Tag: اداکارہ روینہ ٹنڈن

بھارتی اداکارہ روینہ ٹنڈن نے کہا ہے کہ ابتدائی کیریئر کے دنوں میں جتنا کوئی اداکار ایک فلم سے کماتا تھا اتنا کمانے کے لیے اداکاراؤں کو 15 فلمیں کرنی پڑتی تھیں۔

بالی ووڈ کی معروف اداکارہ روینہ ٹنڈن تین دہائیوں سے بالی ووڈ میں اداکاری کر رہی ہیں، تاہم ایک انٹرویو میں انہوں نے بتایا کہ کیریئر کے آغاز کے دنوں میں اداکاراؤں کو کام کرنے کی جو رقم ملتی تھی وہ انتہائی کم تھی۔

روینہ ٹنڈن نے کہا کہ میل اسٹار کو فی میل اسٹار کے مقابلے میں بہت زیادہ معاوضہ ملتا تھا، اتنا کہ ایک اداکار ایک فلم سے جتنا کماتا تھا اتنا کمانے کے لیے اداکاراؤں کو 15 سے 20 فلمیں کرنی پڑتی تھیں۔

انہوں نے کہا کہ کم از کم میں اپنے بارے میں ضرور بات کروں گی کہ مجھے اپنے ساتھی اداکار کے ایک فلم کے معاوضے تک کمانے کے لیے 15 سے 20 فلمیں کرنی پڑی تھیں۔

اداکارہ نے کہا کہ روینہ نے یہ بھی بتایا کہ عامر خان اور سلمان خان جیسے اسٹار چند وجوہات کی بنا کر مخصوص کام کرتے تھے لیکن آج کے دور میں یہ کام کرنے کا ایک بہت بڑا پیشہ ورانہ طریقہ بن گیا ہے، جو حقیقت میں بہت اچھا ہے۔

ممبئی: بالی ووڈ فلم انڈسٹڑی کی مشہور و معروف اداکارہ روینہ ٹنڈن نے انڈسٹری میں اداکار اور اداکارہ کے درمیان تفریق کرنے والوں پر برس پڑی۔

اداکارہ روینہ ٹنڈن نے ایک انٹرویو میں کہا کہ سپر اسٹار اداکاروں کی نسبت خواتین سپر اسٹارز کو عمر کے طعنے دیئے جاتے ہیں، شوبز میں ایسی تفریق نہیں ہونی چاہیئے۔

اداکارہ کا کہنا تھا کہ جب عامر خان یا سلمان خان کئی عرصے کے بعد کوئی فلم کرتے ہیں تو کہا جاتا ہے کہ اداکار دو سال بعد دوبارہ اسکرین پر جلوہ گر ہوں گے لیکن جب مادھوری نئی فلم میں آئے تو کہا جاتا ہے کہ نوے کی دہائی کی مقبول اداکارہ ایک بار پھر فلم کے پردے میں دکھائی دیں گی۔

روینہ ٹنڈن کا کہنا تھا کہ انڈسٹری میں اس طرح کا دہرا معیار کیوں ہے؟ نوے کی دہائی کی اداکاراؤں کی طرح نوے کی دہائی کے ہیروز سنجے دت، عامر خان اور سلمان خان بھی اب تک کام کر رہے ہیں لیکن ان کو نوے کی دہائی کا اداکار کیوں نہیں بولا اور لکھا جاتا؟

اداکارہ نے انٹرویو میں مزید کہا کہ  کم از کم جو اداکارائیں نوے کی دہائی سے تاحال مسلسل کام کر رہی ہیں انھیں تو نوے کی دہائی کی سپر اسٹار نہ بولیں وہ اب بھی مقبول ہیں اور اگر بولنا ہے تو پھر سنجے دت، عامر خان اور سلمان خان کو بھی نوے کی دہائی کے اداکار بولیں، اس طرح انڈسٹری میں تفریق نہ کریں۔

واضح رہے کہ بالی ووڈ فلم انڈسٹڑی کی مشہور و معروف اداکارہ روینہ ٹنڈن نے  1991 میں فلم پتھر کے پھول سے کیریئر کا آغاز کیا تھا۔