Tag: اجلاس

  • سندھ کابینہ کا اجلاس: کتے کی آمد پرپولیس افسران میں کھلبلی

    سندھ کابینہ کا اجلاس: کتے کی آمد پرپولیس افسران میں کھلبلی

    مٹھی : سندھ کابینہ کے اجلاس سے پہلے ایک کتا سرکٹ ہاؤس میں گھس آیا۔ جس نے پولیس کی دوڑیں لگوادیں۔ مٹھی میں سندھ کابینہ کے اجلاس میں وزیراعلیٰ سندھ سید قائم علی شاہ کی آمد سے پہلے ایسا واقعہ ہوا کہ دیکھنے والے دیکھتے ہی رہ گئے اور پولیس کی دوڑیں لگ گئیں ۔

    سائیں کی آمد سے پہلے انتظامی تیاریوں کا جائزہ لینے ایک کتا بھی آن پہنچا ، جسے دیکھ کرپولیس مشکل میں پڑگئی۔مگر کتا بھی کم نہ تھا کبھی یہاں کبھی وہاں بھاگتا رہا۔جھاڑیوں کے پیچھے بھی چھپنے کی کوشش کی ،لیکن آخر کار پولیس کے مستعد افسر نے تن تنہا ہی اسے مار بھگایا۔

    تب ہی سکون ملا۔اس سے قبل بھی  سندھ اسمبلی میں بھی  ایک کتے نے سیکیورٹی اہلکاروں کی دوڑیں لگوادی تھیں۔ مگرکتوں کی اس بے جا مداخلت پر سندھ انتظامیہ سوچ میں پڑ گئی ہے۔ کہ اب ان کا کچھ انتظام۔ کرنا پڑے گا ۔کیونکہ آئین نہ قانون اورنہ سرکاری عمارتوں کے باہرکہیں لکھاہے کہ کتوں کا داخلہ منع ہے

  • پی آئی اےکو بارہ ارب روپےکا قرضہ جاری کرنےکی منظوری

    پی آئی اےکو بارہ ارب روپےکا قرضہ جاری کرنےکی منظوری

    اسلام آباد: کابینہ کی اقتصادی رابطہ کمیٹی نےگندم کی درآمد پربیس فیصد ڈیوٹی لگانےاور پی آئی اےکو بارہ ارب روپےکا قرضہ جاری کرنےکی منظوری دےدی ہے۔

    وزیرخزانہ اسحاق ڈار کی زیر صدارت ہونے والےاجلاس میں گندم کی فصل اچھی ہونے پر اس کی درآمد پر بیس فیصد ڈیوٹی لگانےکا فیصلہ کیا گیا۔حکومتی گارنٹی پر پی آئی اےکو بارہ ارب روپےکاقرضہ جاری کرنےکی بھی منظوری دی گئی۔

    وزیر خزانہ نےٹیکسٹائل پالیسی کے مسودہ مزیدبہترکرکے پندرہ نومبرکو ترامیم کےبعدکمیٹی کے سامنے پیش کرنے کی ہدایت کی۔اقتصادی رابطہ کمیٹی کے اجلاس میں پاکستان سینٹرل کاٹن کمیٹی کی تنظیم نوکا فیصلہ بھی کیا گیا۔

  • اقتصادی رابطہ کمیٹی کا درآمدی ایل این جی پرسیلز ٹیکس میں کمی کا فیصلہ

    اقتصادی رابطہ کمیٹی کا درآمدی ایل این جی پرسیلز ٹیکس میں کمی کا فیصلہ

    اسلام آباد: اقتصادی رابطہ کمیٹی نے درآمدی ایل این جی پرسیلز ٹیکس میں کمی کا فیصلہ کرلیا۔

    وزیرخزانہ اسحاق ڈار کی زیرصدارت اقتصادی رابطہ کمیٹی کے اجلاس میں درآمد کی گئی ایل این جی پرسیلزٹیکس میں کمی کا فیصلہ کیا گیا ہے، ایل این جی پرسیلز ٹیکس سترہ فیصد سے کم کرکے پانچ فیصد کردیا جائے گا، اس کے علاوہ کمیٹی نے ایل این جی درآمد کیلئے ٹگ بوٹس خریدنے کی اجازت بھی دے دی ہے، یہ ٹگ بوٹس وزارت پورٹ اینڈ شپنگ خریدے گی ۔

     اقتصادی رابطہ کمیٹی نے پیکیجزلیمٹیڈ کو بیرون ملک ایک کروڑ پچاس لاکھ ڈالرکی سرمایہ کاری کی اجازت بھی دے دی ہے، اقتصادی رابطہ کمیٹی کے اجلاس کا دوسرا دور کل پھرہوگا۔

  • اقتصادی رابطہ کمیٹی کا اجلاس آج ہوگا

    اقتصادی رابطہ کمیٹی کا اجلاس آج ہوگا

    اسلام آباد:وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس آج ہوگا ۔ اجلاس میں او ایم سیز ڈیلز مارجن میں اضافے پر غور کیا جائے گا،اجلاس میں او ایم سیز ڈیلرز مارجن میں اضافے اور چار لاکھ ٹن یوریا درآمد کا معاملہ بھی زیر بحث آئے گا ۔

    کھاد پر دی جانے والے سبسڈی کے مسئلےسمیت دیگرمسائل ایجنڈے کا حصہ ہیں۔ ذرائع کے مطابق ای سی سی میں سی این جی کی قیمتوں کے تعین کیلئے میکینزم طے کئے جانے کا امکان ہے۔

    اجلاس میں رواں ماہ کے معاشی جائزے سمیت اشیاء ضروریہ کے ذخائر اور انکی قیمتوں پر بھی غور کیا جائے گا۔اس کے علاوہ نئی ٹیکسٹائل پالیسی کا مسودہ بھی آج اجلاس میں پیش کیا جائے گا۔

  • سندھ اسمبلی کا اجلاس:ایوان مچھلی بازاربن گیا

    سندھ اسمبلی کا اجلاس:ایوان مچھلی بازاربن گیا

    کراچی:سندھ اسمبلی کے اجلاس میں بھی نئے صوبے کے قیام کیلئے پیپلزپارٹی اور ایم کیوایم کے ارکان کے درمیان تلخ جملوں کا تبادلہ ہوا۔ دونوں جماعتوں کے ارکان نے ایک دوسرے کیخلاف نعرے بازی بھی کی۔

    سندھ اسمبلی کے اجلاس میں آج بھی پیپلزپارٹی اور ایم کیوایم کے ارکان میں لفظی جنگ جاری رہی۔ جس سے اجلاس مچھلی بازار کا منظر پیش کر رہا تھا۔سندھ اسمبلی کا اجلاس اسپیکر آغا سراج درانی کی صدارت میں شروع ہوا تو ایم کیو ایم کے رکن محمد حسین نے اپوزیشن نشستیں الاٹ نہ ہونے پرتوجہ دلاوٴنوٹس جمع کرایا۔

    محمد حسین کا کہنا تھا کہ جن وزیروں کے استعفے منظورنہیں ہوئے انہیں چھوڑکرباقی ممبران کونشستیں الاٹ کردی جائیں۔ اس موقع پر شرجیل میمن نے کہا کہ یہ رولزکے خلاف ہے ،استعفے منظورہونے تک اپوزیشن نشستیں الاٹ نہیں ہوسکتیں۔

    جس پر ایم کیوایم کے ارکان اور شرجیل میمن کے درمیان تلخ جملوں کا تبادلہ ہوا اور ارکان نے نشستوں پر کھڑے ہو کر ایک دوسرے کیخلاف نعرے بازی کی۔

    اسپیکر کی درخواست کے باوجود اراکین خاموش نہ ہوئے۔ شور شرابے کے دوران اسپیکر آغا سراج درانی کا کہنا تھا کہ گورنرہاوٴس سے معلوم کریں کہ ایم کیوایم کے وزراء کے استعفے منظورہوئے یا نہیں، ایم کیوایم کے پاس اکثریت ہے تو اپوزیشن لیڈرکے لیے الگ درخواست جمع کرائیں

  • رکن سندھ اسمبلی ارم عظیم فاروقی دوبارہ ایم کیوایم میں شامل

    رکن سندھ اسمبلی ارم عظیم فاروقی دوبارہ ایم کیوایم میں شامل

    کراچی: متحدہ قومی مومنٹ کی رہنماء ارم عظیم فاروقی نے الطاف حسین کی ہدایت پر دوبارہ پارٹی کے لئے کام شروع کردیا۔

    متحدہ قومی مومنٹ کی رہنماء اور رکن سندھ اسمبلی ارم عظیم فاروقی نے بتایاکہ پارٹی میں کچھ مسائل تھے جس کی وجہ سے وہ ایم کیوایم چھوڑ کر امریکہ چلی گئی تھیں جہاں سے اُنہوں نے پارٹی کے قائد الطاف حسین کو ساری صورتحال سے آگاہ کیا۔

    ارم فاروقی نے بتایاکہ الطاف حسین کی بہت عزت کرتی ہوں، اُنہوں نے مفاد پرست ٹولوں کوختم کرنے کی یقین دہانی کرائی جس پر وہ پاکستان واپس آگئیں اور دوبارہ کام شروع کردیا۔

  • عوام نے تبدیلی کا راستہ چن لیا،چودھری پرویزالہٰی

    عوام نے تبدیلی کا راستہ چن لیا،چودھری پرویزالہٰی

    لاہور: مسلم لیگ ق کے مرکزی رہنما چودھری پرویز الہٰی نے کہا ہے کہ عوام نے تبدیلی کا راستہ چن لیا، نواز اور شہبازشریف جتنے بھی غیر آئینی و غیر قانونی ہتھکنڈے استعمال کر لیں وہ ان کا راستہ نہیں روک سکتے۔

    چودھری پرویز الہٰی نے ان خیالات کا اظہار مسلم لیگ ہاؤس میں سات اضلاع لاہور، گوجرانوالہ، سیالکوٹ، اوکاڑہ، قصور، نارووال اور ننکانہ صاحب کے پارٹی عہدیداروں، ٹکٹ ہولڈرز اور رہنماؤں سے الگ الگ خطاب کرتے ہوئے کیا جن میں پارٹی کی تنظیم سازی پر بھی تفصیل سے غور کیا گیا۔

    اجلاس میں سینیٹر کامل علی آغا، طارق بشیر چیمہ، محمد بشارت راجہ، چودھری ظہیر الدین، وقاص حسن موکل اور خدیجہ عمر فاروقی بھی شریک تھے، چودھری پرویزالٰہی نے کہا کہ پاکستان مسلم لیگ کی تنظیم سازی کو ترجیح دینا ہو گی اور یہ تنظیم سازی صوبائی اسمبلی کے حلقہ کو بنیاد بنا کر کی جائے گی۔

    اس سلسلہ میں مونس الٰہی کی قیادت میں ایک کمیٹی پنجاب کے تمام اضلاع کا دورہ کرے گی جس کے بعد چودھری پرویز الہٰی خود ہر ضلع میں جا کر میٹنگز کریں گے۔

    میٹنگ کے شرکاء نے تنظیم سازی کا خیر مقدم کرتے ہوئے انہوں نے کہا کہ اس کے نتیجہ میں پارٹی مزید فعال و مضبوط ہو گی اور عوام سے رابطے ذاتی سطح پر بھی مزید تیز اور بہتر ہوں گے۔

    مسلم لیگی رہنماؤں نے اتوار کو لاہور میں جلسہ عام میں بھرپور شرکت کا یقین دلاتے ہوئے کہا کہ مسلم لیگی کارکن اور عوام سبز مسلم لیگی پرچم لہراتے ہوئے زیادہ سے زیادہ تعداد میں جلسہ میں شرکت کر کے اسے تاریخی بنا دیں گے۔

    انہوں نے کہا کہ مہنگائی، بیروزگاری، بجلی اور گیس کی قلت کے باوجود آسمان سے باتیں کرتے بلوں نے عوام کو حکمرانوں کی اصلیت سے آگاہ کر دیا ہے اور یہی وجہ ہے کہ ’’گونواز گوشہبازگو‘‘ کا نعرہ ہر ایک کا محبوب نعرہ بن چکا ہے۔

  • بھارتی جارحیت، قومی سلامتی کا اجلاس آج ہوگا

    بھارتی جارحیت، قومی سلامتی کا اجلاس آج ہوگا

    اسلام آباد: بھارتی جارحیت پر حکمت عملی طے کرنے کے لئے قومی سلامتی کمیٹی کا اجلاس آج ہوگا۔

    اسلام آباد میں وزیرِاعظم نوازشریف نے لائن آف کنٹرول اور ورکنگ باؤنڈری پر مسلسل بھارتی جارحیت پر قومی سلامتی کمیٹی کا اجلاس آج صبح دس بجے طلب کرلیا ہے۔

    ترجمان وزیراعظم ہاؤس کے مطابق اجلاس میں چیئرمین جوائنٹ چیفس آف اسٹاف کمیٹی جنرل راشد محمود ،تینوں مسلح افواج کے سربراہان اورڈی جی آئی ایس آئی شریک ہوں گے۔ اجلاس میں وفاقی وزیرِ داخلہ چودھری نثار علی خان، وزیرِدفاع خواجہ محمد آصف ، وزیرِاطلاعات سینیٹرپرویزرشید، وزیرِ خزانہ اسحاق ڈار اور قومی سلامتی کے مشیر سرتاج عزیز سمیت اعلیٰ سیکیورٹی و سرکاری حکام بھی شرکت کریں گے

    اجلاس میں آپریشن ضربِ عضب پر پیش رفت اور اس میں پاک فوج کی کامیابیوں پر بھی بریفنگ دی جائے گی۔

    حکام کا کہنا ہے کہ اجلاس کے دو نکاتی ایجنڈے کو حتمی شکل دے دی گئی ہے، قومی سلامتی کمیٹی بھارت کی جانب سے کنٹرول لائن پر بلااشتعال فائرنگ اور سرحدی خلاف ورزیوں کے واقعات کا جائزہ لے گی جبکہ اعلیٰ سیکیورٹی حکام اس غیرمعمولی صورت حال اور اب تک ہونے والی جانی ومالی نقصان پر بریفنگ دیں گے۔

    اجلاس کو پاکستانی فورسز کی جوابی کارروائی پر بھی اعتماد میں لیا جائے گا، حکام کا کہنا ہےکہ مشیر برائے قومی سلامتی سرتاج عزیز اجلاس کو بھارتی اشتعال انگیزی کے خلاف پاکستان کے اب تک کیے گئے سفارتی رابطوں پر بریفنگ دیں گے،

    حکام کے مطابق بھارت کے اشتعال انگیز رویے سے متعلق حکومتی حکمت عملی کے حوالے سے اہم فیصلوں کا امکان ہے۔

  • اقتصادی رابطہ کمیٹی کااجلاس گوادرنوابشاہ ایل این جی ٹرمینل کی منظوری

    اقتصادی رابطہ کمیٹی کااجلاس گوادرنوابشاہ ایل این جی ٹرمینل کی منظوری

    اسلام آباد: وزیرِخزانہ کی زیرِصدارت اقتصادی رابطہ کمیٹی کے اجلاس میں نواب شاہ گوادرایل این جی ٹرمینل کی منظوری دے دی گئی۔

     وزیرِخزانہ اسحاق ڈار نے منصوبےکیلئے فنڈنگ کاپلان جلدازجلد بنانے کی ہدایات جاری کردیں ہیں۔

    اجلاس میں کپاس کی قیمتِ خرید کی منظوری بھی دےدی گئی جس کے تحت حکومتی ٹی سی پی کے ذریعے دس لاکھ گانٹھیں تین ہزارروپے فی من کے حساب سے خریدی جائیں گی۔

    اجلاس میں مندرجہ بالا فیصلوں کے علاوہ ملکی معاشی کارکردگی کا جائزہ بھی لیا گیا۔

  • اراکین پارلیمنٹ کیلئے وی آئی پی حیثیت ختم کرنے کی تجویز

    اراکین پارلیمنٹ کیلئے وی آئی پی حیثیت ختم کرنے کی تجویز

    اسلام آباد: قومی اسمبلی کی قائمہ کمیٹی برائے پارلیمانی امور کا اجلاس میاں عبدالمنان کی صدرات میں پارلیمنٹ ہاوٴس میں ہوا۔ قائمہ کمیٹی نے اراکین پارلیمنٹ کے لیے وی آئی پی حیثیت ختم کرنے کی تجویزدے دی۔

    اجلاس میں کراچی میں پی آئی اے کے طیارے میں دو اراکین پارلیمنٹ کے ساتھ پیش آنے والے واقعہ کا تفصیلی جائزہ لیا گیا۔ کمیٹی نے زور دیا کہ کراچی جیسا واقعہ دوبارہ پیش نہیں آنا چاہیے۔

    کمیٹی کے چیئرمین نے کہا کہ عوام کو تکلیف دے کرعوامی نمائندہ کہلوانے کا کوئی شوق نہیں۔ اراکین پارلیمنٹ کے لیے ائیر ٹکٹ کے بجائے ٹریول کارڈ جاری کیا جائے اوراراکین پارلیمنٹ کی وجہ سے عوام کی مشکلات کم کرنے کے اقدامات کیے جائیں۔