Tag: احمد آباد

احمد آباد : بھارتی شہر احمد آباد میں حادثے کا شکار ہونے والے بھارتی طیارے کا ایک بلیک باکس مل گیا اور دوسرے کی تلاش جاری ہے۔

تفصیلات کے مطابق بھارتی شہر احمد آباد میں بھارتی طیارے حادثے کے مقام پر ریسکیو آپریشن مکمل کرلیا گیا، بدقسمت طیارہ جو اڑان بھرنے کے ایک منٹ کے اندر ہی تباہ ہوگیا۔

حادثے کا شکار طیارے کا ایک بلیک باکس مل گیا اور دوسرے کی تلاش جاری ہے ساتھ ہی تحقیقات شروع کردی گئی جبکہ احمد آباد ایئر پورٹ پر پروازیں بحال ہوگئیں ہیں۔

گذشتہ روز لندن کے لیے اڑان بھرنے والا ائیرانڈیا کا بوئنگ787 ڈریم لائنر احمدآباد سے اڑان کے چند منٹ بعد ٹکڑے ٹکڑے ہو کر بکھر گیا تھا۔

مزید پڑھیں : بھارتی خاتون نجومی نے ایک ہفتہ قبل طیارہ حادثے کی پیشگوئی کردی تھی‘

طیارے میں سوار تمام دو سو بیالیس مسافروں میں سے 241 ہلاک ہوگئے جبکہ ہاسٹل میں رہائش پذیر متعدد افراد بھی طیارے کی زد میں آ کر موت کے منہ میں چلے گئے، صرف ایک مسافر زندہ بچا۔ ایمرجنسی گیٹ کےساتھ بیٹھا ہوا تھا۔

طیارہ حادثے میں 290 افراد کی ہلاکت کی تصدیق کردی گئی ہے۔

خیال رہے ایوی ایشن ماہر ٹیری ٹوزر کے مطابق حادثے کی بنیادی وجہ ٹیک آف گیئر سے متعلق بھی ہو سکتی ہے تاہم سوال فلائٹ پر فلیپس کی پوزیشن کے گرد گھومتا ہے کیونکہ فلیپس کے بغیر کوئی ہوائی جہاز ٹیک آف نہیں کر سکتا یہاں تحقیقات کرنا ہوں گی۔

ٹیری ٹوزر نے کہا تھا کہ فوٹیج دیکھی ہیں اس میں جہاز کے پروں پر فلیپس نظر نہیں آرہے فلیپس ہوائی جہاز کے پروں پر پیچھے ہٹنے والی سطحیں ہیں جو رفتار کنٹرول کرتی ہیں اگر فلیپس نہ ہوں تو طیارہ محفوظ طریقے سے پرواز نہیں کر سکتا۔

احمد آباد: بھارت کے شہر احمد آباد میں ایک شہری جب ایک سال بعد اپنی ضبط شدہ موٹر سائیکل لینے پولیس اسٹیشن گیا تو اس پر انکشاف ہوا کہ تھانے سے موٹر سائیکل چوری ہو چکی ہے۔

تفصیلات کے مطابق مئی 2019 میں ضبط شدہ بائیک اودھاؤ پولیس اسٹیشن احمد آباد سے چوری ہو گئی، یہ بائیک ماہیساگر کے رہائشی محمد جنید قاضی کی تھی، جس پر جرمانہ کیا گیا تھا۔

پولیس حکام کا کہنا تھا کہ مذکورہ موٹر سائیکل 15 مئی 2019 کو ضبط کی گئی تھی کیوں کہ اس پر رجسٹریشن نمبر پلیٹ نہیں تھی، موٹر سائیکل سوار نے ہیلمٹ بھی نہیں پہنا تھا۔

پولیس کا کہنا تھا کہ بائیک کا مالک جنید قاضی ایک سال تک غائب رہا، وہ دوحا، قطر کام کے لیے چلا گیا تھا، ایک سال بعد وہ موٹر سائیکل لینے آیا اور 6 جون 2020 کو چھ ہزار تین سو روپے جرمانہ ادا کر کے جب اودھاؤ پولیس اسٹیشن آیا تو معلوم ہوا کہ بائیک غائب ہے، پولیس کی جانب سے قاضی کو کہا گیا کہ جب بائیک ملے گی تو انھیں مطلع کر دیا جائے گا۔

بھارت میں اے ٹی ایم ہیکرز کی شامت آگئی

تاہم اب پولیس حکام کا کہنا ہے کہ موٹر سائیکل چوری کی ایف آئی آر کاٹ لی گئی ہے، جس میں لکھا گیا ہے کہ مئی 2019 کے بعد پولیس کمپاؤنڈ سے کسی نے موٹر سائیکل کا تالا توڑ کر یا ڈپلی کیٹ چابی سے کھول کر چرا لی ہے، پولیس بائیک کو تلاش کر رہی ہے۔

گجرات: بھارتی شہر احمد آباد میں سینیٹائیزر اسپرے سے موٹر سائیکل کو آگ لگنے کی ویڈیو وائرل ہوگئی۔

تفصیلات کے مطابق بھارتی شہر احمد آباد میں کرونا وائرس کے حوالے سے چلائی جانے والی آگاہی مہم کے دوران اس وقت حادثہ پیش آیا، جب ایک حکومتی اہلکار نے موٹرسائیکل پر سینیٹائیزر اسپرے کیا جس سے اس میں آگ لگ گئی۔

واقعے کی وائرل ہونے والی ویڈیو میں دیکھا جا سکتا ہے کہ احمد آباد میں ایک کمپلیکس کے باہر لگے چیک پوائنٹ پر رکنے والے شخص کی بائیک پر سینیٹائیزر اسپرے کرنے سے آگ لگ گئی جس نے موٹر سائیکل کو اپنی لپیٹ میں لے لیا۔

آگ لگنے کے بعد موٹر سائیکل سوار نے اپنی بائیک سڑک پر پھینک دی جس کے بعد اسپرے کرنے والے اہلکار نے موٹرسائیکل کو کھینچ کر دور کر دیا۔ ویڈیو میں وہاں موجود دوسرے اہلکار کو پانی سے آگ بجھاتے ہوئے بھی دیکھا جاسکتا ہے۔