننس2015سمیت 5آرڈیننس پیش کیے گئے۔سینیٹ کا اجلاس کل صبح دس بجے تک ملتوی کردیا گیا۔
