Tag: ادارہ شماریات

اسلام آباد : ایک ہفتے میں مہنگائی کی شرح میں 1.11 فیصد کا بڑااضافہ ریکارڈ کیا گیا اور ہفتہ وارمہنگائی کی سالانہ شرح 32.39 فیصد پر پہنچ گئی۔

تفصیلات کے مطابق نئی حکومت کے پہلے ہفتے ہی مہنگائی کی شرح میں بڑا اضافہ ریکارڈ کیا گیا، ادارہ شماریات نے ہفتہ وار مہنگائی کی رپورٹ جاری کردی۔

جس میں بتایا کہ ایک ہفتے میں مہنگائی کی شرح میں 1.11 فیصد اضافہ ریکارڈ ہوا اور ہفتہ وارمہنگائی کی سالانہ شرح32.39 فیصد ہوگئی۔

ادارہ شماریات نے کہا ہے کہ ایک ہفتے میں 14 اشیائے ضروریہ کی قیمتوں میں اضافہ ہوا، پیاز 60 روپے28 پیسے اضافے سے 238 روپے 30 پیسےفی کلو ہوگئی جبکہ ایک ہفتے میں آلو 13 روپے 36 پیسےفی کلو مہنگے ہوئے۔

رپورٹ میں کہا گیا کہ کیلے10روپے22پیسے، انڈے6روپے71پیسے فی درجن مہنگے ہوئے جبکہ بیف 11 روپے 76 پیسے، مٹن 8 روپے 83 پیسے فی کلو مہنگا ہوا۔

ادارہ شماریات کے مطابق ایک ہفتے میں 14 اشیائے ضروریہ کی قیمتوں میں کمی ہوئی، برائلر مرغی 31 روپے 3 پیسے فی کلو سستی اور چائے کا 190 گرام پیکٹ 7 روپے 13 پیسے سستا ہوا۔

لہسن 2 روپے 33 پیسے فی کلو، اڑھائی کلو گھی کا ڈبہ 2روپے49پیسے سستا ہوا جبکہ دال چنا، باسمتی چاول، آٹے کا تھیلا اور چینی بھی سستی ہوئی تاہم ایک ہفتے میں 23 اشیائے ضروریہ کی قیمتوں میں استحکام رہا۔

اسلام آباد : ہفتہ وارمہنگائی کی شرح 1.36فیصد اضافے کے بعد 44.16 فیصد کی سطح پر پہنچ گئی، 21 اشیائے ضروریہ کی قیمتوں میں اضافہ ہوا۔

تفصیلات کے مطابق ادارہ شماریات نے ہفتہ وار مہنگائی کے اعدادو شمار جاری کردیے ، جس میں بتایا گیا ہے کہ ہفتہ وار مہنگائی کی شرح میں1.36فیصد کا بڑا اضافہ ریکارڈ کیا گیا۔

ادارہ شماریات کا کہنا تھا کہ ہفتہ وارمہنگائی کی شرح44.16فیصدکی سطح پرپہنچ گئی، حالیہ ہفتے 21 اشیائے ضروریہ کی قیمتوں میں اضافہ ہوا۔

اعدادو شمار میں بتایا گیا کہ ایک ہفتے میں ٹماٹر19 روپے 41 فی کلو ، پیاز 17 روپے 29 پیسے،چکن 26 روپے31 پیسےفی کلو مہنگا ہوا جبکہ انڈے 17 روپے 22 پیسے، دال چنا 5 روپے 32 پیسے فی کلومہنگی ہوئی۔

ایک ہفتے میں ایل پی جی کاسلنڈر275 روپے، دال ماش4 روپے 40 پیسے،آٹےکا تھیلا6 روپے 53 پیسے مہنگا ہوا۔

ادارہ شماریات کے مطابق ایک ہفتے میں 8 اشیا کی قیمتیں کم ہوئیں، آلو3 روپے 79 پیسےفی کلو، چینی66پیسے سستی ، اڑھائی کلو گھی کا ٹن3 روپے 84 پیسے سستاہوا۔

ادارہ شماریات نے مزید کہنا تھا کہ ایک ہفتے میں 22 اشیا کی قیمتیں مستحکم رہیں۔

اسلام آباد : رواں مالی سال کے پہلے 4 ماہ موبائل فونز کی درآمد میں بڑااضافہ  ریکارڈ کیا گیا اور درآمدات کا حجم 47کروڑڈالرز رہا۔

تفصیلات کے مطابق ادارہ شماریات نےجولائی تا اکتوبر تک موبائل فونز کی درآمدات کے اعداد و شمارجاری کردئیے۔

ذرائع نے کہا ہے کہ جولائی تا اکتوبر موبائل فونز کی امپورٹس میں 107.91فیصد کا بڑااضافہ ریکارڈ کیا گیا ، رواں مالی سال کے پہلے 4 ماہ میں موبائل درآمدات کا حجم 47کروڑڈالرز رہا۔

گزشتہ سال اس عرصے میں 22 کروڑ60 لاکھ 51 ہزار ڈالر کے موبائل منگوائے گئے تھے، ادارہ شماریات نےجولائی تا اکتوبردرآمدات کے اعدادوشمارجاری کردئیے۔

ادارہ شماریات کا کہنا ہے کہ مالی سال کے4ماہ میں ٹیلی کام سیکٹر کی درآمدات میں 75.60فیصد اضافہ ہوا، جس کے بعد ٹیلی کام سیکٹر کی درآمدات کا حجم 60کروڑ 68لاکھ 65 ہزار ڈالرز رہا، گزشتہ سال اس عرصے میں درآمدات 34 کروڑ 56لاکھ ڈالرز رہا تھیں۔

جولائِی تااکتوبر موبائل سازوسامان کی درآمدات میں 14.50 فیصد اضافہ ہوا اور اس عرصے میں 13 کروڑ 68 لاکھ73 ہزارڈالرزکا موبائل کا سازوسامان منگوایاگیا۔

اسلام آباد: ملک میں مہنگائی میں اضافے کا رجحان جاری ہے، ایک ہفتے میں 30 اشیائے ضروریہ کی قیمتوں میں مزید اضافہ ہوا ۔

تفصیلات کے مطابق ادارہ شماریات نے مہنگائی کی ہفتہ وار رپورٹ جاری کردی، جس کے مطابق ہفتہ وار بنیادوں پر مہنگائی کی مجموعی شرح 29.16 فیصد پر پہنچ گئی۔

رپورٹ کے مطابق ایک ہفتے میں ٹماٹر، چینی، انڈے، لہسن ، دال مسور، دال مونگ، ایل پی جی سمیت 30 اشیائے ضروریہ کی قیمتوں میں اضافہ ریکارڈ کیا گیا۔

رپورٹ کے مطابق ایک ہفتے میں ٹماٹر 26 روپے 32 پیسے، چینی کی قیمت میں 6 روپے 63 پیسے، لہسن 8 روپے 4 پیسے، چاول 2 روپے 69 پیسے، دال مسور 2 روپے 29 پیسے ،دال مونگ 1 روپے 62 پیسے فی کلو مہنگے ہوئے۔

ادارہ شماریات کے مطابق ایک درجن انڈوں کی قیمت میں 11 روپے 7 پیسے اضافہ ہوا، حالیہ ہفتے ایل پی جی کا گھریلو سلنڈر 13 روپے 57 پیسے تک مہنگا ہوا۔

ادارہ شماریات کئ جانب سے جارری کردی مہنگائی کی ہفتہ وار رپورٹ کے مطابق حالیہ ہفتے میں 9 اشیا کی قیمتوں میں کمی اور 12 ایشیا کی قیمتوں میں استحکام رہا۔

رپورٹ کے مطابق حالیہ ہفتے میں پیاز، آٹا، چکن، آئل سمیت 9 اشیا کی قیمتوں میں معمولی کمی ہوئی۔

اسلام آباد : پاکستان میں مئی کے مقابلے میں جون میں مہنگائی میں کمی ریکارڈ کی گئی، جون میں مہنگائی کی شرح 29.4 فیصد پر رہی۔

تفصیلات کے مطابق ادارہ شماریات نے ماہانہ مہنگائی کے اعداد و شمار جاری کردیے، جس میں بتایا گیا ہے پاکستان میں جون میں ماہانہ مہنگائی کی شرح 29.40فیصد رہی،جبکہ مئی میں مہنگائی کی شرح اڑتیس فیصد پر پہنچ گئی تھی۔

اعداد و شمار میں بتایا گیا ہے کہ شہری علاقوں میں مہنگائی کی شرح 27.3فیصد، دیہی علاقوں میں مہنگائی کی شرح 32.4 فیصد پر رہی جبکہ گزشتہ سال جون میں مہنگائی کے شرح 21.3 فیصدپرتھی۔

یاد رہے مہنگائی میں0.33 فیصد مزید اضافہ کردیا گیا جس کے بعد افراط زر کی مجموعی شرح 34.05فیصد ہوگئی ہے۔

تفصیلات کے مطابق ادارہ بیورو شماریات نے مہنگائی سے متعلق ہفتہ وار رپورٹ جاری کی تھی ، جس کے تحت مہنگائی میں0.33 فیصد مزید اضافہ ہوا ، جس کے بعد افراط زر کی مجموعی شرح 34.05فیصد ہوگئی تھی۔

ادارہ بیورو شماریات کے مطابق حالیہ ہفتے میں 20 اشیاء مہنگی اور12 اشیاء سستی جبکہ 19 اشیاء کی قیمتوں میں استحکام رہا۔

ادارہ شماریات کے مطابق ایک ہفتے میں آٹا 4.95 فیصد مہنگا، آلو 2.60اور چینی 2.49 فیصد مہنگی ہوئی، دال ماش، چکن، بیف، مٹن، لہسن کی قیمتیں بھی بڑھیں۔