Tag: احتساب عدالت کے جج

اسلام آباد : احتساب عدالت کے جج محمد بشیر نے ایک مرتبہ پھر ریٹائرمنٹ تک چھٹی کی درخواست دے دی، جج محمد بشیر نے بانی پی ٹی آئی اور اہلیہ کو توشہ خانہ کیس میں سزا سنائی تھی۔

تفصیلات کے مطابق احتساب عدالت کے جج محمد بشیر نے ایک مرتبہ پھرچھٹیوں کی درخواست دے دی، جج محمدبشیر نے صحت کو وجہ بتاتے ہوئے ریٹائرمنٹ تک چھٹی کی درخواست جمع کرائی ہے۔

ذرائع نے بتایا کہ جج محمدبشیر نے چھٹی کی درخواست مارچ میں ریٹائرمنٹ تک کیلئے دی ہے۔

گزشتہ ہفتے بھی جج محمدبشیر نےچھٹیوں کی درخواست جمع کرائی تھی تاہم جج محمد بشیر اپنی پہلے والی چھٹیوں کی درخواست واپس لے لی تھی۔

جج محمد بشیر نے بانی پی ٹی آئی اور اہلیہ کو توشہ خانہ کیس میں سزا سنائی تھی۔

جج محمد بشیر بانی پی ٹی آئی اور اہلیہ کیخلاف 190 ملین پاؤنڈریفرنس کی بھی سماعت کررہےہیں ، 10 فروری کو بانی پی ٹی آئی اور اہلیہ پر 190 ملین پاؤنڈ ریفرنس میں فرد جرم عائد کی جانی ہے۔

اسلام آباد : احتساب عدالت کے جج محمدبشیر نے اپنی ریٹائرمنٹ تک رخصت مانگ لی، جج محمد بشیر کی 14 مارچ 2024 کو ریٹائرمنٹ شیڈول ہے۔

تفصیلات کے مطابق احتساب عدالت کے جج محمد بشیر نے اسلام آباد ہائیکورٹ اور وزارت قانون انصاف کو خط لکھ دیا۔

ذرائع کا کہنا ہے کہ جج محمد بشیر نے طبیعت نا ساز ہونے کے باعث رخصت کیلئے خط لکھا، جس میں جج محمد بشیر نے اپنی ریٹائرمنٹ تک رخصت مانگ لی ہے۔

جج محمد بشیر نے 24 جنوری سے 14 مارچ تک چھٹیوں کیلئے خط لکھا ہے، ان کا خط ہائیکورٹ اور وزارت قانون انصاف کو موصول ہوگیا ہے۔

خط میں طبیعت ناسازی کےباعث ڈیوٹی سرانجام دینےسےمعذرت کی گئی ہے ، جج محمد بشیر کی 14 مارچ 2024 کو ریٹائرمنٹ شیڈول ہے۔

یاد رہے جج محمد بشیر نےنوازشریف ، آصف زرداری، یوسف رضا گیلانی ، چیئرمین پی ٹی آئی اورشوکت عزیز کے کیسز سنے جبکہ جج محمد بشیر نے نواز شریف کو ایون فیلڈ ریفرنس میں 10 سال کی سزاسنائی تھی۔

جج محمدبشیر کی عدالت میں راجہ پرویز اشرف کیخلاف کیسز اور سابق وزیر اعظم شاہد خاقان کا کیس بھی زیر سماعت ہیں، جج محمد بشیر 2012 سےاحتساب عدالت میں فرائض سر انجام دے رہے ہیں۔