Tag: احسن اقبال

نارووال : وفاقی وزیرپلاننگ اینڈڈیولپمنٹ احسن اقبال نے دعویٰ کیا ہے کہ امریکا میں پی ٹی آئی پاکستان پرپابندیوں کی گھناؤنی سازش کر رہی ہے۔

تفصیلات کے مطابق وفاقی وزیرپلاننگ اینڈڈیولپمنٹ احسن اقبال نے میڈیا سے گفتگو کرتے ہوئے کہا کہ پی ٹی آئی جوسیاست کر رہی ہے، اسے ریاست اورملک دشمنی کہتےہیں، امریکا میں پی ٹی آئی پاکستان پرپابندیوں کی گھناؤنی سازش کر رہی ہے ، پی ٹی آئی کی سازش کی جتنی بھی مذمت کی جائے کم ہے۔

احسن اقبال کا کہنا تھا کہ سیاست کےنام پرقومی اداروں کے ساتھ دشمنی کی گئی، پی ٹی آئی کاچہرہ عوام کےسامنےآچکاہے، مسلم لیگ ن واحد ہے جوپاکستان کو بحرانوں سےنکال سکتی ہے۔

وفاقی وزیر نے کہا کہ تبدیلی کی تلاش میں جوپی ٹی آئی میں گئے ان کون لیگ میں آنے کی دعوت دیتا ہوں، ہمارے ساتھ ملیں، پاکستان کودوبارہ تیزی سےابھرتی ہوئی معیشت بنائیں، مضبوط معیشت ہی مضبوط پاکستان ہے۔

نگران حکومت کے حوالے سے ان کا کہنا تھا کہ نگران وزیراعظم پراتحادی جماعتوں سےمشاورت جاری ہے ، جیسےہی مشاورت مکمل ہو گی امیدوارکےنام پراتفاق رائےہوگا، نگران وزیراعظم کا نام اپوزیشن لیڈرکے ساتھ شیئرکیاجائےگا۔

انھوں نے بتایا کہ اتفاق رائےکےبعدنگران وزیراعظم کانام قوم کےسامنے پیش کیاجائےگا، جوبھی نگران وزیراعظم ہوگاوہ اس قومی اتفاق رائےکاحامل ہو گا۔

احسن اقبال کا مزید کہنا تھا کہ آئین کےمطابق حکومت اپنی مدت پوری کرےگی اور الیکشن ہوں گے لیکن کس تاریخ کوالیکشن ہو گااس کا فیصلہ الیکشن کمیشن پاکستان نے کرنا ہے۔

وفاقی وزیر منصوبہ بندی احسن اقبال نے کہا ہے کہ کئی صدیوں تک تھرکول سے سستی بجلی پیدا کرتے رہیں گے، سی پیک کے تحت چین نے سرمایہ کاری کی تو تھرکول حقیقت بن گیا۔

اے آر وائی نیوز کے مطابق احسن اقبال نے سی پیک سیمینار سے خطاب میں کہا ہے کہ سی پیک کے تحت چین نے سرمایہ کاری کی تو تھرکول حقیقت بن گیا، اگلی کئی صدیوں تک اسے بروئے کار لا کر سستی بجلی پیدا کرسکتے ہیں، سی پیک کے ذریعے اس منصوبے کو فنانسنگ تک ایکسز دیا۔

چائنہ ہمارا جغرافیائی دوست ملک ہے، سی پیک منصوبوں کے تحت تقریباً 8 ہزار میگاواٹ بجلی پیدا کی، حکومت نے 4 سال میں 11 ہزار میگاواٹ سے زیادہ بجلی کی نئی صلاحیت پیدا کی ہے۔

انھوں نے کہا کہ 1947 سے لے کر 2013 تک سسٹم میں 18 ہزار میگاواٹ بجلی ایڈ کی گئی، 18 ہزار میگاواٹ بجلی 67 سالوں میں اور 4 سال میں 11 ہزار میگاواٹ بجلی پیدا کی گئی۔

پاکستان کی گروتھ میں سب سے بڑی رکاوٹ توانائی کا بحران تھا، پاکستان میں 16 سے 18 گھنٹے لوڈشیڈنگ ہوتی تھی، لوگ موم بتی اور لالٹین جلانے پرمجبورتھے، ہم نے سی پیک میں سب سے پہلی ترجیح توانائی کو دی۔

وفاقی وزیر نے کہا کہ تیل کی قیمت 100 ڈالر سے اوپر جاتی ہے تو توانائی منصوبے چلانا مشکل ہو جاتا ہے، چند منصوبے امپورٹڈ کول کے حوالے سے لگائے گئے تاکہ تیل کے مقابلے میں بجلی کے سستے منصوبے لا سکیں۔

انھوں نے کہا کہ 1980 میں پاکستان کی فی کس آمدنی 300 ڈالرتھی، 1980 میں چین کی فی کس آمدنی 200 ڈالر تھی، 2022 میں چین کی فی کس آمدنی 13 ہزار ڈالرہے جب کہ 2022 میں ہماری فی کس آمدنی 1500 ڈالر کے قریب ہے۔

نارووال: وفاقی وزیرپلاننگ اینڈڈیولپمنٹ احسن اقبال کا کہنا ہے کہ پاکستان کے قرضےآمدنی سے زیادہ ہو چکے ہیں، ایک اناڑی کوپاکستان کی کنجیاں دی گئیں تواس نے معیشت کو تباہ کردیا۔

تفصیلات کے مطابق وفاقی وزیرپلاننگ اینڈڈیولپمنٹ احسن اقبال نے علاقہ احمد نگر میں خطاب کرتے ہوئے کہا کہ دھاندلی کے ذریعے ہماری حکومت کو ختم کیا گیا اور ایک اناڑی کوپاکستان کی کنجیاں دی گئیں تواس نےمعیشت کوتباہ کردیا۔

احسن اقبال کا کہنا تھا کہ پاکستان کےقرضےآمدنی سےزیادہ ہو چکےہیں، پاکستان کے اندرجوبھی ترقی کامنصوبہ بناوہ ن لیگ نے بنایا ہے۔

9 مئی کے واقعات کے حوالے سے وفاقی وزیر نے کہا کہ 9 مئی کو منظم منصوبے کے تحت پاکستان کے شہیدوں کی توہین کی گئی، جناح ہاوس جلا کر قائداعظم کی روح کو جلایا گیاہے ، یہ لوگ کسی معافی کے حقدار نہیں ہیں۔

پی ٹی آئی چھوڑنے والے رہنماؤں سے متعلق ان کا کہنا تھا کہ انقلاب کے دعوے کرنے والے ایک دن کی جیل پرعلیحدہ ہوئے، ریت کاقلعہ کےمحاورےکواب پی ٹی آئی کاقلعہ لکھنا پڑے گا۔

احسن اقبال نے بتایا کہ میں نےگولی کھائی جیل بھی گیا لیکن نہ پارٹی چھوڑی نہ سیاست چھوڑی م انقلابی بننے والے ایک ایف آئی آر پر کانوں کوہاتھ لگا کرپارٹی چھوڑ گئے۔

اسلام آباد : وزیر منصوبہ بندی احسن اقبال کا کہنا ہے کہ دوست ممالک سے امداد لینے کی بجائے انویسٹمنٹ لانی چاہیئے لیکن جب تک ملک میں سیکیورٹی نہیں ہو گی فارن انویسٹمنٹ نہیں آئے گی۔

تفصیلات کے مطابق وزیر منصوبہ بندی احسن اقبال نے تقریب سے خطاب کرتے ہوئے کہا کہ پاکستان مشرق وسطی سے بھاری سرمایہ کاری لا سکتا ہے، پاکستان میں دنیا کی سستی ترین ہیومن ریسورس موجود ہے، مشرق وسطی کے ساتھ آئی ٹی اور گرین انرجی کے ساتھ تعاون کر سکتے ہیں۔

وزیر منصوبہ بندی کا کہنا تھا کہ پاکستان میں سیاحت کے مواقع موجود ہیں تاہم پاکستان میں انٹرنیشنل لیول کے انفراسٹرکچر کی کمی ہے، دوست ممالک سے امداد لینے کی بجائے انویسٹمنٹ لانی چاہیئے لیکن جب تک ملک میں سیکیورٹی نہیں ہو گی فارن انویسٹمنٹ نہیں آئے گی۔

احسن اقبال نے بتایا کہ 2013 سے 2018 کے درمیان پاکستان نے حیران کن سفر کیا تھا، جہاں 16 گھنٹے بجلی نہیں ہوتی تھی وہاں 9 ہزار میگاواٹ نئے منصوبے لگائے گئے، 2013 میں ہمیں سب سے خطرناک معیشت قرار دیا تھا۔

انھوں نے کہا کہ مڈل ایسٹ پاکستان کااسٹریٹجک اکنامک پارٹنربھی ہے، چاربنیادی مرکرز ہیں جوسینٹرآف گریویٹی کےطورپراہمیت رکھتے ہیں، پہلا مرکزچین جو پاکستان کا اسٹریٹجک پارٹنرہے، دوسرامرکزیورپی یونین ہے، یورپ میں پاکستانیوں کی بڑی تعداد بستی ہے جو ہمارے لئے برج ہے، تیسراپارٹنر یو ایس اور چوتھا جی سی سی کنٹریزہیں۔

وفاقی وزیر کا کہنا تھا کہ مڈل ایسٹ کااسٹریٹجک لینڈ اسکیپ تیزی سے بدل رہاہے، مڈل ایسٹ تیزی سے چین کیساتھ قربت میں جارہاہے۔

سعودی عرب اور ایران کے تعلقات کے حوالے سے احسن اقبال نے کہا کہ سعودی عرب کاایس سی اومیں شامل ہونےکافیصلہ اہم ہے، سعودی عرب اورایران کی صلح میں چین کاکردارانتہائی اہم ہے، یہ پوراخطہ نئےتغیرسےگزررہاہے، خطہ سیاسی تبدیلیوں کیساتھ معاشی طور پر بھی نئے مرحلے میں داخل ہورہا ہے۔

اسلام آباد : وفاقی وزیر احسن اقبال کا کہنا ہے کہ ہم نے ملک کو ڈیفالٹ ہونے سے بچالیا، اب ہم آہستہ آہستہ استحکام کی طرف بڑھ رہے ہیں

تفصیلات کے مطابق وزیر منصوبہ بندی احسن اقبال نے نیوز کانفرنس کرتے ہوئے کہا کہ یہ ملک 4سال بغیرکسی روڈمیپ کےچلتارہا، گزشتہ 4سال میں پاکستان کےمعاشی مسائل گھمبیرہوئے۔

احسن اقبال کا کہنا تھا کہ وزارت خزانہ نے700ارب روپےپی ایس ڈی پی تجویزکیاتھا، معیشت میں گروتھ لانی ہے توترقیاتی بجٹ میں اضافہ کرناناگزیرہے، وزیراعظم نے 1100 ارب کے پی ایس ڈی پی کی منظوری دی ہے۔

وزیر منصوبہ بندی نے کہا کہ 2018میں ن لیگ حکومت نے ایک ہزارارب روپے کاترقیاتی بجٹ دیاتھا، سال 2018میں پاکستان کاترقیاتی بجٹ کاحجم 1000ارب تھا، جو گزشتہ سال ترقیاتی بجٹ کاحجم 550 ارب روپے رہ گیا۔

ان کا کہنا تھا کہ ماضی میں سی پیک کو ردی کی ٹوکری میں پھینکا گیا، وزیر اعظم نے 1100ارب کے ترقیاتی بجٹ کی منظوری دی، جس میں سے 950ارب روپےترقیاتی کاموں پرخرچ کرنےکی منظوری دی ہے جبکہ 150 ارب روپے پبلک پرائیویٹ پارٹنرشپ کےتحت خرچ ہوں گے۔

احسن اقبال نے بتایا کہ جن حالات میں پاکستان کوچھوڑاگیااس وقت پیشگوئی تھی کہ ڈیفالٹ ہو جائے گا، حکومت نے مشکل حالات سے پاکستان کو نکال لیا ہے، حکومت نےدرپیش چیلنجز کے باوجودملک کو ڈیفالٹ سے بچایا، اب ہم آہستہ آہستہ استحکام کی طرف بڑھ رہے ہیں۔

بجٹ کے حوالے وفاقی وزیر کا کہنا تھا کہ آئندہ مالی سال جی ڈی پی گروتھ کا ہدف 3.5 فیصد ، سروسز شعبے کا ہدف 3.6، مینو فیکچرنگ کا ہدف 4.3 فیصد ، مہنگائی کاہدف 21فیصدتک مقررکیاگیاہے جبکہ آئندہ مالی سال برآمدات 30ارب ڈالر ،درآمدات 58ارب ڈالر ہوں گی۔

انھوں نے مزید کہا کہ نگراں حکومتیں ایک سو بیس دن کا بجٹ بناسکتی ہیں، آٹھ ماہ کے بجٹ کی منظوری منتخب ہو کر آنے والی حکومتیں دیں گی۔

اسلام آباد: وفاقی وزیر منصوبہ بندی احسن اقبال کا کہنا ہے کہ پاکستان نے آئی ایم ایف کی تمام شرائط پوری کرلی ہے، بات چیت آخری مرحلے میں ہیں۔

تفصیلات کے مطابق وفاقی وزیر احسن اقبال نے تقریب سے خطاب کرتے ہوئے کہا کہ کسی نے ریاست اور دفاع کیخلاف دہشتگردی کی تو دہشت گردی ہی کہا جائے گا۔

احسن اقبال کا کہنا تھا کہ پاکستان نے آئی ایم ایف کی تمام شرائط پوری کرلی ہے، آئی ایم ایف کے ساتھ آخری مرحلے میں بات چیت چل رہی ہے، ، جلد ہی آئی ایم ایف کے معاملات طے پائیں گے اور بے یقینی ختم ہوگی، اگر ایم ایف معاہدہ نہ ہوا تو معاشی نہیں کوئی سیاسی وجہ ہوسکتی ہے۔

وفاقی وزیر نے کہا کہ کمپیوٹر میں وائرس آجائے تو وہ خراب ہوجاتا ہے، نفرت اور تکبر آجانا بھی انسان میں وائرس کی قسم ہے، ایک ریسٹورنٹ میں میرے خلاف آوازیں کسیں گئیں، کسی نے انہیں سکھایا ہوا تھا کہ چور ڈاکو کہنا ہے۔

انھوں نے اپنے ساتھ پیش آنے والے واقعے کے حوالے سے بتایا کہ نعرے لگانے والےلوگ میرے پاس آئے، انہوں نے معذرت کی، اپنی رائے کو درست اور دوسروں کو غلط کہنا درست نہیں لیکن سی کی حب الوطنی اور پاکستانیت پر شک نہ کریں۔

احسن اقبال نے کہا کہ جومرضی سیاسی سوچ رکھیں مگر پتاہونا چاہیے مشکل وقت ہے، ہم لوگ بدترین معاشی حالات سے گزر رہے ہیں، پاکستان کا حل صرف مل جل کر چلنے میں ہے۔

وفاقی وزیر کا کہنا تھا کہ تقسیم کرنیوالے بیانیے کا مقصد پاکستان کو توڑنا ہے، پاکستان ایٹمی طاقت ہے، ہمیں کوئی غلام نہیں بناسکتا، آپ مثبت سوچ رکھیں گے تو کبھی غلام نہیں بنیں گے، ہمیں جو غلام بنائے گا اس کی ایسی کی تیسی۔

انھوں نے مزید کہا کہ 2013میں پاکستان خطرناک ترین ملک کہا جاتا تھا، پاکستان 2018میں تیز گروتھ اکانومی بنا، 9مئی کے واقعات پر پریس کانفرنس کے ذریعے معافی نہیں لی جاسکتی، ویڈیو، تصاویر سب موجود ہیں جو نو مئی کے واقعات میں شامل ہوئے۔

ن لیگی رہنما کا کہنا تھا کہ ہماری لیڈرشپ کیساتھ کیا ہوا مگرہم نے پارٹی نہیں چھوڑی، 9مئی کے واقعات میں پی ٹی آئی کے کئی لوگ متفق نہیں، کسی نے ریڈ لائن کراس کی تو وہ دہشت گردی ہی ہوگی۔

اسلام آباد : وفاقی وزیر منصوبہ بندی احسن اقبال نے الزام عائد کیا کہ شوکت خانم اسپتال بوگس میڈیکل رپورٹس بنا رہا ہے۔

تفصیلات کے مطابق مسلم لیگ ن کے رہنما اور وفاقی وزیر منصوبہ بندی احسن اقبال نے میڈیا سے گفتگو کرتے ہوئے کہا گذشتہ 4برس میں ملکی معیشت کو شدیدنقصان پہنچایاگیا، ترقیاتی بجٹ پر توجہ نہیں دی گئی۔

احسن اقبال کا کہنا تھا کہ ماضی میں پاکستان کو شدید انرجی بحران کا سامنا تھا، 2013میں مختلف مسائل پر قابو پایا، نوازشریف کی قیادت میں ملک کو ترقی کی راہ پرلےآئےتھے، ہمیں نالج اکانومی پر بھرپور توجہ دینا ہوگی۔

وفاقی وزیر نے کہا کہ فوج نے ماضی کےتجربات سےخودکوسیاست سےالگ کیا، فوج کےاس اقدام کا خیر مقدم کرنا چاہیے۔

ان کا کہنا تھا کہ سیاست دانوں کافرض ہے بات چیت سےمسائل کاحل نکالیں، اگرسوچ یہ ہےمیں نہیں تو کچھ بھی نہیں تو پھر بات نہیں بن سکتی، پی ٹی آئی کو اپنےطرز عمل پر غور کرنا چاہیے.

احسن اقبال نے مزید کہا کہ جب بھی ملک استحکام کی جانب جاتا ہےعمران خان نیا پتہ پھینک دیتا ہے، اگر آپ بے گناہ ہیں تو عدالتوں کا سامنا کریں، شوکت خانم اسپتال بوگس میڈیکل رپورٹس بنا رہا ہے۔