بعداد: عراق میں جاری حکومت مخالف مظاہروں نے خطرناک شکل اختیار کر لی، ہلاکتیں 44 ہوگئیں، زخمیوں کی تعداد سیکڑوں میں ہے.
تفصیلات کے مطابق مہنگائی اور حکومتی کارکردگی کے خلاف شروع ہونے والے مظاہروں نے پر تشدد رنگ اختیار کر لیا.
عراق کے مختلف شہروں میں گزشتہ تین روزسے حکومت مخالف احتجاج جاری ہے، جس میںعوام کی بڑی تعداد شریک ہے.
آج بغداد میں مشتعل مظاہرین نے گرین زون میں داخلے کی کوشش کی، جس پر پولیس نے فائرنگ کر دی.
فائرنگ اور شیلنگ سے 44 کی ہلاکتوںکی تصدیق ہوئی ہے، کئی افراد شدید زخمی ہیں. شہروں میں تناؤ ہے.
مزید پڑھیں: عراق میں ہونے والے پر تشدد مظاہروں کے پس پردہ اسرائیل ہے، ایران کا الزام
جمعرات کی صبح 5 بجے سے غیرمعینہ مدت کے لیے کرفیو نافذ ہے، جس کی وجہ سے عوام کو مشکلات کا سامنا ہے.
موصولہ اطلاعات کے مطابق مظاہرین نے نجف، عمارہ، ناصریہ میں سرکاری عمارتوں کونقصان پہنچایا.
خیال رہے کہ ایران کی جانب سے الزام عائد کیا ہے کہ عراق میںجاری مظاہروں کے پس پردہ اسرائیل ہے اور ان کا مقصد حکومت کو غیر مستحکم کرنا ہے.
