ARYNews.tv | Urdu – Har Lamha Bakhabar

Tag: احساس پروگرام

  • وزیراعظم کی سرپرستی میں’احساس پروگرام‘ کی نئی پالیسی تشکیل

    وزیراعظم کی سرپرستی میں’احساس پروگرام‘ کی نئی پالیسی تشکیل

    اسلام آباد : وزیراعظم کی معاون خصوصی ڈاکٹر ثانیہ نشتر نے کہا کہ کابینہ نے’احساس پروگرام‘ کی گورننس،انٹیگریٹی پالیسی کی منظوری دے دی، نئی پالیسی وزیراعظم کی سرپرستی میں بنائی گئی ہے۔

    تفصیلات کے مطابق وزیراعظم عمران خان کے ’احساس پروگرام‘ میں کڑے احتساب کی پالیسی متعارف کرا دی گئی، پالیسی میں ادائیگیوں، ٹھیکوں، بھرتیوں، خریداری میں شفافیت سمیت 27 نکات شامل ہیں۔

    معاون خصوصی ڈاکٹر ثانیہ نشتر نے کہا کہ گورننس وانٹیگریٹی پہلی پالیسی ہے۔ انہوں نے منظوری پر کابینہ کا شکریہ ادا کرتے ہوئے کہا کہ نئی پالیسی وزیراعظم کی سرپرستی میں بنائی گئی ہے، وزیراعظم چاہتے ہیں پروگرام کے تحت حقداروں تک ان کی رقم پہنچے۔

    انہوں نے کہا کہ لنگر، وظائف، بلاسود قرض اور اثاثوں کی منتقلی پروگرام پر لاگو ہوگی، نئی پالیسی کمیشن پرٹھیکوں، بھرتیوں میں اقربا پروری ختم کرائے گی، پالیسی دبی آڈٹ رپورٹس سامنے لائے گی، کرپشن کا خاتمہ ہوگا۔

    معاون خصوصی ڈاکٹر ثانیہ نشتر نے کہا کہ ادارے صوابدیدی اختیارات ختم ہونے کے ڈر سے پالیسیاں نہیں بنا پاتے، ربڑاسٹمپ کمیٹیوں، بورڈز کو فعال بنائیں گے۔

    حکومت کا احساس پروگرام اُن لوگوں کے لیے ہے، جن کے پاس نوکریاں نہیں ، ڈاکٹر ثانیہ نشتر

    یاد رہے کہ رواں سال جولائی میں وزیراعظم کی معاون خصوصی ڈاکٹر ثانیہ نشترکا کہنا تھا کہ احساس پروگرام اُن لوگوں کے لیے ہے، جن کے پاس نوکریاں نہیں، پروگرام کے تحت 4 سال ہر ماہ 80 ہزار روپے بلاسود قرضہ دیا جائے گا۔

    معاون خصوصی ڈاکٹر ثانیہ نشترکا مزید کہنا تھا کہ شفافیت اورگورننس بہت ضروری ہے، اسکالرشپ بھی آئے گی، گورننس میں شفافیت اہم چیزہے۔

  • احساس پروگرام کے تحت آج اسلام آباد میں ناداروں کیلئے دسترخوان بچھےگا، فردوس عاشق اعوان

    احساس پروگرام کے تحت آج اسلام آباد میں ناداروں کیلئے دسترخوان بچھےگا، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا وزیراعظم عمران خان کے احساس پروگرام کے تحت آج اسلام آباد میں دسترخوان بچھے گا ،ناداروں کو کھانا کھلانا رسولﷺ کی سنت مبارک ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر احساس لنگر اسکیم کے حوالے سے کہا کہ وزیراعظم عمران خان کے احساس پروگرام کے تحت آج اسلام آباد میں دسترخوان بچھے گا، جہاں معاشرے کے ناداروں کے لئے لنگر کا اہتمام ہو گا، ناداروں کو کھانا کھلانارسول ﷺکی سنت مبارک ہے، اس کارخیر سے خدمت انسانیت، کمزوروں کے احساس کی حوصلہ افزائی ہوگی۔

    فردوس عاشق اعوان کا کہنا تھا کہ احساس کا جذبہ عام کرنے سے سماجی مسائل کے حل میں کامیابی ممکن ہے۔

    خیال رہے وزیراعظم عمران خان آج اسلام آباد میں“احساس سیلانی لنگر” اسکیم کا افتتاح کریں گے ، پروگرام کے تحت مستحق اور غریب افراد کے لئے کھانے کا اہتمام کیا جائے گا، اسلام آباد سے شروع کی جانے والی اس اسکیم کو ملک بھرمیں پھیلایا جائے گا ، لنگر اسکیم سماجی و فلاحی بہبود کے جامع پروگرام “احساس” کا اہم جزو ہے۔

    وزیراعظم کے معاون خصوصی ڈاکٹر ثانیہ نشتر نے اس احساس پروگرام سے متعلق کہا ہے کہ حساس لنگر‘‘ ایک مکمل طور پر مختلف اسکیم ہے، جو وزیراعظم کی ہدایت پر مستحق افراد کے لئے شروع کی جا رہی ہے ، یہ احساس لنگر اسکیم ضرورت مند افراد کو روزانہ کی بنیاد پر کھانا فراہم کرے گی۔

  • عوامی فلاحی منصوبے وزیراعظم کے دل کے قریب ہیں، زلفی بخاری

    عوامی فلاحی منصوبے وزیراعظم کے دل کے قریب ہیں، زلفی بخاری

    مظفرآباد: وزیراعظم عمران خان کے معاون خصوصی زلفی بخاری کا کہنا ہے کہ احساس پروگرام عوامی فلاح کا سب سے بڑا منصوبہ ہے۔

    تفصیلات کے مطابق وزیراعظم عمران خان کے معاون خصوصی زلفی بخاری آزاد کشمیر میں تقریب سے خطاب کرتے ہوئے کہا کہ عوامی فلاحی منصوبے وزیراعظم کے دل کے قریب ہیں۔

    زلفی بخاری نے کہا کہ وزیراعظم کابینہ اجلاس میں عوامی منصوبوں کا سختی سے جائزہ لیتے ہیں، وفاقی کابینہ کے اجلاس سے قبل ہر وزیرکو جواب دہ ہونا پڑتا ہے۔

    معاون خصوصی نے کہا کہ احساس پروگرام عوامی فلاح کا سب سے بڑا منصوبہ ہے، تمام وزارتوں میں تقریباً 30 منصوبوں پرتیزی سے کام جاری ہے۔

    انہوں نے کہا کہ ای او بی آئی کی بنیادی پنشن میں23 فیصد اضافہ کردیا گیا ہے، بنیادی پنشن کو ایک سال میں ساڑھے 6 ہزار سے 10 ہزار روپے تک کیا جائے گا۔

    معاون خصوصی زلفی بخاری نے کہا کہ آخری مرحلے میں بنیادی پنشن کو15 ہزارر وپے تک بڑھانے کا فیصلہ کیا۔

    پاکستان میں سیاحت کو فروغ دینا بہت ضروری ہے، زلفی بخاری

    یاد رہے کہ گزشتہ ماہ وزیراعظم عمران خان کے معاون خصوصی زلفی بخاری کا کہنا تھا کہ پاکستان میں سیاحت کو فروغ دینا بہت ضروری ہے۔ انہوں نے کہا کہ جب سے حکومت آئی ہے، ہم نے سیاحت کے حوالے سے کئی ورکشاپس سیمینارز منعقد کروائے ہیں۔

  • احساس پروگرام : عمران خان ملک سے غربت کے خاتمے کیلئے سنجیدہ ہیں، عمران اسماعیل

    احساس پروگرام : عمران خان ملک سے غربت کے خاتمے کیلئے سنجیدہ ہیں، عمران اسماعیل

    کراچی : گورنرسندھ عمران اسماعیل نے کہا ہے کہ احساس پروگرام ریاست مدینہ کی جانب پہلا قدم ہے، وزیر اعظم عمران خان کو فکر لاحق رہتی ہے کہ ملک سے غربت کا خاتمہ ہو۔

    ان خیالات کا اظہار انہوں نے کراچی میں میڈیا سے گفتگو کرتے ہوئے کیا، انہوں نے کہا کہ وزیر اعظم عمران خان کی خواہش تھی کہ احساس پروگرام سندھ سے شروع ہو۔

    یہ پروگرام مکمل طور پر شفاف بنایا گیا ہے، بلاتفریق سب کو احساس پروگرام میں شامل کیا جائے گا، صحت کارڈ پر ساڑھے7لاکھ روپے تک کی امداد مل سکے گی۔

    گورنر سندھ کا مزید کہنا تھا کہ احساس پروگرام ریاست مدینہ کی جانب پہلا قدم ہے، وزیراعظم کو فکر لاحق رہتی ہے کہ ملک سے غربت کا خاتمہ جلد ہو، احساس پروگرام شروع کرنے پروزیراعظم کا شکریہ ادا کرتے ہیں، صحت احساس پروگرام کے حوالے سے سندھ حکومت کو بھی اعتمادمیں لیا گیا ہے۔

    ایک سوال کے جواب میں عمران اسماعیل نے کہا کہ کراچی میں جلد5بڑے منصوبوں کا سنگ بنیاد رکھا جائے گا، شہر قائد میں کوئی ایک اتھارٹی نہیں یہ کئی حصوں میں بٹا ہوا ہے، کراچی میں سب سے پہلے ایک اتھارٹی بنانی ہوگی۔

    مسائل کے حل کیلئے شہری اور سندھ حکومت کو مل کر بیٹھنا ہوگا، کراچی کے مسائل کے حل کیلئے تمام اسٹیک ہولڈرزکو مل کر کام کرنا ہوگا، دنیا بھرمیں بلدیاتی نمائندے بااختیار ہوتے ہیں، سیاسی اختلافات اپنی جگہ لیکن کراچی کیلئےسب کو کام کرنا ہوگا۔

  • احساس پروگرام کو ملک گیر سطح تک پھیلایا جائے گا، وزیراعظم

    احساس پروگرام کو ملک گیر سطح تک پھیلایا جائے گا، وزیراعظم

    اسلام آباد: وزیراعظم عمران خان نے کہا ہے کہ احساس پروگرام کو ملک گیر سطح تک پھیلایا جائے گا، احساس پروگرام کے ثمرات پورے پاکستان کوملیں گے۔

    تفصیلات کے مطابق وزیراعظم کی زیر صدارت احساس پروگرام اسٹیئرنگ کمیٹی کا اجلاس ہوا، ڈاکٹر ثانیہ نشتر کی جانب سے اسٹیئرنگ کمیٹی کے اجلاس میں تفصیلی بریفنگ دی گئی۔

    اجلاس میں ترجمان وزیراعظم ندیم افضل چن، وزیراعلیٰ کے پی محمود خان، وزیراعلیٰ گلگت بلتستان، وزیراعظم آزاد کشمیر راجہ فاروق حیدر سمیت دیگر وفاقی وزرا شریک ہوئے۔

    وزیراعظم عمران خان نے کہا کہ احساس پروگرام کا مقصد پسے ہوئے طبقے کی زندگی کو بہتر کرنا ہے، حکومت نے احساس پروگرام کے لیے 190 ارب روپے مختص کیے ہیں۔

    مزید پڑھیں: احساس پروگرام کے تحت اس سال کئی اقدامات کیے جائیں گے: وزیر اعظم

    انہوں نے کہا کہ احساس پروگرام کے تحت نوجوانوں کو کاروبار کے لیے قرض دیا جائے گا، پروگرام کے تحت بیروزگار نوجوانوں کو ہنر سکھائے جائیں گے۔

    واضح رہے کہ گزشتہ روز وزیراعظم عمران خان کا کہنا تھا کہ غربت کے خاتمے کے لیے قومی گریجویشن پروگرام کا افتتاح کرکے خوش ہوں، یہ پروگرام احساس پروگرام کا حصہ ہے۔

    ان کا کہنا تھا کہ احساس پروگرام کے تحت اس سال کئی اقدامات کیے جائیں گے، احساس پروگرام کا مقصد لاکھوں غریبوں کو پیروں پر کھڑا کرنا ہے۔

    وزیراعظم کا کہنا تھا کہ محروم طبقے کو وسائل، مخصوص فنڈز اور تربیت فراہمی کے ذریعے ان کو غربت سے نکالا جائے گا۔

  • احساس پروگرام کے تحت اس سال کئی اقدامات کیے جائیں گے: وزیر اعظم

    احساس پروگرام کے تحت اس سال کئی اقدامات کیے جائیں گے: وزیر اعظم

    اسلام آباد: وزیر اعظم عمران خان نے کہا ہے کہ غربت کے خاتمے کے لیے قومی گریجویشن پروگرام کا افتتاح کر کے خوش ہوں۔

    تفصیلات کے مطابق وزیر اعظم عمران خان نے ٹویٹ کرتے ہوئے کہا کہ نیشنل پاورٹی گریجویشن پروگرام کا افتتاح کر کے خوش ہوں، یہ پروگرام احساس پروگرام کا حصہ ہے۔

    وزیر اعظم عمران خان کا کہنا تھا کہ احساس پروگرام کے تحت اس سال کئی اقدامات کیے جائیں گے، احساس پروگرام کا مقصد لاکھوں غریبوں کو پیروں پر کھڑا کرنا ہے۔

    انھوں نے ٹویٹ میں لکھا کہ محروم طبقے کو وسائل، مخصوص فنڈز اور تربیت فراہمی کے ذریعے ان کو غربت سے نکالا جائے گا۔

    یہ بھی پڑھیں:  ملکی صورت حال پر وزیراعظم عمران خان کا مصنفہ آئن رینڈ کی تحریر کا حوالہ

    خیال رہے کہ آج اس سے قبل وزیر اعظم نے ایک اور ٹویٹ میں پاکستان کی موجودہ صورت حال پر روسی نژاد امریکن مصنفہ این رینڈ کی تحریر کا حوالہ دیتے ہوئے کہا کہ انھوں نے 60 برس قبل جو لکھا وہ آج ہمارے حالات پر پورا اترتا ہے۔

    معروف مصنفہ نے لکھا تھا کہ جب کوئی شے بنانے کے لیے ان لوگوں سے اجازت لینی پڑے جو خود کچھ نہ بناتے ہوں، جب پیسا ان کے پاس جا رہا ہو جو بہتری کی بجائے ذاتی مفاد کے لیے کام کرتے ہوں، جب قانون بھی آپ کے خلاف انھیں تحفظ دے، جب بد عنوانی کو ایوارڈ دیا جائے اور دیانت داری ذات کی قربانی بن جائے تو آپ کو سمجھ جانا چاہیے کہ آپ کا معاشرہ تباہ ہو چکا ہے۔

  • حکومت کا احساس پروگرام اُن لوگوں کیلئے ہے ، جن کے پاس نوکریاں نہیں ، ڈاکٹر ثانیہ نشتر

    حکومت کا احساس پروگرام اُن لوگوں کیلئے ہے ، جن کے پاس نوکریاں نہیں ، ڈاکٹر ثانیہ نشتر

    اسلام آباد : وزیراعظم کی معاون خصوصی ڈاکٹر ثانیہ نشتر نے کہا احساس پروگرام اُن لوگوں کیلئے ہے، جن کے پاس نوکریاں نہیں، پروگرام کے تحت 4 سال ہر ماہ 80 ہزار روپے بلاسود قرضہ دیا جائے گا، حکومت نے احساس کیا سڑکوں پر سونے والوں کیلئے پناہ گاہیں بنائیں۔

    تفصیلات کے مطابق وزیراعظم کی معاون خصوصی برائے سماجی بہبود ڈاکٹر ثانیہ نشتر نے پریس کانفرنس کرتے ہوئے کہا حکومت ہر ماہ 80ہزار بلا سود قرضے فراہم کرے گی ، پروگرام ایسےلوگوں کیلئےجن کےپاس نوکریاں نہیں،ث وزیراعظم نےخوداس پروگرام کوشروع کیاہے، ہرماہ نیا پروگرام لائیں گے۔

    معاون خصوصی کا کہنا تھا کل 391مقامات پر بلاسود قرضے دینے کی تقریبات ہوئیں اور 151 لوگوں کو بلاسود قرضے دیئےگئے ، 3.02 بلین رقوم بلا سود قرضے دیئے گئے ہیں ، پروگرام کے تحت4 سال ہر ماہ 80ہزار روپے  بلاسود قرضہ دیاجائے گا۔

    ڈاکٹرثانیہ نشتر نے کہا حکومت نےاحساس کیا سڑکوں پر سونے والوں والوں کیلئے پناہ گاہیں بنائی، فوج نےبھی اپنابجٹ رضاکارانہ طورپرکٹ کردیا، غریبوں کیلئے بجٹ ڈبل کیا ہے۔

    ان کا کہنا تھا بہت سےلوگوں کی زندگیوں میں چھوٹےقرضوں سےانقلاب آسکتاہے ، ایک بھائی نےاپنی بہن کیلئےقرضےسےسلائی مشین خریدی ہے، پروگرام سےغریب کی زندگی پراثرپڑےگا، ہنر کے ادارے تربیت دے رہے ہیں۔

    معاون خصوصی برائے سماجی بہبود نے کہا شفافیت اورگورننس بہت ضروری ہے، اسکالرشپ بھی آئےگی،گورننس میں شفافیت اہم چیزہے، مرغیوں اور انڈوں کا پروگرام اہم ہے۔

    ڈاکٹرثانیہ نشتر کا کہنا تھا احساس پروگرام پاکستان کاسب سےبڑاجامع پروگرام ہے، پروگرام سےمتعلق 115پروگرامزہیں، اقوام متحدہ کی ایک میٹنگ ہے، جس  میں پروگرام پربریفنگ دیں گے ، ایک ماہ میں تمام صوبوں میں پروگرام لانچ ہوگا۔

  • بے نامی پراپرٹی سے حاصل رقم احساس پروگرام میں شامل کریں گے: وزیر اعظم

    بے نامی پراپرٹی سے حاصل رقم احساس پروگرام میں شامل کریں گے: وزیر اعظم

    اسلام آباد: وزیر اعظم عمران خان نے کہا ہے کہ ہم ایف بی آرکو ٹھیک کریں گے،  تہیہ کررکھا ہےکہ ایف بی آر کے ذریعے ٹیکس جمع کر کے دکھائیں گے.۔

    ان خیالات کا اظہار انھوں نے احساس پروگرام کی تقریب سے خطاب کرتے ہوئے کیا. ان کا کہنا تھا کہ احساس پروگرام کی مختلف پراجیکٹس کا آج قرضےدینے سے آغازکیا ہے، اس پروگرام میں تمام وزارتوں کا حصہ ہوگا.

    انھوں نے کہا کہ دنیا کی پہلی فلاحی ریاست ریاستِ مدینہ تھی، جہاں پیسے والوں سے ٹیکس لے کر کمزور طبقے پر خرچ ہوتا تھا، نبیﷺ نے عوام کو انصاف کاراستہ دکھایا.

    [bs-quote quote=” بے نامی پراپرٹی کی نشان دہی کرنے والے کو 10 فی صد دیں گے” style=”style-8″ align=”left” author_name=”وزیر اعظم”][/bs-quote]

    انھوں نے کہا کہ پاکستان کے عوام میں احساس ہے، ریاست میں احساس کبھی نہیں رہا، جس قوم میں احساس ہو، وہی مہذب ہوتی ہے، یہاں لوگ ووٹ لے کر اقتدارمیں آجاتے ہیں اورفائدہ اٹھاتے ہیں، نیا پاکستان عوام کوغربت سے نکالے گا.

    چین کا جی ڈی پی 30 سال پہلے 300 بلین آج 10 ٹریلین ہے، چین نے 30 سال میں 70 کروڑ لوگوں کوغربت سےنکالا.

    انھوں نے کہا کہ میں‌ عجیب باتیں سنتا تھا کہ ملک کو ایشین ٹائیگر بنانا ہے، لاہور کو پیرس بنا دوں گا.30 سال تک اقتدارمیں رہا، ایک اسپتال نہ بنایا، جہاں خود کا علاج ہو. لاڑکانہ میں ایڈز پھیلا تو معلوم ہوا کہ وہاں کوئی دیکھ بھال ہی نہیں.

    احساس پروگرام کا مقصد ہے کہ عوام کے مائنڈ سیٹ درست کریں، غریب عوام کو ہمیں اوپر لانا ہے، ترقی دینی ہے، احساس پروگرام میں شفافیت لائیں گے، بجٹ میں خصوصی حصہ رکھیں گے، 82 ہزارلوگوں کوآج قرضے سود کے بغیر دے رہے ہیں. پروگرام کا آغازکیا ہے، انشااللہ کمزورطبقےکو طاقت وربنائیں گے.

    مزید پڑھیں: وزیر اعظم عمران خان سے ایرانی وزیر صنعت و تجارت کی ملاقات

    انھوں‌نے کہا، جوبھی بے نامی پراپرٹی کی نشان دہی کرتا، اسے 3 فیصد ملتا تھا، اب قانون تبدیل کررہے ہیں، بے نامی پراپرٹی کی نشان دہی کرنے والے کو 10 فی صد دیں گے، بےنامی پراپرٹی سے حاصل رقم احساس پروگرام میں شامل کریں گے.

    ان کا کہنا تھا کہ دھمکیاں دی جارہی ہیں کہ عمران خان اتنی سزا دینا جتنی برداشت کرسکتے ہو، میرا دھمکیاں دینے والوں کو پیغام ہے، میں تو بہت کچھ برداشت کرسکتا ہوں. شہبازشریف کہتا ہے کہ عمران خان اتنا ظلم کرنا جتنا برداشت کر سکو. آج پھرکہتاہوں جوپیسہ لندن میں رکھا ہے، اسےانجوائےنہیں کرنے دوں گا.

    وزیر اعظم نے کہا کہ ایک طرف قوم مقروض اوران کی جائیداد بڑھتی جارہی ہیں، آصف زرداری نے 5 سال میں صرف دبئی کے40 چکرلگائے، نوازشریف نے بھی 5 سال میں دبئی کے 40 چکر لگائے، ہر چکرپر3 کروڑ روپے خرچ آتا تھا.

  • غریب دوست بجٹ، احساس پروگرام کے تحت عمر رسیدہ افراد کو گھر دیے جائیں گے

    غریب دوست بجٹ، احساس پروگرام کے تحت عمر رسیدہ افراد کو گھر دیے جائیں گے

    اسلام آباد: تحریک انصاف کے غریب دوست بجٹ میں احساس پروگرام کے تحت عمر رسیدہ افراد کو گھر اور مستحق افراد کو خصوصی سہولیات فراہم کی جائیں گی۔

    تفصیلات کے مطابق پی ٹی آئی کے پہلے سالانہ بجٹ پر ایک طرف اپوزیشن کی جانب سے شدید تنقید کی جا رہی ہے، لیکن دوسری طرف اسے غریب دوست بجٹ بھی قرار دیا جا رہا ہے۔

    حکومت نے احساس پروگرام کے تحت عمر رسیدہ افراد کو گھر دینے کا فیصلہ کیا ہے، بجٹ میں 57 لاکھ گھرانوں کا وظیفہ بڑھا کر ساڑھے پانچ ہزار روپے کرنے کا فیصلہ بھی کیا گیا ہے۔

    10 لاکھ مستحق افراد کے لیے راشن کارڈ اسکیم بھی لائی گئی ہے، 80 ہزار مستحق افراد کو ہر مہینے بلا سود قرضے دیے جائیں گے۔

    یہ بھی پڑھیں:  بجٹ 2020 -2019: تحریک انصاف نے 70 کھرب 22 ارب کا بجٹ پیش کردیا

    پی ٹی آئی کے بجٹ میں مستحق خواتین کو بھی نظر انداز نہیں کیا گیا، 60 لاکھ خواتین کے اکاؤنٹ میں وظائف کی فراہمی اور موبائل فون تک رسائی ممکن بنائی جائے گی۔

    گریڈ سے 16 تک کے ملازمین کی تنخواہوں میں 10 فی صد اضافہ، جب کہ 17 سے 20 گریڈ تک کے ملازمین کی تنخواہوں میں 5 فی صد اضافہ کیا گیا ہے۔

    تمام پنشنرز کی پنشن میں 10 فی صد اضافہ کیا جا رہا ہے، معذور افراد کے وظیفے میں 1000 روپے کا اضافہ کیا گیا ہے۔

    واضح رہے کہ رواں سال وفاقی بجٹ کا تخمینہ 7،022 ارب روپے رکھا گیا ہے جو کہ گزشتہ مالی سال سے تیس فیصد زیادہ ہے جبکہ وفاقی آمدنی کا تخمینہ 6،717 روپے ہے۔

  • معذور افراد کو احساس پروگرام کے تحت انصاف کارڈ جاری کرنے کا فیصلہ

    معذور افراد کو احساس پروگرام کے تحت انصاف کارڈ جاری کرنے کا فیصلہ

    اسلام آباد: وزیر اعظم کی مشیر برائے سماجی تحفظ ڈاکٹر ثانیہ نشتر نے کہا ہے کہ معذور افرادکو احساس پروگرام کے تحت انصاف کارڈ جاری کرنے کا فیصلہ کیا گیا ہے.

    ان خیالات کا اظہار انھوں نے خصوصی پریس کانفرنس میں کیا. ان کا کہنا تھا کہ ملک مالی مشکلات کا شکار ہے، تمام وزارتوں نے اپنے بجٹ میں کٹوتی کا اعلان کیا ہے.

    ڈاکٹر ثانیہ نشتر نے کہا کہ سماجی تحفظ کے احساس پروگرام کے بجٹ میں اضافے کا فیصلہ کیا ہے، اضافے کا اعلان آئندہ مالی سال کے بجٹ میں کیا جائے گا.

    انھوں نے مزید کہا کہ ملک میں 50 لاکھ معذور افراد ہیں، جن میں اکثریت نابینا افراد کی ہے، ان تمام افراد کو انصاف کارڈ مہیا کیا جائے گا.

    مزید پڑھیں: معذور افراد کے لیے ملازمتوں اور ہاؤسنگ پروگرام میں دو فی صد کوٹہ مختص کرنے کا فیصلہ

    ثانیہ نشتر کا کہنا تھا کہ معذور افراد کو سفید چھڑی اور وہیل چیئر مہیا کی جا رہی ہیں، جلد ہی معذور افراد کو آلہ سماعت بھی مہیا کریں گے.

    انھوں نے مزید کہا کہ وزیر اعظم کا تحفظ پروگرام ستمبر میں شروع ہو جائے گا، سماعت سے محروم افراد کو دو دن کے نوٹس پرآلہ مفت مہیا کیا جائے گا.