Tag: احساس کفالت پروگرام

اسلام آباد : وزیراعظم عمران خان نے احساس کفالت پروگرام کے تحت آج سے 70لاکھ خاندانوں میں رقوم کی تقسیم کا سلسلہ شروع کرنے کا اعلان کردیا اور کہا پسند نا پسند یاسیاسی بنیاد پر رقم نہیں دی جائے گی۔

تفصیلات کے مطابق احساس کفالت پروگرام کی تقریب میں وزیراعظم عمران خان نے مستحقین سے گفتگو کرتے ہوئے کہا ہم تمام مستحقین کو ہیلتھ کارڈ دیں گے اور احساس کفالت پروگرام کےتحت مستحقین کوادائیگی جاری رہے گی۔

وزیراعظم کا کہنا تھا کہ حکومت کا فرض ہے کہ پسماندہ طبقے کی مدد کرے ، اخوت ادارے کےساتھ ملکرمستحقین کو چھت فراہم کریں گے جبکہ مستحقین کو گھر، روزگار کےمواقع کیلئے مدد کریں گے۔

عمران خان نے کہا کہ نیا پاکستان ہاؤسنگ اسکیم پر کام شروع ہوچکا ہے، مستحق افراد کو اپنے پاؤں پر کھڑا کرنے کیلئے مواقع فراہم کریں گے ، پیسوں کی تقسیم میں شفافیت پر احساس پروگرام کی ٹیم کو کریڈٹ جاتا ہے۔

ان کا کہنا تھا کہ آبادی کےلحاظ سے سندھ میں میرٹ کی بنیاد پرپیسہ تقسیم کیا، ہم آج سے 70لاکھ خاندانوں میں پیسہ تقسیم کرنا شروع کر رہے ہیں، پسند نا پسند یاسیاسی بنیاد پر رقم نہیں دی جائیگی ، حکومت کی کوشش ہے آپ کی مدد بنیادی ضرورت پوری کی جائے۔

اسلام آباد: وزیراعظم عمران خان کا کہنا ہے کہ بی آئی ایس پی میں سرکاری ملازمین پیسہ وصول کر رہے تھے، بی آئی ایس پی سے 8 لاکھ غیرمستحق افراد کو باہر نکالا گیا۔

تفصیلات کے مطابق وزیراعظم عمران خان احساس کفالت پروگرام کی تقریب سے خطاب کرتے ہوئے کہا کہ احساس کفالت پروگرام شروع کرنے پر مبارکباد دیتا ہوں۔

وزیراعظم کا کہنا تھا کہ مشکل وقت تھا اس لیے حکومت پر مسلسل تنقید ہو رہی تھی، ہماری کوشش تھی عوام کی سہولت کے لیے جلد سے جلد پروگرام لائیں، مشکل حالات میں ہم نے بھی مشکل فیصلے کیے۔

انہوں نے کہا کہ بی آئی ایس پی میں سرکاری ملازمین پیسہ وصول کر رہے تھے، بی آئی ایس پی سے 8 لاکھ غیرمستحق افراد کو باہر نکالا گیا، شفاف پروگرام کےتحت اب مستحق اور کمزور طبقے کو مدد ملے گی۔

وزیراعظم عمران خان کا کہنا تھا کہ بائیو میٹرک سسٹم کے ذریعےمستحق افراد تک پیسہ پہنچے گا، بائیومیٹرک سسٹم کے ذریعے پیسوں کی چوری ممکن نہ ہوگی۔

احساس پروگرام سے متعلق وزیراعظم کا کہنا تھا کہ ایک اور پروگرام 2 ہفتے میں آئے گا، پروگرام کے تحت غریب خواتین کو گائے، بھینسیں دی جائیں گی، پروگرام کے تحت نادار خواتین کے بینک اکاؤنٹ سے پیسے چوری نہیں ہوسکیں گے۔

انہوں نے کہا کہ 5 لاکھ نوجوانوں کو ہنر کی تعلیم دیں گے تاکہ اپنا کاروبار کرسکیں، ہنرمند پروگرام کے تحت کوشش کریں گے جلدی ہنر دیں، نوجوانوں کو میرٹ پر قرض دے کر اپنا کاروبار پروگرام لائے ہیں۔

وزیراعظم پاکستان کا مزید کہنا تھا کہ نوجوان کاروبار کا آئیڈیا دے کر بینک کے ذریعے قرض حاصل کرسکیں گے، ہماری کوشش تھی کسی طرح اپنے کمزور طبقے کی مدد کی جائے، فلاحی ریاست کی بنیاد رکھی جا رہی ہے۔