Tag: اجلاس

اسلام آباد: وزیراعظم عمران خان نے کل اعلیٰ سطح کا اجلاس طلب کر لیا جس میں چینی بحران میں ملوث افراد کے خلاف مقدمات دائر کا فیصلہ ہوگا۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت کل اعلیٰ سطح کا اجلاس ہو گا جس میں شوگر انکوائری رپورٹ میں ذمہ دار قرار دیے گئے افراد کے خلاف ایکشن کا فیصلہ ہوگا۔

ذرائع کا کہنا ہے کہ اجلاس میں چینی بحران میں ملوث افراد کے خلاف مقدمات دائر کرنے کا بھی فیصلہ ہوگا۔

اس سے قبل گزشتہ ہفتے وزیر خارجہ شاہ محمود قریشی کا کہنا تھا کہ یہ پہلی حکومت ہے جس نے چینی بحران کمیشن کی رپورٹ عوام کے سامنے پیش کی اور وزیراعظم عمران خان نے بلا امتیاز و تفریق ذمہ داران کے خلاف کارروائی کی ہدایت کی ہے۔

یاد رہے کہ ڈی جی ایف آئی اے واجد ضیاء کی سربراہی میں تحقیقاتی رپورٹ کا فرانزک کرنے کے لیے بننے والے 6 رکنی تحقیقاتی کمیشن نے حتمی رپورٹ میں جہانگیر ترین، مونس الہیٰ، اومنی گروپ اور مخدم خسرو بختیار کے بھائی عمر شہریار کو چینی بحران کا ذمہ دار قرار دیا تھا۔

رپورٹ میں کمیشن نے چینی بحران کا ذمہ دار ریگولیٹرز کو قرار دیا ہے، جن کی غفلت کے باعث چینی بحران پیدا ہوا اور قیمت بڑھی، کمیشن نے کیسز نیب، ایف آئی اے اور اینٹی کرپشن کو بھجوانے کی سفارش کی ہے۔

اسلام آباد: وزیراعظم عمران خان نے حکومتی اور پارٹی ترجمانوں کا اہم اجلاس طلب کر لیا، اجلاس میں ملکی سیاسی اور معاشی صورت حال کا جائزہ لیا جائے گا۔

تفصیلات کے مطابق وفاقی دارالحکومت اسلام آباد میں وزیر اعظم عمران خان کی زیر صدارت حکومتی اور پارٹی ترجمانوں کا اجلاس کل سہ پہر ڈھائی بجے وزیر اعظم ہاؤس میں ہو گا۔

ذرائع کے مطابق اجلاس میں پی ٹی آئی سینئر رہنمابھی اجلاس میں شریک ہوں گے، اجلاس میں ملکی سیاسی اور معاشی صورت حال کا جائزہ لیا جائے گا۔

اجلاس میں عوام کو فوری ریلیف فراہم کرنے سے متعلق تجاویز پر غور ہوگا۔ وزیراعظم عمران خان ملکی صورتحال کے پیش نظر ترجمانوں کوگائیڈ لائن دیں گے۔

وزیراعظم کا دیہاڑی دار طبقے کو روزگار فراہم کرنے کے لیے بڑا اعلان

یاد رہے کہ گزشتہ روز سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا تھا کہ کرونا سے پیدا ہونے والی صورتحال میں دیہاڑی دار افراد اجرت سے محروم ہیں۔

وزیراعظم کا کہنا تھا کہ حکومت نے دیہاڑی دار طبقے کو بلین ٹری منصوبے میں روزگار دینے کا فیصلہ کیا ہے، اقدام سے زندگیوں اور زمین دونوں پر مثبت اثرات بیک وقت پڑےگا۔

اسلام آباد: وزیراعظم عمران خان کی زیرصدارت ہونے والے وفاقی کابینہ کے اجلاس کی اندرونی کہانی سامنے آگئی۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت ہونے والے وفاقی کابینہ کے اجلاس کی اندرونی کہانی سامنے آگئی۔

وزیراعظم نے کہا کہ کابینہ میں آج پھر بتاناچاہتا ہوں کہ ہم حکومت میں کیوں آئے؟ اقتدار میں آنے کا مقصد عام طبقے کا تحفظ کرنا تھا، غریب عوام کو مافیا سے نجات دلانا چاہتا ہوں۔

عمران خان کا کہنا تھا کہ حکومت سنبھالتے ہی کابینہ اراکین کوگائیڈ لائینز فراہم کر دیں تھیں، چاہتا ہوں آپ سب اپنے فیصلے اسی گائیڈ لائین کی روشنی میں کریں، آپ سے توقع رکھتا ہوں کہ فیصلہ ذاتی نہیں عوامی مفاد کے پیش نظر ہوگا۔

وزیراعظم نے کہا کہ انکوائری رپورٹ سے متعلق کمیشن کے حتمی فیصلے کا انتظار ہے، کمیشن کے فیصلے کی روشنی میں کارروائی ہوگی۔انہوں نے بتایا کہ آٹا چینی بحران پر تحقیقاتی رپورٹس میرے کہنے پر پبلک کی گئیں۔

چینی بحران پر رپورٹ عام کرنے پر وفاقی کابینہ نے وزیراعظم کو زبردست خراج تحسین پیش کیا ۔کابینہ ارکان نے چینی بحران رپورٹ عام کرنے کو وزیراعظم کا جرأت مندانہ اقدام قرار دیا۔

وفاقی کابینہ کے ارکان کا کہنا تھا کہ پہلی مرتبہ شوگر انڈسٹری سے متعلق سسٹم میں خرابیاں بھی سامنے آئیں، امید ہے حالیہ اقدامات کے بعد خامیوں پر قابو پانے میں مدد ملے گی۔ وزیراعظم کا کہنا تھا کہ اب چینی کی قیمت کسی صورت نہیں بڑھنے دیں گے۔

اسلام آباد: وزیرخارجہ شاہ محمود قریشی کا کہنا ہے کہ لاک ڈاؤن کی وجہ سے پاکستانیوں کو واپس لانے میں مشکلات پیش آ رہی ہیں۔

تفصیلات کے مطابق وفاقی دارالحکومت اسلام آباد میں وزارت خارجہ میں شاہ محمود قریشی کی زیرصدارت کرونا وبائی چیلنج سے نمٹنے سے متعلق اعلیٰ سطح کا اجلاس ہوا جس میں بیرون ممالک وطن واپسی کے منتظر پاکستانیوں کی مرحلہ وار واپسی کا جائزہ لیا گیا۔

اجلاس میں معاون خصوص برائے صحت ڈاکٹر ظفر مرزا نے کرونا صورتحال ،ٹیسٹنگ کی سہولت ،انتظامات پر بریفنگ دی۔ وزیر خارجہ کی زیرصدارت اجلاس میں متعلقہ اداروں سے موصول ہونے والی تجاویز پر مشاورت کی گئی۔

اجلاس میں وزیر ہوا بازی غلام سرور،معاون خصوصی اوورسیز پاکستانی زلفی بخاری، معاون خصوصی نیشنل سیکیورٹی معید یوسف،سی ای او شوکت خانم، ڈاکٹر فیصل اور اسپیشل سیکریٹری خارجہ معظم علی خان نے بھی شرکت کی۔

اس موقع پر وزیر خارجہ شاہ محمود قریشی کا کہنا تھا کہ پہلی ترجیح وطن واپسی کے منتظر، پاکستانیوں کی مرحلہ وار واپسی ہے، کرائسز مینجمنٹ سیل پاکستانی سفارت خانوں سے رابطے میں ہے۔

شاہ محمود قریشی نے کہا کہ ایئرپورٹس پر کرونا کیسز کے لیے طبی سہولتیں کی فراہمی یقینی بنائی جا رہی ہیں، بہت سے ممالک میں لاک ڈاؤن سے فلائٹس آپریشن معطل ہیں،لاک ڈاؤن کی وجہ سے پاکستانیوں کو واپس لانے میں مشکلات پیش آ رہی ہیں۔

اسلام آباد: اسپیکر قومی اسمبلی اسد قیصر کی زیرصدارت کرونا وائرس پر پارلیمانی کمیٹی کا اجلاس آج ہوگا۔

تفصیلات کے مطابق وفاقی دارالحکومت اسلام آباد میں کرونا وائرس پر پارلیمانی کمیٹی کا اجلاس آج دوپہر 12 بجے پارلیمنٹ ہاؤس میں ہوگا۔اسپیکر قومی اسمبلی اسد قیصر25 رکنی پارلیمانی کمیٹی کے اجلاس کی صدارت کریں گے۔

ترجمان قومی اسمبلی کے مطابق وزیراعظم کے مشیر خزانہ ڈاکٹر حفیظ شیخ اور مشیر تجارت وصنعت عبدالرزاق داؤد کرونا وائرس کی وجہ سے ملکی معیشت اور تجارت پر پڑنے والے اثرات اور معیشت کی بحالی پر پارلیمانی کمیٹی کو بریفنگ دیں گے۔

معاون خصوصی ظفرمرزا، چیئرمین این ڈی ایم اے محمدافضل کرونا پر بریفنگ دیں گے۔اجلاس میں کمیٹی کے ممبران ویڈیو کانفرنس کے ذریعے بھی شریک ہوں گے۔

پارلیمانی کمیٹی کرونا سے متعلق معاملات کا جائرہ، مانیٹرنگ، نگرانی کے لیے قائم کی گئی ہے، پارلیمانی کمیٹی میں قومی اسمبلی سے 12، سینیٹ سے 13 پارلیمانی لیڈرز شامل ہیں۔

پارلیمانی کمیٹی کرونا وائرس سے متعلق سرگرمیوں پر نظر رکھےگی، اسد قیصر

یاد رہے کہ دو روز قبل اسپیکر قومی اسمبلی اسد قیصر کا کہنا تھا کہ پارلیمانی کمیٹی کرونا وائرس سے متعلق سرگرمیوں پر نظر رکھےگی، جہاں پر بھی کوتاہی نظر آئےگی کمیٹی ایکشن لےگی۔

اسلام آباد: وزیراعظم عمران خان نے پاکستان تحریک انصاف کی کور کمیٹی کا اجلاس طلب کر لیا جس میں کرونا وائرس سے پیدا ہونے والی صورت حال کا جائزہ لیا جائے گا۔

تفصیلات کے مطابق وزیراعظم عمران خان نے کل شام وزیراعظم ہاؤس میں پی ٹی آئی کور کمیٹی کا اجلاس طلب کر لیا جس میں کرونا وائرس سے پیدا ہونے والی صورت حال پر تبادلہ خیال کیا جائے گا۔

اجلاس میں حکومتی معاشی ٹیم ملکی معاشی صورت حال پر بریفنگ دے گی، کرونا سے نمٹنے کے لیے حکومتی فیصلوں پر مشاورت ہو گی، کور کمیٹی حکومتی اقدامات کا بھی جائزہ لے گی۔

وزیراعظم کی زیرصدارت اجلاس میں تعمیراتی انڈسٹری کے ریلیف پیکج پر بریفنگ ہو گی، اشیائے ضروریہ کی فراہمی سے متعلق امور کا بھی جائزہ لیا جائے گا۔

حکومت کا سی پیک منصوبوں پرکام اور تعمیراتی انڈسٹری کھولنے کا بڑا فیصلہ

واضح رہے کہ وزیراعظم عمران خان کی زیر صدارت قومی رابطہ کمیٹی کا اجلاس ہوا، اجلاس میں صوبوں کے وزرائے اعلیٰ اور عسکری حکام شریک ہوئے جبکہ وفاقی وزرا اورچیئرمین این ڈی ایم اے بھی اجلاس میں موجود تھے۔

اس موقع پر وزیراعظم عمران خان کا کہنا تھا کہ غریب کے گھرکا چولہا جلے اس لیے کل تعمیراتی انڈسٹری کھول رہے ہیں، مزدوروں کا روزگار انڈسٹری سے وابسطہ ہے، مزدورطبقہ حکومت کی اولین ترجیح ہے۔