ARYNews.tv | Urdu – Har Lamha Bakhabar

Tag: احسان مانی

  • سری لنکا کے دورہ پاکستان کے شیڈول کا اعلان کردیا گیا

    سری لنکا کے دورہ پاکستان کے شیڈول کا اعلان کردیا گیا

    لاہور: سری لنکن کرکٹ ٹیم نے پاکستان میں محدود اوورز کی سیریز کھیلنے کے لیے گرین سگنل دے دیا، ون ڈے اور ٹی ٹوینٹی سیریز کا شیڈول جاری کردیا گیا۔

    تفصیلات کے مطابق سری لنکا پاکستان میں محدود اوورز کی سیریز کے لیے مان گیا ہے، کراچی اور لاہور میں میچز کھیلے جائیں گے۔

    پاکستان کرکٹ بورڈ کے مطابق سری لنکن ٹیم 27 ستمبر سے 9 اکتوبر تک پاکستان کا دورہ کرے گی، دورے میں تین ون ڈے اور تین ٹی ٹوینٹی میچز کھیلے جائیں گے۔

    ون ڈے سیریز کراچی میں شیڈول ہے، ٹی ٹوینٹی سیریز پانچ سے 9 اکتوبر تک لاہور میں ہوگی، ٹیسٹ سیریز دسمبر تک موخر کردی گئی ہے۔

    چیئرمین پی سی بی احسان مانی نے سری لنکن بورڈ سے بات چیت کامیاب ہونے پر خوشی کا اظہار کرتے ہوئے کہا کہ پاکستان میں محدود اوورز کی میچز کی سیریز سے فائدہ ہوگا۔

    احسان مانی نے کہا کہ ٹیسٹ میچز سے پہلے سری لنکن بورڈ کو یہاں کے حالات کا علم ہوجائے گا۔

    چیئرمین پی سی بی احسان مانی نے کہا کہ وہ مثبت روئیے پر سری لنکن کرکٹ کے صدر شامی سلوا، بورڈ اور کھلاڑیوں کے شکر گزار ہیں۔

    یاد رہے کہ پی سی اکتوبر میں ٹیسٹ میچز کی میزبانی پاکستان میں کرنے کا خواہاں تھا لیکن سری لنکن وزیر کھیل نے گزشتہ روز ہی اعلان کردیا تھا کہ محدود اوورز کی کرکٹ کے لیے ٹیم بھجوا سکتے ہیں۔

  • پی ایس ایل فرنچائز مالکان اور چیئرمین پی سی بی کی ملاقات، میچز پاکستان میں کروانے پر اتفاق

    پی ایس ایل فرنچائز مالکان اور چیئرمین پی سی بی کی ملاقات، میچز پاکستان میں کروانے پر اتفاق

    لاہور: پی ایس ایل فرنچائز مالکان اور چیئرمین پی سی بی احسان مانی کے درمیان ملاقات ہوئی جس میں پی ایس ایل 5 کے تمام میچز پاکستان میں کروانے پر اتفاق کیا گیا۔

    تفصیلات کے مطابق پی ایس ایل فرنچائز مالکان نے چیئرمین پی سی بی احسان مانی سے لیگ کے پاکستان میں انعقاد پر تبادلہ خیال کیا، ملاقات میں پی ایس 5 کے تمام میچز پاکستان میں کروانے پر اتفاق کیا گیا۔

    ذرائع کے مطابق چیئرمین پی سی بی نے کہا کہ غیرملکی کھلاڑیوں کے تحفظات دور کرنے کی کوشش کریں گے، غیرملکی کھلاڑیوں کو پاکستان لانے کے لیے بورڈ حکام بریفنگ دیں گے۔

    غیرملکی کھلاڑیوں کو بورڈ حکام کے ساتھ فرنچائز نمائندے بھی سیکیورٹی کی یقین دہانی کرائیں گے، پی ایس ایل گورننگ کونسل اجلاس کی تاریخ کا اعلان جلد کرنے پر اتفاق کیا گیا۔

    مزید پڑھیں: پی ایس ایل فائیو کی تیاریاں شروع کردی گئیں، 20 فروری سے آغاز ہوگا

    اجلاس میں پی ایس ایل فنانشل ماڈل پر بھی غور کیا گیا، لیگ کے شیڈول کو گورننگ کونسل اجلاس میں حتمی شکل دی جائے گی، بورڈ حکام نے فرنچائز مالکان کے تحفظات دور کرنے کی یقین دہانی کرادی۔

    یاد رہے کہ پاکستان سپر لیگ سیزن فائیو کی تیاریاں شروع کردی گئی ہیں، کھلاڑیوں کی ڈرافٹنگ نومبر اور ٹورنامنٹ کا آغاز 20 فروری سے ہوگا۔

    پی ایس ایل کے روایتی حریف کراچی کنگز اور لاہور قلندر کے درمیان سیزن فائیو کے افتتاحی میچ اور مقام پر غور بھی شروع کردیا گیا ہے۔

  • احسان مانی آئی سی سی فنانشل اینڈ کمرشل افیئرز کمیٹی کے سربراہ مقرر

    احسان مانی آئی سی سی فنانشل اینڈ کمرشل افیئرز کمیٹی کے سربراہ مقرر

    دبئی: چیئرمین پی سی بی احسان مانی انٹرنیشنل کرکٹ کونسل (آئی سی سی) فنانشل اینڈ کمرشل افیئرز کمیٹی کے سربراہ مقرر ہوگئے۔

    تفصیلات کے مطابق چیئرمین پی سی بی احسان مانی کو آئی سی سی فنانشل اینڈ کمرشل افیئرز کمیٹی کا سربراہ مقرر کردیا گیا، کمیٹی آئی سی سی کے مالی اور کمرشل معاملات پر نظر رکھے گی۔

    احسان مانی 1996 میں بھی کمیٹی کے سربراہ رہ چکے ہیں، اس سے قبل ایم ڈی پی سی بی وسیم خان اور اسٹار کرکٹر ثنا میر کو بھی آئی سی سی کمیٹی میں شامل کیا گیا تھا۔

    مزید پڑھیں: ثنا میر آئی سی سی ویمنز کمیٹی کی رکن منتخب، چیئرمین پی سی بی کی مبارک باد

    پی سی بی ذرائع کے مطابق احسان مانی کی سربراہی میں قائم کردہ کمیٹی میں اندرا نوئی بطور آزاد ڈائریکٹر شرکت کریں گے۔

    اس کے علاوہ امیتابھ چوہدری، کرس نینزنی، عمران خواجہ، ایرل ایڈنگز اور کولن گریوز بھی کمیٹی میں شامل ہیں، اسی طرح ششانک منوہر اور مانو سواہتے بھی بطور سابق عہدے دار کمیٹی کا حصہ ہوں گے۔

    دوسری جانب جنرل کونسل پی سی بی سلمان نصیر آئی سی سی سیف گارڈنگ پینل کا حصہ بن گئے ہیں، پینل کا مقصد آئی سی سی کے قوانین اور اس سے جڑے تمام افراد کی حفاظت کرنا ہے۔

    پاکستان کرکٹ بورڈ کے دونوں عہدے داران کی تعیناتی آئی سی سی کے سالانہ اجلاس میں کی گئی ہے۔

  • انضمام الحق نے بطور چیئرمین سلیکشن کمیٹی شاندار خدمات انجام دیں، احسان مانی

    انضمام الحق نے بطور چیئرمین سلیکشن کمیٹی شاندار خدمات انجام دیں، احسان مانی

    لاہور: پاکستان کرکٹ بورڈ کے چیئرمین احسان مانی اور منیجنگ ڈائریکٹر وسیم خان نے انضمام الحق کو خراج تحسین پیش کرتے ہوئے کہا ہے کہ انضمام الحق نے بطور چیئرمین سلیکشن کمیٹی شاندار خدمات انجام دیں۔

    احسان مانی نے کہا کہ انضمام الحق لیجنڈ پلیئر اور ملکی کرکٹ کے رول ماڈل ہیں جنہوں نے بطور کھلاڑی اور چیف سلیکٹر ملک کی بھرپور خدمت کی ہے ان کی خدمات کو ہمیشہ یاد رکھا جائے گا۔

    انہوں نے مزید کہا کہ تین سالہ دور میں ہمیں بہت سے نئے باصلاحیت نوجوان کھلاڑی ملے اور میں انضمام کا مشکور ہوں جنہوں نے قائدانہ صلاحیتوں اور کرکٹ کے وسیع تجربہ سے نوازا۔

    ایم ڈی پی سی بی وسیم خان نے بھی چیئرمین سلیکشن کمیٹی کی خدمات کا سراہتے ہوئے کہا کہ انضمام الحق اپنے کام سے پی سی بی کے لیے مثال قائم کر گئے ہیں۔

    ہم انضمام الحق کیلیے نیک خواہشات کا اظہار کرتے ہیں اور ہمیں یقین ہے کہ مستقبل میں بھی پاکستان کرکٹ کی بہتری کے لیے اپنا کردار ادا کرتے رہیں گے۔

    دوسری طرف پی سی بی کا کہنا ہے کہ بورڈ میں شفافیت اور پروفیشنلزم کے عزم کو برقرار رکھتے ہوئے ٹیم کے چیف سلیکٹر کے عہدے کے لیے اشتہار دے گا۔

  • ٹیم انتظامیہ اور سلیکشن کمیٹی سے متعلق فیصلے جلد ہوں گے، چیئرمین پی سی بی

    ٹیم انتظامیہ اور سلیکشن کمیٹی سے متعلق فیصلے جلد ہوں گے، چیئرمین پی سی بی

    لاہور: پاکستان کرکٹ بورڈ کے چیئرمین احسان مانی نے کہا ہے کہ قومی ٹیم کی انتظامیہ اور سلیکشن کمیٹی سے متعلق اہم فیصلے چند ہفتوں میں کر لیے جائیں گے۔

    ایک انٹرویو میں انہوں نے کہا کہ بطور چیئرمین پاکستان کرکٹ بورڈ، میری اننگز تو اب شروع ہوئی ہے، نئی ٹیم انتظامیہ اور سلیکشن کمیٹی سے متعلق فیصلے چند ہفتوں میں کر لیے جائیں گے۔

    انہوں نے کہا کہ جب میں نے اپنا عہدہ سنبھالا تو ورلڈکپ میں کچھ ہی ماہ باقی تھے اور اسی وجہ سے ٹیم انتظامیہ اور کپتان سرفراز احمد کی تبدیلی سے متعلق فیصلہ نہیں کیا۔ جب ان سے سوال کیا گیا کہ وہ بورڈ میں تبدیلیاں کتنے عرصے میں کر دی جائیں گی تو انہوں نے جواب دیا کہ وہ تبدلیوں کے معاملے میں جلدی نہیں کر رہے، تاہم اہم نوعیت کے فیصلے پہلے لیے جائیں گے۔

    احسان مانی کا کہنا تھا کہ آئندہ 4 سال کے دوران قومی ٹیم کی سرگرمیوں کو مد نظر رکھتے ہوئے ہی تمام فیصلے لیے جائیں گے جبکہ تبدیلی کے لیے ایک باقاعدہ طریقہ کار کو اپنایا جائے گا۔

    قومی ٹیم کے ہیڈ کوچ مکی آرتھر سے ملاقات کے بارے میں چیئرمین پی سی بی کا کہنا تھا کہ یہ ملاقات معمول کے مطابق تھی، مکی آرتھر نے بطور ہیڈ کوچ اپنی ذمہ داریاں جاری رکھنے کی خواہش کا اظہار کیا ہے، تاہم پی سی بی کی کرکٹ کمیٹی کی رپورٹ سے قبل اس بارے میں کوئی جواب نہیں دیا جاسکتا۔

  • مکی آرتھر کی کوچنگ کی مدت میں ایک سال کی توسیع کا امکان

    مکی آرتھر کی کوچنگ کی مدت میں ایک سال کی توسیع کا امکان

    لندن: چیئرمین پی سی بی احسان مانی نے ہیڈ کوچ مکی آرتھر سے لندن میں ملاقات کی، ذرائع کا کہنا ہے کہ مکی آرتھر کی کوچنگ کی مدت میں ایک سال کی توسیع کا امکان ہے۔

    نمائندہ اے آر وائی نیوز شاہد ہاشمی کے مطابق چیئرمین پی سی بی احسان مانی نے ہیڈ کوچ مکی آرتھر سے لندن میں ملاقات کی ہے، مکی آرتھر کو آئندہ سال ٹی ٹوینٹی ورلڈ کپ تک کوچ برقرار رکھنے کا امکان ہے۔

    ذرائع کا یہ بھی کہنا ہے کہ پی سی بی نے کوچنگ کے لیے اینڈی فلاور سے بھی رابطہ کیا ہے، اینڈی فلاور نہ مانے تو مکی آرتھر کو توسیع مل سکتی ہے۔

    واضح رہے کہ اینڈی فلاور کے بھائی گرانٹ فلاور نے پاکستان ٹیم کے بیٹنگ کوچ کے طور پر فرائض انجام دے رہے تھے انہوں نے ورلڈ کپ کے بعد کوچنگ سے معذرت کرلی تھی۔

    مزید پڑھیں: ورلڈ کپ : مکی آرتھر نے آئی سی سی کی رن ریٹ پالیسی پرسوال اٹھا دیا

    یاد رہے کہ دو روز قبل رن ریٹ پر قومی ٹیم سیمی فائنل کی دوڑ سے باہر ہوئی تھی تو مکی آرتھر نے آئی سی سی رن ریٹ پالیسی کر سوال اٹھادیا تھا۔

    ان کا کہنا تھا کہ اگر دو ٹیموں کے پوائنٹس برابر ہوں تو پھرہیڈ ٹو ہیڈ ہونا چاہیے اور اگر تین ٹیموں کے پوائنٹس برابر ہوں پھر رن ریٹ دیکھا جائے۔

    مکی آرتھر کا کہنا تھا کہ پاکستانی ٹیم میں امام الحق، شاہین آفریدی اور شاداب خان اچھے نوجوان کرکٹر ہیں، میں نے پاکستانی ٹیم کے ساتھ تین سال بہت انجوائے کیے۔

  • محسن حسن خان پی سی بی کرکٹ کمیٹی کی سربراہی سے مستعفی

    محسن حسن خان پی سی بی کرکٹ کمیٹی کی سربراہی سے مستعفی

    لاہور: سابق ٹیسٹ کرکٹر محسن حسن خان نے پی سی بی کرکٹ کمیٹی کی سربراہی سے استعفیٰ دے دیا۔

    تفصیلات کے مطابق سابق ٹیسٹ کرکٹر محسن حسن خان پی سی بی کرکٹ کمیٹی کی سربراہی سے مستعفی ہوگئے، چیئرمین پی سی بی احسان مانی نے محسن حسن خان کا استعفیٰ قبول کرلیا۔

    چیئرمین پی سی بی کا کہنا تھا کہ محسن حسن خان کے فیصلے کا احترام کرتے ہیں، ان کی خدمات پر شکر گزار ہیں۔

    واضح رہے کہ محسن حسن خان کے استعفیٰ کے بعد ایم ڈی پی سی بی خان وسیم خان کرکٹ کمیٹی کے سربراہ ہوں گے۔

    سابق کرکٹر کا کہنا تھا کہ ماضی کے ریکارڈ کو دیکھتے ہوئے مستقبل میں کرکٹ کے لیے میری خدمات حاضر ہوں گی۔

    مزید پڑھیں: ورلڈ کپ کے بعد سب کا احتساب ہوگا، پی سی بی گورننگ باڈی اجلاس میں فیصلہ

    یاد رہے کہ پی سی بی نے گزشتہ سال اکتوبر میں چار کمیٹی کرکٹ کمیٹی تشکیل دی تھی جس کا چیئرمین محسن حسن خان کو بنایا گیا تھا، کمیٹی کے دیگر ارکان میں وسیم اکرم، مصباح الحق اور ویمن ٹیم کی سابق کپتان عروج ممتاز شامل ہیں۔

    خیال رہے کہ گزشتہ روز پاکستان کرکٹ بورڈ نے قومی کرکٹ ٹیم کی تینوں فارمیٹ میں گزشتہ تین برس کی کارکردگی کا جائزہ لینے کا فیصلہ کیا تھا۔

    پاکستان کرکٹ بورڈ کے چیئرمین کے اختیارات ایم ڈی وسیم خان کو منتقل کردئیے گئے تھے جس کی منظوری لاہور میں ہونے والے اجلاس میں دی گئی۔

    کپتان کی تقرری، سلیکشن کمیٹی کی تعیناتی کا اختیار بھی ایم ڈی وسیم خان کے سپرد کردیا گیا، ٹیم انتظامیہ کی تعیناتی بھی اب وسیم خان کریں گے۔

  • ورلڈ کپ کے بعد سب کا احتساب ہوگا، پی سی بی گورننگ باڈی اجلاس میں فیصلہ

    ورلڈ کپ کے بعد سب کا احتساب ہوگا، پی سی بی گورننگ باڈی اجلاس میں فیصلہ

    لاہور: پی سی بی کے گورننگ باڈی اجلاس میں فیصلہ کیا گیا ہے کہ ورلڈ کپ کے بعد سب کا احتساب ہوگا۔

    تفصیلات کے مطابق پی سی بی کے گورننگ باڈی کا اجلاس لاہور میں ہوا جس میں فیصلہ کیا گیا کہ ورلڈ کپ کے بعد سب کا احتساب ہوگا، اجلاس میں کہا گیا کہ جیسا سوچا تھا اس کے برعکس ہوا، کھلاڑیوں کے علاوہ مینجمنٹ کی کارکردگی کا بھی جائزہ لیا جائے گا۔

    رپورٹ کے مطابق ورلڈ کپ کے بعد صرف کھلاڑی ہی نہیں، مینجمنٹ اور سلیکشن کمیٹی کی تین سالہ پرفارمنس کا جائزہ لیا جائے گا۔

    [bs-quote quote=”چیئرمین پی سی بی کے اختیارات ایم ڈی وسیم خان کو منتقل کردئیے گئے” style=”style-8″ align=”left”][/bs-quote]

    بھارت سے شکست پر بورڈ ممبران کا کہنا تھا کہ ٹیم سے جیسی پرفارمنس کی توقع تھی سب کچھ اس کے برعکس ہوا ہے۔

    پی سی بی ارکان نے میگا ایونٹ میں مایوس کن کارکردگی کے باوجود آئندہ میچز میں ٹیم سے اچھی پرفارمنس کی امید بھی ظاہر کی۔

    دوسری جانب پاکستان کرکٹ بورڈ کے چیئرمین کے اختیارات ایم ڈی وسیم خان کو منتقل کردئیے گئے جس کی منظوری لاہور میں ہونے والے اجلاس میں دی گئی۔

    کپتان کی تقرری، سلیکشن کمیٹی کی تعیناتی کا اختیار بھی ایم ڈی وسیم خان کے سپرد کردیا گیا، ٹیم انتظامیہ کی تعیناتی بھی اب وسیم خان کریں گے۔

    رپورٹ کے مطابق کھلاڑیوں کے سینٹرل کنٹریکٹ میں ردوبدل کا اختیار بھی ایم ڈی کو حاصل ہوگا، ڈومیسٹک کرکٹ افیئرز کو بھی ایم ڈی پی سی بی دیکھیں گے۔

  • پی ایس ایل 5 کے تمام میچز پاکستان میں ہوں گے، چیئرمین پی سی بی

    پی ایس ایل 5 کے تمام میچز پاکستان میں ہوں گے، چیئرمین پی سی بی

    لاہور: چیئرمین پی سی بی احسان مانی نے کہا ہے کہ پی ایس ایل کے تمام میچز پاکستان میں کھیلے جائیں گے، 4 وینیوز شارٹ لسٹ کرلیے ہیں۔

    تفصیلات کے مطابق چیئرمین پی سی بی احسان مانی نے میڈیا سے گفتگو کرتے ہوئے کہا کہ پاکستان سپر لیگ سیزن فائیو کے تمام میچز پاکستان میں ہوں گے، لاہور، کراچی، ملتان اور راولپنڈی شارٹ لسٹ ہیں۔

    [bs-quote quote=”بھارت پہل کرے گا تو اس سے سیریز کھیلیں گے” style=”style-8″ align=”left” author_name=”احسان مانی” author_job=”چیئرمین پی سی بی”][/bs-quote]

    انہوں نے کہا کہ رواں سیزن میں سری لنکا، بنگلہ دیش کی میزبانی کے لیے پرامید ہیں، کرکٹ آسٹریلیا اور ای سی بی کے سربراہان پاکستان آئیں گے، پرامید ہیں ایشیا کپ پاکستان میں ہی ہوگا۔

    احسان مانی نے کہا کہ ایشیا کپ بھارت کی طرح دبئی میں بھی کرانے کا آپشن موجود ہے، بھارت پہل کرے گا تو اس سے سیریز کھیلیں گے۔

    چیئرمین پی سی بی نے کہا کہ ڈومیسٹک کرکٹ اسٹرکچر کی سفارشات حکومت کو بھجوادی ہیں، سفارشات حکومت کی منظوری دیتے ہی فوری لاگو کی جائیں گی۔

    انہوں نے کہا کہ تمام اختیارات اپنے پاس رکھنے کے حق میں نہیں ہوں، 4 برسوں میں 210 ملازمین رکھے گئے جو حیران کن ہے، بورڈ کو پروفیشنل انداز میں چلانا چاہتا ہوں۔

    احسان مانی نے کہا کہ ایم ڈی وسیم خان پورے الاؤنسز سے دستبردار ہوئے ہیں، انگلینڈ دورے کے 6400 ڈالرز کی بجائے 1800 ڈالرز لیے، ورلڈ کپ کے بعد تین سال کی کارکردگی کا جائزہ لیں گے، تبدیلی برائے تبدیلی کے حق میں نہیں ہوں۔

  • فہمیدہ مرزا، احسان مانی ملاقات، کھیلوں میں سیاسی مداخلت کے خاتمے کا فیصلہ

    فہمیدہ مرزا، احسان مانی ملاقات، کھیلوں میں سیاسی مداخلت کے خاتمے کا فیصلہ

    اسلام آباد: چیئرمین پی سی بی احسان مانی کی ڈاکٹر فہمیدا مرزا سے ملاقات ہوئی، جس میں کھیلوں کے فروغ سے متعلق اب تک کئے گئے اقدامات پر تبادلہ خیال کیا.

    اس ملاقات میں وفاقی وزیرکو  پی سی بی کے آئین، انتظامی ڈھانچے میں متوقع تبدیلیوں پربریفنگ دی گئی.

    اس موقع پر پی سی بی چیئرمین احسان مانی نے کہا کہ کھیلوں کے فروغ کے لئے پروفیشنل ازم کو فروغ دینا ضروری ہے.

    ان کا کہنا تھا کہ کھیلوں میں سیاسی مداخلت کا خاتمہ کیا جائے گا، ڈومیسٹک کرکٹ کو فروغ دے کرصوبائی سطح پر 6 ٹیمیں بنانا چاہتے ہیں.

    پی سی بی چیئرمین نے کہا کہ صوبے اپنی سطح پرکھیل کے فروغ کے لئے کام کریں گے، ریجنز کا انحصار پی سی بی پر کم ہوگا.

    اس موقع پر وفاقی وزیر فہمیدہ مرزا نے کہا کہ ہم فیڈریشنز کے انتظامی اخراجات ادا کرنے کے متحمل نہیں، کھلاڑیوں پر سرمایہ کاری کرنے کی ضرورت ہے.

    مزید پڑھیں: ورلڈ کپ 2019: قومی ٹیم کی نئی کٹ کی رونمائی ہو گئی، ویڈیو جاری

    واضح رہے کہ ورلڈ کپ 2019 کے لیے پاکستانی ٹیم کی نئی کٹ کی رونمائی کر دی گئی، کٹ میں ہمیشہ کی طرح سبز رنگ نمایاں ہے، اس سلسلے میں ایک ویڈیو بھی جاری کی گئی ہے۔