لاہور : قومی احتساب بیورو (نیب) نے نگراں وزیراعظم کے مشیر احد چیمہ کو کلین چٹ دے دی اور کہا احد چیمہ کے تمام اثاثے ان کی آمدن سے مطابقت رکھتے ہیں۔
تفصیلات کے مطابق نگراں وزیراعظم کے مشیر احد چیمہ کو آمدن سے زائد اثاثوں کے ریفرنس میں کلین چٹ مل گئی۔
احد چیمہ کی بریت کی درخواست پرنیب نےرپورٹ جمع کرادی ہے ، جس میں کہا ہے کہ احدچیمہ کے خلاف آمدن سے زائد اثاثوں کانیب ریفرنس نہیں بنتا، ان کے تمام اثاثے ان کی آمدن سے مطابقت رکھتے ہیں۔
نیب رپورٹ میں کہا گیا ہے کہ احد چیمہ کے مبینہ بے نامی داروں نے اپنی ذاتی انکم سے پراپرٹیز بنائیں، ان کے مبینہ بے نامی داروں کی پراپرٹیز کو احد چیمہ سے لنک نہیں کیا جا سکتا۔
رپورٹ میں کہنا تھا کہ رشتہ داروں کے اکاونٹس احد چیمہ کے بے نامی اکاونٹس نہیں، ان کی کل آمدن 213 ملین اور اخراجات 131 ملین ہیں، احد چیمہ کے بنائے گئے اثاثے ان کی آمدن کے مطابق ہی ہیں۔
ری انویسٹی گیشن کے دوران احد چیمہ نے اپنی انکم اور منافع سے متعلق ریکارڈ فراہم کیا، احد چیمہ کی جانب سے جمع کرائے گئے ریکارڈ کی تصدیق کی گئی،ریکارڈ درست ثابت ہوا۔
نیب کا کہنا تھا کہ احد چیمہ کے اثاثے ان کی آمدن سے مطابقت رکھتے ہیں،نیب کیس نہیں بنتا۔
نیب نے احتساب عدالت سے احد چیمہ کی بریت کی درخواست پر فیصلہ کرنے کی استدعا کردی۔
