Tag: احتجاج

ترجمان سندھ حکومت سعدیہ جاوید نے کہا ہے کہ کرم واقعے پرجرگے کی جانب سے فیصلہ کرلیا گیا، مذہبی جماعت احتجاج ختم کرے۔

کرم واقعے پر کراچی میں گزشتہ چار دنوں سے جاری احتجاج کے حوالے سے صوبائی حکومت کی ترجمان سعدیہ جاوید کا کہنا تھا کہ کرم واقعے پر جرگے نے فیصلہ کرلیا، اب کراچی میں احتجاج ختم کرنا چاہیے، مذہبی جماعت کی قیادت اور علما سے عام شہری کی حیثیت سے اپیل کررہے ہیں۔

انھوں نے کہا کہ مذہبی جماعت کراچی کے شہریوں کی تکلیف سمجھے، کراچی کے شہری راستے بند ہونے پر شدید پریشان ہیں۔

سعدیہ جاوید نے کہا کہ شعیہ علما سے اپیل ہے کراچی میں احتجاج ختم کرانے میں کردار ادا کریں، کراچی میں احتجاج کے باعث زندگی درہم برہم ہے۔

ترجمان سندھ حکومت کا مزید کہنا تھا کہ احتجاج جاری رکھنا ہے گراؤنڈز یا پریس کلب کے باہر سہولتیں دینے کو تیار ہیں۔

پاکستان تحریک انصاف کی قیادت اسلام آباد میں شنگھائی تعاون تنظیم کا اجلاس ختم ہنے کے بعد پھر سے احتجاج کے بارے میں سوچنے لگی۔

صدر پی ٹی آئی اسلام آباد عامر مغل نے کہا کہ آئینی ترامیم روکنی ہیں تو ڈی چوک پر فوری احتجاج ناگزیر ہے، بانی پی ٹی آئی کا واضح حکم ہے کہ آئینی ترامیم کیخلاف احتجاج جاری رکھا جائے۔

قیادت پر اس وقت تک اعتماد ہے جب تک بانی پی ٹی آئی کو اعتماد ہے، اگر یہ ٹولہ آئینی ترامیم میں کامیاب ہوگیا تو جدوجہد لمبی اور مشکل ہوجائے گی۔

تحریک انصاف اسلام آباد کے صدر کا مزید کہنا تھا کہ میرے اوپر کانسٹیبل قتل کا جھوٹا کیس ڈال کر احتجاج سے روکنے کی کوشش کی گئی۔

خیال رہے کہ پاکستان تحریک انصاف ایس سی او سمٹ کے موقع پر حکومت کی پیشکش قبول کرلی تھی اور 15 اکتوبر کو ہونے والا احتجاج مؤخر کردیا تھا۔

ذرائع کا کہنا تھا کہ پی ٹی آئی کی سیاسی کمیٹی کے اجلاس میں احتجاج مؤخر کرنے کا فیصلہ کیاگیا، احتجاج مؤخرکرنے کا فیصلہ اسلام آباد میں ہونے والی ایس سی او سمٹ کے باعث کیا گیا تھا۔

چیئرمین پی ٹی آئی بیرسٹرگوہر کا کہنا تھا کہ ہم پُرامن احتجاج کو مؤخر کرتے ہیں، وزیرداخلہ محسن نقوی نے حکومت کی جانب سے باضابطہ رابطہ کیا تھا۔

اسلام آباد: خیبر پختونخوا حکومت کی جانب سے احتجاج کیلئے سرکاری وسائل کا استعمال کرنے کی خبروں پر وفاقی حکومت انکوائری کرے گی۔

تفصیلات کے مطابق سرکاری وسائل کے استعمال کی بابت جاننے کے لیے ایڈیشنل سیکریٹری داخلہ رفعت مختار کی سربراہی میں انکوائری کمیٹی قائم کردی گئی ہے، انکوائری کمیٹی میں ایڈیشنل ڈی جی ایف آئی اے منیر مسعود نارتھ بھی شامل ہیں۔

انٹیلی جنس بیورو سے گریڈ 20 کا افسر کمیٹی میں شامل ہو گا، انکوائری کمیٹی 7 روز میں اپنی رپورٹ وفاقی حکومت کو پیش کرے گی۔

کمیٹی سرکاری وسائل کے استعمال کرنے کا حکم دینے والے کا تعین کرے گی، انکوائری میں سرکاری ملازمین کے ملوث ہونے اور ناجائز حکم ماننے والوں کا بھی تعین کیا جائیگا۔