Tag: احسن اقبال

اسلام آباد: سابق وزیر داخلہ احسن اقبال کے بھائی پر شہباز شریف کی نوازشات کی تفصیلات تیار کر لی گئیں، یہ تفصیلات وزیر اعظم کے خصوصی کمیشن کو بھجوائی جائیں گی۔

تفصیلات کے مطابق سابق وزیر اعلیٰ پنجاب شہباز شریف نے احسن اقبال کے بھائی پر کیا کیا نوازشات کیں، اس کی تفصیلات تیار کر لی گئیں، ذرایع کا کہنا ہے کہ دستاویزات وفاقی وزیر مراد سعید کی جانب سے کمیشن کو بھجوائی جائیں گی۔

دستاویزات کے مطابق شہباز شریف نے مصطفیٰ کو پہلے چیئرمین ٹاسک فورس برائے ہارٹی کلچر بنایا، سابق وزیر اعلیٰ نے اختیارات کاغلط استعمال کر کے میٹرو بس کا ٹھیکا بھی دلوایا۔

دستاویزات میں کہا گیا ہے کہ لبرٹی مارکیٹ پارکنگ سمیت متعدد بڑے منصوبوں کے ٹھیکے بھی دیے گئے، اس عمل میں پیپرا رولز کو یکسر اٹھا کر ردی کی ٹوکری میں ڈال دیا گیا، پنجاب یونی ورسٹی کا کنٹریکٹ بھی شہباز شریف کے کہنے پر دیا گیا۔

مزید تازہ خبریں پڑھیں:  پیراگون اسکینڈل: خواجہ برادران کے خلاف سماعت 16 جولائی تک ملتوی کردی

ریکارڈ کے مطابق احسن اقبال کے بھائی مصطفی کو خلاف ضابطہ پانچ کنٹریکٹ دیے گئے، تمام ٹھیکے دینے میں پیپرا رولز کی واضح خلاف ورزی کی گئی۔

وفاقی وزیر مراد سعید کا کہنا ہے کہ سیاسی ارسطو نے کرپشن اور اقربا پروری کی بہتی گنگا میں ہاتھ دھوئے، پاکستان میں نظام سیاست اور حکومت تیزی سے بدل رہے ہیں۔

مراد سعید نے کہا کہ جمہوریت کی آڑ میں قوم کو لوٹنے کی رسم مزید نہیں چلے گی، جس نے بھی قومی وسائل پر ہاتھ صاف کیے اسے جواب دینا ہوگا۔

اسلام آباد: مسلم لیگ ن کے رہنما احسن اقبال نے کہا ہے کہ بھارت سے کہتا ہوں ہمارا حکومت سے سیاسی، معاشی پالیسیوں پر شدید اختلاف ہے لیکن اس نے میلی نظر ڈالنے کی کوشش کی تو قوم سیسہ پلائی دیوار بن جائے گی۔

احسن اقبال قومی اسمبلی اجلاس میں اظہارِ خیال کر رہے تھے، انھوں نے کہا کہ حکومت کی پالیسیوں کا ہر سطح پر مقابلہ کریں گے اور راستہ بھی روکیں گے۔

[bs-quote quote=”بھارتی جاسوس کلبھوشن یادیو ن لیگ کے دور میں پکڑا گیا، جاسوس پکڑے جانے پر بھارت نے واویلا مچا کر آسمان سر پر اٹھایا۔” style=”style-8″ align=”left” author_name=”احسن اقبال”][/bs-quote]

سابق وزیرِ داخلہ احسن اقبال کا کہنا تھا کہ فنانس بل کو ٹی 20 نہیں بلکہ ٹی 5 فارمیٹ پر کھیلا جا رہا ہے، دو چار تقریروں میں فنانس بل پر بحث سمیٹنے پر اعتراض ہے، فنانس بل پر بحث مزید دو سے 3 دن تک جاری رہنی چاہیے۔

احسن اقبال نے اجلاس میں کہا کہ بھارتی جاسوس کلبھوشن یادیو ن لیگ کے دور میں پکڑا گیا، جاسوس پکڑے جانے پر بھارت نے واویلا مچا کر آسمان سر پر اٹھایا لیکن ن لیگ حکومت نے اسے نہیں چھوڑا۔

انھوں نے مزید کہا کہ مینار پاکستان کے سائے تلے واجپائی نے پاکستان کو تسلیم کیا، کہا گیا نواز شریف نے واجپائی سے دوستی کر لی ہے، مسئلہ کشمیر حل کرنے کے لیے اعلان لاہور پر نواز شریف نے دستخط کیے۔

یہ بھی پڑھیں:  کشمیر پر اقوام متحدہ کی قراردادوں پر دھول جم چکی ہے: بلاول بھٹو زرداری

احسن اقبال نے اظہارِ خیال کرتے ہوئے طنز کیا کہ پرائمری کا بچہ اگر کہے کہ قرضوں کا پتا نہیں تو کوئی بات نہیں۔ جس پر اسپیکر اسد قیصر نے فوراً کہا کہ لفظ پرائمری کا بچہ حذف کر رہا ہوں، یہ غیر پارلیمانی لفظ ہے، تاہم احسن اقبال نے کہا جناب اسپیکر ثابت کریں لفظ پرائمری کا بچہ غیر پارلیمانی ہے۔