Tag: احسان اللہ

قومی نوجوان فاسٹ بولر احسان اللہ جو حال ہی میں پی ایس ایل سے ریٹائرمنٹ اور پھر یوٹرن لینے کے باعث خبروں میں ہیں انہیں ایک بڑی آفر مل گئی ہے۔

احسان اللہ جنہوں نے 2022 میں پی ایس ایل میں ملتان سلطانز کی جانب سے ڈیبیو کیا تھا اور پہلے ہی ٹورنامنٹ میں شاندار کارکردگی کا مظاہرہ کرتے ہوئے2022 میں پلیئر آف دی ٹورنامنٹ اور امرجنگ پلیئر آف دی ٹورنامنٹ بھی قرار پائے تھے۔

حال ہی میں پی ایس ایل 10 کی ڈرافٹنگ میں نظر انداز کیے جانے پر گزشتہ دنوں احسان اللہ نے پاکستان سپر لیگ سے ریٹائرمنٹ کا اعلان کیا اور کچھ دیر بعد ہی اس اعلان کو واپس بھی لے لیا۔

اب نئی خبر یہ ہے کہ فاسٹ بولر کو بڑی آفر مل گئی ہے اور یہ آفر پی ایس ایل میں ملتان سلطانز کے مالک علی ترین کی جانب سے دی گئی ہے۔

علی ترین نے گزشتہ روز احسان اللہ سے رابطہ کر کے انہیں ملازمت کی پیشکش کی جس کو انہوں نے قبول کر لیا ہے۔ اب فاسٹ بولر رواں سیزن میں پریذیڈنٹ کپ گریڈ ٹو ٹورنامنٹ میں ملتان سلطانز کی ڈیپارٹمنٹل ٹیم کی نمائندگی کریں گے۔

وہ نہ صرف اپریل اور مئی میں ہونے والے اس ڈومیسٹک ٹورنامنٹ میں ایکشن میں نظر آئیں گے بلکہ مکمل فٹنس اور فارم کی بحالی کے لیے ملتان سلطانز کی سہولتوں سے بھی مستفید ہوسکیں گے۔

احسان اللہ اس دوران ملتان سلطانز کی فاسٹ بولنگ کوچ کیتھرین ڈیلٹن کی زیر نگرانی لودھراں کی ملتان سلطانز اکیڈمی میں ٹریننگ کریں گے۔

میڈیا رپورٹ کے مطابق علی ترین احسان اللہ کو اگلے برس پی ایس ایل میں ملتان سلطانز کا حصہ بنانے کے لیے پرعزم ہیں اور وہ اس کے لیے ہر ممکن تعاون کریں گے۔

سینئر اسپورٹس صحافی شاہد ہاشمی نے فاسٹ بولر احسان اللہ کے رویے پر اظہار خیال کرتے ہوئے کہا ہے کہ انھیں ڈسپلن کو اپنانا ہوگا۔

اے آر وائی کے اسپورٹس پروگرام میں میزبان سے گفتگو کرتے ہوئے شاہد ہاشمی کا کہنا تھا کہ اگر احسان اللہ میں ڈسپلن ہوگا اور وہ اس طرح کے فیصلے نہیں کرے گا کہ ایک دن کہے گا میں پی ایس ایل سے ریٹائر ہورہا ہوں اور پی ایس ایل کا بائیکاٹ کررہا ہو تو اس کے لیے بہتر ہوگا۔

انھوں نے کہا کہ تم کون سی بڑی چیز ہو پہلے فاسٹ بولر تو بن جاؤ انٹرنیشنل کرکٹ میں نام تو بنالو، ایک پی ایس ایل سیزن تم نے بہت اچھا کھیلا ہے تو نام تمہارا بن گیا تو تم ڈسپلن کی خلاف وزری نہ کرو۔

شاہد ہاشمی کا کہنا تھا کہ احسان اللہ کو اپنی عقل اور محنت کے ساتھ اپنا مقام حاصل کرنا ہوگا، ایسا نہیں کرے گا تو اس کو سب لوگ بھول جائیں گے۔

انھوں نے بتایا کہ پی سی بی کے میڈیکل پینل کے مطابق وہ ریہبلی ٹیشن میں تعاون نہیں کرتے تھے، وہ آتے نہیں تھے وہ کسی اور فزیو کے پاس چلے جاتے تھے، اگر آپ ایک ہی فزیو سے اپنا ری ہیب کروائیں گے تو آپ جلدی صحتمند ہونگے اور زیادہ بہتری آئے گی۔

شاہد ہاشمی کے مطابق اگر آپ تین تین فزیو کے پاس چلے جائیں گے کوئی ہاتھ پکڑ رہا ہوگا کوئی ٹانگ پکڑ رہا ہوگا تو الگ الگ چیزیں ہونگی۔

اس کے خلاف ڈسپلن کی خلاف ورزی بھی پائی گئی ہے، تو احسان اللہ نے یہ ساری غلطیاں کی ہیں، میڈیکل پینل کا اپنا قصور بھی ہے، میڈیکل پینل نے سارا الزام لاہور کی اس لیبارٹری پر ڈال دیا جس نے پہلا ڈائیگنوسس کیا تھا۔

انھوں نے بتایا کہ ایم آر آئی رپورٹ میں یہ نہیں آیا کہ اس کی کہنی کی ہڈی میں فریکچر ہے اور وہ ٹوٹ کر الگ پڑی ہوئی ہے، پھر جب باہر سے ڈاکٹر آیا تو اس نے کہنی کا آپریشن کیا۔

یہ سارا کیس اتنا گڈمڈ ہوگیا کہ ایک اچھا فاسٹ بولر جو 150 پلس بولنگ کرواتا تھا اب ملتان کے اونر سلطان ترین نے کہا کہ وہ اب کبھی بھی 150 پلس نہیں کرواسکتا لیکن کبھی بھی کوئی چیز حتمی نہیں ہوتی۔

قومی ٹیم کے فاسٹ بولر احسان اللہ نے ملتان سلطانز کے مالک علی ترین کے بولنگ اسپیڈ سے متعلق دعوے کا جواب دے دیا۔

مقامی اسپورٹس نیوز پلیٹ فارم سے گفتگو کرتے ہوئے فاسٹ بولر احسان اللہ نے کہا کہ میرے لیے 150 کلو میٹر فی گھنٹہ کی رفتار سے گیند کرنا کوئی بڑی بات نہیں۔

انہوں نے کہا کہ میں 142 کلو میٹر فی گھنٹہ کی رفتار سے بولنگ کررہا ہوں اور 150 کلو میٹر کی رفتار سے بولنگ کرنا میرے لیے کوئی مسئلہ نہیں ہے۔

فاسٹ بولر نے کہا کہ چاہے میری کہنی سیدھی ہو یا جھک جائے اس سے کوئی فرق نہیں پڑتا، اگر آپ کا عزم ہے تو آپ 150 کی رفتار سے بولنگ کرسکتے ہیں۔

احسان اللہ کا کہنا ہے کہ ایک مہینے میں، میں مستقل طور پر 150 پر بولنگ کروں گا، میں یہ کروں اور دوسروں کو خوف میں دیکھوں گا، فی الحال اسپیڈ گنز 5 کلو میٹر فی گھنٹہ کم دکھا رہی ہے لہٰذا آپ کہہ سکتے ہیں کہ میں 147 پر بولنگ کررہا ہوں۔

علی ترین نے اس سے قبل دعویٰ کیا تھا کہ احسان اللہ اب 150 کی رفتار سے بولنگ نہیں کرسکیں گے۔

ان کا کہنا تھا کہ سرجن نے ہمیں بری خبر سنائی اور کہا کہ سرجری سے احسان اللہ کا بازو کبھی بھی بالکل سیدھا نہیں ہوگا اور وہ کبھی اسی طرح بولنگ نہیں کرسکے گا کیونکہ اس کا بازو سیدھا نہیں ہے۔

ان کا کہنا تھا کہ یہ بہت بدقسمتی کی بات ہے کہ ایک شخص نے اپنی غلطی چھپانے کے لیے کھلاڑی کا کیریئر تباہ کردیا۔

فاسٹ بولر نے دسمبر 2024 میں چیمپئنز ٹی 20 کپ میں ڈولفنز کی نمائندگی کرتے ہوئے واپسی کی لیکن وہ چار میچوں میں بالرتیب 62.5 اور 11.19 کی اوسط اور اکانومی کے ساتھ صرف دو وکٹیں لے سکے۔

ڈولفنز کے لیے انہوں نے چار میچز کھیلے اور تین میچوں میں انہیں کوئی وکٹ نہ ملی۔

فاسٹ بولر احسان اللہ نے حیران کن طور پر پاکستانی فاسٹ بولر نسیم شاہ کو بھارتی پیسر جسپریت بمراہ سے کہیں بہتر بولر قرار دیدیا۔

انجرڈ پاکستانی فاسٹ بولر احسان اللہ کا ایک یوٹیوب چینل پر گفتگو میں کہنا تھا کہ نسیم شاہ نے اپنی سوئنگ اور رفتار سے پہنچان بنائی ہے اور وہ بھارتی اسٹار فاسٹ بولر جسپریت بمراہ سے بہتر ہیں، تاہم انھوں نے پڑوسی ملک کے بولر کی کامیابیوں کو بھی سراہا۔

احسان اللہ نے کہا کہ بمراہ اس وقت تمام فارمیٹس میں میچ وننگ کارکردگی کا مظاہرہ کررہے ہیں لیکن نسیم شاہ بہترین فاسٹ بولر بن کر ابھریں گے اور مستقبل میں اپنا نام بنائیں گے۔

نوجوان پاکستانی بولر نے نسیم کی پرفارمنس کا حوالہ دیتے ہوئے کہا کہ نسیم 2021 اور 2022 ورلڈکپ میں اپنی دھاک بٹھاچکے ہیں، اس سے فرق نہیں پڑتا کہ وہ حالیہ طور پر اچھی پرفارمنس کا مظاہرہ نہیں کرپارہے۔

خیال رہے کہ جسپریت بمراہ کو اس وقت کرکٹ کے تینوں فارمیٹس کے بہترین بولرز میں سے ایک خیال کیا جاتا ہے، بمراہ نے بھارتی ٹیم کو 2024 کا ٹی ٹوئنٹی ورلڈکپ جتوانے میں اہم کردار ادا کیا تھا۔

اس کے علاوہ بمراہ نے 2023 ون ڈے ورلڈکپ میں بھی عمدہ بولنگ کی تھی اور بھاتی ٹیم فائنل میں پہنچنے میں کامیاب رہی تھی جبکہ اس وقت بمراہ ٹیسٹ کے نمبر ون بولر بھی ہیں۔

پاکستان کرکٹ ٹیم کے رائٹ آرم فاسٹ بولر احسان اللہ اور ریسی ٹوپلے اس بار پی ایس ایل میں ایکشن میں نہیں دکھائی دیں گے۔

پاکستان سپر لیگ کے نویں سیزن سے ملتان سلطان کے پیسر احسان اللہ اپنی انجری کے باعث باہر ہوگئے ہیں۔ کچھ عرصہ قبل ان کی کہنی کا آپریشن ہوا تھا اور وہ صحتیابی کی جانب گامزن تھے۔

تاہم اب پی ایس ایل فرنچائز ملتان سلطانز کے لیے بُری خبر آئی ہے کہ ان کے اہم فاسٹ بولر احسان اللّٰہ انجری کے باعث اس سیزن میں انھیں دستیاب نہیں ہون گے۔

اس کے علاوہ انگلینڈ سے تعلق رکھنے والی ریسی ٹوپلے بھی ملتان سلطانز کو پی ایس ایل کے اس سیزن میں جوائن ہیں کریں گے۔

انگلش کرکٹ بورڈ نے لیفٹ آرم پیسر کو این او سی جاری نہ کرنے کا فیصلہ کیا ہے۔ ٹوپلے معمولی انجری کا شکار ہیں جس کی وجہ سے بورڈ نے یہ فیصلہ کیا ہے۔

آئندہ ٹی ٹوئنٹی ورلڈکپ سے قبل انگلینڈ کرکٹ بورڈ کسی طرح کا رسک نہیں لینا چاہتا جس کے باعث انھیں پی ایس ایل کے لیے این او سی نہیں دی گئی۔

ابھرتے ہوئے قومی پیسر احسان اللہ نے فٹنس حاصل کرنے کے بعد بھرپور طریقے سے کم بیک کرنے کی ٹھان لی۔

پی ایس ایل فرنچائز ملتان سلطانز کا حصہ فاسٹ بولر احسان اللہ نے عزم ظاہر کیا ہے کہ وہ پھر سے بہترین پرفارمنس کا مظاہرہ کرتے ہوئے ٹیم میں کم بیک کریں۔ انھوں نے بھرپور سپورٹ پر پاکستان کرکٹ بورڈ کا شکریہ بھی ادا کیا ہے۔

انجری سے صحتیاب ہونے کے بعد لاہور میں ذرائع ابلاغ سے گفتگو میں احسان اللہ نے بتایا کہ ان کی کہنی کی انجری خطرناک تھی لیکن اللہ تعالیٰ کے کرم سے ری ہیب اچھا ہوا۔

نوجوان فاسٹ بولر کا یہ بھی کہنا تھا کہ پاکستان کرکٹ بورڈ کی انتظامیہ نے میری انجری کے دوران جس طرح سپورٹ کیا ان کا جتنا شکریہ ادا کروں کم ہے۔

احسان اللہ کا کہنا تھا کہ ہر کھلاڑی کی خواہش ہوتی ہے کہ وہ ورلڈ کپ کھیلے۔ میری کوشش ہے کہ اچھا کم بیک کرکے ملک کا نام روشن کروں۔