ARYNews.tv | Urdu – Har Lamha Bakhabar

Tag: احسن اقبال

  • بھارت کو اپنا طرزعمل بد لنا ہوگا، مستقبل جنگ سے نہیں، امن سے وابستہ ہے: احسن اقبال

    بھارت کو اپنا طرزعمل بد لنا ہوگا، مستقبل جنگ سے نہیں، امن سے وابستہ ہے: احسن اقبال

    شکر گڑھ: وزیر داخلہ احسن اقبال نے کہا ہے کہ خطے میں بدامنی پاکستان کے لئے ہی نہیں، بھارت کے لئے بھی خطرہ بن سکتی ہے، بھارت پاکستان کے ساتھ میچ کھیلنا چاہتا ہے تو ہم تیار ہیں۔

    ان خیالات کا اظہار وفاقی وزیر داخلہ احسن اقبال نے شکر گڑھ میں بھارتی فائرنگ سے زخمی ہونے والے افراد کی عیادت کے بعد میڈیا سے گفتگو کرتے ہوئے کیا.

    وزیر داخلہ کا کہنا تھا کہ بھارت کو اپنا طرزعمل بد لنا ہو گا، خطے کا مستقبل امن سے وابستہ ہے، البتہ اگر بھارت محاذآرائی چاہتا ہے، تو ہم بھی تیار ہیں.

    انھوں‌نے مزید کہا کہ مسئلہ کشمیر پر اب بھارت کو مذاکرات شروع  کرنے ہوں گے، خطے میں بدامنی خود بھارت کے لئے بھی خطرہ بن سکتی ہے۔

    وزیر داخلہ نے کہا کہ سیالکوٹ اور نارووال کی ورکنگ باؤنڈری پر حفاظتی بنکر تعمیر کئے جا رہے ہیں، تاکہ اس نوع کے واقعات پر قابو پایا جاسکے.

    یاد رہے کہ بھارت کی جانب سے سیزفائر کی خلاف ورزی معمول بن گئی ہے. آج رواں ہفتے مسلسل چوتھی بار بھارت نے ایل او سی پر بلا اشتعال فائرنگ کی، جس کے نتیجے میں خاتون سمیت دو افراد شہید ہوگے.

    ایل او سی پربھارتی فوج کی فائرنگ‘ 2 شہری شہید

    واقعے کے بعد بھارتی ڈپٹی کمشنرجے پی سنگھ کو دفتر خارجہ طلب کرکے ایل او سی پر بھارتی فوج کی فائرنگ اور شہریوں کی شہادت پر شدید احتجاج ریکارڈ کرایا گیا.

    وزیر داخلہ نے بھارتی فائرنگ سے زخمی ہونے والوں کی عیادت کے بعد میڈیا سے گفتگو کرتے ہوئے واضح کیا کہ بھارت کو اپنا طرز عمل بدلنا ہو گا اور کشمیر سمیت تمام ایشوز پر مذاکرات کی ٹیبل پر آنا ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان 30سال سے مہاجرین کو بغیر ڈالر مانگے پناہ دےرہاہے،احسن اقبال

    پاکستان 30سال سے مہاجرین کو بغیر ڈالر مانگے پناہ دےرہاہے،احسن اقبال

    اسلام آباد : وزیرداخلہ احسن اقبال کا کہنا ہے کہ خطےمیں امریکہ کو تو ٹرافی مل گئی مگر پاکستان کے حصے میں مہاجرین، منشیات اورکلاشنکوف کلچر آیا، پاکستان 30سال سے مہاجرین کوبغیرڈالرمانگے پناہ دی۔

    تفصیلات کے مطابق اسلام آباد میں پیغام پاکستان کی رونمائی کی تقریب سے خطاب کرتے ہوئے وزیرداخلہ احسن اقبال نے کہا کہ مستقبل کیلئے اپنی سمت کو درست کرنا ہوگا، معاشرے میں امن و استحکام کو قائم کرنا ہوگا، امن و استحکام کے بغیر معاشرے کو آگے نہیں بڑھایا جاسکتا، خوداحتسابی پر توجہ دے کر خودکو چوکس کرنا ہوگا مستقبل کے لیے سمت درست کرنا ہے تو معاشرے امن رائج کرنا ضروری ہے۔

    احسن اقبال کا کہنا تھا کہ دہشتگردی کیخلاف جانیں دینے والے خراج تحسین کےمستحق ہیں، متفقہ بیانیہ مرتب کرانےمیں تمام فریقین کےمشکورہیں،پیغام پاکستان ملک کے کونے کونے تک پہنچانے کی ضرورت ہے۔

    وزیرداخلہ نے کہا کہ آج ہم ایک بڑی تبدیلی سےگزرہےہیں، درپیش موجودہ حالات ہمارے اپنے پیدا کردہ ہیں، جب بیانیہ منتشر ہوتا ہے تو تنازعات جنم لیتے ہیں، خطے میں کئی عشروں سے تنازعات کو بھگت رہے ہیں، یہ تنازعات ہمارے پیدا کردہ نہیں ہیں۔

    مزید پڑھیں : دھرنےاورتحریکوں کا نہیں‘ آگےبڑھنےاورترقی کرنےکاوقت ہے‘ احسن اقبال

    امریکی الزامات کے حوالے سے انکا کہنا تھا کہ افغانستان میں ناکامی کے بعد امریکاخطے میں مسائل چھوڑ گیا، پاکستان میں 35لاکھ افغان مہاجرین اور کلا شنکوف کلچر آیا، پاکستان 30سال سے مہاجرین کو بغیر ڈالر مانگے پناہ دےرہاہے، مہاجرین کوپناہ دینےکےباوجودپاکستان پرالزامات لگائے جاتے ہیں۔

    احسن اقبال نے کہا کہ ہم ان الزامات کے مستحق نہیں ، کسی کی کوتاہیوں پرتنقیدکےبجائےخوداحتسابی پرتوجہ دینا ہوگی، پیغام پاکستان کےذریعےملک کےمستقبل کونئی راہ دکھاسکتے ہیں،پاکستان کابیانیہ ملک کے چپے چپے میں پہنچایا جائے گا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دھرنےاورتحریکوں کا نہیں‘ آگےبڑھنےاورترقی کرنےکاوقت ہے‘ احسن اقبال

    دھرنےاورتحریکوں کا نہیں‘ آگےبڑھنےاورترقی کرنےکاوقت ہے‘ احسن اقبال

    مسقط: وزیرداخلہ احسن اقبال کا کہنا ہے کہ پاکستان کی معیشت دنیا میں تیزترین ابھرتی معیشتوں میں شمار ہونے لگی ہے، دھرنے اورتحریکوں کا نہیں‘ آگے بڑھنے اورترقی کرنے کا وقت ہے۔

    تفصیلات کے مطابق عمان کے دارالحکومت مسقط میں پاکستان برادری سے خطاب کرتے ہوئے احسن اقبال کا کہنا ہے کہ بیرون ملک مقیم پاکستانی ہمارا سرمایہ افتخار ہیں۔

    احسن اقبال کا کہنا ہے کہ ملک کے اندر یہ وقت دھرنوں اور تحریکوں کا نہیں ہے، انہوں نے کہا کہ ہمارے دشمن ملک میں انتشار پیدا کرکے ہماری ترقی کو روکنا چاہتے ہیں۔

    وزیرداخلہ نے کہا کہ ہمیں ترقی کی رفتار کو برقرار رکھنا ہے یہ وقت انتشار کی سیاست کا نہیں ہے، دشمن ہماری ترقی کو انتشار پیدا کرکے روکنا چاہتے ہیں۔

    انہوں نے 2018 کے انتخابات کے حوالے سے خدشات کو رد کرتے ہوئے کہا کہ الیکشن اپنے مقررہ وقت پر ہی ہوں گے۔

    احسن اقبال نے سی پاک چین اقتصادی راہداری کے منصوبے کے حوالے سے کہا کہ سی پیک ہمارا مستقبل ہے جو نہ صرف پاکستان بلکہ پورے خطے کے لیے گیم چینجر ثابت ہوگا۔

    وزیرداخلہ نے کہا پاکستان کا مستقبل روشن اور تابناک ہے اور ملک میں اربوں ڈالر کے ترقیاتی منصوبے جاری ہیں۔

    احسن اقبال نے کہا کہ بیرون ملک مقیم پاکستانی ہمارا سرمایہ ہیں جو ملکی ترقی میں اپنا کردار ادا کررہے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جس نے کبھی کوئی یوسی نہ چلائی ہو، وہ ملک کیسے چلاسکتا ہے: احسن اقبال

    جس نے کبھی کوئی یوسی نہ چلائی ہو، وہ ملک کیسے چلاسکتا ہے: احسن اقبال

    نارووال: وزیر داخلہ احسن اقبال کا کہنا ہے کہ جس نے کبھی کوئی یوسی نہیں چلائی، وہ بھلا ملک کیسے چلاسکتاہے، عوام کو منزل پر وہی پہنچاسکتا ہے، جو تجربہ کار ہوگا۔

    ان خیالات کا اظہار وزیر داخلہ نے نارووال میں طلبا سے خطاب کرتے ہوئے کیا۔

    احسن اقبال نے پی ٹی آئی رہنما عمران خان پر کڑی تنقید کرتے ہوئے کہا کہ ان سے زیادہ انتطامی تجربہ بلدیہ کے چیئرمین کو ہوتا ہے، انھوں‌ نے کبھی یوسی نہیں‌ چلائی، عمران خان میں‌ تجربے کا فقدان ہے۔

    یہ بھی پڑھیں: ٹرمپ کے آلہ کار ملک میں عدم استحکام پھیلا رہے ہیں، احسن اقبال

    مسلم لیگ ن کے مرکزی رہنما کا کہنا تھا کہ بیس کروڑ عوام کی قسمت کی چابی کسی ناتجربے کار شخص کے ہاتھ میں کیسے دے سکتے ہیں، ووٹ عوام کی امانت ہے، اسے سوچ سمجھ کر استعمال کیا جائے، ناتجربے افراد کو اپنی قسمت کی چابی مت دیں۔

    احسن اقبال نے نارووال میں‌ نئے پاسپورٹ اورنادراآفس کا سنگ بنیاد بھی رکھا۔

    اس موقع پر ان کا کہنا تھا کہ ملک میں مذہب کے نام پرخانہ جنگی کرانے کی کوشش کی گئی، بیرونی طاقتیں ہمیں للکاررہی ہیں،طاہرالقادری خیال رکھیں، کہیں عمران خان انھیں استعمال نہ کرلیں۔

    انھوں نے مزید کہا کہ ہمارے دشمن بلوچستان کو نشانہ بنارہےہیں، جمہوری عمل کےاندر رخنے ڈالے گئے تو دنیا ہم پر ہنسے گی، اب اگر کوئی اس سازش کا آلہ کاربنا تو نظام نہیں چلے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ضروری نہیں ہر کوئی سیاست کے لیے سعودی عرب جائے: وزیر داخلہ

    ضروری نہیں ہر کوئی سیاست کے لیے سعودی عرب جائے: وزیر داخلہ

    اسلام آباد: وزیر داخلہ احسن اقبال کا کہنا ہے کہ سعودی عرب ہر کوئی جاتا ہے۔ ضروری نہیں ہر کوئی سیاست کے لیے سعودی عرب جائے۔

    تفصیلات کے مطابق وزیر داخلہ احسن اقبال کا کہنا ہے کہ پاکستان سے فرار عناصر دوبارہ داخل ہونے کی کوشش کر رہے ہیں۔ وہ عناصر پاکستان میں داخل ہو کر خوف پیدا کرنا چاہتے ہیں۔ دہشت گردی کی کمر توڑ دی ہے۔

    انہوں نے کہا کہ سیکیورٹی اداروں میں ایک جذبہ بیدار ہوچکا ہے۔ سیکیورٹی ادارے جانتے ہیں دشمن سے کیسے نمٹنا ہے۔

    بھارتی جاسوس کلبھوشن یادیو کے بارے ان کا کہنا تھا کہ وہ اقرار کرچکا ہے کہ پاکستان کو غیر مستحکم کرنا چاہتے ہیں۔ سیاسی جماعتوں سے درخواست ہے ملک میں انتشار پیدا نہ کریں۔ انتشار کی سیاست کرنے سے دشمن کو فائدہ ہوگا۔ ’یہ وقت ٹانگیں کھینچنے کا نہیں، ایک دوسرے کا بازو پکڑنے کا ہے‘۔

    احسن اقبال کا کہنا تھا کہ کوئٹہ سیف سٹی منصوبہ جلد مکمل کرنے کی ہدایت کی ہے۔

    شریف خاندان کے سعودی عرب جانے کے حوالے سے انہوں نے کہا کہ سعودی عرب ہر کوئی جاتا ہے۔ ’میں بھی گیا تھا، ضروری نہیں ہر کوئی سیاست کے لیے سعودی عرب جائے‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تبدیلی کنٹینرسے نہیں کام اورتجربے سے آتی ہے، احسن اقبال

    تبدیلی کنٹینرسے نہیں کام اورتجربے سے آتی ہے، احسن اقبال

    نارووال : وفاقی وزیر داخلہ احسن اقبال نے کہا ہے کہ ہم کسی اناڑی کو پاکستان نہیں دیں گے، تبدیلی کنٹینرز پر کھڑے ہوکر نہیں کام اور تجربے سے آتی ہے، سیاستدان طاہرالقادری کو قربانی کا بکرا بنانا چاہتے ہیں۔

    ان خیالات کااظہار انہوں نے نارووال میں میڈیا سے گفتگو کرتے ہوئے کیا، انہوں نے کہا کہ ملک میں تبدیلی کنٹینرز پر کھڑے ہوکر نہیں بلکہ کام اور تجربے سے آتی ہے، کامیاب قومیں دھرنوں اور لانگ مارچ سے نہیں بنتیں، آج کاپاکستان دہشت گردی اور لوڈشیڈنگ سے پاک ہے۔

    ان کا کہنا تھا کہ پاکستان میں امن بحال ہورہاہے، معیشت ترقی کررہی ہے، آج پاکستان کو یکجہتی اوراستحکام کی ضرورت ہے، دنیا کو2013میں مدت پوری کرکے بتادیا تھا کہ ہم مستحکم ہوچکے ہیں۔

    احسن اقبال نے پی اے ٹی کے سربراہ کو مخاطب کرتے ہوئے کہا کہ طاہرالقادری صاحب یہ سارے لوگ آپ کو قربانی کا بکرا بنانا چاہتے ہیں، خود تو الیکشن کی تیاریاں کررہے ہیں اور آپ کو دھرنے کے چکر میں ڈال دیا۔

    ان کا کہنا تھا کہ تھر میں400سال کے کوئلے کے دخائر موجود ہیں، تھرمیں 5ارب روپے کی لاگت سے ترقیاتی کام ہورہے ہیں۔

    وفاقی وزیر داخلہ نے تمام سیاسی رہنماؤں سے اپیل کی کہ آئیں لڑیں خوب لڑیں، دہشت گردی، غربت، پسماندگی سے لڑیں، بےیقینی پھیلائی گئی تو سمجھیں ہم خود اس ملک کا نقصان کرینگے۔

    احسن اقبال کا مزید کہنا تھا کہ سینیٹ الیکشن نہ ہونے کی وجہ پی ٹی آئی ارکان کا جواب دینا ہے، سینیٹ الیکشن میں پی ٹی آئی عمران خان کو ووٹ نہیں دیگی کیونکہ پی ٹی آئی والے سینیٹ الیکشن سے بھاگ رہے ہیں، اگر آپ میں دم ہے توالیکشن میں آئیں۔

  • ہمیں ٹانگیں کھینچنے کی سیاست کو ترک کرنا چاہیے،احسن اقبال

    ہمیں ٹانگیں کھینچنے کی سیاست کو ترک کرنا چاہیے،احسن اقبال

    اسلام آباد : وزیر داخلہ احسن اقبال کا کہنا ہے ہمیں ترقی کی راہ میں مقابلہ کرنا ہے دھرنوں کا مقابلہ نہیں کرنا، اپوزیشن جماعتیں دھرنوں کی سیاست چھوڑیں ،تعاون کی سیاست کریں، ہمیں ٹانگیں کھینچنے کی سیاست کو ترک کرنا چاہیے۔

    تفصیلات کے مطابق وزیر داخلہ احسن اقبال نے ایک تقریب سے خطاب کرتے ہوئے کہا کہ حکومت میں آئے تو نوازشریف نےترقی کا وژن دیا، تھرکول منصوبے کو ترقیاتی وژن میں شامل کیا، کوئلہ سعودی تیل کے ذخائر سے زیادہ توانائی دےگا۔

    احسن اقبال کا کہنا تھا کہ منصوبے سے تھرمیں ترقی اورخوشحالی آئےگی اور سیاحت کوفروغ ملےگا، جوکام 66سال میں نہ ہوا ہم نے2سال میں کردیا۔

    وزیر داخلہ نے کہا کہ خطے کے کسی اور ملک میں دھرنے نہیں ہوتے، ہمارا مقابلہ بھارت اور اس خطے کی دیگر معیشتوں سے ہے، ہمیں یہاں دھرنوں کا مقابلہ نہیں کرناہے، خواتین ملک کی ترقی میں کسی سے پیچھے نہیں۔

    مزید پڑھیں :  پاکستان کے معاشی استحکام کو پوری دنیا میں سراہا جارہاہے، احسن اقبال

    انکا مزید کہنا تھا کہ تھرکول سستی ترین بجلی پیدا کرنے کا ذریعہ بن جائے گا، 140میٹر پر کوئلے کی پیدوارشروع ہوجائے گی، آج تھر میں کام تیزی سے مکمل ہورہا ہے، میٹر کے قریب مائنز کی کھدائی ہوچکی ہے۔

    احسن اقبال نے کہا کہ تھرکول منصوبہ ثابت کرتا ہے ملکر کام کریں تو کامیاب ہونگے، تھر کول منصوبے کو سی پیک میں شامل کرنے کا فیصلہ کیا۔

    وزیر داخلہ کا کہنا تھا کہ ہمیں ٹانگیں کھینچنے کی سیاست کو ترک کرنا چاہیے، مخالفین دھرنا سیاست چھوڑ کر ملکی ترقی میں ہمارے ساتھ چلیں ، دھرنوں کی سیاست چھوڑیں، ملکی ترقی کیلئےتعاون کی سیاست کریں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیر داخلہ کی بڑی توند والے پولیس اہلکاروں کو ایک ماہ کی مہلت

    وزیر داخلہ کی بڑی توند والے پولیس اہلکاروں کو ایک ماہ کی مہلت

    اسلام آباد: وزیر داخلہ احسن اقبال نے بڑی توند والے پولیس اہلکاروں کو ایک ماہ کی مہلت دیتے ہوئے کہا کہ پولیس کو اسمارٹ اور چاق و چوبند ہوناچاہیئے۔ 20 کروڑ عوام کے لیے 8 لاکھ پولیس اہلکار کافی نہیں۔

    تفصیلات کے مطابق وزیر داخلہ احسن اقبال نے وفاقی دارالحکومت میں پولیس دربار سے خطاب کیا۔

    خطاب میں ان کا کہنا تھا کہ وزیر داخلہ کی ذمہ داریاں چیلنج سمجھ کر قبول کیں۔ پولیس کا کردار کسی بھی معاشرے میں اہم ہوتا ہے۔ جب تک معاشرے میں امن نہ ہو تو رزق کی فراوانی نہیں ہوتی۔

    انہوں نے کہا کہ پولیس کی اصلاح کے لیے 70 سال سے باتیں ہو رہی ہیں۔ عید کے دن بھی تھانوں اور سڑکوں پر پولیس موجود ہوتی ہے۔ پولیس کا فرض اور کام معاشرے کے لیے اہمیت کا حامل ہے۔

    انہوں نے کہا کہ پولیس کی خدمات اور قربانیوں پر ہمیں فخر ہے۔ ساتھ ہی ان کا کہنا تھا کہ میڈیا سیکیورٹی آپریشنز کی لائیو کوریج سے اجتناب کرے۔ ’میڈیا اور پولیس مل کر ضابطہ اخلاق بنائیں، پولیس کو غلامی کے بجائے عوامی خدمت کے سانچے میں ڈھالنا ہے‘۔

    بعد ازاں وزیر داخلہ نے بڑی توند والے پولیس اہلکاروں کو سخت وارننگ دے ڈالی۔ انہوں نے کہا کہ 28 انچ سے زائد توند کے انسپکٹرز کو ایک ماہ کا وقت دیا جاتا ہے۔ ’پولیس والے ایک ماہ میں اپنی توند کم کریں۔ پولیس کو جسمانی طور پر اسمارٹ اور چاق و چوبند ہونا چاہیئے‘۔

    انہوں نے مزید کہا کہ پولیس طاقتور کےخلاف اور مظلوم کا ساتھ دے، ’یہاں تشدد پہلے کیا جاتا ہے، مسئلہ بعد میں بتایا جاتا ہے‘۔

    وزیر داخلہ کا کہنا تھا کہ وفاقی پولیس میں ہر صوبے کے اہلکار ہیں جو قومی اتحاد کا مظہر ہے۔ 20 کروڑ عوام کی حفاظت کے لیے 8 لاکھ پولیس کافی نہیں۔ ’کمیونٹی پولیس کے بغیر دہشت گردی کا خاتمہ ممکن نہیں، پولیس جب عوام کا اعتماد حاصل کرے گی تو کمیونٹی پولیسنگ کامیاب ہوگی‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسحاق ڈار نے ملک کی معیشت کو پاؤں پر کھڑا کیا،احسن اقبال

    اسحاق ڈار نے ملک کی معیشت کو پاؤں پر کھڑا کیا،احسن اقبال

    اسلام آباد : وفاقی وزیرداخلہ احسن اقبال کا کہنا ہے کہ پاکستان کے معاشی استحکام کو پوری دنیا میں سراہا جارہاہے، ن لیگ مخالف سیاست ہور ہی ہے، نیلے پیلے اتحاد بن رہے ہیں، اسحاق ڈار نے ملک کی معیشت کو پاؤں پر کھڑا کیا۔

    تفصیلات کے مطابق پاکستان سوسائٹی آف ڈیولپمنٹ اکنامسٹ کی سالانہ کانفرنس میں وزیرداخلہ احسن اقبال نے تقریب سے خطاب کرتے ہوئے کہا کہ ایک وقت تھاپاکستان نےمعاشی استحکام کیلئےکوریاکی مددکی تھی، معاشی سفرمیں ملائیشیا اور کوریا پاکستان سے آگے نکل گئے ہیں۔

    احسن اقبال کا کہنا تھا کہ پالیسیوں کےتسلسل سے ممالک ترقی کررہےہیں، 60 کی دہائی میں پاکستان نے بہت ترقی کی، 1990 میں پاکستان نے سب سے پہلے معاشی اصلاحات متعارف کرائیں جبکہ 90 کی دہائی میں بدقسمتی سے ہر2سال بعد حکومتوں کو گرایا گیا۔

    وفاقی وزیرداخلہ نے کہا کہ ہماری پالیسیوں کوبھارت نےاپناکرایک سال بعد ترقی کاسفرطے کیا، پالیسیوں میں تسلسل سے بنگلادیش ، بھارت کی معیشت بہتر ہوگئی، پائیدارترقی کےلئےمعاشی استحکام اور پالیسیوں میں تسلسل ضروری ہے۔

    تقریب سے خطاب میں انکا کہنا تھا کہ چین میں 1949سےپالیسیوں کاتسلسل قائم برقرار ہے، ترقی کرنے والے ممالک میں حکومتیں اپنی مدت پوری کرتی ہیں، ملائیشیا اورترکی کے حکمرانوں کوملک کی ترقی کےلئے22 سال ملے۔

    احسن اقبال نے مزید کہا کہ پاکستان میں کوئی بھی شخص قانون سےبالاترنہیں، کراچی کے امن کو کسی کو خراب نہیں کرنے دیں گے۔

    مزید پڑھیں : سی پیک کو دیکھ کر پتہ لگتا ہے کون ہمارے ساتھ مخلص ہے، احسن اقبال

    وفاقی وزیرداخلہ کا کہنا تھا کہ پاکستان کےمعاشی استحکام کوپوری دنیا میں سراہا جارہاہے، ہماری درآمدات کارجحان مثبت ہے،اسحاق ڈار نے ملک کی معیشت کو پاؤں پر کھڑا کیا، ن لیگ مخالف سیاست ہور ہی ہے، نیلے پیلے اتحادبن رہے ہیں۔

    گذشتہ روز کراچی میں سی پیک سے متعلق کانفرنس سے خطاب کرتے ہوئے وفاقی وزیر داخلہ احسن اقبال کا کہنا تھا  کہ مشکل وقت میں بہترین دوست کاپتہ چلتاہے، دنیا نے کہنا شروع کردیا تھا پاکستان پتھر کے دور میں واپس جارہا ہے، پاکستان رواں سال 6 فیصد گروتھ ریٹ حاصل کرلے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سی پیک کو دیکھ کر پتہ لگتا ہے کون ہمارے ساتھ مخلص ہے، احسن اقبال

    سی پیک کو دیکھ کر پتہ لگتا ہے کون ہمارے ساتھ مخلص ہے، احسن اقبال

    کراچی : وفاقی وزیر داخلہ احسن اقبال کا کہنا ہے چین کے ساتھ سی پیک منصوبہ ایک عالمی ریکارڈ ہے سی پیک کو دیکھ کر پتہ لگتا ہے کون ہمارے ساتھ مخلص ہے۔

    تفصیلات کے مطابق کراچی میں سی پیک سے متعلق کانفرنس سے خطاب کرتے ہوئے وفاقی وزیر داخلہ احسن اقبال کا کہنا ہے کہ مشکل وقت میں بہترین دوست کاپتہ چلتاہے، دنیا نے کہنا شروع کردیا تھا پاکستان پتھر کے دور میں واپس جارہا ہے، پاکستان رواں سال 6 فیصد گروتھ ریٹ حاصل کرلے گا۔

    احسن اقبال نے کہا کہ معاشی ترقی میں پاکستان آنےوالےدورمیں اہم کرداراداکریگا، دنیاکی 52 فیصدتجارت یہاں سےہوتی ہے، سی پیک کا حصہ ہونے سے پاکستان بھرپورفائدہ اٹھا سکتا ہے۔

    وفاقی وزیر داخلہ کا کہنا تھا کہ پاکستان مستقبل میں ٹریڈ کامرس اینڈاکنامکس کا حب بن سکتا ہے، چین کے ساتھ سی پیک منصوبہ عالمی ریکارڈ ہے، سی پیک کی وجہ سےہمیں کاروبار کےبہت سےمواقع ملیں گے، سی پیک کو دیکھ پر پتہ چلتا ہے کون ہمارے ساتھ مخلص ہے۔

    مزید پڑھیں :  اقتصادی ترقی کےلیےانسانی وسائل پرتوجہ دینا ہوگی‘ احسن اقبال

    انھوں نے کہا کہ آج ہم پاکستان کےمختلف حالات دیکھ رہے ہیں ، دنیا تیزی سےترقی کر رہی ہمیں بھی ساتھ چلنے کی ضرورت ہے، چین اپنی صنعتوں کومنتقل کررہاہے25ملین نوکریاں ملیں گی، پاکستانی تاجروں کوچین کیساتھ مشترکہ منصوبوں پرغورکرناہوگا، سی پیک کے دوسرے مرحلے میں پاکستانی حقیقی صنعتی ملک بنے گا۔

    احسن اقبال کا کہنا تھا کہ 2030تک وسطی ایشیاکو بھی سی پیک میں شامل کیا جائیگا، امریکااوریورپ کی ذمہ داری ہے، پاکستان سے مل کر کام کریں، پاکستان نے 35لاکھ افغان شہریوں کا بوجھ برداشت کیاہواہے، فائیوجی ٹیکنالوجی جب بھی متعارف ہوئی دوسراملک پاکستان ہوگا۔

    وفاقی وزیر داخلہ نے کہا کہ کراچی کے کھیل کےمیدان آبادہورہےہیں، یہ2013 کا پاکستان نہیں2018کاہے، ترقی کےدشمن پاکستان میں سیاسی عدم استحکام چاہتےہیں۔

    کراچی کی صورتحال کے حوالے سے انھوں نے کہا کہ بجلی بحران اوردہشتگردی کی کمرتوڑدی گئی ہے، کراچی میں بھتہ خوری اور ٹارگٹ کلنگ ختم کر دی گئی ہے،کراچی میں جرائم کےخاتمےکیلئےبھرپورکوششیں جاری ہیں، جرائم میں حصہ لینےوالوں کیخلاف قانون کےمطابق کارروائی ہوگی۔

    وفاقی وزیر داخلہ کا کہنا تھا کہ کوئی بھی حکومت ملک میں مفت بجلی نہیں دے سکتی، جس علاقےمیں بجلی چوری ہوتی ہےوہاں لوڈشیڈنگ ہوتی ہے، کےالیکٹرک بجلی چوری روکنےکیلئےمزیداقدامات کرے۔

    مزید پڑھیں:  2025تک پاکستان دنیاکی20بڑی معیشتوں میں شامل ہوگا، احسن اقبال

    ایم کیو ایم پاکستان سے متعلق احسن اقبال نے کہا کہ ایم کیوایم پاکستان جمہوری جماعت ہے پابندی نہیں عائد کی جاسکتی،ایم کیوایم لندن کیخلاف ثبوت ہیں کارروائی کررہےہیں ، اسحاق ڈار سے سیاسی انتقام لیاجارہاہے۔

    انکا مزید کہا کہ کراچی میں5فیصدبلاکس کی تصدیق نہ کرانے کا الزام درست نہیں، فاٹا اصلاحات کا کریڈٹ بھی وفاقی حکومت کوجاتا ہے، جب حقوق دینے جارہے ہیں تو کچھ لوگ کریڈٹ لینے جارہے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔