Tag: اجے دیوگن

بالی ووڈ اداکار اجے دیوگن اور آر مادھون کی ڈراؤنی فلم ’شیطان‘ کے ٹریلر نے دھوم مچادی۔

بالی ووڈ اداکار اجے دیوگن اور آر مادھون کی فلم ’شیطان‘ کا ٹریلر گزشتہ دنوں ریلیز کیا گیا جسے لاکھوں کی تعداد میں ویوز حاصل ہوچکے ہیں۔

شیطان کی دیگر کاسٹ میں جانکی بودی والا اور جیوتیکا ساراونن شامل ہیں۔

واضح رہے کہ شیطان، گجراتی فلم ’یش‘ کا ری میک ہے، ٹریلر میں دکھایا گیا ہے کہ آر مادھون اجنبی کی صورت میں بطور مہمان ان کے گھر میں داخل ہوتے ہیں اور پھر دہشت اور سنسنی کا ایک ایسا کھیل شروع ہوتا ہے جو ناظرین کو حیران کردیتا ہے۔

کالے جادو اور سپر نیچرل مناظر سے بھرپور فلم ’شیطان‘ پوری دنیا میں 8 مارچ کو سینما گھروں کی زینت بنے گی۔

’شیطان‘ کو وکاس بہل ہدایت کاری دے رہے ہیں جبکہ اسے اجے دیوگن، جیوتی دیش پانڈے، کمار منگت پاٹھک اور ابھیشیک پاٹھک پروڈیوس کریں گے۔

اس سے قبل اجے دیوگن نے ’شیطان‘ کی پہلی جھلک شیئر کرتے ہوئے لکھا تھا کہ ’جب بات اپنے پری وار (فیملی) پر آجائے تب وہ ہر شیطان سے لڑ جائے گا۔

ہر فنکار کی خواہش ہوتی ہے کہ وہ مداحوں کے بیچ جا کر اپنے کام کو دیکھیں اور ان کی رائے معلوم کرے، کچھ ایسا ہی بالی وڈ کے اداکار اجے دیوگن نے اپنی پہلی فلم ’پھول اور کانٹے‘ کی ریلیز کے روز کیا تھا۔

بالی وڈ کے اداکار اجے دیوگن نے انسٹاگرام پر فلم ’پھول اور کانٹے‘ کی ریلیز کو 32 سال پورے ہونے پر ایک پرانا کلپ شیئر کیا، جس میں اداکار نے بتایا کہ جب وہ سینما میں گئے تو اس کے بعد کیا ہوا تھا۔

اجے دیوگن نے اپنے پرانے کلپ کے ساتھ فلم پھول اور کانٹے کے پوسٹرز بھی شیئر کیے جبکہ ایک ایسا ایموجی بھی شامل تھا جس میں پھولوں اور کانٹوں کا امتزاج دکھائی دے رہا ہے۔

 

View this post on Instagram

 

A post shared by Ajay Devgn (@ajaydevgn)

اجے دیوگن نے بتایا کہ گلیکسی اور جمینی سینما گھروں میں میری پہلی فلم لگی تھی، جس کی ٹکٹیں بک چکی تھیں، پہلے میں پروجیکٹر روم میں بیٹھا رہا اور تھوڑی دیر بعد ہال کے اندر چلا گیا۔

اجے دیوگن کی کس فلم کا جنوبی کوریا میں ری میک بن رہا ہے؟

اجے دیو گن کو کہتے ہوئے سنا جاسکتا ہے کہ ’’میں سینما کے اندر داخل ہوا تو فلم شروع ہو چکی تھی اور میں چپکے سے جا کر ایک سیٹ پر بیٹھ گیا، اس کے بعد ایسا واقعہ ہوا جسے میں آج بھی بھول نہیں پایا‘‘۔

اجے دیوگن نے مزید بتایا کہ ہال میں موجود فلم بینوں کو پتہ نہیں تھا کہ اسی فلم کا ہیرو ان کے درمیان موجود ہے، شائقین شوق سے فلم دیکھ رہے تھے تاہم جب ’کالج کی لڑکی‘ گانا آیا تو لوگوں نے بڑے جوش و خروش کا اظہار کیا اور ہوا میں پیسے بھی اچھالے گئے۔

ان کا کہنا تھا کہ ’’ان میں سے کچھ سکے میرے سر پر آ کر لگے اور کچھ ادھر اُدھر گرے جن کو میں نے اکٹھا کیا اور جیب میں ڈال لیا، وہ میری زندگی کا بہترین لمحہ تھا جسے میں کبھی بھول نہیں سکتا، بعدازاں میں ان پیسوں کو گھر لے گیا اور انہیں فریم کروا لیا۔