اسلام آباد : وفاقی ترقیاتی پروگرام کے اخراجات کی تفصیلات سامنے آگئیں ، جس میں بتایا کہ جولائی تا دسمبر2023 وفاقی ترقیاتی منصوبوں کیلئے 305 ارب 96کروڑ جاری کیے گئے۔
تفصیلات کے مطابق وزارت منصوبہ بندی نے وفاقی ترقیاتی پروگرام کے اخراجات کی تفصیلات جاری کردیں، جس میں بتایا گیا کہ رواں مالی سال پہلی ششماہی میں 149 ارب 67 کروڑ روپے سے زیادہ خرچ کئے۔
دستاویز میں کہا گیا کہ جولائی تادسمبر2023 وفاقی ترقیاتی منصوبوں کیلئے 305 ارب 96 کروڑ جاری کیے گئے جبکہ وفاقی وزارتوں اور ڈویژنز کے منصوبوں پر 130 ارب 16 کروڑ روپے سےزیادہ خرچ کئے۔
وزارت منصوبہ بندی کا کہنا تھا کہ نیشنل ہائی وے اتھارٹی کے ترقیاتی منصوبوں پر 13 ارب روپے سے زیادہ اور وزارت آبی وسائل کے منصوبوں پر 25 ارب 13 کروڑ روپے سے زیادہ خرچ ہوئے۔
دستاویز کے مطابق ریلوے ڈویژن کے ترقیاتی منصوبوں پر 11 ارب 44 کروڑ روپے سے زیادہ ، ہائر ایجوکیشن کمیشن کے ترقیاتی منصوبوں پر 9 ارب 4 کروڑ روپے سے زیادہ اور وزارت ہاؤسنگ و تعمیرات کے منصوبوں پر 4 ارب 86 کروڑ روپے سے زیادہ خرچ ہوئے۔
وزارت منصوبہ بندی نے مزید بتایا کہ جولائی تا دسمبرپارلیمنٹرینز کی اسکیموں کیلئے 61ارب28کروڑ روپے جاری کیے گئے ہیں۔
