Tag: اجلاس

اسلام آباد: وزیراعظم عمران خان کا کہنا ہے کہ انضمام شدہ علاقوں کو ملک کے دیگر حصوں کے برابر لانا ترجیح ہے، بعض بیرونی عناصر ان علاقوں میں انتشار پھیلانے کی کوشش کر رہے ہیں۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت اجلاس ہوا، جس میں خیبرپختونخوا میں توانائی، ہائرایجوکیشن، صحت، ترقیاتی منصوبوں کا جائزہ لیا گیا۔ وزیراعظم کو انضمام شدہ علاقوں میں ترقیاتی منصوبوں کی رفتار پر بریفنگ دی گئی۔

اس موقع پر وزیراعظم عمران خان نے کہا کہ انضمام شدہ علاقوں کو ملک کے دیگر حصوں کے برابر لانا ترجیح ہے، بعض بیرونی عناصر ان علاقوں میں انتشار پھیلانے کی کوشش کر رہے ہیں۔

وزیراعظم کا کہنا تھا کہ ضروری ہے ترقیاتی منصوبوں اور مسائل کے حل پر قبائلی عوام کو باخبر رکھا جائے، انضمام شدہ علاقوں کے عوام کو پورے عمل میں ہر طرح سے شریک بنایا جائے۔

پاورپراجیکٹ منصوبوں کےواجبات سےمتعلق وزیراعظم نے معاملات حل کرنے کی ہدایت کرتے ہوئے کہا کہ پینے کے صاف پانی کے فراہمی کے منصوبوں کو ترجیحی بنیادوں پرمکمل کیا جائے۔

وزیراعظم عمران خان کا کہنا تھا کہ سالڈ ویسٹ مینجمنٹ پر قومی پالیسی تشکیل دینے کی ضرورت ہے، صوبائی حکومتوں کے ساتھ پالیسی تشکیل دینے کا عمل شروع کیا جائے، سالڈ ویسٹ مینجمنٹ کے حوالے سے منظم نظام تشکیل دیا جائے۔

اسلام آباد: وزیراعظم عمران خان کا کہنا ہے کہ حکومتی شخصیات لاوارث اور بے گھر افراد کا خاص خیال رکھیں، نادر اور مستحق افراد کو کھانا اور رہائش فراہم کریں۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیر صدارت میڈیا اسٹریٹجی کمیٹی کا اجلاس ہوا، جس میں شفقت محمود، بابراعوان، اسد عمر، مراد سعید، معاون خصوصی معید یوسف، شہزاد اکبر اور فیصل جاوید نے شرکت کی۔

وزیراعظم عمران خان کو 2020 پر حکومتی وژن پر تجاویز اور عوامی ریلیف کے لیے فلاحی اقدامات کی تفصیل بھی اجلاس میں پیش کی گئی۔

وزیراعظم عمران خان نے رواں ماہ جنوری میں جامع پروگرام شروع کرنے کا فیصلہ کرتے ہوئے سرد موسم کے پیش نظر پناہ گاہ سے متعلق اہم ہدایات دیں۔

اس موقع پر وزیراعظم پاکستان نے کہا کہ حکومتی شخصیات لاوارث اور بے گھر افراد کا خاص خیال رکھیں، نادر اور مستحق افراد کو کھانا اور رہائش فراہم کریں۔

شدید سردی میں کوئی بھی شخص بغیر شیلٹر کے نہ رہے، وزیراعظم

یاد رہے کہ گزشتہ ماہ وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا تھا کہ شدید سردی میں کوئی بھی شخص بغیر شیلٹر کے نہ رہے، پنجاب، کے پی کے وزرائے اعلیٰ اس بات کو یقینی بنائیں۔

وزیراعظم عمران خان نے اپنے پیغام میں مزید کہا تھا کہ جو افراد پناہ گاہوں میں نہیں انتظامیہ ان کو کھانا،عارضی پناہ گاہیں دے۔

اسلام آباد: وزیراعظم عمران خان نے پی ٹی آئی پارلیمانی پارٹی کا اجلاس کل طلب کر لیا، اجلاس میں آرمی ایکٹ ترمیمی بل کی پارلیمنٹ سے منظوری کی حکمت عملی طے ہوگی۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیر صدارت تحریک انصاف کی پارلیمانی پارٹی کا اجلاس کل صبح 10 بجے ہوگا۔ وزیراعظم نے پارلیمانی پارٹی میں شامل تمام ارکان کو حاضری یقینی بنانے کی ہدایت کر دی۔

ذرائع کے مطابق آرمی ایکٹ ترمیمی بل کی پارلیمنٹ سے منظوری کی حکمت عملی طے ہوگی۔ ذرائع کا کہنا ہے کہ وزیراعظم عمران خان کل قومی اسمبلی اجلاس میں بھی شریک ہوں گے۔

وفاقی کابینہ نے آرمی ایکٹ میں ترمیم کی منظوری دے دی

یاد رہے کہ گزشتہ روز وزیراعظم عمران خان کی زیر صدارت وفاقی کابینہ کا ہنگامی اجلاس وزیراعظم ہاؤس میں ہوا تھا۔ اجلاس میں اہم سیاسی معاملات اور آرمی چیف کی مدت ملازمت میں توسیع سے متعلق ترمیمی بل پر مشاورت کی گئی تھی۔

وفاقی کابینہ نے آرمی چیف کی مدت ملازمت میں توسیع سے متعلق آرمی ایکٹ میں ترمیم کی منظوری دی تھی ، ترمیم میں آرمی چیف کی مدت ملازمت ،توسیع کا طریقہ کار وضع کیا گیا۔

اسلام آباد: وزیراعظم عمران خان نے وفاقی کابینہ کا اجلاس 31 دسمبر کو طلب کرلیا، اجلاس میں 8 نکاتی ایجنڈے پر غور کیا جائے گا۔

تفصیلات کے مطابق وزیراعظم عمران کی زیر صدارت وفاقی کابینہ کا اجلاس 31 دسمبر کو ہوگا۔ اجلاس میں کابینہ 8 نکاتی ایجنڈے پر غور کرے گی۔

وفاقی کابینہ کے اجلاس میں ملکی معاشی اور سیاسی صورت حال پر غور ہوگا، نیشنل کالج آف آرٹس انسٹیٹیوٹ کے بل کا مسودہ کابینہ میں پیش ہوگا۔ اجلاس میں اسٹیٹ بینک مالی اسٹیٹمنٹ برائے سال 2018 کے اجرا کی منظوری دی جائی گی۔

وزیراعظم کی زیر صدارت اجلاس میں ناروے کے شہری کی پاکستان سے حوالگی کا معاملہ بھی زیر غور آئے گا، وزارت داخلہ کی سہیل احمد کو برطانیہ کے حوالے کرنے کی درخواست پرغور ہوگا۔

اجلاس میں اسمال اینڈ میڈیم انٹرپرائزرکے سی ای او کی منظوری بھی دی جائے گی۔ وفاقی کابینہ کو اہم معاشی اعدادوشمار پر بھی بریفنگ دی جائے گی۔

پرانے سسٹم سے پیسہ بنانے والے مافیا کے لیے 2020 مشکل سال ہوگا، وزیراعظم

یاد رہے کہ گزشتہ دنوں وزیراعظم عمران خان کا کہنا تھا کہ پرانے سسٹم سے پیسہ بنانے والے مافیا کے لیے 2020 مشکل سال ہوگا، 2020 میں عوام کو بہتر تبدیلی نظر آئے گی۔

وزیراعظم پاکستان کا کہنا تھا کہ 2019 میں ہم نے معیشت کو مستحکم کیا، انشا اللہ 2020 ہماری ترقی اور روزگار کی فراہمی کا سال ہوگا، 2020 سال میں ملک ترقی کرے اور خوشحالی آئے گی۔

لاہور: وزیراعلیٰ پنجاب سردار عثمان بزدار کی زیر صدارت اجلاس میں صوبائی کابینہ نے پرول ایکٹ 2019 کی منظوری دے دی۔

تفصیلات کے مطابق وزیراعلیٰ پنجاب کی زیرصدارت صوبائی کابینہ کا 22واں اجلاس ہوا جس میں پنجاب میں امن وامان کی صورت حال سے متعلق بریفنگ دی گئی۔

صوبائی کابینہ کے اجلاس میں پنجاب بائیوانرجی کمپنی پرائیویٹ لمیٹڈ کوبند کرنے کا فیصلہ کیا گیا، محکمہ اسکولز ایجوکیشن کی اسسمنٹ پالیسی فریم ورک 2019 کی منظوری دے دی گئی۔

اجلاس میں پانچویں اور آٹھویں جماعت کے امتحانات مرحلہ وار ختم کرنے کا فیصلہ کیا گیا، سرکاری اسکولز میں طلبہ کے لیے اردو میڈیم کتابوں کی فراہمی کی منظوری دے دی گئی، پہلی کلاس سے پانچویں تک اردو زبان میں تعلیم دی جائے گی، پہلی کلاس سے پانچویں تک انگریزی کو بطورمضمون پڑھایا جائے گا۔

وزیراعلیٰ پنجاب کی زیرصدارت اجلاس میں ڈسٹرکٹ وائلڈ لائف افسر کو اسسٹنٹ ڈائریکٹر وائلڈ لائف بنانے کی منظوری دی گئی، پنجاب لوکل گورنمنٹ فنانس کمیشن کے قیام کی اصولی منظوری بھی دی گئی۔

چھت اور کھانا فراہم کر کے ریاست اپنی ذمے داری پوری کر رہی ہے، عثمان بزدار

یاد رہے کہ دو روز قبل وزیراعلیٰ پنجاب سردار عثمان بزدار کا کہنا تھا کہ چھت اور کھانا فراہم کرکے ریاست اپنی ذمے داری پوری کر رہی ہے، پناہ گاہوں کی تعمیر کے منصوبے کی نگرانی خود کر رہا ہوں۔

اسلام آباد: وزیراعظم عمران خان کی زیرصدارت مشترکہ مفادات کونسل کا اجلاس جاری ہے جس میں 16 نکاتی ایجنڈے پر غور کرے گی۔

تفصیلات کے مطابق وزیراعظم عمران خان کی زیرصدارت مشترکہ مفادات کونسل کا اجلاس میں صوبائی وزرائے اعلیٰ سمیت چیف سیکریٹریز شریک ہیں۔ مشترکہ مفادات کونسل 16 نکاتی ایجنڈے پر غور کرے گی۔

اجلاس میں سی سی آئی رپورٹ 2016 اور2017 منظوری کے لیے پیش کی جائے گی، صوبوں کو پانی کے خالص منافع پر عملدرآمد کے فارمولے پر بحث ہوگی۔ پیٹرولیم پالیسی 2012 کے ترمیمی مسودے کی منظوری کا امکان ہے۔

ایل این جی درآمد کا معاملہ بھی مشترکہ مفادات کونسل کے ایجنڈے میں شامل ہے، حویلی شاہ بہادر، بلوکی پاور پلانٹس کی نجکاری کی سمری بھی کونسل کو بھجوا دی گئی۔ تیز ی سے بڑھتی ملکی آبادی پر قابو پانے کا معاملہ بھی ایجنڈے کا حصہ ہے۔

اجلاس میں پانی کی تقسیم کے معاہدے پر اور پانی کی تقسیم کے معاہدے پر اٹارنی جنرل کی سفارشات بھی بھی ایجنڈے میں شامل ہے۔ پنجاب حکومت کی جانب سے صوبوں کو فنڈز کی غیرقانونی منتقلی کا معاملہ ایجنڈے کا حصہ ہے۔

مشترکہ مفادات کونسل کے اجلاس میں سندھ کی جانب سے ایف بی آر کی غیرقانونی اورغیر آئینی کٹوتی کی سمری ایجنڈے کا حصہ ہے، سی جے ہائیڈروپاور منصوبے کے این او سی کا معاملہ بھی زیر بحث آئے گا۔ اجلاس میں چیئرمین واپڈا اور ارکان کی تقرری سے متعلق مسودہ بھی اجلاس میں پیش کیا جائے گا۔

ایل پی جی کی پیداوار پروزارت پیٹرولیم کو رائلٹی کا معاملہ بھی ایجنڈے میں شامل ہے۔ اجلاس میں قدرتی وسائل کی تقسیم پر آرٹیکل 158 اور 172 پر عمل کا معاملہ بھی زیر بحث آئے گا۔

اجلاس میں متبادل توانائی پالیسی 2019 منظوری کے لیے پیش کی جائے گی، اوگرا ترمیمی آرڈیننس 2002 بھی سی سی آئی اجلاس میں زیر بحث آئے گا۔ پاکستان کی مردم شماری کے نتائج کا نوٹی فکیشن بھی ایجنڈے میں شامل ہے۔