Tag: اداروں کیخلاف ہرزہ سرائی

لاہور : بانی پی ٹی آئی کیخلاف اداروں کیخلاف ہرزہ سرائی پر تحقیقات شروع کردی گئیں، ان کیخلاف شکایت محکمہ داخلہ پنجاب کو موصول ہوئی تھی۔

تفصیلات کے مطابق بانی پاکستان تحریک انصاف کی مشکلات میں اضافہ ہوگیا، ذرائع نے بتایا کہ اداروں کیخلاف ہرزہ سرائی پر ان کیخلاف شکایت موصول ہوئی۔

ذرائع کا کہنا تھا کہ پاکستان تحریک انصاف کے بانی کیخلاف شکایت راولپنڈی میں صحافی کی جانب سے درج کرائی گئی، جس کے بعد ان  کیخلاف موصول ہونے والی شکایت پر تحقیقات کا آغاز کردیا گیا ہے۔

ذرائع نے بتایا کہ اداروں کیخلاف ہرزہ سرائی پر تحقیقات اور پروپیگنڈے کی بنیاد پر مقدمہ ہوگا۔

یاد رہے پنجاب کابینہ اپنے آخری اجلاس میں اداروں کیخلاف ہرزہ سرائی پر مقدمے کی منظوری دے چکی ہے۔

خیال رہے پاکستان تحریک انصاف کے بانی پی ٹی آئی  کے اکاؤنٹ سے افواج کے خلاف ٹوئٹر پر گمراہ کن ویڈیو لگائی گئی تھی، بعد ازاں چیئرمین پی ٹی آئی بیرسٹر گوہر نے کہا تھا کہ متنازع سوشل میڈیا مہم کا بانی   کوعلم ہی نہیں تھا، ان کا اپنے اکاؤنٹ سے ہونے والی ٹوئٹ سے کوئی تعلق نہیں، وہ جیل میں ہیں اور ہر ویڈیو یا کانٹینٹ کو منظور نہیں کرتے۔