ARYNews.tv | Urdu – Har Lamha Bakhabar

Tag: احسن اقبال

  • ڈیم کی تعمیر سے متعلق متنازع بیان: احسن اقبال کے خلاف توہین عدالت کی درخواست دائر

    ڈیم کی تعمیر سے متعلق متنازع بیان: احسن اقبال کے خلاف توہین عدالت کی درخواست دائر

    لاہور : سابق وفاقی وزیر داخلہ حسن اقبال کے خلاف توہین عدالت کی ایک اور درخواست دائر کر دی گئی، جس میں کہا گیا ہے کہ احسن اقبال نے سابق چیف جسٹس میاں ثاقب نثار سے اشتہارات کی مد میں خرچ ہونے والی رقم کی واپسی کا بیان دیا، جو توہین عدالت کے مترادف ہے۔

    تفصیلات کے مطابق لاہور ہائی کورٹ میں سابق وفاقی وزیر داخلہ حسن اقبال کے خلاف توہین عدالت کی درخواست دائر کر دی گئی، دائر درخواست میں مؤقف اختیار کیا گیا ہے کہ ہائی کورٹ سے معافی ملنے کے باوجود احسن اقبال کی عدلیہ مخالف بیان بازی کی روش پر قائم ہے، انھوں نے سپریم کورٹ کی جانب سے ڈیم کی تعمیر کے بارے میں متنازع بیان دیا ہے۔

    درخواست میں کہا گیا احسن اقبال نے سابق چیف جسٹس میاں ثاقب نثار سے اشتہارات کی مد میں خرچ ہونے والی رقم کی واپسی کا بیان دیا، جو توہین عدالت کے مترادف ہے۔

    درخواست گزار کا مؤقف ہے کہ ڈیم کی تعمیر کیلئے اشتہار چیف جسٹس پاکستان نے نہیں بلکہ سپریم کورٹ نے دیئے، تمام اشتہارات پیمرا رولز کے تحت مفاد عامہ میں مفت نشر کیے گئے۔ ڈیم فنڈز کے متعلق بلاجواز تنقید کی گئی۔

    دائر درخواست میں کہا گیا ڈیم فنڈز سے متعلق 13 ارب کے اشتہارات نہیں بلکہ پبلک سروس مسیج کے تحت چلائے گئے، عدلیہ مخالف بیان دینا سنگین جرم ہے اور توہین عدالت کے زمرے میں آتا ہے۔

    درخواست میں استدعا کی گئی کہ عدلیہ مخالف بیان بازی پر احسن اقبال کے خلاف توہین عدالت کی کارروائی کی جائے۔

  • مراد سعید نے احسن اقبال کی اربوں کی کرپشن بے نقاب کردی

    مراد سعید نے احسن اقبال کی اربوں کی کرپشن بے نقاب کردی

    اسلام آباد: وزیرمواصلات مراد سعید نے سابق وزیرمواصلات احسن اقبال کے خلاف این ایچ اے کے منصوبہ میں70 ارب روپے کی مبینہ کرپشن کے دستاویزی ثبوت سامنے لے آئے۔

    تفصیلات کے مطابق این ایچ اے کے منصوبہ میں غیرملکی کمپنی کی مدد سے ستر ارب روپے کی مبینہ کرپشن کی گئی ، معاہدے پر سابق وزیرمواصلات نے دستخط بھی کیے ، حالانکہ اس سے قبل وہ اس کو منظور کرنے سے انکار کرچکے تھے۔

    مراد سعید نے احسن اقبال اور مبینہ فرنٹ مین جاویدصادق سے متعلق اہم انکشافات کرتے ہوئے کہا احسن اقبال بتائیں ملتان سکھرموٹروے کی ڈیل کرانے  والا کون تھا۔ کیاجاوید صادق غیرملکی کمپنی کاایجنٹ اور آپ کافرنٹ مین نہیں تھا؟ کیا جاوید صادق احسن اقبال کو غیرملکی کمپنی میں نہیں لے کر گئے؟

    احسن اقبال بتائیں ملتان سکھرموٹروےکی ڈیل کرانےوالاکون تھا؟

    وزیرمواصلات نے مزید کہا جس معاہدے سےانکارکیاگیا، اس پراحسن اقبال کےدستخط کیوں؟ احسن اقبال نے معاہدے پر وزیر مواصلات بن کردستخط کیوں کیے؟ 259 ارب کا پی سی ون 300 ارب میں کیسے بدلاگیا؟ اور پی سی ون کی منظوری میں کابینہ اورلاڈیپارٹمنٹ کو کیوں لا علم رکھاگیا؟

    مرادسعید نے یہ بھی کہا کہ سابقہ حکومت کہتی ہے کہ یہ منصوبہ سی پیک کے لئے شروع کیا جانا تھا، جب ڈیل کی گئی اس وقت سی پیک منصوبہ شروع ہی نہیں ہوا تھا۔

    مزید پڑھیں :ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

     وزیرمواصلات مرادسعید نے میڈیا بریفنگ میں ملتان سکھرموٹروے منصوبے میں ن لیگ کی کرپش کو بے نقاب کرتے ہوئے کہا تھا کہ نوازشریف،احسن اقبال،جاویدصادق نےکمپنی سےمعاہدہ کیا، ن لیگ نے بڑے منصوبےکمیشن کےحصول کیلئےشروع کئے اور حکومت کی بدانتظامی کی وجہ سےمنصوبےکی لاگت بڑھی۔

    مراد سعید  نے کہا تھا کہ  ن لیگ حکومت نے ملتان سکھر موٹروے میں قومی خزانے کو کم از کم ساٹھ سے ستر ارب روپے کا نقصان پہنچایا، بڑے گھپلے کے ثبوت موجود ہیں، گھپلے کے مرکزی کردار احسن اقبال اور جاوید صادق ہیں، ن لیگ نے جاوید صادق کو فرنٹ مین کی حیثیت سے رکھا، پاکستان کے پیسے کو بے دردی سے  لوٹاگیا، نیب کے پاس جانے والے مقدمات کی تفصیلات جانناچاہتے ہیں۔

  • سیاسی ایوانوں کے مخالفین برف کی وادی میں شیر و شکر ہوگئے

    سیاسی ایوانوں کے مخالفین برف کی وادی میں شیر و شکر ہوگئے

    بھورپن: سیاسی ایوانوں کے مخالفین برف کی وادی میں پہنچ کر شیر و شکر ہو گئے، وفاقی وزیر پارلیمانی امور علی محمد خان اور احسن اقبال نے ایک ساتھ تصویر بنوائی۔

    تفصیلات کے مطابق پاکستان مسلم لیگ ن اور صاحب اقتدار پارٹی پاکستان تحریک انصاف کا ایک دوسرے سے ٹکراؤ کسی سے ڈھکا چھپا نہیں، تاہم اس کا یہ مطلب نہیں ہے کہ وہ ایک دوسرے کے ساتھ اچھا وقت نہیں گزار سکتے۔

    دونوں پارٹیوں کے رہنما حکومت اور اپوزیشن کے کھیل سے کچھ فرصت نکال کر بھوربن میں مسکراتے اور تصویر بنواتے نظر آئے۔

    وفاقی وزیر علی محمد خان نےسماجی رابطوں کی ویب سائٹ پر ٹویٹ کیا کہ سیاسی مخالفت اپنی جگہ لیکن ہم سب پاکستانی ہیں، یہی رشتہ ہم سب کو جوڑتا ہے۔

    تصویر میں دونوں سیاسی شخصیات ساتھ ساتھ کھڑے مسکرا رہی ہیں اور برف باری سے لطف اندوز ہو رہی ہیں، ان کے پاس ہی برف کا ایک مجسمہ بھی نظر آ رہا ہے۔

    پارلیمنٹ کے دونوں اراکین بھوربن کے ہل اسٹیشن پر پارلیمنٹ پر ہونے والی ایک کانفرنس میں شریک تھے۔

  • بجٹ میں مالی خسارہ کم نہیں کیا، نوید قمر، ریونیو کا ذکر نہیں، احسن اقبال

    بجٹ میں مالی خسارہ کم نہیں کیا، نوید قمر، ریونیو کا ذکر نہیں، احسن اقبال

    اسلام آباد : نون لیگ کے رہنما احسن اقبال نے کہا ہے کہ منی بجٹ تقریر کی کسی تجویز میں ریونیو کا ذکر نہیں، جبکہ پی پی کے نوید قمر نے کہا کہ بجٹ میں مالی خسارہ کم کرنے کے لئے کوئی اقدمات نہیں کیے گئے۔

    تفصیلات کے مطابق حکومت کی جانب سے منی بجٹ پیش کرنے پر اپوزیشن رہنماؤں نے اپنے خیالات کا اظہار کرتے ہوئے بجٹ کو مجموعی طور پر حکومت کی ناکامی قرار دیا ہے۔

    اس حوالے سے اے آر وائی نیوز سے گفتگو کرتے ہوئے نون لیگ کے رہنما احسن اقبال نے کہا کہ آج ملکی بجٹ اور پارلیمان کی تاریخ میں نیا ریکارڈ قائم کیا گیا ہے، موجودہ حکومت کو اقتصادی صورتحال کا ادراک نہیں، حکومت کی کسی تجویز میں ریونیو کا ذکر تک نہیں۔

    ہمیں اس بات کا ڈر ہے کہ حکومت جلد مزید منی بجٹ کے اقدامات کرے گی، احسن اقبال کا مزید کہنا تھا کہ اپنا گھر اسکیم کے لئے صرف 5ارب روپے مختص کئے گئے ہیں۔

    اپوزیشن قومی اسمبلی میں منی بجٹ پر اپنی رائے کا اظہار کرے گی، موجودہ حکومت نے گروتھ ریٹ کو تبادہ کردیا ہے، ڈالر کی قدر میں1روپے اضافے سے کھربوں روپے قرضہ چڑھ گیا۔

    دوسری جانب پیپلز پارٹی کے ممبر قومی اسمبلی نوید قمر نے کہا کہ ملک کے معاشی حالات درست نہیں ہیں، آمدنی اور اخراجات کا فرق سے افراط زر پیدا ہوتا ہے اور بجٹ کا مقصد اس فرق کو ختم کرنا ہوتا ہے لیکن بجٹ میں مالی خسارہ کم کرنے کے لئے حکومت کی جانب سے کوئی اقدمات نہیں گئے۔

    نوید قمر کا مزید کہنا تھا کہ ایسا لگتا ہے کہ حکومت کا اگلا قدم آئی ایم ایف کی طرف جانا ہوگا اگر ادھار پر معیشت چلانی ہے تو ماضی میں سابقہ حکومتوں پر تنقید کیوں ہوتی تھی۔

    انہوں نے کہا کہ اب حکومت قلیل مدتی قرضے لے رہی ہے، حکمرانوں کو عوام سے سچ بولنا چاہئے تھا، اپوزیشن چاہتی ہے کہ ملک میں استحکام رہے اورحکومت قائم رہے لیکن اگر حکومت اپنے بوجھ سے خود ہی گرجائے تو ہم کیا کرسکتے ہیں۔

  • نئے چیف جسٹس کی آبزرویشنز تازہ ہوا کا جھونکا ہیں، احسن اقبال کا ٹوئٹ

    نئے چیف جسٹس کی آبزرویشنز تازہ ہوا کا جھونکا ہیں، احسن اقبال کا ٹوئٹ

    اسلام آباد : مسلم لیگ ن کے رہنما احسن اقبال کا کہنا ہے کہ نئے چیف جسٹس کی آبزرویشنزتازہ ہوا کا جھونکا ہیں، مقدمات میں تاخیرکیخلاف ڈٰیم اور سول بالادستی کے کمنٹس خوش آئندہیں۔

    تفصیلات کے مطابق مسلم لیگ ن کے رہنما احسن اقبال نے سماجی رابطے کی ویہب سائٹ ٹوئٹر پر اپنے بیان میں کہا نئے چیف جسٹس کی آبزرویشنزتازہ ہوا کا جھونکا ہیں، عدلیہ کسی بھی معاشرے میں انصاف کی بنیاد ہوتی ہے، مقدمات میں تاخیر کیخلاف ڈٰیم اور سول بالادستی کے کمنٹس خوش آئند ہیں۔

    یاد رہے فل کورٹ ریفرنس سے خطاب میں جسٹس آصف سعید کھوسہ نے کہا تھا کہ زیر التوامقدمات کا قرض اتاروں گا، فوج اورحساس اداروں کاسویلین معاملات میں دخل نہیں ہوناچاہیئے، ملٹری کورٹس میں سویلین کاٹرائل ساری دنیا میں غلط سمجھا جاتاہے، کوشش کریں گےسول عدالتوں میں بھی جلد فیصلے ہوں۔

    مزید پڑھیں : جعلی مقدمات اور جھوٹےگواہوں کیخلاف ڈیم بناؤں گا ، جسٹس آصف سعید کھوسہ

    ان کا مزید کہنا تھا کہ عدلیہ نےکہاں دوسرے اداروں کے اختیارات میں مداخلت کی؟ مقننہ کاکام بھی صرف قانون سازی ہے ترقیاتی فنڈزدینانہیں، مقننہ کاکام ٹرانسفرپوسٹنگ بھی نہیں، فوج اورحساس اداروں کاسویلین معاملات میں دخل نہیں ہونا چاہیے، ہائی کورٹ کو اپنے اختیارات حدود کے اندر رہ کر استعمال کرنے چاہئیں۔

    جسٹس آصف سعید کھوسہ کا کہنا تھا کہ بطور چیف جسٹس انصاف کی فراہمی میں تعطل دور کرنے کی کوشش کروں گا، جعلی مقدمات اور جھوٹےگواہوں کیخلاف ڈیم بناؤں گا۔

    خیال رہے گذشتہ روز جسٹس آصف سعید خان کھوسہ نے ملک کے 26 ویں چیف جسٹس کے عہدے کا حلف اٹھایا تھا ، صدر مملکت ڈاکٹرعارف علوی نے جسٹس آصف سعید کھوسہ سے چیف جسٹس آف پاکستان کے عہدے کا حلف لیا۔

  • سکھر ایئرپورٹ پر سابق وزیر داخلہ کا وی آئی پی پروٹوکول

    سکھر ایئرپورٹ پر سابق وزیر داخلہ کا وی آئی پی پروٹوکول

    سکھر: سابق وزیر داخلہ احسن اقبال کو سکھر ایئرپورٹ پر وی آئی پی پروٹوکول دیا گیا، احسن اقبال نے آج صبح پی آئی اے کی پرواز 531 سے سکھر سے کراچی کا سفر کیا تھا۔

    تفصیلات کے مطابق سکھرپورٹ پر سابق وزیر داخلہ کو وی آئی پی پروٹوکول دیا گیا، احسن اقبال کو دوران پرواز کپتان کو دیا جانے والا کھانا فراہم کیا گیا، ان کو لینے کے لیے گاڑی رن وے پر طیارے کے قریب بھی آئی۔

    رپورٹ کے مطابق مسافروں کو کھانے میں سینڈوچ فراہم کیے گئے تاہم احسن اقبال کو کپتان کو دئیے جانے والا اسپیشل کیک دیا گیا۔

    نمائندہ اے آر وائی نیوز کے مطابق احسن اقبال کو لینے کے لیے گاڑی طیارے کے قریب رن وے پر آئی، سابق وزیر داخلہ کو ڈبل کیبن گاڑی میں ایئرپورٹ سے لے جایا گیا۔

    سابق وزیر داخلہ پی آئی اے کی پرواز 531 میں سکھر سے کراچی سفر کیا۔

    ن لیگ کے مرکزی رہنما گزشتہ روز سکھر پہنچے تھے جہاں سے وہ کشمور اور شکار پور گئے اور مختلف پروگرامز میں شرکت کی۔

    نمائندہ اے آر وائی نیوز کے مطابق میڈیا پر وی آئی پی پروٹوکول کی ویڈیو نشر ہونے کے بعد انتظامیہ حرکت میں آگئی ہے اور اس کی تحقیقات کے لیے کمیشن بنایا جائے گا۔

    پی آئی اے کا ردعمل

    ترجمان پی آئی اے کا کہنا ہے کہ تحقیقات میں کوئی غیر معمولی بات سامنے نہیں آئی اور نہ ہی احسن اقبال کو وی آئی پی پروٹوکول دیا گیا ہے، مسافروں کے لیے بس اور کوسٹرز دونوں استعمال کی جاتی ہیں۔

  • سابق وزیر احسن اقبال پر فائرنگ کرنے والے مجرم کو 27 سال قید کی سزا سنا دی گئی

    سابق وزیر احسن اقبال پر فائرنگ کرنے والے مجرم کو 27 سال قید کی سزا سنا دی گئی

    گوجرانوالہ: سابق وزیر اور مسلم لیگ ن کے رہنما احسن اقبال پر فائرنگ کرنے والے مجرم عابد حسین کو 27 سال قید کی سزا سنا دی گئی۔ مجرم کو ایک لاکھ 30 ہزار روپے جرمانے کی ادائیگی کا حکم بھی دیا گیا ہے۔

    تفصیلات کے مطابق گوجرانوالہ کی خصوصی عدالت نے احسن اقبال پر فائرنگ کے مقدمے کا فیصلہ سنا دیا۔ خصوصی عدالت نے مجرم عابد حسین کو 27 سال قید کی سزا دی ہے۔

    عدالت نے مجرم عابد کو احسن اقبال کو 60 ہزار روپے معاوضہ ادا کرنے کا حکم بھی دیا ہے۔

    مجرم کو غیر قانونی اسلحہ رکھنے اور استعمال کرنے پر 3 سال قید کی سزا کا حکم بھی شامل ہے جبکہ مجرم کو ایک لاکھ 30 ہزار روپے جرمانہ ادا کرنے کا حکم بھی دیا گیا ہے۔

    خیال رہے کہ سابق وزیر داخلہ احسن اقبال پر فائرنگ کا واقعہ رواں برس 6 مئی کو پیش آیا تھا۔ احسن اقبال نارووال میں کرسچن کمیونٹی کی کارنر میٹنگ سے خطاب کر کے نکلے تو مسلح شخص نے ان پر فائرنگ کردی۔

    واقعے میں گولی احسن اقبال کے سیدھے بازو کو چھوتی ہوئی پیٹ کے نچلے حصے میں لگی۔ انہیں فوری طور پر اسپتال منتقل کیا گیا جہاں بروقت علاج کر کے ان کی جان بچا لی گئی۔

    ان پر حملہ کرنے والے مجرم عابد نے اعتراف جرم کرتے ہوئے کہا تھا کہ احسن اقبال نے ختم نبوت کے حوالے سے بیانات دیے تھے جس پر رنج تھا، اس وجہ سے احسن اقبال پر حملہ کیا۔

    مجرم کے مطابق اس نے احسن اقبال پر حملہ مکمل منصوبہ بندی کے تحت کیا۔ عینی شاہدین کے مطابق ملزم دھوکہ دینے کے لیے میٹنگ کے دوران ن لیگ کے حق میں نعرے لگاتا رہا اور پھر اچانک حملہ کر دیا۔

  • عمران خان نوازشریف ہے نہ کابینہ میں آپ جیسے جعلی ارسطو ہیں

    عمران خان نوازشریف ہے نہ کابینہ میں آپ جیسے جعلی ارسطو ہیں

    اسلام آباد: وفاقی وزیراطلاعات ونشریات فواد چوہدری نے احسن اقبال کے ٹویٹ پرردعمل دیتے ہوئے کہا کہ آپ کوملک کی اتنی فکر ہوتی توآج ہم ان حالات میں نہ ہوتے۔

    تفصیلات کے مطابق وفاقی وزیراطلاعات نے سماجی رابطے کی ویب سائٹ ٹویٹرپراحسن اقبال کے ٹویٹ پرردعمل دیتے ہوئے کہا کہ عمران خان نوازشریف ہے نہ کابینہ میں آپ جیسے جعلی ارسطو ہیں۔

    فواد چوہدری نے کہا کہ ہم مودی سے خفیہ مذاکرات کریں گے نہ اسرائیل سے، آپ کوملک کی اتنی فکر ہوتی توآج ہم ان حالات میں نہ ہوتے۔

    وفاقی وزیراطلاعات ونشریات نے اپنے پیغام میں مزید کہا کہ آپ جعلی فکرنہ کریں، پاکستان محفوظ ہاتھوں میں ہے۔

    50 سے زیادہ لوگ جیل جائیں گے‘ فواد چوہدری

    یاد رہے کہ گزشتہ روز وزیراطلاعات فواد چوہدری کا کہنا تھا کہ 50 سے زیادہ لوگ جیل جائیں‌ گے، اب پیسے بچانے کے لیے سیاست ہورہی ہے۔

  • پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں، احسن اقبال

    پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں، احسن اقبال

    گوجرانوالہ: سابق وزیر داخلہ چوہدری احسن اقبال کا کہنا ہے کہ موجودہ حکومت کو سودن تک فری ہینڈ دینے کا فیصلہ کیا گیا ہے ،پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں۔

    تفصیلات کے مطابق انسداددہشت گردی کی خصوصی عدالت میں سابق وزیر داخلہ چوہدری احسن اقبال پر قاتلہ حملے کے کیس کی سماعت کی گئی، جس میں سابق وزیر داخلہ کے بیانات قلمبند کیے گئے۔

    عدالت کے باہر میڈیا سے گفتگو کرتے ہوئے سابق وزیر داخلہ چوہدری احسن اقبال نے کہا کہ موجودہ حکومت کو سودن تک فری ہینڈ دینے کا فیصلہ کیا گیا ہے ،پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں۔

    احسن اقبال کا کہنا تھا کہ تیس دنوں میں حکومت نے مہنگائی کا طوفان کھڑا کر دیا جس سے عوام کی مشکلات میں اضافہ ہو گیا ہے، عمران خان کے جتنے دوستوں کو کلیدی عہدوں پر لگایا گیا ہے اس کی مثال نہیں ملتی۔

    سی پیک کے حوالے سے گفتگو کرتے ہوئے سابق وفاقی وزیر نے کہا کہ پاکستان کی ترقی سی پیک منصوبے سے منسلک ہے اورکچھ لوگ اپنے مفادات کی خاطر سی پیک کو متنازعہ بنانا چاہتے ہیں۔

    ان کا کہنا تھاکہ سی پیک دو حکومتوں کا نہیں دو ریاستوں کا منصوبہ ہے اوراس کے منصوبے انتہائی شفافیت سے لگے ہیں جن پر بلاوجہ کے اعتراضات اٹھائے جا رہے ہیں۔

    چوہدری احسن اقبال نے کہا کہ میاں نواز شریف کی رہائی کوئی ڈیل نہیں ان کی سیاست کھولی کتا ب ہے وہ پاکستان کی عوام کی خاطر اپنی بیٹی سمیت جیل گئے ہائی کورٹ کی سماعت سے سب کو پتہ چل گیا کہ نیب کے پاس کوئی کیس نہیں ہے ہائی کورٹ متعدد دن پوچھتا رہا کہ کرپشن کے ثبوت لے کر آؤ لیکن نیب پیش کرنے سے قاصر رہا۔

    ن لیگی رہنما کا کہنا تھا کہ دیامیر بھاشا ڈیم پر ہماری حکومت نے کام شروع کیا ہماری حکومت نے دیامیر بھاشا ڈیم کے لیے 122ارب روپے سے زیادہ رقم کی ہم نے 14000ایکڑ سے ذیادہ زمین خریدی اور اس سال بھی ہم نے چوبیس ارب روپے نجٹ میں ڈیم کے لیے مختص کیے تھے، بغیر پاور سیکٹر کے دیا میر بھاشا ڈیم کی لاگت 850ارب روپے بنتی ہے جب تک یہ رقم جمع نہیں ہوتے ہم ایسے شروع نہیں کر سکتے۔

    وزیر اعظم آزاد کشمیر پر بھارتی فوج کی فائرنگ پر بات کرتے ہوئے سابق وفاقی وزیر نے کہا کہ وزیر اعظم آزاد کشمیر پر بھارتی فوج کی فائرنگ کی بھرپور مذمت کرتے ہیں بھارت اپنے تمام ریاسی جبر کے باوجود کشمیریوں کی آواز نہیں دبا سکا۔

    ان کا مزید کہنا تھا کہ بھارت پاکستان کی طرف میلی نگاہ اٹھائے گا تو اس کو بھرپور جواب ملے گا۔

  • بھارتی آرمی چیف کا بیان کشمیرمیں ناکامی پرجھنجلاہٹ کی نشانی ہے‘ احسن اقبال

    بھارتی آرمی چیف کا بیان کشمیرمیں ناکامی پرجھنجلاہٹ کی نشانی ہے‘ احسن اقبال

    اسلام آباد: سابق وزیرداخلہ احسن اقبال کا کہنا ہے کہ مقبوضہ کشمیرکے عوام کی آواز دبائی نہیں جا سکتی۔

    تفصیلات کے مطابق مسلم لیگ ن کے رہنما احسن اقبال کا کہنا ہے کہ بھارتی آرمی چیف کا بیان کشمیرمیں ناکامی پرجھنجلاہٹ کی نشانی ہے۔ انہوں نے کہا کہ مقبوضہ کشمیرکےعوام کی آواز دبائی نہیں جاسکتی۔

    احسن اقبال کا کہنا تھا کہ حکومت اوراپوزیشن مل کرہرخطرے کا مقابلہ کریں گے، پاکستانی ایک مضبوط اورخدارقوم ہیں۔

    پاکستان سے بدلہ لینے کا وقت آگیا: بھارتی آرمی چیف دھمکیوں‌ پر اتر آئے

    خیال رہے کہ گزشتہ روز بھارتی آرمی چیف کا کہنا تھا کہ پاکستان کو دھمکی دیتے ہوئے کہا تھا کہ پاکستان سے بدلہ لینے کا وقت آگیا ہے۔

    وپن راوت کا کہنا تھا کہ مذاکرات اور دہشت گردی ساتھ نہیں‌ چل سکتے، بدلہ لینے کا وقت آگیا ہے۔

    جنگ کے لیے تیار ہیں، لیکن امن کی طرف چلنا چاہتے ہیں: ڈی جی آئی ایس پی آر

    بعدازاں پاک فوج کے ترجمان میجر جنرل آصف غفورکا کہنا تھا کہ کسی نے ہمارے صبر کا امتحان لیا تو پاک فوج قوم کو مایوس نہیں کرے گی، پاکستان جنگ کے لیے تیار ہے۔