Tag: احتساب عدالت

کراچی : پاکستان پیپلزپارٹی کے ترجمان چوہدری منظور کا کہنا ہے کہ ہنگامہ آرائی کرکے احتساب عدالت کے جج کو جانے پرمجبورکیا گیا۔

تفصیلات کے مطابق پاکستان پیپلزپارٹی کے ترجمان چوہدری منظور کا کہنا ہے کہ مسلم لیگ ن نے مقدمےکے بجائےعدالتوں سے لڑنے کی تاریخ دہرائی۔

ترجمان پیپلزپارٹی کا کہنا تھا کہ ہنگامہ آرائی کرکے احتساب عدالت کے جج کو جانے پرمجبورکیا گیا۔ انہوں نے سپریم کورٹ کی بات سچ ثابت کر دی یہ گاڈ فادرہیں۔

پیپلزپارٹی کے ترجمان چوہدری منظور نے کہا کہ نوازشریف ملک کوانارکی کی طرف دھکیل رہے ہیں، ادارے کی زیادتی کا رونا رونے والے پولیس پرحملہ آور ہوگئے۔

خیال رہے کہ آج احتساب عدالت میں وکلا کی ہلڑ بازی کے باعث سابق وزیراعظم نوازشریف، مریم نواز اور کیپٹن ریٹائرڈ صفدر پرفرد جرم کی کارروائی 19 اکتوبر تک کے لیے ملتوی کردی گئی۔

اس وقت ملک جمہوریت کےلیےخطرہ مسلم لیگ ن ہے‘ شاہ محمودقریشی

یاد رہے کہ اس سے قبل پاکستان تحریک انصاف کے رہنما شاہ محمود قریشی کا کہنا تھا کہ ایک خاندان کوبچانےکے لیے جمہوریت کوداؤ پرلگایا جارہا ہے،اس وقت ملک جمہوریت کے لیےخطرہ مسلم لیگ نوازہے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

اسلام آباد : پاکستان تحریک انصاف کے رہنما شاہ محمود قریشی کا کہنا ہے کہ مسلم لیگ ن تاخیری حربےچاہتی ہےاوراحتساب عدالت میں پیش آنے والا واقعہ اس بات کا ثبوت ہے۔

تفصیلات کے مطابق اے آروائی نیوز سے گفتگو کرتے ہوئے پاکستان تحریک انصاف کےرہنما شاہ محمود قریشی کا کہنا تھا کہ پولیس بھی ان کی اوروزرا بھی ان کے ہیں، یہ نہیں چاہتےعدالتی کارروائی آگے بڑھے۔

شاہ محمود قریشی کا کہنا تھا کہ چوہدری نثارنے بھی کل کہا محاذ آرائی شریف خاندان کےمفاد میں نہیں ہے۔

انہوں نے کہا کہ مسلم لیگ ن دودھڑوں میں تقسیم ہوچکی ہے، ایک دھڑا کہتا ہے محاذآرائی نہ کریں اوردوسرا کہتا ہے ڈٹ جاؤ اور لیگی وزرا اور رہنما کنفیوژن کا شکارہیں کہتےہیں ہم کیا کریں۔

پاکستان تحریک انصاف کے رہنما کا کہنا تھا کہ ایک مسلم لیگ نواز پاکستان اور ایک مسلم لیگ نواز لندن ہے، وزرا آخرکس کی سنیں اور کیا کریں تذبذب کےشکارہیں۔

احتساب عدالت میں بدمزگی‘ سماعت بغیرکارروائی کے 19اکتوبرتک ملتوی

شاہ محمود قریشی کا کہنا تھا کہ ایک خاندان کوبچانےکے لیے جمہوریت کوداؤ پرلگایا جارہا ہے،اس وقت ملک جمہوریت کے لیےخطرہ مسلم لیگ نوازہے۔

انہوں نے کہا کہ مسلم لیگ ن چاہتی ہے نظام لپیٹ دیاجائےتاکہ یہ سیاسی شہید بنیں لیکن پاکستان تحریک انصاف ایسا کسی صورت نہیں ہونےدی گی۔

پاکستان تحریک انصاف کے رہنما نے کہا کہ جمہوری ملکوں میں ایسی روایت نہیں ہوتی کہ ججزکیس چھوڑدیں، جمہوری ملک میں وزیراعظم پرالزام لگتا ہےتو وہ عہدہ چھوڑدیتا ہے۔

انہوں نے کہا کہ ججزکوکام کرنےنہیں دیا جارہا، پراسیکیوٹرکوزدوکوب کیا جارہا ہے، چیئرمین نیب کے لیے ایک امتحان ہے۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

اسلام آباد : نیب پراسیکیوشن ٹیم نےشریف خاندان کی پیشی کے موقع پر احتساب عدالت میں پیش آنے والے واقعے کی رپورٹ نیب ہیڈ کوارٹرز میں جمع کرادی۔

تفصیلات کے مطابق احتساب عدالت کے جج نے کمرہ عدالت میں وکلا کی ہلڑ بازی کے باعث سابق وزیراعظم نوازشریف، مریم نواز اور کیپٹن ریٹائرڈ صفدر پرفرد جرم کی کارروائی 19 اکتوبر تک کے لیے ملتوی ہوگئی۔

نیب پراسیکیوشن ٹیم نے ہیڈ کوارٹرز کو احتساب عدالت میں پیش آنے والے واقعے سے متعلق آگاہ کردیا، رپورٹ میں نیب ٹیم نے کہا ہے کہ ہنگامہ آرائی کی آڑ میں نیب پراسیکیوشن ٹیم پر حملے کی کوشش کی گئی۔

نیب ٹیم نے رپورٹ میں کہا کہ پراسیکیوشن ٹیم کے سربراہ سردار مظفرعباسی کو دھکے دیے گئےجبکہ پراسیکیوشن ٹیم کو ڈائس سے ہٹانےکی کوشش کی گئی۔

دوسری جانب احتساب عدالت کے جج محمد بشیر نے آئی جی اسلام آباد کو وکیل پر تشدد کے واقعے کی تحقیقات کا حکم دے کر رپورٹ پیش کرنے کی ہدایت کی۔

خیال رہے کہ آج احتساب عدالت میں سماعت سے قبل وکلا اور جوڈیشل کمپلیکس کے باہر پولیس اہلکاروں کے درمیان تلخ کلامی ہوئی جبکہ اہلکاروں کے تشدد سے وکیل زخمی ہوگیا تھا جس پر وکلا نے شدید احتجاج کیا۔

احتساب عدالت میں پیش آنے والاواقعہ افسوس ناک ہے‘ طلال چوہدری

واضح رہے کہ احتساب عدالت کے باہر میڈیا سے گفتگو کرتے ہوئے وزیر مملکت برائے داخلہ طلال چوہدری کا کہنا تھا کہ آج جو واقعہ ہوا وہ نہیں ہونا چاہیے تھا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

اسلام آباد : وزیرمملکت برائےکیڈ ڈاکٹرطارق فضل چوہدری کا کہنا ہے کہ مسلم لیگ ن کی قیادت عدالتوں کا سامنا کررہی ہے۔

تفصیلات کے مطابق اسلام آباد میں احتساب عدالت کے باہر میڈیا سے گفتگوکرتے ہوئے وزیرمملکت برائےکیڈ ڈاکٹر طارق فضل چوہدری کا کہنا تھا کہ 48 گھنٹے میں فرد جرم عائد نہیں کی جاسکتی ہے۔

طارق فضل چوہدری کا کہنا تھا کہ اسحاق ڈار پر فردجرم عائد کی گئی ہے جبکہ وزیرخزانہ اسحاق ڈار کے خلاف ریفرنس کی سماعت 4 اکتوبرتک ملتوی کردی ہے۔

انہوں نے کہا کہ وزیرخزانہ اسحاق ڈار کی استدعا کو نہیں سنا گیا اور عدالتوں کے فیصلوں کو ریفرنس کے طور پر پیش کیا گیا۔

وزیرمملکت برائےکیڈ کا کہنا تھا کہ 4 اکتوبر کو گواہان کو طلب کیا گیا ہے،انہوں نے کہا کہ کل 28 گواہان ہیں اگلی پیشی پر2 گواہان کو طلب کیا گیا ہے جن کا تعلق لاہور سے ہے اوردونوں بینک کے افسران ہیں۔

طارق فضل چوہدری کا کہنا تھا کہ وزیرخزانہ اسحاق ڈار کو حاضری سے استثنیٰ نہیں دیا گیا۔

وزیرخزانہ اسحاق ڈار پرفرد جرم عائد

خیال رہے کہ آج احتساب عدالت کی جانب سے آمدن سے زائد اثاثوں کے نیب ریفرنس میں وزیرخزانہ اسحاق ڈار پرفرد جرم عائد کردی گئی تاہم اسحاق ڈار نے صحت جرم سے انکار کردیا۔

نوازشریف پرفرد جرم 2 اکتوبرکوعائد کی جائے گی

واضح رہے کہ گزشتہ روزسابق وزیراعظم میاں محمد نوازشریف پر فرد جرم عائد کرنے کے لیےاحتساب عدالت نے 2 اکتوبر کی تاریخ دی تھی جبکہ حسن، حسین اور مریم نواز کے ناقابل ضمانت وارنٹ گرفتاری جاری کرتے ہوئے کہا تھا کہ انہیں گرفتار کرکے 2 اکتوبرکو پیش کیا جائے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اسلام آباد : سابق وزیراعظم میاں محمد نوازشریف کی زیرصدارت پارٹی رہنماؤں کا اجلاس جاری ہے جہاں سیاسی صورت حال، نیب ریفرنسز پر تبادلہ خیال کیا جائے گا۔

تفصیلات کے مطابق سابق وزیراعظم میاں محمد نوازشریف کی زیرصدرات پنجاب ہاؤس اسلام آباد میں پارٹی رہنماؤں کا اجلاس شروع ہوگیا جس میں مسلم لیگ ن کے قومی اسمبلی اور صوبائی اسمبلی کے ارکان اور دیگر سیاسی رفقا شریک ہیں۔

سابق وزیراعظم نوازشریف نے مسلم لیگ ن کے رہنماؤں سے بات چیت کرتے ہوئے کہا کہ قانون کی عملداری پر یقین رکھتے ہیں ہم نے ہمیشہ اداروں کے آئینی کردار کو تسلیم کیا۔

نوازشریف نے کہا کہ قانون کی پاسداری اورانصاف ہوناچاہیے، قانون کی پاسداری نہ ہونےسے تصادم کے خدشات ہوتے ہیں۔ انہوں نے کہا کہ ہم نے جائزاورناجائزسب کچھ تسلیم کیا ہے۔

ذرائع کا کہنا ہے کہ اجلاس میں موجودہ سیاسی صورت حال،نیب ریفرنسز پر بات ہوگی اور اس کے علاوہ نوازشریف کی لندن واپس روانگی کا فیصلہ بھی آج ہوگا۔

نوازشریف احتساب عدالت میں پیشی کے بعد واپس روانہ

خیال رہے کہ سابق وزیراعظم نوازشریف کی احتساب عدالت میں پیشی کے موقع پر ان کے وکیل خواجہ حارث نے اپنے موکل کے خلاف دائر تین نیب ریفرنسزپر وکالت نامے احتساب عدالت میں پیش کیے۔

نوازشریف نے احتساب عدالت نمبر1 میں پیش ہونے پرعدالت کو بتایا کہ ان کی اہلیہ کی طبعیت ٹھیک نہیں جس پراحتساب عدالت کے جج محمد بیشر نے کہا کہ پھرآپ جاسکتے ہیں۔

واضح رہے کہ سابق وزیراعظم نوازشریف سخت سیکورٹی اور پروٹول میں پنجاب ہاؤس سے اسلام آباد کی احتساب عدالت پہنچے جہاں اس موقع پران کے ہمراہ پاکستان مسلم لیگ ن کی سینیئرقیادت بھی موجود تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔