ARYNews.tv | Urdu – Har Lamha Bakhabar

Tag: احسن اقبال

  • فیض حمید نے تحریک لبیک پاکستان کے رہنماؤں سے مذاکرات کیے، احسن اقبال

    فیض حمید نے تحریک لبیک پاکستان کے رہنماؤں سے مذاکرات کیے، احسن اقبال

    اسلام آباد : سابق وزیر داخلہ احسن اقبال نے فیض آباد دھرنا کمیشن کو بیان میں کہا کہ تحریک لبیک پاکستان کے ساتھ طے شدہ معاہدے میں وزیر قانون کے استعفے پر اتفاق کیا گیا تھا۔

    تفصیلات کے مطابق سابق وزیر داخلہ احسن اقبال کی جانب سے فیض آباد دھرنا کمیشن کو دیا گیا بیان سامنے آگیا ، احسن اقبال نے اپنے بیان میں کہا کہ فیض حمید نے تحریک لبیک پاکستان کے رہنماؤں سے مذاکرات کیے اور مذاکرات کے بعد طے شدہ معاہدے کامتن لیکر آئے۔

    سابق وزیر کا کہنا تھا کہ طے شدہ معاہدے کے متن میں وزیر قانون کے استعفے پر اتفاق کیا گیاتھا معاہدے کے متن پر فیض حمید کا نام بھی درج تھا۔

    انھوں نے بتایا کہ فیض حمید نے معاہدے کا متن وزیراعظم سے شئیر کیا تاہم وزیراعظم نے معاہدے میں وزیر کے استعفے ،فوجی افسر کے نام کی مخالفت کی، جس پر بتایا گیا کہ معاہدہ ہو چکا ہے اب پیچھے نہیں ہٹا جا سکتا۔

    مزید پڑھیں : فیض آباد دھرنا : انکوائری کمیشن نے فیض حمید کو کلین چٹ دے دی

    یاد رہے فیض آباد دھرنا انکوائری کمیشن کی رپورٹ میں سابق ڈی جی آئی ایس آئی فیض حمید کو کلین چٹ دے دی گئی تھی۔

    رپورٹ کے مطابق فیض حمید نے بطور میجر جنرل ڈی جی (سی) آئی ایس آئی معاہدے پر دستخط کرنا تھے، اس وقت کے ڈی جی آئی ایس آئی اور آرمی چیف نے فیض حمید کو معاہدے کی باقاعدہ اجازت دی تھی۔

    فیض آباد دھرنا انکوائری کمیشن کی رپورٹ میں کہا گیا ہے کہ فیض حمید کے دستخط پر وزیر داخلہ احسن اقبال اور وزیر اعظم شاہد خاقان نے بھی اتفاق کیا تھا۔

  • NA-76 نارروال سے ن لیگ کے احسن اقبال کامیاب

    NA-76 نارروال سے ن لیگ کے احسن اقبال کامیاب

    ملک بھر میں عام انتخابات 2024 کے لیے ووٹنگ کا وقت ختم ہونے کے بعد ووٹوں کی گنتی جاری ہے اور ساتھ ہی غیرحتمی و غیر سرکاری نتائج آنے کا سلسلہ برقرار ہے۔

    اے آر وائی نیوز کے مطابق غیرسرکاری نتیجہ سامنے آیا ہے، جس کے مطابق این اے 76نارروال سے ن لیگ کے احسن اقبال 136279 ووٹ لیکر کامیاب ہوگئے ہیں، جبکہ انڈیپنڈنٹ امیدوارجاوید صفدر 109309 ووٹ لے سکے۔

    غیر سرکاری نتیجے کے مطابق پی پی 164 لاہور سے شہبازشریف 27099 ووٹ لیکر کامیاب قرار پائے، انڈیپنڈنٹ امیدوار محمد یوسف 25919 ووٹ لیکر دوسرے نمبر پر رہے۔

    پی بی 45 کوئٹہ سے پیپلزپارٹی کے علی مدد جتک 5671 ووٹ لیکر کامیاب قرار پائے، جے یوآئی کے میر محمد عثمان 4346 ووٹ لیکر دوسرے نمبر پر رہے۔

    پی پی 70 گوجرانوالہ سے انڈیپنڈنٹ امیدوار تشکل عباس 37709 ووٹ لیکر کامیاب قرار پائے جبکہ ن لیگ کے امان اللہ وڑائچ 28874 ووٹ لیکر دوسرے نمبر پر رہے۔

    الیکشن 2024 پاکستان: قومی اسمبلی کا مکمل غیر حتمی، غیر سرکاری نتائج

    این اے 130 لاہور سے نوازشریف 107124 ووٹ لیکر کامیاب قرار پائے، یاسمین راشد 101524 ووٹ لیکر دوسرے نمبر پر رہیں۔

  • الیکشن مہم کے دوران احسن اقبال کرکٹ سے لطف اندوز ہونے لگے

    الیکشن مہم کے دوران احسن اقبال کرکٹ سے لطف اندوز ہونے لگے

    نارووال: مسلم لیگ ن کے رہنما احسن اقبال الیکشن مہم کے دوران کرکٹ سے بھی بھرپور طریقے سے لطف اندوز ہوتے نظر آئے۔

    پاکستان مسلم لیگ (ن) کے مرکزی رہنما احسن اقبال اپنی سیاسی مہم کے دوران بھی خود کو کرکٹ کھیلنے سے نہ روک پائے۔ احسن اقبال نارووال میں الیکشن مہم کے دوران کرکٹ سے لطف اندوز ہوتے رہے۔

    اپنے دورے کے دوران رہنما ن لیگ احسن اقبال نے کرکٹ کھیل کر بچوں کو محظوظ کیا اور بیٹنگ بھی کی۔

    رہنما ن لیگ نے کرکٹ کھیلنے کے دوران اپنی بیٹنگ صلاحیتوں کے جوہر دکھائے اور شارٹ پر چھکا بھی مارا۔

    دریں اثنا پولیس اور ضلعی انتظامیہ نے الیکشن میں امن وامان کی صورتحال کے حوالے سے فلیگ مارچ کیا۔

    فلیگ مارچ ڈسٹرکٹ کمپلیکس سے بجلی گھرچوک تک نکالا گیا، فلیگ مارچ کی قیادت ڈی ایس پی ہیڈکوارٹرملک خلیل نے کی۔

  • الیکشن 2024 پاکستان : آصف زرداری آزاد امیدواروں کو خریدنے رہے ہیں، احسن اقبال کا الزام

    الیکشن 2024 پاکستان : آصف زرداری آزاد امیدواروں کو خریدنے رہے ہیں، احسن اقبال کا الزام

    نارووال: مسلم لیگ ن کے رہنما احسن اقبال نے الزام عائد کیا ہے کہ آصف زرداری نے آفر لگادی ہے کہ سارے آزاد امیدوار خریدوں گا، کسی آزاد امیدوار کو ووٹ دے کر ضائع مت کریں۔

    تفصیلات کے مطابق مسلم لیگ ن کے رہنما احسن اقبال نے این اے 76 میں خطاب کرتے ہوئے الزام عائد کیا کہ آصف زرداری آزاد امیدواروں کو خریدنے رہے ہیں، کسی آزاد امیدوار کو ووٹ دے کر ضائع مت کریں۔

    احسن اقبال کا کہنا تھا کہ آزاد امیدوار خود کو فروخت کرنے کیلئےالیکشن میں کھڑے ہیں، آصف زرداری نے آفر لگادی ہے کہ سارے آزاد امیدوار خریدوں گا، یہ آزاد امیدوار الیکشن جیت گئے تو آگے جا کر زرداری کو بیچیں گے۔

    ن لیگی رہنما نے کہا بلاول کو چیلنج دیتا ہوں لاڑکانہ نارووال سے بہتر ہوا تو سیاست چھوڑ دوں گا، نارووال لاڑکانہ سے بہتر ہوا تو بلاول زرداری آپ سیاست چھوڑدینا۔

    ان کا مزید کہنا تھا کہ آزاد امیدواروں سے پوچھیں وہ کس کے لئے ووٹ مانگ رہے ہیں، آزاد امیدوار جیت گئے تو آپ کے ووٹ بیچ دیں گے، آزاد امیدوار کہیں گے پیسے دو آپ کے ساتھ شامل ہوجائیں گے۔

    احسن اقبال نے سوال کیا کہ کیا آزاد امیدوار کو اس لیے ووٹ دیں گے کہ وہ آپ کا ووٹ بیچے؟

  • کراچی کا ہر شہری چاہتا کہ کراچی لاہور بنے: احسن اقبال

    کراچی کا ہر شہری چاہتا کہ کراچی لاہور بنے: احسن اقبال

    نارووال: مسلم لیگ ن کے رہنما احسن اقبال نے کہا ہے کہ آج کوئی لاہور والا یہ نہیں چاہتا کہ لاہور کراچی بنے لیکن کراچی کا ہر شہری چاہتا کہ کراچی لاہور بنے۔

    تفصیلات کے مطابق مسلم لیگ ن کے رہنما احسن اقبال نے یوتھ کنونشن سے خطاب کرتے ہوئے کہا کہ بلاول بھٹو ہماری جماعت پر تنقید کرنے سے پہلے اپنی کارکردگی کا جائزہ لیں، آپ کی حکومت نے کراچی کو کھنڈرات کا شہر بنا دیا۔

    مسلم لیگ ن کے رہنما نے کہا کہ شہباز شریف نے 2008 سے 2018 تک لاہور کو روشنیوں کا شہر بنا دیا، آج کوئی لاہور والا یہ نہیں چاہتا کہ لاہور کراچی بنے لیکن کراچی کا ہر شہری چاہتا کہ کراچی لاہور بنے۔

    انہوں نے کہا کہ لاڑکانہ پیپلزپارٹی کی سیاست کا مرکز ہے، چیلنج ہے بلاول بھٹو میرے نارووال کا اپنے لاڑکانہ سے مقابلہ کر لیں، اگر لاڑکانہ نارووال سے بہتر ہوا تو میں سیاست چھوڑ دوں گا اور اگر میرا نارووال ان کے لاڑکانہ سے بہتر ہو تو انہیں سیاست چھوڑ دینی چاہیے۔

    احسن اقبال کا کہنا تھا کہ بلاول بھٹو کو اس طرح کے بے بنیاد اور غیر اخلاقی بیان دینے سے پرہیز کرنا چاہیے، مسلم لیگ ن وہ جماعت ہے جس نے نوجوان کو لیپ ٹاپ سے دئیے، ہمارے مخالفوں نے وہ لیپ ٹاپ چھینے اور کہا کہ ہم مرغی اور انڈے دیں گے۔

    احسن اقبال نے مزید کہا کہ انہیں نہ مرغی اور انڈے دئیے گئے بلکہ ان سے لیپ ٹاپ بھی چھین لئے گئے، کیا کوئی پاکستانی اپنے شہیدوں کی توہین کرنے والوں کو ووٹ دے سکتا ہے۔

  • الیکشن 2024 پاکستان : احسن اقبال کا بلاول بھٹو کو چیلنج

    الیکشن 2024 پاکستان : احسن اقبال کا بلاول بھٹو کو چیلنج

    نارووال : مسلم لیگ ن کے رہنما احسن اقبال نے چیئرمین پی پی بلاول بھٹو کو چیلنج کیا کہ میرے ضلع نارووال سے لاڑکانہ کی ترقی کا موازنہ کرلیں، لاڑکانہ نارووال سے بہتر ہوا تو میں سیاست چھوڑ دوں گا۔

    تفصیلات کے مطابق نارووال کے این اے75 میں مسلم لیگ ن کے رہنما احسن اقبال نے کارنر میٹنگ سے خطاب کرتے ہوئے کہا کہ 8 فروری پاکستان کی قسمت کا فیصلہ کرنے کا دن ہے، 8 فروری کوانتشاراورامن والوں کےدرمیان مقابلہ ہوگا، شہدا کی یادگار مسمار کرنے والے ووٹوں کے نہیں ٹھڈوں کے مستحق ہوسکتے ہیں.

    احسن اقبال کا کہنا تھا کہ بانی پی ٹی آئی کی ساری سیاست جادو ٹونوں پرچلتی ہے، لیپ ٹاپ دینےوالےووٹوں کے حقدار ہیں یا کٹے دینے والے؟ سازش کے تحت بانی پی ٹی آئی کو مسلط کیا گیا تھا، ہمیں مہنگائی کا لیکچر نہ دو، مہنگائی کرنے والا اڈیالہ جیل میں ہے۔

    لیگی رہنما نے چیئرمین پی پی کو چیلنج کیا بلاول بھٹو صاحب! لاڑکانہ اور نارووال کی ترقی کاموازنہ کرلیں، اگر لاڑکانہ بہتر ہوا تو سیاست چھوڑدوں گا ورنہ آپ سیاست چھوڑدیں۔

    ان کا مزید کہنا تھا کہ نیا پیدا ہونے والا لیڈر نیٹ پریکٹس کررہا ہے لیکن بڑے بیانات دے رہا ہے،اس کا یہ لیول نہیں کہ نواز شریف کو مباحثے کا چیلنج دے، بلاول پہلے اپنی پارٹی کی سربراہی سنبھالیں پھر بات کریں۔

  • بےبنیاد الزامات پر احسن اقبال کو ہرجانے کا نوٹس بھیجوں گا، دانیال عزیز

    بےبنیاد الزامات پر احسن اقبال کو ہرجانے کا نوٹس بھیجوں گا، دانیال عزیز

    ربنما مسلم لیگ ن دانیال عزیز نے کہا ہے کہ بےبنیاد الزامات لگانے پر احسن اقبال کو ہرجانے کا نوٹس بھیجوں گا۔

    تفصیلات کے مطابق پریس کانفرنس کرتے ہوئے دانیال عزیز کا کہنا تھا کہ میں کوئی اڈے نہیں چلاتا نہ ٹرانسپورٹ کا کبھی کام کیا ہے۔ احسن اقبال ثابت کریں کہ میں نے پی ٹی آئی کا ٹکٹ اپلائی کیا تھا۔

    دانیال عزیز نے کہا کہ سوشل میڈیا پر کردارکشی کیسے کرسکتا ہوں میرا تو اکاؤنٹ ہی اِن ایکٹو ہے۔ مختلف جماعتوں نے مجھ سے شمولیت کیلئے رابطہ کیا لیکن میں نے انکار کیا۔

    انھوں نے کہا کہ میں اڈے نہیں چلاتا لیکن ایل پی جی کا کاروبار کون کرتا ہے سب جانتے ہیں۔ نواز شریف جیل میں تھے تو مریم نواز کا اپنے حلقے میں جلسہ کیا تھا۔

    رہنما مسلم لیگ ن کا کہنا تھا کہ نارووال کے ن لیگی ٹکٹ ہولڈروں میں سے کوئی ایک بھی جلسے میں شریک نہیں ہوا۔

    دانیال عزیز نے کہا کہ احسن اقبال نے کہا کہ بیٹے کو ٹکٹ دلاکر لوٹوں کا داخلہ بند کرنا ہے۔ آج کے جلسے میں احسن اقبال کے اردگرد تینوں ٹکٹ ہولڈر لوٹے تھے۔

    انھوں نے کہا کہ احسن اقبال نے لوٹے ختم نہیں کیے لوٹوں کی فیکٹری لگائی ہے۔ قیادت کو میرے خلاف نوٹس جاری کرنے پر احسن اقبال نے مجبور کیا۔

  • لیگی رہنما نے احسن اقبال کو مہنگائی کا ذمہ دارقرار دے دیا

    لیگی رہنما نے احسن اقبال کو مہنگائی کا ذمہ دارقرار دے دیا

    اسلام آباد : لیگی رہنما دانیال عزیز نے احسن اقبال کو مہنگائی کا ذمہ دار قرار دیتے ہوئے کہا پارٹی نے مہنگائی کا نوٹس لیا ہوتا تو احسن اقبال کوبرطرف کر دیا جاتا۔

    تفصیلات کے مطابق مسلم لیگ ن کے رہنما ا دانیال عزیز نے بلدیاتی حکومتوں سے متعلق احسن اقبال کے بیان پر ردعمل دیتے ہوئے کہا کہ احسن اقبال کے بیان سے تاثر دیا گیا کہ اٹھارویں ترمیم کوآئینی تحفظ حاصل نہیں، مقامی حکومتوں کو آرٹیکل 140 اے کے تحت تحفظ حاصل ہے۔

    دانیال عزیز نے بتایا کہ جب اٹھارویں ترمیم تیارکی جارہی تھی تو کیا اس وقت خیال نہیں آیاتھا، 18 ویں ترمیم میں الیکشن کمیشن کو بلدیاتی انتخابات کرانے کا ذمہ دار بنایا تھا، ایساتاثردیاجارہاہےجیسےبلدیاتی حکومتوں کوآئینی تحفظ حاصل ہی نہیں۔

    ان کا کہنا تھا کہ قیمتیں کنٹرول کرنانیشنل پرائس کمیٹی کی ذمہ داری تھی، احسن اقبال نیشنل پرائس کمیٹی کےچیئرمین تھے، احسن اقبال کی ذمہ داری لگائی گئی تھی انہوں نے پوری نہیں کی۔

    ن لیگی رہنما نے کہا کہ مہنگائی کے ذمہ داراحسن اقبال تھےکیونکہ کمیٹی کےچیئرمین تھے، پرائس کنٹرول کمیٹی کی ہفتہ وار میٹنگ ہوتی تھی پریس ریلیزہی پڑھ لیں، ناقص کمیٹی تھی تواحسن اقبال بتائیں انہوں نےکیاکرداراداکیا، سب کہتےہیں مہنگائی کی وجہ سےن لیگ کوبہت نقصان پہنچاہے۔

    انھوں نے الزام عائد کیا کہ حسن اقبال کی نااہلی کےسبب ہماری حکومت عوامی سطح پرناکام ہوگئی تھی، وہ بلدیاتی حکومتوں سے متعلق خودکوعقل کُل سمجھتے ہیں۔

    دانیال عزیز کا کہنا تھا کہ مقامی حکومتوں پرتقریرجھاڑنے سےپہلےجواب دیں، ن لیگ کی ساکھ کو شدید نقصان پہنچا، پارٹی نے مہنگائی کا نوٹس لیا ہوتا تو احسن اقبال کو برطرف کر دیاجاتا لیکن پارٹی ان کی نااہلی کا نوٹس نہ بھی لے تو عوام اس کا نوٹس لیں گے۔

  • فیض آباد دھرنا : ن لیگ کیخلاف خطرناک کھیل کھیلا گیا، احسن اقبال

    فیض آباد دھرنا : ن لیگ کیخلاف خطرناک کھیل کھیلا گیا، احسن اقبال

    اسلام آباد : مسلم لیگ ن کے مرکزی رہنما احسن اقبال نے کہا ہے کہ فیض آباد دھرنے کے وقت صورتحال کشیدہ تھی، ن لیگ کیخلاف خطرناک کھیل کھیلا گیا۔

    اے آر وائی نیوز کے پروگرام خبر میں میزبان مہر بخاری سے خصوصی گفتگو کرتے ہوئے ان کا کہنا تھا کہ ایسی اطلاعات تھیں کہ کچھ علاقوں میں دیوبندی،بریلوی فسادات ہونیوالےہیں، جس سے قیادت کو صورتحال سے آگاہ کیا گیا۔

    احسن اقبال نے کہا کہ ہمیں آگاہ کیا گیا زاہد حامد استعفیٰ دے دیں گے تو صورتحال بہتر ہوجائےگی، زاہد حامد کو کریڈٹ دیتا ہوں کہ انہوں نے استعفیٰ دیا اور دھرنا ختم ہوا، ایک مذہبی جماعت کے کارکنان لیگی رہنماؤں کے گھروں پرحملے کررہے تھے۔

    انہوں نے کہا کہ فسادات بھڑکتے جارہے تھے کشیدگی بہت زیادہ ہوچکی تھی، جس کی آڑ میں حکومت کیخلاف پورا گیم بنایا گیا، 2018کےانتخابات میں ن لیگ کو اسی بنیاد پرہٹانے کی کوشش کی گئی، پی ٹی آئی کو لانے کیلئے یہ سارا کھیل کھیلا گیا تھا۔

    رہنما ن لیگ کا کہنا تھا کہ نوازشریف کو راستے سے ہٹانے کیلئے مذہبی کارڈ استعمال کیا گیا تھا، فیکٹ فائنڈنگ ہوگی تو ذمہ داروں کے نام بھی سامنےآجائیں گے، چیف جسٹس قاضی فائزعیسیٰ نے جو نوٹس لیا ہےاچھی بات ہے۔

    احسن اقبال نے کہا کہ طاہرالقادری باہر سے آکر یہاں چندہ جمع کرکے لوگوں کو اکساتے ہیں، ایک سیاسی تھیٹر کیا گیا اور سب اپنے گھروں میں جاکر بیٹھ گئے، مذہبی جماعت کو ن لیگ کے بریلوی ووٹ کاٹنے کیلئے کھڑا کیا گیا۔

    ایک سوال کے جواب میں انہوں نے کہا کہ فیکٹ فائنڈنگ کمیٹی بننی چاہیے اس کی مکمل حمایت کرتا ہوں، دھرنا کیوں اور کیسےہوا اور کس نے سرپرستی کی سارا معاملہ سامنے آنا چاہیے، مجھے جس شخص نے گولی ماری اس کی ذہن سازی کی گئی تھی۔

    انہوں نے بتایا کہ اس وقت نوجوانوں کے دماغ میں اتنی نفرت بھر دی گئی تھی کہ ایک نوجوان میرے قتل کیلئے بھی تیار ہوگیا، نظرثانی اپیلیں دینے والے ہی بتاسکتے ہیں ان پرکس کا دباؤ تھا، ہم پرانگلیاں اٹھانے والے وہ لوگ ہیں جو2018دوبارہ چاہتے ہیں۔

    ن لیگی رہنما کا کہنا تھا کہ یہ چاہتے ہیں ن لیگ کو سائیڈ لائن لگا کر انہیں دوبارہ اقتدار دیا جائے، لیول پلئنگ فیلڈ پیپلزپارٹی اور پی ٹی آئی کا نہیں ن لیگ کا مسئلہ ہے، 2018میں ن لیگ سے لیول پلئنگ فیلڈ چھین لی گئی تھی،

    احسن اقبال نے کہا کہ جھوٹے مقدمات بنانے والے چلے گئے اب نوازشریف کے ساتھ کیے گئے ظلم کا ازالہ ہوگا، پی ٹی آئی کا ووٹردراصل پیپلزپارٹی کا ووٹر ہے، ن لیگ کے ووٹرز پی ٹی آئی کے پاس نہیں گئے پیپلزپارٹی کے گئےتھے۔

    انہوں نے کہا کہ پیپلزپارٹی اپنے ووٹرز کو دوبارہ حاصل کرنے کی کوشش کررہی ہے، مسلم لیگ ن آئندہ الیکشن میں دوتہائی اکثریت سے کامیاب ہوگی، آئندہ حکومت میں سب کو اکٹھے لے کرچلیں گے،

    احسن اقبال کا مزید کہنا تھا کہ جو جماعتیں مینڈیٹ لائیں گی قومی مفادات کیلئےسب کو دعوت دینگے، اپوزیشن نمائندوں کے ساتھ بیٹھ کر بھی قومی مسائل کا حل تلاش کرینگے۔

  • احسن اقبال نے چینی برآمد کرنے کی ذمہ داری نوید قمر کی وزارت پر ڈال دی

    احسن اقبال نے چینی برآمد کرنے کی ذمہ داری نوید قمر کی وزارت پر ڈال دی

    اسلام آباد : مسلم لیگ ن کے رہنما اور سابق وفاقی وزیر احسن اقبال نے چینی برآمد کرنے کی ذمہ داری نوید قمر کی وزارت پر ڈال دی۔

    تفصیلات کے مطابق مسلم لیگ ن کے رہنما اور سابق وفاقی وزیر احسن اقبال نے نجی ٹی وی چینل کے پروگرام میں ملک میں چینی کی بڑھتی ہوئی قیمتوں کا ذمہ دار نوید قمر کو ٹھرادیا۔.

    احسن اقبال کا کہنا تھا کہ چینی برآمد کرنے کی اجازت پیپلزپارٹی کے نوید قمر کی وزارت تجارت نے دی، ہماری ایک اتحادی حکومت تھی اس لیے ساری ذمہ داری ن لیگ نہیں اٹھا سکتی۔

    دوسری جانب پیپلزپارٹی کے رہنما اور سابق وزیر تجارت نوید قمر نے چینی برآمد کرنے کے فیصلے کو درست قرار دے دیا۔

    نوید قمر کا کہنا تھا کہ ہمارے پاس چینی کی اضافی مقدار موجود تھی اس لیے ایکسپورٹ کی اجازت دی، ذخیرہ اندوزوں کو پکڑنے اور اسمگلنگ روکنے تک چینی کا مسئلہ حل نہیں ہوگا۔