Tag: احتساب عدالت

اسلام آباد : احتساب عدالت نے وفاقی وزیرخزانہ اسحاق کی حاضری سے استثنیٰ کی درخواست مسترد کرتے ہوئے ان کے قابل ضمانت وارنٹ گرفتاری کو برقرار رکھا ہے جبکہ ریفرنس کی سماعت 8 نومبر تک ملتوی کردی۔

تفصیلات کےمطابق احتساب عدالت کے جج محمد بشیر وزیرخزانہ اسحاق ڈار کے خلاف نیب ریفرنس کی سماعت ہوئی تاہم وزیرخزانہ اسحاق ڈار اور ان کے وکیل خواجہ حارث بھی عدالت میں پیش نہیں ہوئے۔

خواجہ حارث کی معاون وکیل عائشہ حامد نے سماعت کے آغاز پر عدالت کو بتایا کہ اسحاق ڈار اور خواجہ حارث لندن میں موجود ہیں۔

عائشہ حامد کی جانب سے وفاقی وزیرخزانہ اسحاق ڈار کی حاضری سے استثنیٰ کی درخواست پیش کی گئی اور ان کا میڈیکل سرٹیفکیٹ بھی عدالت میں پیش کیا گیا۔

اسحاق ڈار کی وکیل نے عدالت کو بتایا کہ ان کے موکل کی 3 نومبر کو اینجیوگرافی ہونی ہے جس کے لیے وہ لندن میں موجود ہیں۔ عائشہ حامد نے کہا کہ اسحاق ڈار5 منٹ سےزیادہ نہیں چل سکتے۔

دوسری جانب نیب کی جانب سے وفاقی وزیرخزانہ اسحاق ڈار کے نا قابل ضمانت وارنٹ جاری کرنے کی استدعا کی گئی۔

ڈپٹی پراسیکیوٹر نیب نے کہا کہ اسحاق ڈار کو کوئی اتنی بڑی بیماری نہیں ہے۔ انہوں نے کہا کہ مفتی عبدالقوی کی اینجیوگرافی بھی پاکستان میں ہوئی ہے۔

پراسیکیوٹرنیب نے کہا کہ وفاقی وزیرخزانہ اسحاق ڈارکا علاج پاکستان میں بھی ہوسکتا ہے۔

اسحاق ڈار کے ضامن نے عدالت کو بتایا کہ اسحاق ڈار لندن میں زیرعلاج ہیں جس پر عدالت نے انہیں ہدایت کی وہ یہ بیان تحریری طور پر جمع کرائیں۔

احتساب عدالت نے اسحاق ڈار کی حاضری سے استثنیٰ کی درخواست کو مسترد کرتے ہوئے قابل ضمانت وارنٹ گرفتاری کے فیصلے کو برقرار رکھا ہے اور ریفرنس کی سماعت 8 نومبر تک ملتوی کردی۔

اسحاق ڈارکے قابل ضمانت وارنٹ گرفتاری جاری

خیال رہے کہ گزشتہ سماعت پر وزیرخزانہ اسحاق ڈار کے وکیل نے عدالت کو بتایا تھا کہ ان کے موکل طبی معائنے کے لیے لندن میں موجود ہیں اس لیے حاضری سے اسثنیٰ دیا جائے۔

نیب پراسیکیوٹر نے استثنیٰ کی درخواست کی مخالفت کرتے ہوئے اسحاق ڈار کے وارنٹ گرفتاری کی استدعا کی تھی۔

عدالت نے نیب کی جانب سے وارنٹ گرفتاری کی درخواست منظور کرتے ہوئے اسحاق ڈار کے قابل ضمانت وارنٹ گرفتاری جاری کرتے ہوئے اسحاق ڈار کو 2 نومبر تک پیش ہونے کا حکم دے دیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: پاکستان تحریک انصاف کے سربراہ عمران خان کا کہنا ہے کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔

تفصیلات کے مطابق چیئرمین پاکستان تحریک انصاف عمران خان نے سماجی رابطے کی ویب سائٹ ٹویٹرپراپنے پیغام میں کہا کہ وزیراعظم ایسےشخص کوکیسے پروٹوکول دےسکتے ہیں جوکرپٹ ہو۔

How can PM Abbasi sanction this protocol/Punjab House stay at tax payer expense for a man charged with corruption on multiple counts. https://t.co/EvVBHRoeoz

— Imran Khan (@ImranKhanPTI) November 2, 2017

عمران خان نے کہا کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔ انہوں نے کہا کہ ٹیکس دہندگان کےخرچے پرپنجاب ہاؤس میں رہنے کی اجازت دی جا رہی ہے۔

PM Abbasi showing complicity in helping NS save his ill-gotten, money laundered Rs 300 bn stashed abroad as he faces accountability court. https://t.co/r9cQfx7qT2

— Imran Khan (@ImranKhanPTI) November 2, 2017

پاکستان تحریک انصاف کے سربراہ نے کہا کہ نوازشریف نے300 بلین روپے کی دولت بیرون ملک چھپائی اور وہ منی لانڈرنگ پرعدالت کا سامنا کررہے ہیں۔

لندن گیم پلان ظاہرہوگیا ہے‘عمران خان

یاد رہے کہ تین روز قبل عمران خان کا کہنا تھا لندن گیم پلان ظاہر ہوگیا ہے، نواز شریف پارٹی پر کنٹرول برقراررکھ کراسے نیب عدلیہ اور فوج کو بدنام کرنے کے لیے استعمال کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

لاہور: وزیراعلیٰ میاں محمد شہبازشریف لاہور سے لندن کے لیے روانہ ہوگئے جہاں وہ نا اہل وزیراعظم نوازشریف سے ملاقات کریں گے۔

تفصیلات کے مطابق وزیراعلیٰ پنجاب شہبازشریف علامہ اقبال انٹرنیشنل ایئرپورٹ سے لندن کے لیے روانہ ہوگئے۔ شہبازشریف لندن میں نوازشریف سے ملاقات اور بیگم کلثوم نواز کی عیادت کریں گے۔

خیال رہے کہ نوازشریف نے 23 اکتوبرکو لندن سے پاکستان آنا تھا تاہم ان کی واپسی کا شیڈول تین بار تبدیل ہوا اور وہ سعودی عرب چلے گئے جہاں انہوں نے عمرہ کرنے کے ساتھ ساتھ والدہ سے بھی ملاقات کی۔

والدہ کودوبارہ اسپتال منتقل کردیا گیا ہے‘ مریم نواز

یاد رہے کہ چار روزسابق وزیراعظم میاں محمد نوازشریف کی بیٹی مریم نوازکا کہنا تھا کہ والدہ کو دوبارہ اسپتال منتقل کردیا گیا۔ انہوں نے عوام سے دعاؤں کی اپیل کی تھی۔

نوازشریف کے قابل ضمانت وارنٹ گرفتاری جاری

واضح رہے کہ 3 روز قبل احتساب عدالت نے نا اہل وزیراعظم نوازشریف کی حاضری سے استثنیٰ کی درخواست کو مسترد کرتے ہوئے2 ریفرنسز میں قابل ضمانت وارنٹ جاری کرتے ہوئے 3 نومبر کو نوازشریف طلب کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: سابق وزیراعظم اور پیپلزپارٹی کے رہنما راجہ پرویز اشرف کا کہنا ہے کہ پاکستان پیپلزپارٹی نے ہمیشہ عدالتوں کا احترام کیا۔

تفصیلات کے مطابق لاہور میں میڈیا سے گفتگو کرتے ہوئے پیپلزپارٹی کے رہنما راجہ پرویز اشرف نے کہا کہ چار سو لوگوں کو نوکری دینے کے الزام میں میرا نام ای سی ایل میں شامل ہے۔

انہوں نے کہا کہ اربوں روپے کی کرپشن کرنے والوں کا نام ای سی ایل میں نہیں ڈالا گیا، یہ دہرامعیار ہے۔

راجہ پرویز اشرف نے کہا کہ جن پر کرپشن کے بڑے بڑے الزامات ہیں وہ آزاد ہیں، انصاف سب کےلیے ایک جیسا ہونا چاہیے۔

پیپلزپارٹی کے رہنما راجہ پرویزاشرف نے کہا کہ مجھ پر بنائے جانے والے تمام مقدمات بے بنیاد ہیں اور ان مقدمات کی بنا پر میرا نام ای سی ایل میں ڈالا گیا۔

احتساب کا نظام پنجاب میں کچھ اورسندھ میں کچھ اورہے‘ منظوروسان

خیال رہے کہ چارروز قبل صوبائی وزیرتجارت منظور وسان کا کہنا تھا کہ احتساب صرف سیاست دانوں کا ہی نہیں سب کا ہونا چاہیے۔

منظور وسان کا کہنا تھا کہ ہم کیسز سے نہیں ڈرتے لیکن نیب کا پنجاب میں الگ اور سندھ میں الگ نظام ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: نا اہل وزیراعظم کے داماد کیپٹن ریٹائرڈ صفدر کا کہنا ہے کہ نوازشریف نے تہیہ کرلیا جینا مرنا صرف قائداعظم کے پاکستان کے لیے ہے۔

تفصیلات کے مطابق احتساب عدالت میں پیشی کے بعد میڈیا سے گفتگو کرتے ہوئے سابق وزیراعظم نوازشریف کے داماد کیپٹن ریٹائرڈ صفدر نے کہا کہ زیادتی نوازشریف نہیں بلکہ نظریہ پاکستان اور ریاست کےساتھ ہورہی ہے۔

کیپٹن ریٹائرڈ صفدر نے کہا کہ یہ لوگ نوازشریف کو کتنی بار باہر نکالیں گے، نوازشریف نے تہیہ کرلیا جینا مرنا صرف قائداعظم کے پاکستان کے لیے ہے۔

انہوں نے کہا کہ ایک عدالت اٹک قلعہ میں دیکھی اورایک اسلام آباد قلعہ میں دیکھ رہا ہوں۔

اس سے قبل آج کیپٹن ریٹائرڈ صفدر احتساب عدالت پہنچے تو صحافی نے سوال کیا کہ آج آپ کچھ تھکے تھکے لگ رہے ہیں کیا وجہ ہےِ؟ جس پر انہوں نے جواب دیا کہ سفر لمبا ہوتا ہے۔

پہلےنااہل کردیا گیا پھرمقدمات چلائے جارہےہیں‘ مریم نواز

کیپٹن ریٹائرڈ صفدر سے جب پوچھا گیا کہ آپ اورمریم نواز عدالت ساتھ کیوں نہیں آتے تو انہوں نے کہا کہ اس سوال کا جواب سیکورٹی والوں سے پوچھیں۔

نا اہل وزیراعظم کے داماد کیپٹن ریٹائرڈ صفدر سے صحافی نے سوال کیا کہ ایک طرف آپ عدالت کا سامنا کررہے ہیں دوسری جانب عمران خان الیکشن کمیشن میں پیش ہورہے ہیں اس پر آپ کیا کہیں گے۔

کیپٹن صفدر نے جواب دیا کہ کہ میں اصل کپتان ہوں وہ جعلی کپتان ہے میرا اس سے موازنہ تو نہ کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: نا اہل وزیراعظم نوازشریف کی صاحبزادی مریم نوازکا کہنا ہے کہ ثبوت دیے نہیں جا رہے بلکہ ثبوت بنائے جا رہے ہیں، پہلے نا اہل کردیا جاتا ہے پھرمقدمات چلائےجاتے ہیں۔

تفصیلات کے مطابق احتساب عدالت کے باہر سابق وزیراعظم نوازشریف کی بیٹی مریم نواز نے میڈیا سے گفتگو کرتے ہوئے کہا کہ یہ پاکستان پرایسا وقت ہےکہ جمہوریت پربات کرنےکوغداری کہا جاتا ہے۔

مریم نواز نے کہا کہ نوازشریف کی نا اہلی اقامہ کی بنیاد پرہوئی، کیا قانون صرف نوازشریف کے لیے ہے؟۔

انہوں نے کہا کہ نوازشریف بار بار لندن سے آکر پیش ہورہے ہیں کیا اسے آپ وی آئی پی احتساب کہتے ہیں، وی آئی پی احتساب اس وقت ہوتا ہے کہ جب عدالت کے راستے سے گاڑی واپس چلی جاتی ہے۔

نا اہل وزیراعظم نوازشریف کی صاحبزادی نے کہا کہ کمردرد کا بہانہ کرکے چھپ جانا وی آئی پی احتساب ہے،آپ کو معلوم ہے اصل بات کیا ہے آپ اور میں اتنے سادے نہیں ہیں۔

مریم نواز نے کہا کہ سنا ہے نیب کو برطانیہ سے کوئی ثبوت نہیں ملا، جے آئی ٹی بھی برطانیہ سے خالی ہاتھ آئی تھی۔

نوازشریف کے قابل ضمانت وارنٹ گرفتاری جاری

وزیراعظم نوازشریف کی بیٹی مریم نواز نے کہا کہ میرا میڈیا سیل تو ہے ہی نہیں جب نوازشریف وزیراعظم تھے تومیڈیا کے معاملات دیکھتی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔