Tag: اجے دیوگن

اجے دیوگن کی 80 کروڑ بھارتی روپے کے بجٹ سے بننے والی فلم آزاد 10 دنوں میں باکس آفس سے 8 کروڑ روپے بھی نہ کماسکی۔

بالی ووڈ میں نئی انٹری کرنے والے امان دیوگن اور راشا تھڈانی جو کہ اسٹار کڈز ہیں ان کی فلم میں پرفارمنس کو تو سراہا گیا تاہم یہ فلم شائقین کی توجہ حاصل کرنے میں بری طرح ناکام رہی ہے، فلم کا اب کا مجموعی کلیکشن صرف 7کروڑ 30 لاکھ روپے کے قریب ہے۔

روینہ ٹنڈن کی بیٹی راشا تھڈنی اور اجے دیوگن کے رشتے دار امان دیوگن نے اس فلم نے ڈیبیو کیا تھا، تاہم ان کا یہ ڈیبیو ڈراؤنا خواب ثابت ہوا ہے اور آزاد نے پروڈیوسر کا دیوالیہ نکال دیا ہے۔

مذکورہ فلم 80 کروڑ روپے کے بجٹ سے بنائی گئی تھی جس نے پروڈیوسر اجے دیوگن کو ٹھیک ٹھاک نقصان پہنچایا ہے، فلم اب تک 8 کروڑ روپے بھی کمانے میں ناکام رہی ہے، فلم نے اپنی ریلیز کے نویں دن صرف 14 لاکھ روپے کمائے۔

فلم کے لیے اپنے لائف ٹائم میں 10 کروڑ کا مجموعہ حاصل کرنا بھی بہت مشکل نظر آتا ہے، فلم نے پہلے دن سب سے زیادہ ڈیڑھ کروڑ روپے کی کمائی کی تھی۔

دوسرے دن بھی آزاد نے تقریباً 1.4 کروڑ روپے سمیٹے تھے، تیسرے دن فلم نے بہتری دکھاتے ہوئے 1.85 کروڑ روپے کا بزنس کیا تھا تاہم اس کے بعد سے فلم کوئی خاص کمائی کرنے میں ناکام رہی اور سپر فلاپ ثابت ہوئی۔

روہت شیٹی کی ہدایت کاری میں بننے والی فلم سنگھم اگین کے فائٹ سین کی ویڈیوز و تصاویر سوشل میڈیا پر وائرل ہوگئی۔

روہت شیٹی کی فلم ’سنگھم اگین‘ کی شوٹنگ کا آخری مرحلہ کشمیر میں شروع ہوگیا ہے، آج سری نگر سے ایک نئی ویڈیو وائرل ہوئی ہے جس میں اداکار اجے دیوگن کو ولن جیکی شروف کے ساتھ فائٹ سین کی شوٹنگ کرتے ہوئے دیکھا گیا ہے۔

ایک مداح کی جانب سے اپنے اکاؤنٹ پر شیئر کی گئی اس ویڈیو میں اجے دیوگن پولیس کی وردی میں ملبوس اور جیکی شروف کو غنڈے کے روپ میں دکھایا گیا ہے، دونوں کو سڑک کے بیچوں بیچ لڑتے ہوئے دیکھا جاسکتا ہے۔

اس فلم میں اداکارہ کرینہ کپور خان، ٹائیگر شروف، اکشے کمار، دیپیکا پڈوکون، رنویر سنگھ، شویتا تیواری اور جیکی شروف شامل ہیں، ولن کا کردار ادا کرنے والے ارجن کپور پہلے ہی فلم کا اپنا حصہ شوٹ کرواچکے ہیں۔

 واضح رہے کہ فلم سنگھم اگین 15 اگست 2024 کو یوم آزادی کے موقع پر سینما گھروں میں ریلیز ہونے والی ہے، روہت شیٹی کی ہدایت کاری میں بننے والی اس فلم کا بجٹ 200 کروڑ روپے ہے۔

روہت شیٹی کی فلموں کی خاصیت ایکشن سین اور گاڑیوں کا زمین تو کبھی ہوا میں  تباہ ہونا ہے اور ایسا ہی کچھ اجے دیوگن کے ساتھ بننے والی فلم سنگھم میں دیکھا گیا تھا جو ایکشن اور فائٹنگ سے بھرپور تھی۔

یہ فلم بھارتی پولیس پر بنائی گئی جس کے پہلے اور دوسرے سیکوئل میں اجے دیوگن کو بطور پولیس افسر کاسٹ کیا گیا۔

اجے دیوگن نے کاجول کو پرپوز کیے بنا ہی شادی کرلی تھی جبکہ یہ شادی کس وجہ سے ہوئی بالی وڈ اداکار نے بتادیا۔

اداکارہ کاجول اور اے دیوگن کی جوڑی بالی وڈ کی کامیاب جوڑیوں میں سے ایک ہے جو کہ 25 سال سے ایک ساتھ خوشگوار زندگی گزار رہے ہیں۔ ’شیطان‘ کے اداکار کی ایک پرانی ویڈیو سوشل میڈیا پر وائرل ہورہی ہے جس میں وہ کاجول سے شادی کرنے کی وجہ آشکار کرہے ہیں۔

ایک پوڈ کاسٹ کے دوران اجے دیوگن نے ان چیزوں پر روشنی ڈالی جنھوں نے دونوں اداکاروں کو اکٹھا کیا اور ان کے رشتے کو مضبوط کرنے میں مدد کی۔

اجے دیوگن نے کہا کہ میں واقعی میں نہیں جانتا ہماری شادی کیسے ہوئی، میرا مطلب ہے کہ ہم پہلی بار ملے اور پھر اکثر ملنے لگے، ہم نے ایک دوسرے کو پروپوز کیے بغیر ہی ہم سفر کے طور پر دیکھنا شروع کر دیا تھا۔ پھر لوگوں نے بھی یہ سمجھ لیا کہ ہم شادی کر لیں گے۔

انھوں نے بتایا کہ ہمارے خیالات ایک جیسے ہوتے ہیں اور ہم جو کچھ بھی کہتے ہیں ہماری اخلاقیات ایک طرح کی ہوتی ہیں اور اس طرح ساری چیزیں ایک بہاؤ میں ہوتی چلی گئیں۔

اجے دیوگن کی یہ پرانی انٹرویو سوشل میڈیا پر وائرل ہوگئی۔ صارفین اس پر ویڈیو مختلف تبصرے کررہے ہیں، ایک صارف نے لکھا کہ ’یہ واقعی بہت افسوسناک ہے۔ آدمی یہ بھی نہیں کہہ سکتا کہ وہ اپنی بیوی سے پیار کرتا ہے پھر وہ متعدد افیئرز کیسے کرے گا۔‘

ایک اور صارف کا کہنا تھا کہ ’شاید یہ ساتھی اداکاروں، دوستوں اور پھر محبت کرنے والوں کی طرح شروع ہوا ہو۔ ہر کوئی اس وقت تک محبت میں نہیں پڑتا جب تک کہ کوئی ہاں نہ کہے۔‘

بالی ووڈ اداکار اجے دیوگن اور آر مادھون کی فلم ’شیطان‘ نے اوپننگ ویک اینڈ میں شاندار کمائی کے بعد اعزاز اپنے نام کیا۔

بھارتی میڈیا رپورٹس کے مطابق بالی ووڈ اداکارہ اجے دیوگن، آر مادھون اور جیوتیکا اسٹارر ہارر فلم شیطان کو 8 مارچ کو سنیما گھروں میں ریلیز کیا گیا۔

بھارتی میڈیا رپورٹ کے مطابق شیطان نے ریلیز کے پہلے دن بھارت میں 14.5 کروڑ کا بزنس کیا ہے جبکہ اس فلم نے ویک اینڈ اوپننگ میں زیادہ بزنس کرتے ہوئے فائٹر کر پیچھے چھوڑدیا ہے۔

ہارر فلم ’شیطان‘ کی پہلی جھلک سامنے آگئی

فلم کے پہلے دن کا بزنس 14.75 کروڑ روپے رہا جس کے بعد ویک اینڈ پر مسلسل اضافہ دیکھنے میں آیا، ہفتہ کے روز اس فلم نے 18.75 کروڑ روپے کا بزنس کیا جبکہ صرف اتوار کے روز اس فلم نے 21 کرورڑ کا بزنس کیا ہے۔

واضح رہے کہ وکاس بہل کی ہدایت کاری میں بنائی گئی فلم شیطان میں جانکی بودی والا ودیگر بھی شامل ہیں۔

اجے دیوگن نے آخری بار اداکارہ تبو کے ساتھ فلم ’بھولا‘ میں اداکاری کے جوہر دکھائے تھے جس نے پہلے دن باکس آفس پر 11 کروڑ کمائے تھے جبکہ فلم 90 کروڑ کا بزنس کرنے میں کامیاب رہی تھی۔

اجے دیوگن کی فلم دریشم ٹو نے 239 کروڑ کا بزنس کیا تھا جسے باکس آفس پر ہٹ قرار دیا گیا تھا۔