Tag: احتجاج

کراکس: وینزویلا میں عوام نےخراب معاشی پالیسیوں کے خلاف احتجاج کیا، شہریوں کا کہناتھا کہ حکومت بنیادی سہولیات فراہم کرنے میں ناکام ہوگئی ہے.

تفصیلات کے مطابق وینزویلا کےدارلحکومت کراکس میں سینکڑوں مظاہرین نےصدرکی خراب معاشی پالیسیوں کےخلاف احتجاج کیا،مظاہرین حکومت سے غذائی اجناس سمیت بنیادی ضروری اشیاءکی فراہمی کا مطالبہ کررہےتھے.

مظاہرین کا کہنا تھا کہ تیل کے وسیع ذخائر رکھنے کے باوجود وینزویلا میں عوام آٹا اور دودھ سمیت بنیادی ضروری اشیاء سے محروم ہیں.

صدارتی محل کےقریب احتجاج کرنےوالے مظاہرین کو منتشر کرنے کےلیے سیکورٹی فورسزکی جانب سے طاقت کا استعمال کیا گیا.

پولیس نے مظاہرین پر آنسوگیس کے شیل فائرکیے اور لاٹھی چارج کیا جس کے باعث متعدد مظاہرین زخمی ہوگئے.

برسلز: بیلجیئم میں لیبرقوانین میں ترمیم،اجرتوں میں کمی،اورریٹائرمنٹ کی عمر میں اضافے کی تجاویز کےخلاف دارلحکومت برسلز میں احتجاجی ریلی نکالی گئی.

تفصیلات کے مطابق بیلیجیئم کے دارالحکومت برسلز میں بجٹ تجاویزکےخلاف احتجاج کےلیےدس ہزار سے زائد افراد برسلز کے مرکزی علاقے میں جمع ہوئےاور وزیر اعظم چارلس مائیکل کے قدامت پسند حکومت بجٹ تجاویز کے خلاف مارچ کیا.

مظاہرین میں اساتذہ اور پولیس اہلکاروں سمیت سرکاری ملازمین کی بڑی تعداد شامل تھی،مظاہرین نےبجٹ تجاویز کےخلاف چوبیس گھنٹےکی ہڑتال کا اعلان بھی کیا.

مظاہرین کاکہنا تھا کہ لیبر قوانین میں مجوزہ تبدیلیوں کے نتیجے میں ریٹائرمنٹ کےبعدوہ خالی ہاتھ ہوں گے.

مظاہرین میں شامل پنشنرز کاکہنا تھا کہ پنشن میں پانچ سو یورو تک کمی پرغور کیا جارہا ہے جس کوکسی صورت قبول نہیں کیاجائےگا.

یاد رہے اس سے قبل گذشتہ دنوں فرانس کے دارالحکومت پیرس میں بھی صنعتی کارکنوں کی جانب سے احتجاج کیا گیا تھا.

پیریس :فرانس میں مسلسل احتجاج کےباعث یوروکپ فٹبال خطرےمیں پڑگیا،ٹریڈیونیزنےمطالبات منظور نہ ہونے پر رخنے ڈالنے کی دھمکی دے دی.

تفصیلات کے مطابق فرانس میں لیبرقوانین میں متنازع اصلاحات پراحتجاج جاری ہے،مزدور یونینز کےمسلسل احتجاج کےباعث فرانس میں نظام زندگی درہم برہم ہوگیاہے۔

احتجاج کے باعث آئل ریفائنریزمیں مزدوروں کےکام چھوڑنے سے ملک میں پیٹرول کی قلت پیداہوگئی ہے،ملک میں ریل سروس سمیت پبلک ٹرانسپورٹ میں بھی جزوی مفلوج ہوگئی ہے،جبکہ نیوکلئرپاور اسٹیشن کےمزدوربھی احتجاج پرچلے گئے ہیں.

فرانس رواں سال یوروکپ فٹبال کی میزبانی کرررہاہےجس کاانعقاد ہی خطرے میں جاتا نظرآرہاہے،ٹریڈ یونینزنےاصلاحات واپس نہ لینے کی صورت میں ٹورنامنٹ کی افتتاحی تقریب میں رخنے ڈالنے کی دھمکی دیدی ہے.

فرانسیسی وزیراعظم نےاصلاحات درست کرنے کی حامی بھرلی ہےتاہم ٹریڈیونینزنےوزیراعظم کی پیشکش کو یکسر مسترد کرکے اصلاحات کی منسوخی تک احتجاج جاری رکھنےکااعلان کردیاہے.

فرانس میں مزدوو مخالف پالیسی کے خلاف انیس نیوکلئیر پاور پلانٹس کے ملازمین نے ہڑتال کی حمایت کا اعلان کیا تھا.

واضح رہے کہ رواں ہفتے فرانس میں لیبرقوانین میں اصلاحات کےخلاف صنعتی مزدوروں کے احتجاج کےباعث ملک میں پیٹرول کی قلت پیداہوگئی تھی.

روم : اٹلی کے دارالحکومت روم میں بنیادی حقوق کیلئے آوازاٹھانے والوں پر پولیس کی جانب سے لاٹھی چارج اور واٹر کینن کا استعمال کیا گیا.

تفصیلات کے مطابق اٹلی کے دارالحکومت روم میں سینکڑوں افراد نے حکومت کی ہاوسنگ پالیسیوں کے خلاف احتجاج کیا، عوام نے گھروں سے بے دخل کیے جانے پر احتجاجی ریلی نکالی.

حکومت نے ریلی کومرکزی اسکوائر جانےسے روکنے کی کوشش کی جس پرمظاہرین اورپولیس مڈھ بھیڑ ہوگئی. پولیس نے مظاہرین کو منتشر کرنے کے لیے لاٹھی چارج اور واٹر کینن کااستعمال کیا.

یاد رہے رواں ماہ 7 مئی کو بھی مظاہرین نے حکومت پالیسیوں کے خلاف احتجاجی ریلی نکالی تھی جس پر پولیس کی جانب سے سینکڑوں مظاہرین پر آنسوگیس کا استعمال کیا تھا.