Tag: احتساب عدالت

لاہور : احتساب عدالت نے نگراں وزیراعظم کے مشیر احد چیمہ کو آمدن سے زائداثاثوں کے ریفرنس میں بری کردیا۔

تفصیلات کے مطابق لاہور کی احتساب عدالت میں نگراں وزیراعظم کے مشیر احد چیمہ کیخلاف آمدن سے زائداثاثوں کے کیس کی سماعت ہوئی۔

احتساب عدالت نے احدچیمہ کو ریفرنس سےبری کردیا ، نیب احد خان چیمہ کو اثاثہ جات ریفرنس میں کلیئر قرار دے چکی ہے۔

نیب رپورٹ میں کہا گیا تھا کہ احد چیمہ کیخلاف آمدن سے زائد اثاثوں کانیب ریفرنس نہیں بنتا، ان کے تمام اثاثے انکی آمدن سے مطابقت رکھتے ہیں۔

رپورٹ میں کہنا تھا کہ احد چیمہ کے مبینہ بے نامی داروں نے اپنی ذاتی انکم سے پراپرٹیز بنائیں، مبینہ بے نامی داروں کی پراپرٹیز کو احد چیمہ سے لنک نہیں کیا جا سکتا۔

احد چیمہ کےرشتےداروں کے اکاونٹس احد چیمہ کے بے نامی اکاونٹس نہیں، دوبارہ تفتیش کے مطابق احدچیمہ کی آمدن 213 ملین ،اخراجات 131 ملین ہیں۔

احد چیمہ کے بنائے گئے اثاثے انکی آمدن کے مطابق ہی ہیں، ری انوسٹی گیشن کے دوران احد چیمہ نے اپنی انکم،منافع ریکارڈ نیب کو فراہم کیا، ان کی جانب سے جمع ریکارڈ کی تصدیق کی گئی جو درست ثابت ہوا۔

اسلام آباد : توشہ خانہ نیب ریفرنس میں سابق وزیراعظم نوازشریف آج احتساب عدالت میں بھی پیش ہوں گے، عدالت نے نوازشریف کے وارنٹ معطل کرکے خود کو حوالے کرنے کا موقع دیا تھا۔

تفصیلات کے مطابق سپریم کورٹ کے فیصلےکی روشنی میں سابق وزیر اعظم سمیت ،یوسف رضاگیلانی اورآصف زرداری کیخلاف توشہ خانہ ریفرنس لہ سماعت آج ہوگی۔

احتساب عدالت کے جج محمد بشیر کیس کی سماعت کریں گے، نواز شریف اور یوسف رضا گیلانی احتساب عدالت پیش ہوں گے۔

سابق وزیراعظم یوسف رضا گیلانی احتساب عدالت پہنچ گئے تاہم سابق صدرآصف زرداری آج احتساب عدالت پیش نہیں ہوں گے۔

احتساب عدالت کے باہر اسلام آباد پولیس کی سیکیورٹی کےسخت انتظامات کئے گئے ہیں ، احتساب عدالت میں صرف متعلقہ وکلااورصحافیوں کوداخلےکی اجازت ہوگی۔

لیگی وکلاو رہنماؤں کا بھی احتساب عدالت آمد کا سلسلہ جاری ہے، سینیٹرافنان اللہ،نہال ہاشمی و دیگر احتساب عدالت پہنچ گئے، اس موقع پر نہال ہاشمی نے کہا کہ انتقام پر یقین نہیں رکھتے،انتقام نہیں انصاف ہوناچاہیے، انصاف کیلئے چیف جسٹس قاضی فائزعیسیٰ اور عدالتیں موجود ہیں

آصف زرداری کی جانب سے فاروق نائیک احتساب کی خصوصی عدالت میں پہنچ گئے ہیں، اس موقع پر فاروق ایچ نائیک کا کہنا ہے کہ آصف زرداری کی طبیعت ناساز ہے، ان کی جانب سے درخواست دی جائیگی، سپریم کورٹ کےفیصلےکےبعد یہ ریفرنس ری اوپن ہواپہلی سماعت ہے، کیس میں آصف علی زرداری کی جگہ میں پیش ہوں گا۔

یاد رہے ،نوازشریف کوعدم حاضری پرعدالت نےاشتہاری قراردےرکھاتھا، احتساب عدالت نےنوازشریف کےوارنٹ معطل کرکےخود کو حوالے کرنے کاموقع دیاتھا،عدالت نےنوازشریف کوآج عدالت میں پیش ہونےکی ہدایت کررکھی ہے۔

اسلام آباد : جعلی بینک اکاؤنٹس اور توشہ خانہ کیس میں احتساب عدالت اسلام آباد نے سابق صدر آصف علی زرداری کو طلب کرلیا۔

تفصیلات کے مطابق جعلی بینک اکاؤنٹس کیس اور توشہ خانہ کیس میں اہم پیش رفت سامنے آئی ، احتساب عدالت نمبر 3 نے آصف زرداری کو جعلی بینک اکاؤنٹس اور توشہ خانہ کیس میں طلب کرلیا۔

توشہ خانہ کیس میں سابق وزیراعظم یوسف رضا گیلانی کو بھی طلب کیا گیا اور چوبیس اکتوبر کیلئے نوٹس جاری کردیئے گئے ، جس میں ذاتی حیثیت میں پیش ہونے کی ہدایت کی گئی ہے۔

دوسری جانب سپریم کورٹ کے فیصلے کے بعد خیبرپختونخوا کی احتساب عدالتوں میں بحال کیے گئے ریفرنسز پر سماعت ہوئی، جس میں عدالتوں نے ایک سو گیارہ ریفرنسز میں نوٹسز جاری کردیے اور ملزمان کو آئندہ سماعت پر پیش ہونے کا حکم دے دیا۔

یاد رہے اسحاق ڈار کے خلاف آمدن سے زائد اثاثہ جات نیب ریفرنس دوبارہ کھل گیا اور احتساب عدالت نے اسحاق ڈار کو 10اکتوبر کو طلب کرلیا ہے۔

احتساب عدالت کے جج محمد بشیر نے اسحاق ڈار کی طلبی کا سمن جاری کیا۔