ARYNews.tv | Urdu – Har Lamha Bakhabar

Tag: اخراجات میں کمی

  • وفاقی حکومت کے حجم اور اخراجات میں کمی کیلئے اعلیٰ سطح کمیٹی تشکیل

    وفاقی حکومت کے حجم اور اخراجات میں کمی کیلئے اعلیٰ سطح کمیٹی تشکیل

    اسلام آباد : وفاقی حکومت کے حجم اور اخراجات میں کمی کیلئے اعلیٰ سطح کمیٹی تشکیل دے دی گئی۔

    تفصیلات کے مطابق وفاقی حکومت کے کےحجم اور اخراجات میں کمی لانے کے معاملے پر اعلیٰ اختیاراتی کمیٹی تشکیل دے دی گئیں۔

    وزیراعظم کی منظوری کے بعد کمیٹی کی تشکیل کا نوٹیفکیشن جاری کردیا گیا ہے ، کمیٹی وزیر خزانہ کی سربراہی میں قائم کی گئی ہے۔

    کمیٹی حکومت کے حجم میں کمی کے حوالے سے عوامل کا جائزہ لے گی اور وفاقی حکومت کے امور کے حوالے سے ایک ڈھانچہ تجویز کرے گی۔

    کمیٹی انسانی وسائل کے بہتر استعمال کیلئے ٹھوس لائحہ عمل دے گی اور 75 دن کے اندر اپنی سفارشات وزیراعظم کو پیش کرے گی۔

    یاد رہے دو روز قبل وزیراعظم شہباز شریف کو حکومتی اخراجات کم کرنے سے متعلق تشکیل کردہ کمیٹی نے ابتدائی رپورٹ پیش کی گئی تھی۔

    ڈپٹی چیئرمین پلاننگ کمیشن کی سربراہی میں قائم کمیٹی نے ابتدائی رپورٹ میں قلیل مدتی اور وسط مدتی سفارشات پیش کیں۔

    وزیراعظم شہباز شریف کو پیش کی گئی رپورٹ میں کمیٹی نے کچھ سرکاری اداروں کو بند کرنے، کئی اداروں کو ضم کرنے اور کچھ اداروں کو صوبوں کے حوالے کرنے کی سفارش کی گئی تھی۔

  • اخراجات کی بچت، صدر اور وزیرِ اعظم ایک ہی طیارے میں اسلام آباد روانہ

    اخراجات کی بچت، صدر اور وزیرِ اعظم ایک ہی طیارے میں اسلام آباد روانہ

    کراچی: وزیرِ اعظم عمران خان ایک روزہ دورۂ کراچی ختم کر کے صدرِ مملکت ڈاکٹر عارف علوی کے ہم راہ ایک ہی طیارے میں اسلام آباد روانہ ہوگئے۔

    تفصیلات کے مطابق وزیرِ اعظم عمران خان نے بچت کا راستہ اختیار کرتے ہوئے الگ الگ طیاروں میں سفر کے اخراجات سے بچتے ہوئے صدرِ پاکستان کے ساتھ ایک ہی طیارے میں واپسی کا سفر اختیار کیا۔

    وزیرِ اعظم کی آمد اور روانگی کے مواقع پر ایئر فیلڈ کو بھی بند نہیں کیا گیا، ماضی میں وی آئی پی موومنٹ پر 15 سے 20 منٹ ایئر فیلڈ بند کی جاتی تھی۔

    ایئر فیلڈ بند کر کے شیڈول طیاروں کو لینڈنگ سے روک دیا جاتا تھا، جس کی وجہ سے لاکھوں کا ایندھن ضائع ہو جاتا تھا، وزیرِ اعظم کے کراچی دورے کے موقع پر یہ ایئر فیلڈ بند نہیں کی گئی۔

    یہ بھی پڑھیں:  ڈیم کے لیے سالانہ 30 ارب جمع کرنے ہیں، بجٹ سے ڈیم کی فنانسنگ نہیں کر سکتے: وزیرِ اعظم

    خیال رہے کہ آج وزیرِ اعظم عمران خان کراچی کے ایک روزہ دورے پر تھے، اس دوران انھوں نے ریاستی مہمان خانے میں کئی اہم اجلاسوں کی صدارت کی، بعد ازاں گورنر ہاؤس سندھ میں ڈیم فنڈ ریزنگ تقریب سے خطاب کیا۔

    وزیرِ اعظم عمران خان  وزارتِ عظمیٰ سنبھالنے کے بعد سے سادگی اور کفایت شعاری اختیار کرنے پر زور دے رہے ہیں، اس سلسلے میں وہ خود بھی کفایت شعاری پر عمل پیرا ہوتے ہیں۔

  • پی آئی اے انتظامیہ کے اخراجات میں کمی کیلئے اہم اقدامات

    پی آئی اے انتظامیہ کے اخراجات میں کمی کیلئے اہم اقدامات

    کراچی : پی آئی اے انتظامیہ نے اخراجات میں کمی کے لئے یونین سے معاہدہ کیا ہے، ایئر لیگ سے کیے گئے اس معاہدے کے تحت حج آپریشن میں کیبن کریو کے لئے ہوٹل کی سہولت ختم کردی گئی ہے۔

    تفصیلات کے مطابق  پی آئی اے انتظامیہ نے اخراجات میں کمی کیلئے اہم اقدامات کئے ہیں، پی آئی اے کی یونین ایئر لیگ سے کیے گئے معاہدے میں طے کیا گیا ہے کہ حج آپریشن میں کیبن کریو کے لئے ہوٹل کی سہولت ختم کردی جائے گی۔

    ہوٹل کی سہولت کے متبادل کی مد میں کیبن کریو کو رقم کی نقد ادائیگی کا فیصلہ کیا گیا ہے، دوطرفہ حج پرواز کی واپسی پر کریو کو کیش ادائیگی کے نوٹیفکیشن کی کاپی اے آر وائی نیوز کو موصول ہوگئی، جاری نوٹیفکیشن کے مطابق بارہ گھنٹے سے زائد ڈیوٹی کرنے والے کیبن کریو کو پرواز کی واپسی پر پانچ ہزار روپے کی کیش ادائیگی کی جائے گی۔

    اس سے قبل حج پروازوں پر تعینات کیبن کریو کو ہوٹل کی مد میں ایئر لائن کو64ملین سے زائد کے اخراجات کا سامنا تھا، معاہدے کے بعد کیش ادائیگی کی مد میں کیبن کریو کو ادا کی جانے والی رقم صرف 13 ملین رہ جائے گی،۔

    ذرائع کے مطابق جدہ اور مدینہ میں ہوٹل کی سہولت کے خاتمے سے ایئر لائن کو پانچ کروڑ روپے سے زائد کی بچت ہوگی، معاہدے کے لئے قابل عمل تجاویز جی ایم فلائٹ سروسز یعقوب نعیم نے پیش کیں، اس حوالے سے سی ای او پی آئی اے نیر حیات کا کہنا ہے کہ معاہدے کے لئے سول ایوی ایشن اتھارٹی کے متعلقہ قوانین کو مد نظر رکھا گیا ہے۔

  • پی آئی اے نے اخراجات میں کمی اور ریونیو میں اضافے کا فیصلہ کرلیا

    پی آئی اے نے اخراجات میں کمی اور ریونیو میں اضافے کا فیصلہ کرلیا

    کراچی : پی آئی اے نے اپنے اخراجات میں کمی اور ریونیو میں اضافے کیلئے کرائے پر لی گئی عمارتوں میں قائم دفاتر خالی کرنے کا فیصلہ کیاہے، اس کے علاوہ ائرلائن کی ملکیتی عمارتوں کے اضاٖفی حصے کرائے پر دئیے جائیں گے۔

    تفصیلات کے مطابق پی آئی اے نے اپنے معاملات کو بہتر انداز میں چلانے کیلئے اخراجات کو کم کرنے اور ملک کے مختلف شہروں میں کرائے پر لی گئی عمارتوں میں قائم دفاتر خالی کرنے کا فیصلہ کیا ہے، خالی کئے جانے والے دفاتر میں مختلف شہروں کے دفاتر شامل ہیں۔

    اس حوالے سے کراچی میں قائم پی آئی اے میڈیکل او پی ڈی کی عمارت خالی کی جائے گی، او پی ڈی کو ابتدائی طور پر پی آئی اے ڈائگناسٹک سینٹر منتقل کرنے کا فیصلہ کیا گیا ہے، بعد ازاں اوپی ڈی کو گلستان جوہر میں ائرلائن کی ملکیتی عمارت میں منتقل کیا جائے گا۔

    علاوہ ازیں راولپنڈی کے میڈیکل سینٹرز بھی پی آئی اے کی ملکیتی عمارت میں منتقل کرنے کا فیصلہ کیا گیا ہے اورلاہور کے میڈیکل سینٹر کو پی آئی اے کی ملکیتی عمارت میں منتقلی بھی پائپ لائن میں شامل ہے۔

    کراچی میں کرائے کی عمارت میں موجود پی آئی اے انویسٹمنٹ کو بھی منتقل کیا جائے گا، سڈکو سیںٹر میں موجود ائرلائن کے ملکیتی ایک فلور کو خالی کرنے کا آغاز کردیا گیا ہے، پہلی منزل پر قائم ایڈمن اور فنانس دفاتر کی ائر لائن ہیڈ آفس منتقلی کی کارروائی جاری ہے۔

    ڈسٹرکٹ منیجر اور سیلز کے دفاتر کو گراؤنڈ فلور پر بکنگ آفس منتقل کیا جائےگا، منتقلی کے لئے گراؤنڈ فلور کو دو حصوں میں تقسیم کیا جائے گا، گراؤنڈ فلور پر موجود بین الا قوامی سیلز کو ڈومیسٹک کے ساتھ ایڈجسٹ کیا جائے گا۔

  • شاید عمران خان کا شیطان سے مک مکا ہو گیا اس لیے حج پہ نہیں گئے،پرویزرشید

    شاید عمران خان کا شیطان سے مک مکا ہو گیا اس لیے حج پہ نہیں گئے،پرویزرشید

    لاہور: وفاقی وزیر اطلاعات پرویز رشیدکا کہنا ہے کہ وزیر اعظم نوازشریف کی حکومت نے حج کے مقدس فریضے کے لیے بہترین سہولتیں فراہم کیں۔

    تفصیلات کےمطابق پنجاب کے دارالحکومت لاہور میں میڈیا سے گفتگو کرتے ہوئے وفاقی وزیراطلاعات کا کہنا تھا کہ وزیراعظم نوازشریف اور اپنی طرف سے پوری قوم کو حج کی مبارکباددیتا ہوں۔

    وفاقی وزیر پرویز رشید کا کہنا تھا کہ نوازشریف کی حکومت میں چارحج ہوئے ہماری حکومت میں جب بھی حاجی حج کرکے آئے تو انہوں نے انتظامات کی تعریف کی۔

    انہوں نےکہا کہ اللہ کا شکر ہے کہ مسلم لیگ ن کی حکومت میں حج کی سعادت سستی ہوئی.سرکاری حج کے اخراجات اور سہولت بھی بہتر ہوئی۔

    پرویز رشید نے مزید کہاکہ حج کے مقدس مہینے میں عمران خان نے دو وعدے کئے ، ایک وعدہ حج پر تشریف لےجانے کا کیا دوسرا رائیونڈ جانے کا ،عمران حج پر اس لئے نہیں گئے کہ اللہ نے انہیں اجازت نہیں دی ،دوسری وجہ یہ بھی ہو سکتی ہے کہ عمران خان کا شیطان سے مل مکا ہو گیا۔

    پرویز رشید نے کہا کہ سب لوگوں کی خواہش ہوتی ہے کہ سرکاری حج کے انتظامات سے مستفید ہوں کیوں کہ پیسے بھی کم خرچ ہوتے ہیں۔

    واضح رہے کہ پرویز رشید کا کہنا تھا کہ ہماری حکومت سے پہلے سرکاری حج پر زیادہ پیسے خرچ ہوتے تھے لیکن وزیراعظم نوازشریف نے حج کے اخراجات میں کمی کی تاکہ زیادہ سے زیادہ عوام اس سے مستفید ہوسکے۔