Tag: اخلاق

کسی انسان کی گفتگو، عادات اور اخلاق اس کی تربیت و فطرت کی نشاندہی کرتی ہیں۔ اگر آپ لوگوں کا رویہ جانچنے میں ماہر ہیں تو آپ باآسانی کسی بھی شخص کی فطرت کا اندازہ لگا سکتے ہیں۔

سماجی ماہرین کا کہنا ہے کہ روزمرہ کی زندگی میں انجام دی جانے والی معمولی عادات اور انداز گفتگو ہمارے اخلاق و تربیت کی تصویر پیش کرتے ہیں۔

مزید پڑھیں: وہ عادات جو آپ کو بدتہذیب ظاہر کریں

آج ہم آپ کو ایسے کچھ آداب سے روشناس کروانے جارہے ہیں جو بدلتی ہوئی اقدار کو مدنظر رکھتے ہوئے اپنائی جانی ضروری ہیں، بصورت دیگر آپ اپنے حلقہ احباب میں نہایت ناپسندیدہ سمجھے جاسکتے ہیں۔

کسی بھی شخص کو فون کرنے سے پہلے اپنا پیغام روانہ کریں کہ آپ اس سے بات کرنا چاہتے ہیں۔ اگر آپ کو فوری طور پر کال کرنی ہو تو دو دفعہ سے زیادہ کال مت کریں۔ اگر وہ شخص 2 دفعہ کال کرنے پر بھی فون نہ اٹھائے تو اس کا مطلب ہے کہ وہ نہایت ضروری کام میں مصروف ہے۔

[bs-quote quote=”رات دیر سے کسی شخص کو فون مت کریں۔” style=”style-7″ align=”left”][/bs-quote]

کسی شخص کے ہاتھ سے کچھ گر جائے، کھانا کھاتے ہوئے کسی شخص کو چمچہ یا کانٹا استعمال نہ کرنا آتا ہو، یا دوران محفل کوئی شخص چھینکے یا کھانسے، تو اس شخص کو گھورنے سے پرہیز کریں۔

باتھ روم استعمال کرتے ہوئے جب ایک باتھ روم زیر استعمال ہو تو اس کے بالکل برابر والا باتھ روم استعمال کرنے سے گریز کریں۔ ایسا کرنا اس شخص کو اور خود آپ کو بھی غیر آرام دہ بنا سکتا ہے۔

کسی سے معمولی سی بھی رقم لیں تو اسے ضرور واپس کریں چاہے وہ کتنی ہی معمولی کیوں نہ ہو اور چاہے دینے والے نہ مانگا ہو۔ یہی اصول چھتری، پین یا دیگر چھوٹی موٹی اشیا پر بھی لاگو ہوتا ہے۔

اگر آپ کسی کی دعوت پر کسی ریستوران میں موجود ہیں تو کوئی مہنگی چیز آرڈر کرنے سے گریز کریں۔ کوشش کریں کہ میزبان کو خود ہی آرڈر کرنے کا کہیں۔

غیر ضروری سوالات پوچھنے اور تبصرے کرنے سے گریز کریں جیسے ’او ہو آپ کی ابھی تک شادی نہیں ہوئی‘، یا ’آپ نے اب تک گھر کیوں نہیں خریدا‘، یا ’آپ کے بچے کیوں نہیں ہیں‘۔ ان تمام مسئلوں سے آپ کا کوئی تعلق نہیں لہٰذا اپنے کام سے کام رکھیں۔

[bs-quote quote=”مختلف سیاسی وابستگیوں اور خیالات کا احترام کریں۔” style=”style-7″ align=”left”][/bs-quote]

اگر آپ کسی دوست کے ساتھ مشترکہ سواری میں جارہے ہوں اور بل اس نے دیا ہو، تو اگلی بار یہ ذمہ داری لازمی آپ اٹھائیں۔

اگر آپ کسی سے مذاق کر رہے ہوں اور اس کے تاثرات سے لگ رہا ہو کہ وہ اسے پسند نہیں کر رہا تو مزید مذاق مت کریں۔

آپ کی گفتگو کے دوران اگر سامنے والا آپ سے نظریں چرائے، پہلو بدلے یا مختصر جواب دے تو اپنی لمبی گفتگو ختم کردیں۔

ٹرین یا ہوائی جہاز میں لمبے سفر سے قبل غسل ضرور کریں تاکہ دوران سفر آپ کے قریب بیٹھنے والے اذیت سے دو چار نہ ہوں۔

اگر کوئی شخص اپنے فون میں آپ کو کچھ دکھائے تو فون کو اسکرول کرنے سے گریز کریں۔ دوسرے شخص کے فون میں اس کی ذاتی چیزیں ہوسکتی ہیں جو اسکرول سے سامنے آسکتی ہیں۔

مزید پڑھیں: پیشہ ورانہ زندگی میں اپنائے جانے والے آداب