ARYNews.tv | Urdu – Har Lamha Bakhabar

Tag: ادارہ شماریات

  • ملک میں مہنگائی میں اضافے کی شرح 4 سال کی بلند ترین سطح پر

    ملک میں مہنگائی میں اضافے کی شرح 4 سال کی بلند ترین سطح پر

    اسلام آباد: ملک میں مہنگائی کی شرح میں اضافہ ہوگیا جس کے بعد مہنگائی میں اضافے کی شرح 4 سال کی بلند ترین سطح پر پہنچ گئی۔

    تفصیلات کے مطابق پاکستان ادارہ شماریات نے تازہ ترین اعداد و شمار جاری کرتے ہوئے کہا ہے کہ ملک میں مہنگائی میں اضافے کی شرح 4 سال کی بلند ترین سطح پر پہنچ گئی ہے۔

    ادارہ شماریات کے مطابق مہنگائی میں اضافے کی شرح 7 فیصد ریکارڈ کی گئی۔ گزشتہ ماہ مہنگائی کی شرح 5.12 فیصد تھی۔

    ادارہ شماریات کا کہنا ہے کہ مہنگائی میں اضافے کی وجہ عالمی منڈی میں خام تیل کی قیمتوں میں اضافہ ہے جبکہ گیس کی قیمتوں میں اضافے کے باعث بھی مہنگائی میں اضافہ ہوا۔

    خیال رہے کہ چند روز قبل اسٹیٹ بینک نے ملکی معیشت پر رپورٹ جاری کی تھی جس میں مہنگائی میں اضافہ، شرح نمو میں کمی ،مالیاتی خسارے اور جاری کھاتوں میں اضافہ کی پیشگوئی کی گئی تھی۔

    رپورٹ میں کہا گیا تھا کہ بجلی اور گیس کی قیمتوں میں اضافے اور خام تیل مہنگا ہونے کے باعث مہنگائی میں نمایاں اضافہ ہوگا۔

    اسٹیٹ بینک کے مطابق مہنگائی آئندہ چند ماہ میں دگنی ہوجائے گی اور اضافے کی شرح ساڑھے 7 فیصد سے تجاوز کر سکتی ہے۔

  • رواں ماہ مہنگائی کی شرح میں اضافہ

    رواں ماہ مہنگائی کی شرح میں اضافہ

    اسلام آباد: ادارہ شماریات کا کہنا ہے کہ سال گزشتہ کی نسبت رواں سال جولائی تا اپریل مہنگائی کی شرح 3.77 فیصد ریکارڈ کی گئی۔ صرف ایک ماہ میں مہنگائی کی شرح میں 1.82 فیصد اضافہ ہوا۔

    تفصیلات کے مطابق ادارہ شماریات نے مہنگائی سے متعلق ماہانہ بریفنگ دیتے ہوئے بتایا کہ ایک ماہ میں مہنگائی کی شرح میں 1.82 فیصد اضافہ ریکارڈ کیا گیا۔ اپریل 2017 کے مقابلے میں مہنگائی کی شرح 3.68 فیصد ریکارڈ کی گئی۔

    بریفنگ کے مطابق سال گزشتہ کی نسبت جولائی تا اپریل مہنگائی کی شرح 3.77 فیصد ریکارڈ کی گئی۔

    ادارہ شماریات کا کہنا ہے کہ سبزیاں 15، ٹماٹر 8.47، پھل 6، کتابیں اور اسٹیشنری 5 فیصد مہنگے ہوئے جبکہ مٹی کے تیل میں 31، تعلیم میں 13، اخبار میں 12، چاول میں 11، اور پیٹرول، گوشت میں 10 فیصد اضافہ ہوا۔

    بریفنگ کے مطابق پیاز 11، آلو 7، انڈے 5، گندم اور بیسن 2 فیصد سستے ہوئے۔ ایک سال میں ٹماٹر 47، دال ماش 23، آلو 23، سگریٹ 20، سبزیاں 14، دال مسور 13، چینی 12 اور بیسن 11 فیصد سستے ہوئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاکستان، درآمدات و برآمدات کے عدم توازن کے باعث تجارتی خسارے میں اضافہ

    پاکستان، درآمدات و برآمدات کے عدم توازن کے باعث تجارتی خسارے میں اضافہ

    کراچی : ادارہ شماریات کا کہنا ہے کہ درآمدات اوربرآمدات کے درمیان عدم توازن اور بڑھ گیا ہے جس کی وجہ سے پاکستان کے تجارتی خسارے میں مزید اضافہ ہوگیا ہے.

    اس بات کا انکشاف ادارہ شماریات نے اپنی ایک رپورٹ میں کیا جس میں بتایا گیا ہے کہ اکتوبر میں پاکستان کا تجارتی خسارہ 3 ارب ڈالر رہا جس کی بنیادی وجہ اکتوبرمیں برآمدات میں 8 فیصد جب کہ درآمدات میں 23 فیصد اضافہ ہونا ہے.

    ادارہ شماریات نے ماہ اکتوبر کے لیے تجارتی اعداد و شمار جاری کرتے ہوئے بتایا کہ بر آمدات میں ٹوٹل اضافہ ایک ارب 90 کروڑ ڈالر ہوا جب کہ در آمدات 4 ارب 90 کروڑ ڈالر کی رہیں چنانچہ اس عدم توازن کے باعث ماہ اکتوبر میں تجارتی خسارہ بڑھ گیا.

    دوسری جانب وزیراعظم شاہد خاقان عباسی کی زیرصدارت مشترکہ مفادات کونسل کا 33 واں اجلاس اسلام آباد میں جاری ہے جہاں چاروں صوبوں کے وزرائے اعلیٰ اور کونسل کے دیگر اراکین موجود ہیں.

    خیال کیا جا رہا ہے کہ اس اجلاس میں جہاں حلقہ بندیوں سے متعلق آئینی تجاویز کا جائزہ لیا جائے گا اور مردم شماری سے متعلق صوبوں کے تحفظات دور کیئے جائیں گے وہیں اکتوبر میں درپیش تجارتی خسارے سے متعلق تبادلہ خیال بھی کیا جائے گا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مارچ 2017 میں مہنگائی کی شرح میں اضافہ ہوا ہے‘ ادارہ شماریات

    مارچ 2017 میں مہنگائی کی شرح میں اضافہ ہوا ہے‘ ادارہ شماریات

    اسلام آباد: ادارہ شماریات کا کہنا ہے کہ مارچ 2017 میں مہنگائی کی شرح میں اضافہ ہوا ہے.وزیراعظم کا آلوٹماٹر سستے کرنےکا دعویٰ دھرے کا دھرا رہ گیا۔

    تفصیلات کے مطابق چیف ادارہ شماریات کا کہنا ہے کہ مارچ 2017 میں مہنگائی کی شرح میں 0.84 فیصد اضافہ ہوا ہے، آصف باجوہ نے بریفنگ دیتے ہوئے کہا کہ مارچ 2016 کے مقابلے میں مارچ 2017 میں مہنگائی کی شرح 4.94 فیصد ریکارڈ کی گئی ہے.

    مالی سال 17-2016 کے 9 ماہ میں مہنگائی کی شرح 4.01 فیصدریکارڈکی گئی ہے، سب سے زیادہ ٹماٹر کی قیمتوں میں 68 فیصد اضافہ ہوا ہے،سبز مرچ 36 فیصد، چکن 22 فیصد اور پیاز میں 18 فیصد اضافہ ہوا ہے.

    انڈوں کی قیمت میں21 فیصد،مٹر 8 1 فیصد کی کمی واقع ہوئی ہے ، چنے کی دال 8 ، مسورکی دال 5، بیسن 4 اورچینی کی قیمت 4 فیصدکمی ہوئی ہے، جبکہ مارچ 2016کی نسبت مارچ 2017 میں ٹماٹر کی قیمت 128 فیصد اضافہ ریکارڈ کیا گیا ہے، آلو 50، چنا43، ایل پی جی 24 فیصد مہنگی ریکارڈ کی گئی ہے.

    چکن19، پیٹرول16، ڈیزل15 ،چائے16 فیصد مہنگی ریکارڈ کی گئی،دال ماش کی قیمت20فیصد، پیاز17، دال مونگ17، دال مسور 9 فیصد سستی ہوئی ہے۔

    آلو پانچ روپے کلو

    یاد رہے کہ گذشتہ سال وزیراعظم پاکستان نواز شریف نے دعوی کیا تھا کہ ہماری حکومت میں‌ آلو پانچ روپے کلو ہوئے ہیں، انہوں نے اپنی حکومت کی خوبیاں گنواتے ہوئے کہا تھا کہ ہم نے پیٹرول اور ڈیزل توسستا کیا سو کیا، اب تو مارکیٹ میں آلو پانچ سات روپے کلو فروخت ہو رہے ہیں ، جبکہ حقائق اس کے برعکس ہیں، وزیراعظم پاکستان نواز شریف کے اس بیان کے بعد اپوزیشن نے ان کو شدید تنقید کا نشانہ بنایا تھا.

  • مردم شماری کےدوسرے فیزکاآغازجمعےسےہوگا

    مردم شماری کےدوسرے فیزکاآغازجمعےسےہوگا

    اسلام آباد : چھٹی خانہ ومردم شماری کےپہلے مرحلے کادوسرا بلاک جمعے سے شروع ہورہا ہے۔

    تفصیلات کےمطابق مردم شماری کےپہلے مرحلے کا دوسرا بلاک جمعے سےشروع ہوگا۔جو اگلے مہینے کی تیرہ تاریخ کو مکمل ہوگا۔

    اس مرحلے کے دوران صوبہ خیبرپختونخوا کےچھ ہزار چارسوپینتالیس،فاٹا کےایک سو پچیس،پنجاب کےبیس ہزارایک سو اٹھاسی،سندھ کے نوہزار اکیاسی،بلوچستان کےدوہزار آٹھ سوچودہ، آزادکشمیر کےایک ہزاردوسوبائیس اورگلگت بلتستان کےتین سوساٹھ بلاک میں خانہ ومردم شماری ہوگی۔

    پہلےمرحلے کے دوسرے بلاک میں خانہ شماری کاعمل جمعے سے شروع ہوگااور تین روز تک جاری رہےگا۔

    خیال رہے کہ وفاقی دارالحکومت اسلام آباد میں پاکستان ادارہ شماریات میں ایک کنٹرول روم قائم کیا گیا ہےجہاں اب تک شہریوں کی جانب سے1400شکایات موصول ہوئی ہیں۔

    مزید پڑھیں:مردم شماری: کوئٹہ میں ایک ہی والد کے 33 بچے

    یاد رہےکہ مردم شماری کے پہلے مرحلے میں کراچی میں رات کےوقت لوگوں کی گنتی کی گئی۔

    مردم شماری کی ٹیموں نےفٹ پاتھ پر زندگی بسرکرنےوالےافراد کا ڈیٹا جمع کیا۔ضلع جنوبی میں بےگھر افراد کی گنتی کی گئی۔مردم شماری کےپہلےمرحےکاپہلابلاک مکمل ہوگیا۔

    واضح رہےکہ ترجمان مردم شماری کےمطابق پہلے بلاک کے دوران خانہ شماری و مردم شماری مکمل کر لی گئی ۔ذرائع کےمطابق اب تک دس لاکھ سے زائد افراد کا ڈیٹا نادرا سے تصدیق کرایا جا چکا ہے۔

  • ملک میں مردم شماری2مرحلوں میں کی جائےگی‘آصف باجوہ

    ملک میں مردم شماری2مرحلوں میں کی جائےگی‘آصف باجوہ

    اسلام آباد: چیف شماریات آصف باجوہ کاکہناہے کہ ملک میں مردم شماری دومرحلوں میں کی جائے گی،مردم شماری کے لیے45000 سیکورٹی اہلکاروں کی خدمات لیں گے۔

    تفصیلات کےمطابق اسلام آباد میں چیف شماریات آصف باجوہ نےمیڈیا کو بریفنگ میں بتایا کہ آرمی، رینجرز، ایف سی اور پولیس مردم شماری کے لیے تعاون کرے گی۔

    انہوں نے کہا کہ سیکیورٹی پر تقریباََ 7 ارب روپے خرچ آئےگا۔مردم شماری کے لیےحساس علاقوں کی نشاندہی کے لیے صوبائی حکومتوں کو کہہ دیا ہے۔

    آصف باجوہ کا کہناتھا کہ صوبائی حکومتوں کی جانب سے حساس علاقوں کی نشاندہی پرفوج سے تعاون کی درخواست کی جائے گی،جبکہ مردم شماری کا پہلا مرحلہ چاروں صوبوں سے بیک وقت شروع ہو گا۔

    انہوں نے بتایا کہ خیبر پختونخواہ میں مردان اور پشاور سے مردم شماری شروع ہو گی،جبکہ پنجاب میں لاہور فیصل آباد ، ڈیرہ غازی خان اورسرگودھا سے شروع ہو گی۔

    چیف ادارہ شماریات کا کہناتھاکہ دارلحکومت اسلام آباد مکمل طور پر پہلے مرحلے میں شامل ہو گا۔

    بلوچستان میں کوئٹہ زوب، سبی مکران سے مردم شماری کا آغاز کریں گے،جبکہ سندھ میں کراچی اورحیدر آباد سے آغاز ہوگا۔

    آصف باجوہ نے بتایا کہ آزاد کشمیر، فاٹا اور بچ جانے والے علاقوں میں مردم شماری دوسرے مرحلے میں ہو گی۔انہوں نے بتایا کہ مردم شماری کے لیےٹریننگ کا آغاز شروع کرنے والے ہیں۔

    مزید پڑھیں:سپریم کورٹ کا15مارچ سےمردم شماری کاآغازکرنےکاحکم

    واضح رہے کہ گزشتہ سال دسمبر میں سپریم کورٹ آف پاکستان نےحکومت کو 15مارچ 2017 تک مردم شماری کرانےکا حکم دے دیاتھا۔

  • برآمدات میں کمی،تجارتی خسارے میں اضافہ

    برآمدات میں کمی،تجارتی خسارے میں اضافہ

    اسلام آباد: ملکی برآمدات میں کمی اور تجارتی خسارے میں اضافہ رواں مالی سال میں جولائی تا ستمبرمیں تجارتی خسارہ 30 فیصد اضافے کے بعد 7 ارب ڈالر سےتجاوز کرچکاہے۔

    تفصیلات کےمطابق ادارہ شماریات کی رپورٹ کے مطابق ملکی برآمدات میں کمی آئی ہے اور ستمبر 2016 کے دوران ستمبر 2015 کے مقابلے میں ملکی برآمدات میں 10.6 فیصد کمی ریکارڈہوئی۔

    رپورٹ کے مطابق جولائی تا ستمبر کے دوران درآمدات پونے گیارہ فیصد اضافے کے بعد 11 ارب 75 کروڑ ڈالر رہیں جو کہ گزشتہ سال اسی مدت کے دوران 10 ارب 90 کروڑ ڈالر تھیں۔

    ادارہ شماریات کا کہنا ہےکہ رواں مالی جولائی تا ستمبرکے دوران اب تک ملکی برآمدات میں 9 فیصد تک کمی واقع ہوئی ہے۔

    خیال رہے کہ گذشتہ ماہ اس حوالے سے رپورٹس سامنے آئی تھیں کہ ملکی برآمدات بڑھانے کے مختلف اقدامات کے لیے6 ارب روپے کے فنڈز کے اجرا کا عمل تعطل کا شکار ہوگیا ہے۔

    واضح رہے کہ رواں مالی سال کے پہلے دو ماہ کے دوران برآمدات میں 8 اعشاریہ 19 فیصد کمی کے باوجود وزارت خزانہ کی جانب سے کوئی فنڈز جاری نہیں کیے گئے۔

  • خام تیل اورغذائی مصنوعات کی درآمد میں اضافہ

    خام تیل اورغذائی مصنوعات کی درآمد میں اضافہ

    اسلام آباد : روال مالی سال 2014-15ء کے پہلے چار ماہ ( جولائی تا اکتوبر 2014ء ) میں خام تیل اور غذائی مصنوعات کی درآمد میں 7.34 فیصد اضافہ ہوا ۔

    ادارہ شماریات کے مطابق ان دو مصنوعات کی درآمد جولائی تا اکتوبر 2014ء کے دوران 7.02 بلین ڈالر رہی جو کہ گزشتہ سال کے اس عرصہ میں 6.54 بلین ڈالر پر تھیں ۔

    پاکستان کی طرف سے خام تیل اور غذائی مصنوعات کی درآمد میں اضافہ جولائی 2014ء کے بعد سے پہلی بار اضافہ ہوا ، غذائی اشیاء کی درآمد میں 41.65 فیصد سے 1.954 بلین ڈالر اضافہ ہوا۔

    پام آئل کی درآمد میں 4.37 فیصد ‘ دالوں کی درآمد میں 28.13 فیصد اور دوسری متفرق غذائی مصنوعات کی درآمد میں 97.65 فیصد اضافہ ہوا۔

    شماریاتی رپورٹ کے مطابق خوردنی تیل کی درآمد کا خرچہ جولائی تا اکتوبر کے دوران بڑھ کر 5.066 بلین ڈالر پر آگیا ، خام تیل (کروڈ) کی درآمد 3.56 فیصد اور پٹرولیم مصنوعات کی درآمد میں 0.73 فیصد کمی واقع ہوئی۔

  • حلال گوشت کی برآمدات سے 230.2 ملین ڈالر زرمبادلہ کمایا گیا

    حلال گوشت کی برآمدات سے 230.2 ملین ڈالر زرمبادلہ کمایا گیا

    گزشتہ مالی سال 2013-14ءکے دوران حلال گوشت کی برآمدات سے 230.2 ملین ڈالر کا قیمتی زرمبادلہ کمایا گیا جبکہ مالی سال 2012-13ءکے دوران حلال گوشت کی برآمدات سے 211.1 ملین ڈالر کا زرمبادلہ کمایا گیا تھا۔

    ادارہ شماریات کے اعداودشمار کے مطابق اس طرح گزشتہ مالی سال کے دوران حلال گوشت کی برآمدات میں 19.1 ملین ڈالر کا حوصلہ افزاءاضافہ ریکارڈ کیا گیا ۔

    رپورٹ کے مطابق گزشتہ مالی سال کے دوران متفرق غذائی اجناس کی برآمدات سے 4393.7 ملین ڈالر کا زرمبادلہ کمایا گیا جبکہ چاولوں ‘ مچھلی ‘ پھلوں اور تیل دار اجناس کی برآمدات میں اضافہ ہوا ۔

  • ملکی تجارتی خسارے میں 2.48 فیصد تک کمی

    ملکی تجارتی خسارے میں 2.48 فیصد تک کمی

    اسلام آباد :مالی سال 2013-14ءکے دوران ملکی تجارتی خسارہ گذشتہ سال کے مقابلے میں 2.48 فیصد تک کم ہو گیا جبکہ اسی عرصہ کے دوران برآمدات میں 2.75 فیصد اور درآمدات میں 0.36 فیصد کا اضافہ دیکھنے میں آیا ،

    ادارہ شماریات کے دستیاب اعداد و شمار کے مطابق ملک کی برآمدات جولائی سے جون 2013-14ءکے دوران 25.13 ارب ڈالر رہیں، جو جولائی۔ جون 2012-13 کے دوران 24.46 ڈالر تھیں، دوسری جانب جولائی سے جون 2013-14ءکے دوران ملکی درآمدات 45.1 ارب ڈالر رہیں جو جولائی۔

    جون 2012-13 کے دوران 44.95 ارب ڈالر تھیں، اعدادوشمار کے مطابق جولائی۔ جون 2013-14ءکے دوران تجارتی خسارہ 19.98 ارب ڈالر ریکارڈ کیا گیا جو 2012-13ءکے اسی عرصے میں 20.49 ارب ڈالر رہا، اس طرح اس میں 2.48 فیصد کی کمی دیکھنے میں آئی۔