لندن : اسرائیلی مظالم کے شکار نہتے فلسطینیوں سے اظہار یکجہتی کیلئے لندن میں ایک مرتبہ پھر بڑا احتجاجی مظاہرہ کیا گیا جس میں ہزاروں کی تعداد میں لوگوں نے شرکت کی۔
تفصیلات کے مطابق مختلف جنگ مخالف تنظیموں کے زیراہتمام سینٹرل لندن میں بڑا احتجاجی مظاہرہ کیا گیا اس موقع پر جنگ بندی کے حامیوں نے سیز فائراور فری فری فلسطین کے فلک شگاف نعرے لگائے۔
مسلسل چوتھے ہفتے ہونے والےاحتجاجی مظاہرے میں ایک لاکھ سے زائد افراد شریک تھے، لندن کے علاوہ برطانیہ کے دیگر مقامات پر بھی لوگ اسرائیلی جارحیت کیخلاف احتجاج کررہے ہیں۔
لندن کے مختلف مقامات سے ریلیاں ٹریفالگر اسکوائر پہنچیں، مظاہرین کے فری فری فلسطین کے نعروں سے سینٹرل لندن کی فضا گونج اٹھی۔
Pro-Palestine protest at St Peters Square, Manchester, UK.
#Israel #Palestine #PalestineGenocide #FreePalestine #Gaza_Genocide #Gaza #Genocide_in_Gaza #UK #Britain pic.twitter.com/UpwgJ5Ogkf
— Attentive Media (@AttentiveCEE) November 4, 2023
مظاہرین کے ایک گروپ نے آکسفورڈ سرکس پردھرنا دے کر سڑک بند کردی، مظاہرے کے شرکاء نے برطانوی وزیرداخلہ کے بیان پر بھی کڑی تنقید کی۔
شرکا کا کہنا تھا کہ برطانیہ کی طرف سے جنگ بندی کا مطالبہ نہ کیا جانا افسوسناک عمل ہے، فلسطین میں یوکرین سے زیادہ مظالم ڈھائےجارہے ہیں مگر حکومت اب تک خاموش ہے۔
مظاہرین نے کہا کہ جنگوں کیخلاف احتجاج کرنا ہماراحق ہے، برطانوی وزیرداخلہ کو مظاہروں کو ہیٹ مارچ کہنے پر استعفیٰ دے دینا چاہیے۔
واضح رہے کہ ہر ہفتے مظاہرین کی بڑھتی ہوئی تعداد پولیس کیلئے مسئلہ بن گئی، مطاہرین پر قابو پانے کیلئے اہلکار کم پڑنے لگے، میٹ پولیس چیف کا کہنا ہے کہ مظاہرین کی تعداد بڑھتی رہی تو پولیس کو فورسز سے مدد لینا پڑے گی۔
میڈیا رپورٹ کے مطابق پہلےمظاہرے میں500 اور گزشتہ ہفتہ کے مظاہرےمیں1500 اہلکار تعینات تھے، لندن پولیس نے سینٹرل لندن میں3مظاہرین کو گرفتار بھی کیا ہے۔
